ବିଶ୍ୱ ମ୍ୟାଲେରିଆ ଦିବସ
| ବିଶ୍ୱ ମ୍ୟାଲେରିଆ ଦିବସ | |
|---|---|
 | |
| ପାଳନକାରୀ | ବିଶ୍ୱ ସ୍ୱାସ୍ଥ୍ୟ ସଂଗଠନର ସଦସ୍ୟ ରାଷ୍ଟ୍ର ସମୂହ |
| ତାରିଖ | ଏପ୍ରିଲ ୨୫ |
| ପୁନଃପୌନିକତା | ବାର୍ଷିକ |
ବିଶ୍ୱ ମ୍ୟାଲେରିଆ ଦିବସ ପ୍ରତିବର୍ଷ ଏପ୍ରିଲ ୨୫ରେ ପାଳିତ ହେଇଥାଏ । ମ୍ୟାଲେରିଆ ସମ୍ପର୍କରେ ଜନସଚେତନତା ସୃଷ୍ଟି କରିବା ଲାଗି ଏହି ଦିବସରେ ବିଶ୍ୱ ସ୍ୱାସ୍ଥ୍ୟ ସଂଗଠନ ପକ୍ଷରୁ ବିଭିନ୍ନ କାର୍ଯ୍ୟକ୍ରମର ଆୟୋଜନ କରାଯାଇଥାଏ । ଏହି ସଂଗଠନ ପକ୍ଷରୁ ପ୍ରକାଶିତ ଏକ ବିଜ୍ଞପ୍ତିରେ କୁହାଯାଇଛି ଯେ,ସମଗ୍ର ବିଶ୍ୱକୁ ମ୍ୟାଲେରିଆ ମୁକ୍ତ କରିବା ହେଉଛି ମୂଳ ଲକ୍ଷ ।
ଇତିହାସ
[ସମ୍ପାଦନା]ବିଶ୍ୱରେ ଅନ୍ତତଃ ୧୦୬ ଦେଶର ୩.୩ ବିଲିୟନ ଲୋକ ମ୍ୟାଲେରିଆ ରୋଗରେ ଆକ୍ରାନ୍ତ । ଏକ ତଥ୍ୟ ଅନୁସାରେ କେବଳ ୨୦୧୨ ମସିହାରେ ୬୨,୭୦୦ ଜଣ ମ୍ୟାଲେରିଆର ଶିକାର ହୋଇ ମୃତ୍ୟୁ ବରଣ କରିଥିଲେ ।[୧] ଏମାନଙ୍କ ମଧ୍ୟରୁ ଅଧିକାଂଶ ହେଉଛନ୍ତି ଆଫ୍ରିକୀୟ ଶିଶୁ ତଥା ଏସିଆ ଓ ଲାଟିନ ଆମେରିକା ନିବାସୀ ।[୨] ମଧ୍ୟ ଇଉରୋପର କିଛି ଅଞ୍ଚଳ ମଧ୍ୟ ଏହି ରୋଗର କବଳିତ ।
ଆଫ୍ରିକା ମ୍ୟାଲେରିଆ ଦିବସ ପାଳନ ପାଇଁ ପ୍ରଥମେ ହୋଇଥିବା ପ୍ରୟାସରୁ ବିଶ୍ୱ ମ୍ୟାଲେରିଆ ଦିବସର ସୃଷ୍ଟି । ବିଶ୍ୱ ସ୍ୱାସ୍ଥ୍ୟ ସଂଗଠନଦ୍ୱାରା ବିଶ୍ୱ ସାର୍ବଜନିକ ସ୍ୱାସ୍ଥ୍ୟ ରକ୍ଷା ଅଭିଯାନ ଅନ୍ତର୍ଗତ ଯେଉଁ ଆଠୋଟି କାର୍ଯ୍ୟକ୍ରମ ପାଳିତ ହେଉଅଛି, ତନ୍ମଧ୍ୟରୁ ବିଶ୍ୱ ମ୍ୟାଲେରିଆ ଦିବସ ଅନ୍ୟତମ । ଅନ୍ୟ ସାତୋଟି ହେଲା, .ବିଶ୍ୱ ରକ୍ତଦାତା ଦିବସ, ବିଶ୍ୱ ଟୀକାକରଣ ସପ୍ତାହ,ବିଶ୍ୱ କ୍ଷୟରୋଗ ଦିବସ,ବିଶ୍ୱ ତମାଖୁ ଦିବସ,ବିଶ୍ୱ ହେପାଟାଇଟିସ ଦିବସ,ବିଶ୍ୱ ସ୍ୱାସ୍ଥ୍ୟ ଦିବସ ଓ ବିଶ୍ୱ ଏଡସ୍ ଦିବସ ।
ନିକଟ ଅତୀତରେ ପ୍ରକାଶିତ ବିଶ୍ୱ ମାଲେରିଆ ରିପୋର୍ଟ ଅନୁସାରେ ୨୦୧୫ ମସିହାରେ ବିଶ୍ୱ ସ୍ତରରେ ୪୨୯୦୦୦ ମ୍ୟାଲେରିଆ ଜନିତ ମୃତ୍ୟୁ ସହିତ ୨୧୨ ମିଲିୟନ ନୂତନ ମ୍ୟାଲେରିଆ ରୋଗୀ ଚିହ୍ନଟ ହୋଇଛନ୍ତି । ୨୦୧୦ ମସିହାରୁ ୨୦୧୫ ମସିହା ମଧ୍ୟରେ ମ୍ୟାଲେରିଆ ରୋଗ ସଂକ୍ରମଣ କ୍ଷେତ୍ରରେ ଶତକଡା ୨୧ ଭାଗ ହ୍ରାସ ଏବଂ ମ୍ୟାଲେରିଆ ଜନିତ ମୃତ୍ୟୁରେ 29 ଶତକଡା ହ୍ରାସ ପରିଲକ୍ଷିତ ହୋଇଛି ।
