ମଦନ ଗୋପାଳ ସିଂହ
ମଦନ ଗୋପାଳ ସିଂହ (ଜନ୍ମ ୧୯୫୦, ଅମ୍ରିତସର) ଜଣେ ଭାରତୀୟ ଗୀତ ଲେଖକ, ସ୍ୱର ଲେଖକ, ଅଭିନେତା, ନାଟକ ପାଣ୍ଡୁଲିପି,ସମ୍ପାଦକ ଓ ବହୁଭାଷାବିତ୍ ଅଟନ୍ତି । ଅଧୁନା ସେ ସତ୍ୟବତୀ କଲେଜରେ ଇଂରାଜୀ ଭାଷାରେ ଶିକ୍ଷକ ଥିବା ବେଳେ ଛୁଟିରେ ନୂଆ ଦିଲ୍ଲୀରେ ଥିବା ନେହରୁ ମେମୋରିଆଲ ମିଉଜିଅମ ଓ ଲାଇବ୍ରେରୀର ବରିଷ୍ଠ ଫେଲୋ ଅଛନ୍ତି । ଖ୍ୟାତନାମା ପଞ୍ଜାବୀ କବି ହରଭଜନ ସିଂହଙ୍କର ସେ ପୁତ୍ର,[୧] ମଦନ ଗୋପାଳ ସିଂହ ଅନେକ କବିତା ଲେଖିଛନ୍ତି ଓ ଚଳଚ୍ଚିତ୍ର, କଳା ଓ ସାଂସ୍କୃତିକ ଇତିହାର ଉପରେ ବକ୍ତୃତା ଦେଇଛନ୍ତି ଓ ଏହା ବ୍ୟତୀତ ତାଙ୍କର କଳାକାର ଦଳ 'ଚାର ୟାର' ସାଥିରେ ଯାଇ ପୃଥିବୀର ଅନେକ ସ୍ଥାନରେ ପ୍ରଦର୍ଶନ କରିଛନ୍ତି ।
ଲେଖା
[ସମ୍ପାଦନା]ଅନୁପ ସିଂହଙ୍କର ପ୍ରଯୋଜିତ ଓ ଆଲୋଚକ ପ୍ରଶଂସିତ ପଞ୍ଜାବୀ ଚଳଚ୍ଚିତ୍ର କିସ୍ସାର ବାର୍ତ୍ତାଳାପ ଓ ଗୀତ ମଦନ ଗୋପଳ ସିଂହ ଲେଖିଥିଲେ ।[୨] ମଦନ ଜଣେ ନାଟକ ଲେଖକ ମଧ୍ୟ ଥିଲେ ଯିଏ ବିଖ୍ୟାତ ଗାୟକ ମଲ୍ଲିକାର୍ଜୁନ ମନସୁରଙ୍କ ଉପରେ ଲିଖିତ ୧୯୯୫ ମସିହାର ଜାତୀୟ ପୁରସ୍କାର ପାଇଥିବା ଚଳଚ୍ଚିତ୍ର 'ରସଯାତ୍ରା' ଲେଖିଥିଲେ । ସେହି ଚଳଚ୍ଚିତ୍ରକୁ 'ନନ୍ଦନ କୁଧ୍ୟାଡି' ନିର୍ଦ୍ଦେଶନା ଦେଇଥିଲେ । ସ୍ୱର୍ଗତ ରିତୱିକ ଘଟକଙ୍କର ଜୀବନୀ ଉପରେ ପର୍ଯ୍ୟବେଶିତ ଚଳଚ୍ଚିତ୍ର 'ଏକଟି ନଦୀର ନାମ'ରେ ସେ ସେହି ଚଳଚ୍ଚିତ୍ରର ନିର୍ଦ୍ଦେଶକ ଅନୁପ ସିଂହଙ୍କ ସାଥିରେ ଯୁଗ୍ମ ଭାବରେ ପଟକଥା ଲେଖିଥିଲେ । ୨୦୦୨ ମସିହାର ଏହି ଚଲଚ୍ଚିତର ଜାଞ୍ଜିବର ଆନ୍ତର୍ଜାତୀୟ ଚଳଚ୍ଚିତ୍ର ଉତ୍ସବରେ 'ଜି ଅରବିନ୍ଦନ' ପୁରସ୍କାର ପାଇଥିଲା ।
ସଙ୍ଗୀତ
[ସମ୍ପାଦନା]ରୁମି, ଶାହ ହୁସେନ, ସୁଲତାନ ବହୁ ଓ ବୁଲ୍ଲେ ଶାହଙ୍କର କବିତାକୁ ସ୍ୱର ଦେଇ ମଦନ ଗୋପଳ ସିଂହ ଗାଇଥିଲେ ଓ ବର୍ଟୋଲ୍ଟ ବ୍ରେଟ ,ଫ୍ରେଡେରିକୋ ଗାର୍ସିଆ ଲୋରକା ଓ ଜନ ଲେନ୍ନନଙ୍କର ଇମାଜିନ କବିତାମାନଙ୍କୁ ହିନ୍ଦୁସ୍ତାନୀ ଅନୁବାଦ କରି ସ୍ୱର ପ୍ରଦାନ କରିଥିଲେ । [୩] ଚଳଚ୍ଚିତ୍ର ମଧ୍ୟରେ କୁମାର ସାହାନୀଙ୍କର କସବ ଓ ଖୟାଲ ଗାଥା ଏବଂ ମନି କାଉଲଙ୍କର ୧୯୯୨ ମସିହାରେ ନିର୍ମିତ ଇଡିଅଟ ଚଳଚ୍ଚିତ୍ର ନିମନ୍ତେ ଗାଇଥିଲେ । ପ୍ରସିଦ୍ଧ କୁର୍ଦୋ-ପର୍ସିଆନ ଗାୟକ ଶାହରାମ ନଜେରିଙ୍କ ସହିତ ପୁରାତନ ସୁଫି ଟାଉନ ଇସଫାହାନ, ହମଦନ ଓ କେରମାନଶାହ ଗୁଡ଼ିକ ଭ୍ରମଣ କରିଥିଲେ ।
