ଅପର୍ଣ୍ଣା ଘୋଷ
ଅପର୍ଣ୍ଣା ଘୋଷ | |
|---|---|
| অপর্ণা ঘোষ | |
| ଜନ୍ମ | ୨୫ ସେପ୍ଟେମ୍ବର |
| ଜାତୀୟତା | ବାଂଲାଦେଶୀ |
| ବୃତ୍ତି(ସମୂହ) | ଅଭିନେତ୍ରୀ ମଡେଲ୍ |
ଅପର୍ଣ୍ଣା ଘୋଷ (ଜନ୍ମ: ୨୫ ସେପ୍ଟେମ୍ବର) ଜଣେ ବଙ୍ଗଳାଦେଶୀ ଅଭିନେତ୍ରୀ, ଥିଏଟର କଳାକାର ଓ ମଡେଲ୍ ।[୧] ମିତିକା ମାୟା (୨୦୧୩) ଓ ଗୋଣ୍ଡି (୨୦୨୦) କଥାଚିତ୍ରରେ ଅଭିନୟ ପାଇଁ ସେ ଦୁଇଥର ଶ୍ରେଷ୍ଠ ସହ-ଅଭିନେତ୍ରୀ ଭାବେ ବାଂଲାଦେଶ ଜାତୀୟ ଚଳଚ୍ଚିତ୍ର ପୁରସ୍କାର ପାଇଥିଲେ ।[୨][୩][୪]
ପ୍ରାରମ୍ଭିକ ଜୀବନ
[ସମ୍ପାଦନା]ଅପର୍ଣ୍ଣା ଘୋଷ ସେପ୍ଟେମ୍ବର ୨୫ରେ ରଙ୍ଗମାଟିରେ ଜନ୍ମଗ୍ରହଣ କରିଥିଲେ । ସେ ତାଙ୍କର ପ୍ରାରମ୍ଭିକ ବର୍ଷଗୁଡ଼ିକ ଉଭୟ ରଙ୍ଗାମାଟି ଓ ଚିଟ୍ଟାଗଙ୍ଗରେ ବିତାଇଥିଲେ ।[୫] ସେ ରଙ୍ଗାମାଟି ସରକାରୀ ବାଳିକା ଉଚ୍ଚ ବିଦ୍ୟାଳୟରେ ପାଠ ପଢ଼ିଥିଲେ । ତାଙ୍କ ବାପା ଆଲୋକ ଘୋଷ ଜଣେ ମଞ୍ଚ ଅଭିନେତା ଥିଲେ, ଯାହା ତାଙ୍କୁ ଅଭିନୟ କରିବାକୁ ପ୍ରେରଣା ଦେଇଥିଲା ।[୬]
ଅଭିନୟ ଜୀବନ
[ସମ୍ପାଦନା]୨୦୦୩ ମସିହାରେ, ସେ ଚିଟାଗଙ୍ଗର ଏକ ସ୍ଥାନୀୟ ଥିଏଟର ଗ୍ରୁପ୍ ନନ୍ଦିକରରେ ମଞ୍ଚ କଳାକାର ଭାବରେ ଯୋଗ ଦେଇଥିଲେ । ଏସ୍. ଏମ୍. ସୋଲାଇମ୍ୟାନ୍ଙ୍କ କୋର୍ଟ ମାର୍ଶାଲ ଜରିଆରେ ତାଙ୍କର ଅଭିନୟ ଜୀବନ ଆରମ୍ଭ କରିଥିଲେ । ପରବର୍ତ୍ତୀ ସମୟରେ ଅପର୍ଣ୍ଣା ୱିଲିୟମ ସେକ୍ସପିୟରଙ୍କ ଓଥେଲୋ ଓ ମର୍ଚେଣ୍ଟ ଅଫ୍ ଭେନିସ, ପାପ ପୁଣ୍ୟ ସମେତ ଅନେକ ମଞ୍ଚ ପ୍ରଯୋଜନାରେ ଅଭିନୟ କରିଥିଲେ ତଥା ନନ୍ଦିକରଙ୍କ ସହ ଅନ୍ୟାନ୍ୟ ନାଟକରେ ଅଭିନୟ କରିଥିଲେ ।[୬][୭][୮]
୨୦୦୬ ମସିହାରେ, ଅପର୍ଣ୍ଣା ଢାକା ଚାଲିଯାଇଥିଲେ, ଯେଉଁଠାରେ ସେ ଲକ୍ସ-ଚ୍ୟାନେଲ ଆଇ ସୁପରଷ୍ଟାର ପ୍ରତିଯୋଗିତାର ଶ୍ରେଷ୍ଠ ଚାରି ପ୍ରତିଯୋଗୀଙ୍କ ମଧ୍ୟରୁ ଅନ୍ୟତମ ହୋଇଥିଲେ । ସେ ତୋବୁ ଓ ଭାଲୋବାସି ନାଟକରେ ଟେଲିଭିଜନରେ ଅଭିନୟ କରିବା ଆରମ୍ଭ କରିଥିଲେ । ସେ ଥାର୍ଡ଼ ପର୍ସନ୍ ସିଙ୍ଗୁଲାର୍ ନମ୍ବର ଜରିଆରେ କଥାଚିତ୍ରରେ ଅଭିନୟ କରିବା ଆରମ୍ଭ କରିଥିଲେ ।[୧]
୨୦୧୩ ମସିହାରେ, ସେ ତିତାସ ଜିଆଙ୍କ ବିପକ୍ଷରେ ଗାଜି ରକାୟତଙ୍କ ନିର୍ଦ୍ଦେଶିତ ମୃତିକା ମାୟାରେ ଫାହମିଦା ଚରିତ୍ରରେ ଅଭିନୟ କରିଥିଲେ । ତାଙ୍କ ଅଭିନୟ ପାଇଁ ତାଙ୍କୁ ଶ୍ରେଷ୍ଠ ସହ-ଅଭିନେତ୍ରୀ ଭାବେ ଜାତୀୟ ଚଳଚ୍ଚିତ୍ର ପୁରସ୍କାର ମିଳିଥିଲା । ୨୦୧୪ ମସିହାରେ ଜାହିଦୁର ରହିମ ଅଞ୍ଜନଙ୍କ ନିର୍ଦ୍ଦେଶିତ ମେଘମଲ୍ଲାର ଚଳଚ୍ଚିତ୍ରରେ ଅପର୍ଣ୍ଣା ଅସ୍ମା ଭୂମିକାରେ ଅଭିନୟ କରିଥିଲେ । ଅଖତରୁଜମାନ ଏଲିୟାସଙ୍କ ଲିବରେସନ୍ ୱାର୍ ଥିମ୍ ବିଶିଷ୍ଟ କ୍ଷୁଦ୍ରଗଳ୍ପ ରେନ୍କୋଟ୍ ଉପରେ ଆଧାରିତ ଏହି ଚଳଚ୍ଚିତ୍ରଟି ୩୯ତମ ଜାତୀୟ ଚଳଚ୍ଚିତ୍ର ପୁରସ୍କାରରେ ପାଞ୍ଚଟି ପୁରସ୍କାର ପାଇଥିଲା ।[୯]
