ଜନତା କର୍ଫ୍ୟୁ

ଉଇକିପିଡ଼ିଆ ରୁ
Jump to navigation Jump to search
ଜନତା କର୍ଫ୍ୟୁ
ସମୟ7 AM to 9 PM
ତାରିଖ22 ମାର୍ଚ୍ଚ 2020 (2020-03-22)
ଅବସ୍ଥିତିଭାରତ

"ଜନତା କର୍ଫ୍ୟୁ" ହେଉଛି ଜନସାଧାରଣଙ୍କଦ୍ୱାରା ନିଜ ପ୍ରତି ଜାରି କରାଯାଇଥିଵା ଏକ ନିଷେଧାଦେଶ ବା କର୍ଫ୍ୟୁ [୧]। ଏହି ଶବ୍ଦଟି ପ୍ରଥମେ ଭାରତର ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀଙ୍କଦ୍ୱାରା ୧୯ ମାର୍ଚ୍ଚ ୨୦୨୦ ଗୁରୁବାର ଦିନ ରାତି ୮ଟା ସମୟରେ କରୋନାଭୂତାଣୁ ରୋଗ ୨୦୧୯ ନାମକ ବିଶ୍ୱ ମହାମାରୀ ସମୟରେ ଭାରତର ଜନସାଧାରଣଙ୍କୁ ଦେଇଥିବା ଭାଷଣରେ ବ୍ୟବହାର କରାଯାଇଥିଲା । ସେ ତାଙ୍କ ଅଭିଭାଷଣରେ ୨୨ ମାର୍ଚ୍ଚ ରବିବାର ଦିନ ସକାଳ ୭ ଟାରୁ ୯ ଟା ପର୍ଯ୍ୟନ୍ତ ସାଧାରଣ କର୍ଫ୍ୟୁ ପାଳନ କରିବାକୁ ଭାରତବାସୀଙ୍କୁ ଅନୁରୋଧ କରିଛନ୍ତି । ସେ ଜନତା କର୍ଫ୍ୟୁକୁ “ଜନସାଧାରଣଙ୍କ ପାଇଁ, ଜନସାଧାରଣଙ୍କଦ୍ୱାରା ଲାଗୁ ହୋଇଥିବା କର୍ଫ୍ୟୁ” ବୋଲି ପରିଭାଷିତ କରିଥିଲେ ।[୨]

ପୃଷ୍ଠଭୂମି[ସମ୍ପାଦନା]

ବୈଜ୍ଞାନିକ ଦୃଷ୍ଟିକୋଣରୁ ୧୪ ଘଣ୍ଟାର କର୍ଫ୍ୟୁ କରୋନା ଭାଇରସ୍ ଚକ୍ରରେ ଏକ ବିଛିନ୍ନତା ସୃଷ୍ଟି କରିବ । ସୂଚନା ଅନୁସାରେ କୋରୋନା ଭାଇରସ୍ କୌଣସି ବସ୍ତୁ ଉପରେ ସର୍ବାଧୂକ ୧୨ ଘଣ୍ଟା ହିଁ ବଞ୍ଚି ପାରିବ । ୧୪ ଘଣ୍ଟାର କର୍ଫ୍ୟୁ ମଧ୍ୟରେ ନୂତନ ଶରୀର ନ ମିଳିଲେ ଭାଇରସ୍ ସ୍ୱତଃ ନଷ୍ଟ ହୋଇଯିବ, ଅର୍ଥାତ୍ ନୂତନ ସଂକ୍ରମଣର ସୁଯୋଗ ନାହିଁ । ଆମର ସଡ଼କ, ଅଫିସ୍, ଅନୁଷ୍ଠାନ ଓ ବ୍ୟବସାୟିକ ପ୍ରତିଷ୍ଠାନର ସରଞ୍ଜାମ, କବାଟ, ଲିଫ୍ଟ, ରେଲିଂ ଇତ୍ୟାଦି ସ୍ୱତଃ ଭୁତାଣୁ ଶୂନ୍ୟ ହୋଇଯିବ ।

ମଧ୍ୟପ୍ରଦେଶର ଭୋପାଳରେ ଜନତା କର୍ଫ୍ୟୁ ସମୟରେ ଖାଲି ରାସ୍ତା

ପାଳନ ବିଧି[ସମ୍ପାଦନା]

ମାର୍ଚ୍ଚ ୨୨, ୨୦୨୦ରେ ଜନତା କର୍ଫ୍ୟୁ ୧୪ ଘଣ୍ଟା ପାଇଁ ଲାଗୁ ହେବ । ଏହି ସମୟରେ ସମସ୍ତ ନାଗରିକ ନିଜ ଘରେ ରହି କରୋନା ଭୂତାଣୁ ଦାଉରୁ ନିଜର ପରିବାରକୁ ରକ୍ଷା କରିଵେ । ସମସ୍ତ ଜନସାଧାରଣ କର୍ଫ୍ୟୁରେ ଅଂଶଗ୍ରହଣ କରିବା ଆବଶ୍ୟକ (କିନ୍ତୁ ବାଧ୍ୟତାମୂଳକ ନୁହେଁ) । ପୋଲିସ୍, ଚିକିତ୍ସା ସେବା, ଗଣମାଧ୍ୟମ, ହୋମ ଡେଲିଭରି ପ୍ରଫେସନାଲ ଏବଂ ଅଗ୍ନିଶମ କର୍ମଚାରୀ ଭଳି ଜରୁରୀ ସେବା ଜାରି ରହିବ | ଅପରାହ୍ନ ୫ ଟାରେ ସମସ୍ତ ନାଗରିକମାନେ କବାଟ, ବାଲକୋନି କିମ୍ବା ଝରକା ପାଖରେ ଠିଆ ହୋଇ ତାଳି ଵଜାଇ, ଥାଳି କିମ୍ବା ଘଣ୍ଟି ବଜାଇ ଠିଆ ହୋଇ ଏଭଳି ସମୟରେ ଆମକୁ ଅତ୍ୟାବଶ୍ୟକ ସେବା ଯୋଗାଉ ଥିବା ଵ୍ୟକ୍ତି ଵିଶେଷ ମାନଙ୍କୁ ସମ୍ମାନିତ କରି ଉତ୍ସାହିତ କରିଵେ |