ସ୍ମିଥସୋନିଆଲ ଲୋକଜୀବନ ଉତ୍ସବକୁ ସେ ଉପସ୍ଥାପକ ଓ ଗାୟକ ଭାବରେ ନିମନ୍ତ୍ରିତ ହୋଇ ଯାଇଥିଲେ । ମୀନୁ ଗୌର ଓ ଅବିର ବଜାଜ ନିର୍ଦ୍ଦେଶିତ ପାରାଡାଇଜ ଅନ ଏ ରିଭର ଡକୁମେଣ୍ଟାରୀ ଚଳଚ୍ଚିତ୍ରରେ ଗୀତ କମ୍ପୋଜ କରିଥିଲେ ଯାହା କାଶ୍ମିର ଉପରେ ଆଲୋକପାତ କରିଥିଲା ।[୪]
୨୦୦୩ ମସିହାର ସେ ଲୋକାର୍ଣ୍ଣୋ ଚଳଚ୍ଚିତ୍ର ଉତ୍ସବରେ ସବିହା କୁମାରଙ୍କର ବିଖ୍ୟାତ 'ଖାମୋସ ପାନି' ନିମନ୍ତେ ଶ୍ରେଷ୍ଠ ଚଳଚ୍ଚିତ୍ର ପୁରସ୍କାର ପାଇଥିଲା ଓ ସେ ସେଥିରେ ସଙ୍ଗୀତ କମ୍ପୋଜ କରିଥିଲେ ।[୫]
ପୃଥିବୀର ଆନେକ ସ୍ଥାନରେ ପ୍ରଦର୍ଶିତ ସଙ୍ଗୀତ ଭରା "ଫନା -ରାଞ୍ଝା ରିଭିଜିଟେଡ" ଚଳଚ୍ଚିତ୍ରରେ ସଙ୍ଗୀତ କମ୍ପୋଜ କରିଥିଲେ । [୬]
ଲଣ୍ଡନର ଦକ୍ଷିଣ ଏସିଆ ସିନେମା ଫାଉଣ୍ଡେସନ ତରଫରୁ ବିୟଣ୍ଡ ପାର୍ଟିସନ ଚଳଚ୍ଚିତ୍ରେ ସେ ସଙ୍ଗୀତ କମ୍ପୋଜ କରିଥିଲେ ।
ଏହା ବ୍ୟତୀତ ସେ ପ୍ରଦର୍ଶନ କରିଥିବା ଅନ୍ୟାନ୍ୟ ସ୍ଥାନମାନଙ୍କ ନାମ ଇଟାଲିର ଟାଉନ ହଲ ଉତ୍ସବ; ଇଟାଲିର ଅଲବେରୋବେଲ୍ଲ୍ଲୋରେ ଏକସପେରିମେଣ୍ଟ ୨୦୦୫; ନାଗପୁରର ଆହିଛତ୍ରଗଡ଼ ଦୁର୍ଗରେ ଫେବୃଆରୀ ୨୦୧୩ରେ ପୃଥିବୀ ସ୍ପିରିଟ ଉତ୍ସବ ଇତ୍ୟାଦି ସ୍ଥାନମାନଙ୍କରେ ପ୍ରଦର୍ଶନ କରିଥିଲେ ।[୭]
ଆଧାର
[ସମ୍ପାଦନା]- ↑ Nonika Singh (16 October 2011). "Madan Gopal Singh: Purity of Expression". The Tribune.
- ↑ Jatinder Preet (24 August 2013). "Punjabi art house cinema goes international". Sunday Guardian. Archived from the original on 4 March 2016. Retrieved 18 February 2022.
- ↑ http://blog.indiearth.com/a-wonder-called-dr-madan-gopal/
- ↑ "Paradise on a River of Hell". IMDb.
- ↑ "Khamosh Pani". IMDb.
- ↑ "Indian artistes whirl on spiritual themes". Dawn. 25 September 2011.
- ↑ "Archived copy". Archived from the original on 10 ନଭେମ୍ବର 2013. Retrieved 10 ନଭେମ୍ବର 2013.
{{cite web}}: CS1 maint: archived copy as title (link)