୨୦୧୭ ମସିହାରେ, ବାଂଲାଦେଶର ମୁକ୍ତି ସଂଗ୍ରାମ ଉପରେ ନିର୍ମିତ ଏକ ଚଳଚ୍ଚିତ୍ର ଭୁବନ ମାଝୀ ମୁକ୍ତିଲାଭ କରିଥିଲା ।[୧୦] ୨୦୨୨ ମସିହାରେ, ସେ ମେଡ୍ ଇନ୍ ଚିଟ୍ଟାଗଙ୍ଗରେ ମୁଖ୍ୟ ଭୂମିକାରେ ଅଭିନୟ କରିଥିଲେ ।[୧୧]
ପୁରସ୍କାର ଓ ସମ୍ମାନ
[ସମ୍ପାଦନା]- ଅନନ୍ୟା ଟପ୍ ଟେନ୍ ଆୱାର୍ଡ଼ (୨୦୧୫)
- ବଙ୍ଗଳାଦେଶୀ ଜାତୀୟ ଚଳଚ୍ଚିତ୍ର ପୁରସ୍କାର (ଶ୍ରେଷ୍ଠ ସହ-ଅଭିନେତ୍ରୀ) (୨୦୧୩, ୨୦୨୦)
- ବ୍ଲେଣ୍ଡର୍ସ୍ ଚଏସ୍–ଦି ଡେଲି ଷ୍ଟାର୍ ଆୱାର୍ଡ଼ସ୍ ୨୦୨୧[୧୨]
ଆଧାର
[ସମ୍ପାଦନା]- ↑ ୧.୦ ୧.୧ Shah Alam Shazu (April 9, 2015). ""I put in sleepless nights for Mrittika Maya" … Aparna Ghosh". The Daily Star. Retrieved December 22, 2015.
- ↑ "Film is where you can give your best: Aparna". New Age. March 23, 2015. Retrieved May 28, 2019.[permanent dead link]
- ↑ "Aparna-starrer Liberation War film 'Bhuban Majhi' releases March 3". The Independent. Dhaka. February 28, 2017. Retrieved May 28, 2019.
- ↑ "Winners of National Film Awards 2020 announced". The Daily Star (in ଇଂରାଜୀ). 2022-02-15. Retrieved 2022-03-03.
- ↑ Rahman, Tanvir (2020-01-17). "বিনোদন জগতে চট্টগ্রামের অপর্ণা ঘোষ". দৈনিক পূর্বকোণ (in ଆମେରିକୀୟ ଇଂରାଜୀ). Retrieved 2024-08-30.
- ↑ ୬.୦ ୬.୧ "শান্তি খুঁজতে মঞ্চনাটকে অপর্ণা". Prothomalo (in Bengali). 2019-12-10. Retrieved 2024-08-30.
- ↑ "Aparna back at her old stomping grounds". The Daily Star. December 22, 2015. Retrieved December 22, 2015.
- ↑ "Aparna portrays woman's four stages of life". Dhaka Tribune. 22 September 2014.
- ↑ "ছাড়পত্র পেল 'মেঘমল্লার'". Prothomalo (in Bengali). 2014-09-27. Retrieved 2024-08-30.
- ↑ "Aparna-starrer Liberation War film 'Bhuban Majhi' releases March 3". The Independent. Dhaka. 28 February 2017.
- ↑ Arts & Entertainment Desk (2022-06-14). "Partha Barua and Aparna Ghose to star in 'Made In Chittagong'". The Daily Star (in ଇଂରାଜୀ). Retrieved 2024-04-19.
- ↑ "Full winners' list for Blender's Choice-The Daily Star Awards 2021". The Daily Star (in ଇଂରାଜୀ). 4 September 2022. Retrieved 4 September 2022.
ବାହାର ଲିଙ୍କ୍
[ସମ୍ପାଦନା]- ଇଣ୍ଟରନେଟ ମୁଭି ଡାଟାବେସରେ ଅପର୍ଣ୍ଣା ଘୋଷ
- ଇନଷ୍ଟାଗ୍ରାମରେ ଅପର୍ଣ୍ଣା ଘୋଷ
