ଅଲିମ୍ପିକ ନ୍ୟାଶନାଲ ପାର୍କ

ଉଇକିପିଡ଼ିଆ ରୁ
ସିଧାସଳଖ ଯିବେ ଦିଗବାରେଣିକୁ, ଖୋଜିବେ
ଅଲିମ୍ପିକ ନ୍ୟାଶନାଲ ପାର୍କ
IUCN Category II (National Park)
Olympic National Park coast.jpg
Location of Olympic National Park
ଅବସ୍ଥାନ Jefferson, Clallam, Mason, and Grays Harbor counties, Washington, USA
ପାଖ ସହର Port Angeles
ଦିଗବାରେଣି 47°58′10″N 123°29′55″W / 47.96935°N 123.49856°W / 47.96935; -123.49856Coordinates: 47°58′10″N 123°29′55″W / 47.96935°N 123.49856°W / 47.96935; -123.49856
କ୍ଷେତ୍ରଫଳ ୯୨୨,୬୫୦ acres (୩୭୩,୩୮୦ ha)[୧]
ସ୍ଥାପିତ June 29, 1938
ପର୍ଯ୍ୟଟକ ସଂଖ୍ୟା 2,966,502   (in 2011) [୨]
ପରିଚାଳନା National Park Service

ଜୈବ ବିବିଧତାରେ ପରିପୂର୍ଣ୍ଣ ଅଲିମ୍ପିକ ନ୍ୟାଶନାଲ ପାର୍କ ଆମେରିକାର ୱଶିଂଟନ ରାଜୟର ଉତ୍ତର-ପଶ୍ଚିମରେ ଅବସ୍ଥିତ । ୯ଲକ୍ଷ ୨୨ ହଜାର ୬୫୦ ଏକର ପରିମିତ ଏହି ପାର୍କକୁ ଚାରିଟି ଭାଗରେ ବିଭକ୍ତ କରାଯାଇଛି । ଯଥା: ପ୍ରଶାନ୍ତ ମହାସାଗରୀୟ ଉପକୂଳ,ଆଲପାଇନ୍ ଅଞ୍ଚଳ,ପଶ୍ଚିମାଞ୍ଚଳ ଚିରହରିତ ଅରଣ୍ୟ ଏବଂ ପୂର୍ବର ଶୁଷ୍କ ଅରଣ୍ୟ । ପ୍ରକୃତରେ ୧୦୦୯ ମସିହାରେ ରାଷ୍ଟ୍ରପତି ଥିଓଡର ରୁଜଭେଲ୍ଟ ପାହାଡ଼ ଓ ଜଙ୍ଗଲ ଘେରା ଏହି ଅଞ୍ଚଳକୁ ନେଇ ମାଉଣ୍ଟ ଅଲିପସ ନ୍ୟାଶନାଲ ମନୁମେଣ୍ଟ ପ୍ରତିଷ୍ଠା କରିଥିଲେ । ୧୯୩୮ରେ ଏହାକୁ ଜାତୀୟ ପାର୍କ ଭାବରେ ଘୋଷଣା ଲାଗି କଂଗ୍ରେସରେ ଏକ ପ୍ରସ୍ତାବ ଆସିଥିଲା ଏବଂ ରାଷ୍ଟର୍ପତି ଫ୍ରାଙ୍କଲିନ ରୁଜଭେଲ୍ଟ ଏହାକୁ ଅନୁମୋଦନ କରିଥିଲେ । ୧୯୭୬ରେ ଅଲିମ୍ପିକ ନ୍ୟାଶନାଲ ପାର୍କ ଏକ ଆନ୍ତର୍ଜାତୀୟ ଜୈବମଣ୍ଡଳରେ ପରିଣତ ହେଲା । ଶେଷରେ ୧୯୮୧ରେ ୟୁନେସ୍କୋର ବିଶ୍ଵ ଐତିହ୍ୟ ତାଲିକାରେ ଏହାକୁ ସ୍ଥାନିତ କରାଗଲା ।

ପରିବେଶ ଓ ଆକର୍ଷଣ[ସମ୍ପାଦନା]

