କଲ୍ୟାଣପୁର

କଲ୍ୟାଣପୁର ପୁରୀ ଜିଲ୍ଲାର ଡେଲାଙ୍ଗ ବ୍ଲକ୍ ଅନ୍ତର୍ଗତ କଲ୍ୟାଣପୁର ପଞ୍ଚାୟତରେ ଅବସ୍ଥିତ।

ଭୌଗୋଳିକ ଅବସ୍ଥିତି

ଏହା ଡେଲାଙ୍ଗ ବ୍ଲକ୍ ଅନ୍ତର୍ଗତ କଲ୍ୟାଣପୁର ପଞ୍ଚାୟତରେ ଅବସ୍ଥିତ। ପୁରୀ ଜିଲ୍ଲାଠାରୁ ଏହା ୪୪ କିମି ଦୂରରେ ରହିଛି। ଏହାର ପୂବରେ ତ୍ରିଲୋଲୋଚନପୁର, ଉତ୍ତରରେ ରାଢୁଆ ଓ ଦକ୍ଷିଣରେ କଲ୍ୟାଣପୁର ବଜାର ଅବସ୍ଥିତ।

ଲୋକସଂଖ୍ୟା ଓ ଭରଣପୋଷଣ

ଏହି ଗ୍ରାମର ଲୋକସଂଖ୍ୟା ପ୍ରାୟ ୩୦୦୦। ଏହି ଗ୍ରାମର ଅଧିକାଂସ ଲୋକ ଚାଷ ଉପରେ ନିର୍ଭର କରିଥାନ୍ତି। ଲୋକମାନଙ୍କ ଚାଷରେ ସହଯୋଗ ନିମନ୍ତେ କେନାଲର ବ୍ୟବସ୍ଥା ରହିଛି।

ସୁବିଧାସୁଯୋଗ

ଏହି ଗ୍ରାମରେ ଗୋଟିଏ ପୋଖରୀ, ପାଞ୍ଚୋଟି ବିଦ୍ୟାଳୟ, ଗୋଟିଏ ଶିବ ମନ୍ଦିର, ନିଜସ୍ୱ ଏକ ମେଳନ ପଡ଼ିଆ ରହିଛି। ସେହିପରି ଗୋଟିଏ ଚିକିତ୍ସାଳୟ, ଗୋଟିଏ ଡାକଘର ଓ ଲୋକମାନଙ୍କ ସୁବିଧା ପାଇଁ ଗୋଟିଏ ପରିବାହାଟର ବ୍ୟବସ୍ଥା କରାଯାଇଛି। ଏହି ଗ୍ରାମର ଛାତ୍ରଛାତ୍ରୀମାନଙ୍କ ନିମନ୍ତେ ପାଞ୍ଚୋଟି ବିଦ୍ୟାଳୟ ସହିତ ଗୋଟିଏ କନିଷ୍ଠ ମହାବିଦ୍ୟାଳୟ ରହିଛି। ଲୋକମାନେ ନିଜର ଆବଶ୍ୟକତାକୁ ପୂରଣ କରିବା ପାଇଁ ମୁଖ୍ୟତଃ ବଜାର ଉପରେ ନିର୍ଭର କରିଥାନ୍ତି ଯାହାକି କଲ୍ୟାଣପୁରବଜାର ନାମରେ ପରିଚିତ ।

ଠିକଣା

ଗ୍ରାମ/ପୋ.ଅ: କଲ୍ୟାଣପୁର
ଥାନା: ଡେଲାଂଗ
ଜିଲ୍ଲା: ପୁରୀ, ଓଡ଼ିଶା
ପିନ୍: ୭୫୨୦୧୫