ଅରୁଣ ଚନ୍ଦ୍ର ସାହୁ
ଅରୁଣ ଚନ୍ଦ୍ର ସାହୁ | |
|---|---|
| ଜନ୍ମ | ୨୬ ଜାନୁଆରୀ ୧୯୫୪ ଇଟାମାଟି, ନୟାଗଡ଼ |
| ଜାତୀୟତା | ଭାରତୀୟ |
| ଜାତୀୟତା | ଭାରତୀୟ |
| ଶିକ୍ଷାନୁଷ୍ଠାନ | ଉତ୍କଳ ବିଶ୍ୱବିଦ୍ୟାଳୟ |
| ବୃତ୍ତି | ଉଦ୍ଭିଦ ବିଜ୍ଞାନ ଅଧ୍ୟାପକ |
| ଉଲ୍ଲେଖନୀୟ କୃତି | ଜିନ୍ ବିଜ୍ଞାନର ଜୟଯାତ୍ରା |
| ବୈବାହିକ-ସାଥୀ | ଭାନୁମତୀ ସାହୁ |
| ପିତାମାତା(s) | ସାବିତ୍ରୀ ସାହୁ (ମାତା), ହରିହର ସାହୁ (ପିତା) |
| ପୁରସ୍କାର | ରାଜଧାନୀ ପୁସ୍ତକ ମେଳା ପୁରସ୍କାର, ୨୦୧୪ |
ଅରୁଣ ଚନ୍ଦ୍ର ସାହୁ (ଜନ୍ମ: ୨୬ ଜାନୁଆରୀ ୧୯୫୪) ଜଣେ ଓଡ଼ିଆ ଅଧ୍ୟାପକ, ଉଦ୍ଭିଦ ବିଜ୍ଞାନୀ, କବି, ଗାଳ୍ପିକ ଓ ବିଜ୍ଞାନ ଲେଖକ । ସେ ଜିନ୍ ବିଜ୍ଞାନର ଜୟଯାତ୍ରା ପୁସ୍ତକ ପାଇଁ ବିଶେଷ ଜଣାଶୁଣା । ଅଧ୍ୟାପନା ବୃତ୍ତିରୁ ସେ ସେବାନିବୃତ ହୋଇ ସାରିଛନ୍ତି ।
ସଂକ୍ଷିପ୍ତ ଜୀବନୀ
[ସମ୍ପାଦନା]ଅରୁଣ ଚନ୍ଦ୍ର ୧୯୫୪ ମସିହାରେ ନୟାଗଡ଼ ଜିଲ୍ଲା ଅନ୍ତର୍ଗତ ଇଟାମାଟି ଠାରେ ଜନ୍ମଗ୍ରହଣ କରିଥିଲେ । ଭଲ ପାଠ ପଢ଼ୁଥିବାରୁ ୬ଷ୍ଠ ଶ୍ରେଣୀରୁ ବିଜ୍ଞାନରେ ସ୍ନାତକୋତ୍ତର ଶ୍ରେଣୀରେ ପଢ଼ିବା ପର୍ଯ୍ୟନ୍ତ ବୃତ୍ତି ପାଉଥିଲେ । ବାଣୀବିହାରରେ ସ୍ନାତକୋତ୍ତର ପଢ଼ିବା ବେଳେ ଆଲାହାବାଦ ବ୍ୟାଙ୍କରେ ଲିଖିତ ଓ ମୌଖିକ ପରୀକ୍ଷା ଦେଇ ସମଗ୍ର ଓଡ଼ିଶାରେ ପ୍ରଥମ ହୋଇଥିଲେ । ବେଶ୍ କିଛିଦିନ ଉକ୍ତ ବ୍ୟାଙ୍କରେ କାର୍ଯ୍ୟ କଲାପରେ ଉତ୍କଳ ବିଶ୍ୱବିଦ୍ୟାଳୟ ରେ ଉଦ୍ଭିଦ ବିଜ୍ଞାନ ବିଭାଗରେ ଅଧ୍ୟାପକ ଭାବେ ଯୋଗଦେଲେ । ପୁଣି କିଛିଦିନ ପରେ ଇଣ୍ଟରଭ୍ୟୁ ଦେଇ ସାରା ଭାରତରେ ୭ମ ସ୍ଥାନ ଅଧିକାର କରି ଆଲାହାବାଦ ବ୍ୟାଙ୍କର ମ୍ୟାନେଜମେଣ୍ଟ ଟ୍ରେନି (ପ୍ରୋବେସନାରୀ ଅଫିସର କ୍ୟାଡ଼ର) ଭାବେ କାମ କଲେ । ଶେଷରେ ଓପିଏସସି ଦ୍ୱାରା ମନୋନୀତ ହୋଇ ଉଚ୍ଚଶିକ୍ଷା ବିଭାଗରେ ଅଧ୍ୟାପକ ଭାବେ ୧୯୮୦ରୁ ଅଧ୍ୟାପନା ଆରମ୍ଭ କରି ୨୦୧୨ରେ ସମ୍ବଲପୁର ଗଙ୍ଗାଧର ମେହେର ସ୍ୱୟଂଶାସିତ ମହାବିଦ୍ୟାଳୟରୁ ପ୍ରଫେସର ଓ ବିଭାଗୀୟ ମୁଖ୍ୟ ରୂପେ ଅବସର ନେଲେ ।[୧] ଜଣେ କବି ଓ ବିଜ୍ଞାନ ଲେଖକ ଭାବେ ସେ ଅନେକ ପୁସ୍ତକ ଲେଖିବା ସହିତ ନିଜ ପିତା ହରିହର ସାହୁଙ୍କ କବିତାବଳୀର ସଂପାଦନା କରିଛନ୍ତି । ତାଙ୍କ ଧର୍ମପତ୍ନୀ ଭାନୁମତୀ ସାହୁ ମଧ୍ୟ ଜଣେ ସୁଲେଖିକା ।