କେତେକ ରାଜ୍ୟ ରେଳ ସେବା ବନ୍ଦ ଭଳି ଅଧିକ ସତର୍କତା ଅବଲମ୍ବନ କରିଛନ୍ତି । ଜନତା କର୍ଫ୍ୟୁ ସମୟରେ ତାମିଲନାଡୁ ଜେଲରେ ପରିଦର୍ଶକଙ୍କୁ ଅନୁମତି ଦିଆ ଯିବ ନାହିଁ କିମ୍ବା ଧୀବରଙ୍କୁ ସମୁଦ୍ରରେ ମାଛ ଧରିବାକୁ ମଧ୍ୟ ଅନୁମତି ଦିଆଯିବ ନାହିଁ [୩]। କେବଳ ଅତ୍ୟାବଶ୍ୟକ ସେବା ପାଇଁ କାର୍ଯ୍ୟ କରୁଥିବା କର୍ମଚାରୀଙ୍କୁ ମୁମ୍ବାଇରେ ସ୍ଥାନୀୟ ଟ୍ରେନରେ ଯାତ୍ରା କରିବାକୁ ଅନୁମତି ଦିଆଯାଇଛି ଏବଂ ରେଳ ସେବାରେ ୩୭୦୦ରୁ ଅଧିକ ରେଳ ବାତିଲ କରିଦିଆଯାଇଛି । କର୍ଫ୍ୟୁ ଲାଗୁ ହେବା ପରେ ଏହି ନିଷେଧାଦେଶ ଆରମ୍ଭ ହେବ କିନ୍ତୁ ମାର୍ଚ୍ଚ ୩୧ରେ ଶେଷ ହେବ ।

ଟ୍ରେନ୍ ଯାତ୍ରା ପାଇଁ ଚାହିଦା ବହୁତ କମ୍ ହେବ ବୋଲି ମନେ ରଖି ଭାରତୀୟ ରେଳ ମାର୍ଚ୍ଚ ୨୧-୨୨ ମଧ୍ୟରାତ୍ରିରୁ ୨୨ ମାର୍ଚ୍ଚ ରାତି ୧୦ ଟା ପର୍ଯ୍ୟନ୍ତ ଯାତ୍ରୀବାହୀ ଟ୍ରେନ୍ ବାତିଲ କରିଦେଇଛି । ପୂର୍ବରୁ ଚଳାଚଳ କରୁଥିବା ଟ୍ରେନ ଗୁଡ଼ିକୁ ସେମାନଙ୍କ ଗନ୍ତବ୍ୟ ସ୍ଥଳରେ ପହଞ୍ଚିବାକୁ ଅନୁମତି ଦିଆଯାଇଥିଲା । ଯେଉଁ ଯାତ୍ରୀଙ୍କ ଟିକେଟ୍ ବାତିଲ କରାଯାଇଥିଲା ସେମାନଙ୍କୁ “ଅସୁବିଧାମୁକ୍ତ ଫେରସ୍ତ” ପ୍ରଦାନ କରାଯାଇଥିଲା ।

ଜନତା କର୍ଫ୍ୟୁକୁ ସମର୍ଥନ କରି ଦିଲ୍ଲୀ, ବାଙ୍ଗାଲୋର ସମେତ ସମସ୍ତ ମେଟ୍ରୋରେ ମେଟ୍ରୋ-ରେଳ ସେବା ବନ୍ଦ କରିବାକୁ ନିଷ୍ପତ୍ତି ନିଆଯାଇଛି ।

ମୋଦିଙ୍କ ଆହ୍ୱାନ କ୍ରମେ ସାରା ଦେଶରେ ଲୋକେ ଅପରାହ୍ନ ୫ରୁ ୫ଘ.୫ ମିନିଟ ଯାଏଁ ତାଳି ଵଜାଇ, ଥାଳି ଓ ଘଣ୍ଟି ବଜାଇ ଠିଆ ହୋଇ ଏଭଳି ସମୟରେ ଆମକୁ ଅତ୍ୟାବଶ୍ୟକ ସେବା ଯୋଗାଉ ଥିବା ଵ୍ୟକ୍ତି ଵିଶେଷ ମାନଙ୍କୁ ସମ୍ମାନିତ କରିଥିଲେ ।

ପରିଣାମ[ସମ୍ପାଦନା]

ଆଧାର[ସମ୍ପାଦନା]

  1. DelhiMarch 19, India Today Web Desk New; March 20, India Today Web Desk New; Ist, India Today Web Desk New. "What is Janata Curfew: A curfew of the people, by the people, for the people to fight coronavirus". India Today (in ଇଂରାଜୀ). Retrieved 23 March 2020.
  2. Bureau, Our. "PM Modi calls for 'Janata curfew' on March 22 from 7 AM-9 PM". @businessline (in ଇଂରାଜୀ). Retrieved 22 March 2020.
  3. Mar 21, M. K. Ananth. "'Janta Curfew': Tamil Nadu imposes various restrictions on fishing, fishing-related activities | Madurai News - Times of India". The Times of India (in ଇଂରାଜୀ). Retrieved 22 March 2020. Text " TNN " ignored (help)