ଅବନୀତ ସିଦ୍ଧୁ

ଅବନୀତ କୌର୍ ସିଦ୍ଧୁ
ଅବନୀତ କୌର୍ ସିଦ୍ଧୁ
	ଅବନୀତ କୌର୍ ସିଦ୍ଧୁ
ଜନ୍ମ	୩୦ ଅକ୍ଟୋବର ୧୯୮୧; ପଞ୍ଜାବ, ଭାରତ
Citizenship	ଭାରତୀୟ
ପେଷା	ଖେଳାଳି (ବନ୍ଧୁକଚଳାଳି)

ଅବନୀତ କୌର୍ ସିଦ୍ଧୁ (ବାଥିଣ୍ଡା, ଜନ୍ମ ୩୦ ଅକ୍ଟୋବର ୧୯୮୧) ଜଣେ ଭାରତୀୟ ବନ୍ଧୁକଚାଳନା ଖେଳାଳି । ସେ ୨୦୦୬ ରାଜ୍ୟଗୋଷ୍ଠୀ କ୍ରୀଡ଼ାରେ ତେଜସ୍ୱିନୀ ସାୱନ୍ତଙ୍କ ସ‌ହ ଏକାଠି ହୋଇ ମହିଳା ୧୦ ମିଟର୍ ଏୟାର୍ ରାଇଫଲ୍‌ରେ ସ୍ୱର୍ଣ୍ଣ ପଦକ ଜିତିଥିଲେ ।^[୧] ସେ ବେଜିଂଠାରେ ଅନୁଷ୍ଠିତ ୨୦୦୮ ଗ୍ରୀଷ୍ମ ଅଲିମ୍ପିକ୍‌ସରେ ୧୦ ମିଟର୍ ଏୟାର୍ ରାଇଫଲ୍ ଓ ୫୦ ମିଟର୍ ରାଇଫଲ୍ ୩ ପୋଜିସନ୍‌ରେ ପ୍ରତିଦ୍ୱନ୍ଦୀତା କରିଥିଲେ । ଜାତୀୟ ଓ ଆନ୍ତର୍ଜାତୀୟ ସ୍ତରରେ ତାଙ୍କର ବିଭିନ୍ନ ସଫଳତା ହେଉଛି:

ପୁରସ୍କାର ଓ ସଫଳତା

ରାଜ୍ୟଗୋଷ୍ଠୀ କ୍ରୀଡା ୨୦୦୬, ମେଲ୍‌ବୋର୍ଣ୍ଣ - ସ୍ୱର୍ଣ୍ଣ ପଦକ ଦଳୀୟ
ରାଜ୍ୟଗୋଷ୍ଠୀ କ୍ରୀଡା ୨୦୦୬, ମେଲ୍‌ବୋର୍ଣ୍ଣ - ରୌପ୍ୟ ପଦକ ବ୍ୟକ୍ତିଗତ
ଏସୀୟ କ୍ରୀଡା, ଦୋହା ୨୦୦୬ - କାଂସ୍ୟ ପଦକ
୧୧ତମ ଏସୀୟ ବନ୍ଧୁକଚାଳନା ପ୍ରତିଯୋଗିତା, କୁଏତ୍, ୨୦୦୭ - କାଂସ୍ୟ ପଦକ
୩୩ତମ ଜାତୀୟ ଖେଳ, ଗୌହାଟୀ, ୨୦୦୭ - ୨ଟି ରୌପ୍ୟ ପଦକ
୫୧ତମ ଜାତୀୟ ବନ୍ଧୁକଚାଳନା ପ୍ରତିଯୋଗିତା, ଅହମଦାବାଦ - ସ୍ୱର୍ଣ୍ଣ ପଦକ
୨୦୦୮: ଅର୍ଜୁନ ପୁରସ୍କାର ପ୍ରାପ୍ତ
୨୦୧୩: ମହାରାଜା ରଣଜିତ୍ ସିଂ ପୁରସ୍କାର ପ୍ରାପ୍ତ
୨୦୦୮: ଅଷ୍ଟ୍ରେଲିଆ କପ୍, ସିଡ଼ନୀ - ସ୍ୱର୍ଣ୍ଣ ପଦକ
୨୦୧୦ - ଇଣ୍ଟର୍‌ସଟ୍, ନେଦରଲ୍ୟାଣ୍ଡ - ବ୍ୟକ୍ତିଗତ ରୌପ୍ୟ ଓ ଦଳୀୟ ସ୍ୱର୍ଣ୍ଣ ପଦକ
୨୦୧୧- ଦଳୀୟ ସ୍ୱର୍ଣ୍ଣ ପଦକ- ଜାତୀୟ ପ୍ରତିଯୋଗିତା
୨୦୧୨, ୨୦୧୩, ୨୦୧୫, ୨୦୧୬ - ସମସ୍ତ ଚାରୋଟି ସର୍ବ ଭାରତୀୟ ଆରକ୍ଷୀ ବନ୍ଧୁକଚାଳନା ପ୍ରତିଯୋଗିତାରେ ସ୍ୱର୍ଣ୍ଣ ପଦକ
୨୦୧୭- ବିଶ୍ୱ ଆରକ୍ଷୀ ପ୍ରତିଯୋଗିତା, ଲସ୍ ଏଞ୍ଜେଲସ୍, ଯୁକ୍ତରାଷ୍ଟ୍ର - ଗୋଟିଏ ସ୍ୱର୍ଣ୍ଣ, ଗୋଟିଏ ରୌପ୍ୟ ଓ ଦୁଇଟି କାଂସ୍ୟ ପଦକ