ମାଲେରିଆ ଦିବସର ବିଷୟବସ୍ତୁ
[ସମ୍ପାଦନା]ପ୍ରତିବର୍ଷ ବିଶ୍ୱ ମ୍ୟାଲେରିଆ ଦିବସ ପାଳନ ଅବସରରେ ଏକ ନିର୍ଦ୍ଦିଷ୍ଟ ବିଷୟବସ୍ତୁ ଚୟନ କରାଯାଏ । ଫଳରେ ଉକ୍ତ ବିଷୟବସ୍ତୁକୁ ଆଖି ଆଗରେ ରଖି ସେହି ବର୍ଷର ବିଭିନ୍ନ କାର୍ଯ୍ୟକ୍ରମର ଆୟୋଜନ ହୁଏ । ବିଗତ ବର୍ଷ ମାନଙ୍କରେ ଚୟନ କରାଯାଇଥିବା ବିଷୟବସ୍ତୁ ହେଉଛି ଏହିଭଳି:
- ବିଶ୍ୱ ମ୍ୟାଲେରିଆ ଦିବସ- 2018: "Ready to beat malaria"
- ବିଶ୍ୱ ମ୍ୟାଲେରିଆ ଦିବସ- 2016-2017: "End Malaria For Good"[୩]
- ବିଶ୍ୱ ମ୍ୟାଲେରିଆ ଦିବସ- 2013-2014-2015: "Invest in the future: defeat malaria"
- ବିଶ୍ୱ ମ୍ୟାଲେରିଆ ଦିବସ- 2012: "Sustain Gains, Save Lives: Invest in Malaria"[୪]
- ବିଶ୍ୱ ମ୍ୟାଲେରିଆ ଦିବସ- 2011: "Achieving Progress and Impact"
- ବିଶ୍ୱ ମ୍ୟାଲେରିଆ ଦିବସ- 2009-2010: "Counting malaria out"
- ବିଶ୍ୱ ମ୍ୟାଲେରିଆ ଦିବସ- 2008: "Malaria: a disease without borders
ଆଧାର
[ସମ୍ପାଦନା]- ↑ "WHO | World Malaria Report 2010". www.who.int. Retrieved 24 November 2018.
- ↑ "Fact sheet about Malaria". World Health Organization. Retrieved 24 November 2018.
- ↑ "World Malaria Day 2017 - Global Health Strategies". Global Health Strategies. Retrieved 24 November 2018.
- ↑ "This World Malaria Day, we're ready to beat malaria – are you?". www.endmalaria.org. Retrieved 24 November 2018.
ବାହାର ଆଧାର
[ସମ୍ପାଦନା] | ଏହି ପ୍ରସଙ୍ଗଟି ଅସମ୍ପୂର୍ଣ୍ଣ ଅଟେ । ଆପଣ ଏହାକୁ ସଂପୂର୍ଣ୍ଣ କରି ଉଇକିପିଡ଼ିଆକୁ ସମୃଦ୍ଧ କରିପାରିବେ । |