ରଚନାବଳୀ
[ସମ୍ପାଦନା]କବିତା
- ଶାଢ଼ି ୨୦୦୨
- ଅନ୍ଧାରରେ ଇନ୍ଦ୍ରଧନୁ ୨୦୦୭
- ନଷ୍ଟ ନକ୍ଷତ୍ର ୨୦୧୩
- ଶବ୍ଦମାନଙ୍କୁ ନେଇ ସ୍ୱପ୍ନ ୨୦୧୪
- ଅଦୃଶ୍ୟ ଚିତ୍ରପଟ୍ଟ ୨୦୧୫
- ପଞ୍ଜୁରୀର ପ୍ରଜାପତି ୨୦୧୭
- ନିଃଶବ୍ଦ ବଂଶୀସ୍ୱନ ୨୦୨୧
- The Rainbow in Darkness ୨୦୧୪
ବିଜ୍ଞାନ
- ଉପକାରୀ ଉଦ୍ଭିଦ ୨୦୦୩
- ଉଦ୍ଭିଦମାନଙ୍କ ମଧ୍ୟରେ ଘୃଣା ଓ ପ୍ରେମ ୨୦୧୨
- ଜିନ୍ ବିଜ୍ଞାନର ଜୟଯାତ୍ରା ୨୦୧୪[୨][୩][୪]
- ମାନବ ସେବାରେ ଉଦ୍ଭିଦ ୨୦୧୫
- ବିଜ୍ଞାନ ଦର୍ପଣରେ ଆଜି ୨୦୧୬
- ମଙ୍ଗଳ ପଥେ (ବିଜ୍ଞାନ ଉପନ୍ୟାସ) ୨୦୧୯
ଅନ୍ୟାନ୍ୟ
- ଆଜିର ଦିବସ (ସାଧାରଣ ଜ୍ଞାନ) ୨୦୧୬
- ମାଧ୍ୟମିକ ବିଜ୍ଞାନ ୨ୟ ଖଣ୍ଡ (ସହଲେଖକ) ୧୯୮୮
- Self Assessment in Botany ୧୯୯୨
- କବି ହରିହର ସାହୁଙ୍କ 'ଜୀବନ ମରଣ ସଖା' କବିତା (ସଂପାଦନା) ୨୦୧୪
- ମରୀଚିକାରେ ମଣିଷଟିଏ (ଗଳ୍ପ) ୨୦୦୦
- Biomolecules And Cell Biology With Practical
- Outlines of Plant Biotechnology
ସମ୍ମାନ ଓ ପୁରସ୍କାର
[ସମ୍ପାଦନା]- ମହେଶ ପ୍ରସାଦ ପୁରୋହିତ ମେମୋରିଆଲ ପୁରସ୍କାର, ୨୦୧୦ (ଓଡ଼ିଶା ବଟାନିକାଲ ସୋସାଇଟି, ବୁବନେଶ୍ୱରଙ୍କ ଦ୍ୱାରା ଉଦ୍ଭିଦ ବିଜ୍ଞାନୀଙ୍କୁ ଓଡ଼ିଶାରେ ଜନପ୍ରିୟ କରାଇବା ନିମନ୍ତେ ଉଦ୍ଦିଷ୍ଟ)
- ରାଜଧାନୀ ପୁସ୍ତକମେଳା ପୁରସ୍କାର, ୨୦୧୪ ବିଜ୍ଞାନ ସାହିତ୍ୟ ପାଇଁ
- ଓଡ଼ିଶା ବିଜ୍ଞାନ ଏକଡ଼େମୀର 'ପ୍ରାଣକୃଷ୍ଣ ପରିଜା ଲୋକପ୍ରିୟ ବିଜ୍ଞାନ ପୁସ୍ତକ ପୁରସ୍କାର - ୨୦୧୫ ଜିନ୍ ବିଜ୍ଞାନର ଜୟଯାତ୍ରା ପାଇଁ
- ଭୁବନେଶ୍ୱର ପୁସ୍ତକମେଳା ପୁରସ୍କାର ୨୦୧୭ 'ମାନବ ସେବାରେ ଉଦ୍ଭିଦ' ପାଇଁ
- ଓଡ଼ିଶା ପରିବେଶ ସମିତି ଦ୍ୱାରା ଡାଃ ବି ସି ପଣ୍ଡା ମେମୋରିଆଲ ପୁରସ୍କାର, ୨୦୨୨
- କଳିଙ୍ଗ ପୁସ୍ତକମେଳା ପୁରସ୍କାର, ୨୦୧୬