ସେ ବିଭିନ୍ନ ଜାତୀୟ ଓ ଆନ୍ତର୍ଜାତୀୟ ପ୍ରତିଯୋଗିତାରେ ୧୦୦ରୁ ଉର୍ଦ୍ଧ୍ୱ ପଦକ ଜିତିଛନ୍ତି ।

ଜୀବନୀ

୧୯୮୧ ଜନ୍ମିତ ଅବନୀତ ଭାତିଣ୍ଡାସ୍ଥିତ ସେଣ୍ଟ୍ ଯୋସେଫ୍ କନ୍‌ଭେଣ୍ଟ୍ ସ୍କୁଲ୍‌ରେ ପଢ଼ିଥିଲେ । ସେ ୨୦୦୧ରେ ଦାସ୍‌ମେସ୍ ବାଳିକା ମହାବିଦ୍ୟାଳୟ, ବାଦଲରେ ନିଜର ବନ୍ଧୁକଚାଳନା ଜୀବନ ଆରମ୍ଭ କରିଥିଲେ । ୬ ବର୍ଷ ମଧ୍ୟରେ ସେ ସଫଳତାର ସ‌ହ ଏକ ନମ୍ବର ସ୍ଥାନରେ ରହିବା ସ‌ହ ମେଲ୍‌ବୋର୍ଣ୍ଣରେ ଆୟପଜିତ ୧୮ତମ ରାଜ୍ୟଗୋଷ୍ଠୀ କ୍ରୀଡା - ୨୦୦୬ରେ ସ୍ୱର୍ଣ୍ଣ ଓ ରୌପ୍ୟ ପଦକ ପାଇଥିଲେ । ସେ ୨୦୦୫ରେ ଇଂରାଜୀ ଭାଷାରେ ସ୍ନାତ୍ତକୋତ୍ତର ପ୍ରାପ୍ତ କରିଥିଲେ । ସେ ବିଭିନ୍ନ ଜାତୟ ଓ ଅନ୍ତର୍ଜାତୀୟ ବିଭାଗରେ ୬୦ଟି ପଦକ ଜିତିଥିଲେ । ସର ଏୟାର୍ ଇଣ୍ଡିଆରେ ଆସିଷ୍ଟାଣ୍ଟ୍ ମ୍ୟାନେଜର୍‌ର କାମ କରନ୍ତି । ତାଙ୍କ ପ୍ରତିଭା ଜାଣି ପଞ୍ଜାବ ସରକାର ତାଙ୍କୁ ନିଜ ରାଜ୍ୟକୁ ଆଣି ଡିଏସ୍‌ପି ପଦବୀ ଦେଇଥିଲେ ।^[୨]

ବ୍ୟକ୍ତିଗତ ଜୀବନ

ସେ ପୂର୍ବତନ ଭାରତୀୟ ହକି ଅଧିନାୟକ ରାଜପାଲ ସିଂଙ୍କୁ ବିବାହ କରିଥିଲେ ଓ ବର୍ତ୍ତମାନ ଏହ ଦମ୍ପତ୍ତିଙ୍କର ଏକ ଛୁଆ ଅଛି ।^[୩]

ଆଧାର

↑ "SIDHU Avneet Kaur". Melbourne 2006 Commonwealth Games Corporation. Archived from the original on 29 October 2009. Retrieved 22 January 2010.
↑ Deep, Rajay (15 June 2011). "Shooting star Avneet Sidhu to be appointed as DSP". The Tribune. India. Retrieved 20 March 2018.
↑ Archived 2011-10-21 at the Wayback Machine.Times of India, 15 September 2011.

[1] "SIDHU Avneet Kaur". Melbourne 2006 Commonwealth Games Corporation. Archived from the original on 29 October 2009. Retrieved 22 January 2010.

[2] Deep, Rajay (15 June 2011). "Shooting star Avneet Sidhu to be appointed as DSP". The Tribune. India. Retrieved 20 March 2018.

[3] Archived 2011-10-21 at the Wayback Machine.Times of India, 15 September 2011.

[୧]

[୨]

[୩]