ନିଓୱାଇଜ ଧୂମକେତୁ
ନିଓୱାଇଜ ଧୂମକେତୁ ବା ଧୂମକେତୁ ସି/୨୦୨୦ ଏଫ୍-୩ ୨୦୨୦ ମସିହା ମାର୍ଚ୍ଚ ୨୭ ତାରିଖରେ ଚିହ୍ନଟ କରାଯାଇଥିବା ଏକ ପ୍ରାୟ ପରବଳୟିକ (Near Parabolic) କକ୍ଷବିଶିଷ୍ଟ ଧୂମକେତୁ ଅଟେ ।[୧] ସେ ସମୟରେ ଏହା ଦୃଶ୍ୟମାତ୍ରା (Visual magnitude) ୧୮ର ଧୂମକେତୁ ଥିଲା ଏବଂ ସୂର୍ଯ୍ୟଠାରୁ ୨ ମହାଜାଗତୀୟ ଏକକ (୩୦୦ ମିଲିୟନ କି.ମି. ବା ୧୯୦ ମିଲିୟନ ମାଇଲ) ଓ ପୃଥିବୀଠାରୁ ୧.୭ ମହାଜାଗତୀୟ ଏକକ (୨୫୦ ମିଲିୟନ କିମି ବା ୧୬୦ ମିଲିୟନ ମାଇଲ) ଦୂରରେ ଥିଲା ।[୨] ନାସାର ନିଓୱାଇଜ ପ୍ରୋଗ୍ରାମଦ୍ୱାରା ଠାବ କରାଯାଇଥିବାରୁ ଏହାର ଅପ୍ରେଲ ୧ ତାରିଖରେ ଏହିପରି ନାମକରଣ କରାଯାଇଥିଲା ।[୩]
୨୦୨୦ ଜୁଲାଇ ମାସ ସୁଦ୍ଧା ଏହା ଖାଲିଆଖିରେ ମଧ୍ୟ ଦେଖାଯାଇପାରୁଥିଲା ।[୪] ୧୯୯୭ ମସିହାର ହେଲ-ବପ ପରେ ଏହି ଧୂମକେତୁଟି ଉତ୍ତରଗୋଲାର୍ଦ୍ଧରେ ଦେଖାଯାଇଥିବା ସବୁଠାରୁ ଉଜ୍ଜ୍ୱଳ ଧୂମକେତୁ ଅଟେ । ଜୁଲାଇ ୨୩ ତାରିଖ ଅନୁସାରେ ଧୂମକେତୁର ଦୃଶ୍ୟ-ମାତ୍ରା ୪.୩ ଥିଲା ।[୫]
ଉତ୍ତରଗୋଲାର୍ଦ୍ଧର ଦର୍ଶକମାନେ ଉତ୍ତର-ପୂର୍ବ ଦିଗବଳୟରେ ସପ୍ତର୍ଷିମଣ୍ଡଳ ନକ୍ଷତ୍ରପୁଞ୍ଜ (Big Dipper)ର ଠିକ ତଳେ ଧୂମକେତୁଟିକୁ ଦେଖିପାରିଥିଲେ ।[୬] ପରିଧ୍ରୁବୀୟ (Circumpolar) ହୋଇଥିବାରୁ ୪୫ତମ ଦ୍ରାଘିମାର ଉତ୍ତରଦିଗରେ ଥିବା ସ୍ଥାନମାନଙ୍କରେ ଜୁଲାଇ ୧୩-୨୨ ତାରିଖରେ ଏହା ରାତିସାରା ଦେଖାଯାଇଥିଲା ।
-
-
-
ଆକାଶରେ ଧୂମକେତୁର ସ୍ଥିତି -
ସୂର୍ଯ୍ୟ ଚତୁଃପାର୍ଶ୍ୱରେ ଆବର୍ତ୍ତନ
ଆଧାର
[ସମ୍ପାଦନା]- ↑ "Comet NEOWISE Sizzles as It Slides by the Sun, Providing a Treat for Observers".
- ↑ "MPEC 2020-G05 : COMET C/2020 F3 (NEOWISE)". July 13, 2020.
- ↑ "MPEC 2020-G05 : COMET C/2020 F3 (NEOWISE)". April 1, 2020.
- ↑ "How to see Comet NEOWISE". July 24, 2020.
- ↑ "Comet C/2020 F3 (NEOWISE)". Archived from the original on 2020-07-16. Retrieved 2020-07-24.
- ↑ "How to see Comet NEOWISE". July 24, 2020.