ପାନକୋଷ୍ଟ ଅର୍ବୁଦ

Pancoast tumor
Pulmonary sulcus tumor, superior sulcus tumor, Pancoast syndrome
Chest radiograph showing a Pancoast tumor (labeled as P, non-small cell lung carcinoma, right lung), from a 47-year-old female smoker.
ବିଭାଗ	Oncology
ଲକ୍ଷଣ	One sided shoulder pain, arm numbness, large pupil, dropping of the upper eyelid, shinkage of muscles in the hand
କାରଣ	Lung cancer, infection abscess
ରୋଗ ନିର୍ଣ୍ଣୟ ପଦ୍ଧତି	Medical imaging, tissue biopsy
ଚିକିତ୍ସା	Chemotherapy, radiation therapy, surgery
ପୁନଃପୌନିକ	4% of lung cancers

ପାନକୋଷ୍ଟ ଅର୍ବୁଦ (ଟ୍ୟୁମର) ଏକ ପ୍ରକାର କର୍କଟ ଯାହା ଫୁସଫୁସର ଉପର ଭାଗରେ ଆରମ୍ଭ ହୁଏ | ଏହା ସାଧାରଣତଃ ନିକଟବର୍ତ୍ତୀ ପଞ୍ଜରା ହାଡ଼ ତ‌ଥା ମେରୁଅସ୍ଥିର ତନ୍ତୁମାନଙ୍କୁ ବ୍ୟାପିଯାଏ | ପ୍ରଭାବିତ ସ୍ଥାନର ଲକ୍ଷଣ ମଧ୍ୟରେ କାନ୍ଧ ଯନ୍ତ୍ରଣା, ବାହୁରେ କାଲୁଆ ଅନୁଭବ, ବଡ଼ ଆଖି ପୁତ୍ତଳି, ନିମ୍ନ‌ଗାମୀ ଆଖିପତା ଏବଂ ହାତର ମାଂସପେଶୀ ଗୁଡ଼ିକ ସଙ୍କୁଚିତ ହୋଇପାରେ | ପରବର୍ତ୍ତୀ ସମୟରେ ଅଣନିଶ୍ୱାସ ହୋଇପାରେ।

ପ୍ରାୟ ୯୫%ରୁ ଅଧିକ ପାନକୋଷ୍ଟ ଅର୍ବୁଦ ହେଉଛି ଅଣ-କ୍ଷୁଦ୍ର ଜୀବକୋଷ ଫୁସଫୁସ କର୍କଟ ଓ ଅବଶିଷ୍ଟାଂଶଗୁଡିକ କ୍ଷୁଦ୍ର ଜୀବକୋଷ ଫୁସଫୁସ କର୍କଟ | ଅସାଧାରଣ ଭାବରେ ଥାଇରଏଡ କର୍କଟ, ଲିମ୍ଫୋମା କିମ୍ବା ମେଟଆଷ୍ଟାସିସ ଯୋଗୁ ଏହି ରୋଗ ହୋଇପାରେ। ଫୁସଫୁସର ଉପର ଭାଗରେ ପୁଞ୍ଜିତ ପୂଜ (ଆବସେସ) ଥିଲେ ସମାନ ଲକ୍ଷଣ ଦେଖାଯାଇପାରେ। ପାର୍ଶ୍ୱବର୍ତ୍ତୀ ସ୍ଥାନ ଉପରେ ଏହି କର୍କଟ ଚାପ ପ୍ରୟୋଗ କରେ ବା ମାଡ଼ିଯାଏ । ଡାକ୍ତରୀ ଇମେଜିଙ୍ଗ ଓ ତନ୍ତୁ ବାୟୋପ୍ସି କରି ରୋଗ ନିର୍ଣ୍ଣୟ କରାଯାଏ ।

ଏହି ରୋଗର ଚିକିତ୍ସାରେ ସାଧାରଣତଃ କେମୋଥେରାପି, ବିକିରଣ ଚିକିତ୍ସା ଓ ଅସ୍ତ୍ରୋପଚାର କରାଯାଏ | ସମସ୍ତ ଫୁସଫୁସ କର୍କଟ ରୋଗର ପ୍ରାୟ ୪% ଏହି ପାନକୋଷ୍ଟ ଅର୍ବୁଦ ଯୋଗୁ ହୁଏ । ସର୍ବ ପ୍ରଥମେ ୧୮୩୮ ମସିହାରେ ଏଡ‌ୱାର୍ଡ଼ ହାରେ ଏହି ରୋଗ ବିଷୟ ବର୍ଣ୍ଣନା କରିଥିଲେ କିନ୍ତୁ ହେନେରୀ ପାନ‌କୋଷ୍ଟ ନାମକ ଜଣେ ଆମେରିକୀୟ ବିକିରଣ ଚିକିତ୍ସକଙ୍କ ନାମାନୁସାରେ ଏହାର ନାମକରଣ ହୋଇଛି ଯିଏ ୧୯୨୪ ମସିହାରେ ଏହାର ବର୍ଣ୍ଣନା କରିଥିଲେ ।