ପାର୍କକୁ ଘେରି ରହିଛି ପ୍ରଶାନ୍ତ ମହାସାଗରପୁଗେଟ ପ୍ରାଣାଳୀ । ଫଳରେ ଏଠାରେ ବହୁ ବିରଳ ଜଳଜୀବ ସହିତ ପ୍ରାଣୀ ଓ ଉଦ୍ଭିଦ ସମ୍ପଦ । ଭୂଗର୍ଭରେଥିବା ଉପନିବେଶୀୟ ପ୍ଲେଟ ମଧ୍ୟରେ ସଂଘାତ ଯୋଗୁଁ ଏହି ପାର୍କର ସୃଷ୍ଟି ହୋଇଥିବା କୁହାଯାଉଅଛି । ପାର୍କ ମଧ୍ୟରେ ଥିବା ମାଉଣ୍ଟ ଅଲିମ୍ପସ ପାହାଡ଼ରେ ୬୦ଟି ସକ୍ରିୟ ହିମବାହ ରହିଛି । ହିମବାହ ଗୁଡିକ ତରଳି ଝରଣା ଆକାରରେ ପ୍ରବାହିତ ହେଉଛି । ସେହି ଭଳି ପାର୍କରେ ରହିଛି ୧୧୭କି.ମି ବ୍ୟାପି ବାଲି ଓ ପଥୁରିଆ ବେଳାଭୂମି । ସେଥିରୁ ୧୩ରୁ ୩୨କି.ମି ଜଙ୍ଗଲରେ ପରିପୂର୍ଣ୍ଣ । ଏହି ବେଳାଭୂମିକୁ ଅନେକ ସମୟରେ ଚାଲିଆସନ୍ତି ସିଲ୍, ତିମି,ସି ଲାୟନ ଏବଂ ସି ଓଟର ଭଳି ସାମୁଦ୍ରିକ ଜୀବ । ତା' ଛଡା ଏଠାରେ ଦେଖାଯାଆନ୍ତି ବିରଳ ପାହାଡି ଛେଳି । ପାର୍କର ପଶ୍ଚିମରେ ପ୍ରବଳରେ ବର୍ଷା ହେଉଥିବା ବେଳେ ପୂର୍ବରେ କମ ବର୍ଷା ହେଇଥାଏ । ତେଣୁ ଏଠାରେ ଏକ ଭିନ୍ନ ପରିବେଶ ଓ ଜଳବାୟୁ ଅନୁଭୂତ ହୁଏ । ବିରଳ ଆଲପାଇନ ଗଛ, ପ୍ରାକୃତିକ ବେଳାଭୂମି ଓ ହିମବାହରୁ ସୃଷ୍ଟି ହୋଇଥିବା ଝରଣା ପାର୍କର ସୌନ୍ଦର୍ଯ୍ୟକୁ ଦ୍ଵିଗୁଣିତ କରିଛି । ଫଳରେ ପ୍ରତିବର୍ଷ ବିଶେଷ କରି ଶୀତଋତୁରେ ଏହି ପାର୍କ ପରିଦର୍ଶନରେ ଦେଶ ବିଦେଶରୁ ଲକ୍ଷାଧିକ ପର୍ଯ୍ୟଟକ ଆସିଥାନ୍ତି । ଶୀତଋତୁରେ ପାର୍କ ଭିତରେ ଥିବା ହରିକେନ ରିଜ ୱ୍ଇଣ୍ଟର ସ୍ପୋର୍ଟ୍ସ କ୍ଲବ ଖୋଲାଯାଇଥାଏ। ତା ଛଡା ଆଲପାଇନ ଜଙ୍ଗଲ ପରିଦର୍ଶନ ପାଇଁ ରହିଛି ରୋପୱ୍ଏ ବ୍ୟବସ୍ଥା । ୨୦୧୧ରେ ଏହି ପାର୍କ ପରିଦର୍ଶନରେ ଆସିଥିଲେ ୨୯ଲକ୍ଷ ୬୬ ହଜାର ପରିଦର୍ଶକ ଆସିଥିବା ଜଣାଯାଏ ।

ଆଧାର[ସମ୍ପାଦନା]

  1. "Listing of acreage as of December 31, 2011" (PDF). Land Resource Division, National Park Service. Retrieved 2012-03-07. 
  2. "Five Year Annual Recreation Visits Report". Public Use Statistic Office, National Park Service. Retrieved 2012-03-07.