ଗୁଳୁଚି

ଗୁଳୁଚି
ବିଜ୍ଞାନଭିତ୍ତିକ ଶ୍ରେଣୀବିଭାଗ
ସାମ୍ରାଜ୍ୟ:	ଉଦ୍ଭିଦ ସାମ୍ରାଜ୍ୟ
ଗୋଷ୍ଠୀ:	ଟ୍ରାକିଓଫାଇଟା
ଗୋଷ୍ଠୀ:	ସ୍ପର୍ମାଟୋଫାଇଟା
ଗୋଷ୍ଠୀ:	ଆବୃତବୀଜୀ
ଗୋଷ୍ଠୀ:	ୟୁଡିକୋଟ
Order:	Ranunculales
Family:	Menispermaceae
Genus:	Tinospora
ଜାତି:	T. cordifolia
ବାଇନୋମିଆଲ ନାମ
Tinospora cordifolia (Thunb.) Miers

ଗୁଳୁଚି (ଉଦ୍ଭିଦ ବିଜ୍ଞାନ ନାମ Tinospora cordifolia) ଏକ ଗୁଳ୍ମ ଲତା ଅଟେ ଯାହା ଭାରତୀୟ ଆଯୁର୍ବେଦ ଔଷଧ ପ୍ରସ୍ତୁତିରେ ବ୍ୟବହାର ହୋଇଥାଏ । ଏହି ଲତା ଭାରତ, ବର୍ମା ତଥା ଶ୍ରୀଲଙ୍କା ଦେଶମାନଙ୍କରେ ଦେଖାଯାଏ ।

ଉଦ୍ଭିଦ ବିବରଣୀ

ଗୁଳୁଚି ଅନ୍ୟ ଗଛ ମାନଙ୍କ ଉପରେ ଏକ ବଡ଼ ଆରୋହୀ ଲତା ଭାବରେ ମାଡ଼ିଥାଏ । ଏହାର କାଣ୍ଡ ସରସ, ରଙ୍ଗର ପାଉଁଶିଆ ହୋଇଥାଏ । ଏହି କାଣ୍ଡରେ ଭାତୁଡ଼ି ଭଳି ଅନେକ ଗୋବ ରହିଥାଏ । କାଣ୍ଡର ଗଣ୍ଠି ମାନଙ୍କରୁ ସରୁ ସରୁ ଚେର (ବାୟବୀୟ ମୂଳ) ବାହାରିଥାଏ । ଏହାର ପତ୍ର ଗୁଡ଼ିକ ବଡ଼ ଓ ଦେଖିବାକୁ ପାନ ପତ୍ର ପରି ଅଟନ୍ତି ।

ଗୁଳୁଚିର ଫୁଲ ପେନ୍ଥା ପେନ୍ଥା ହୋଇ ଖରା ଦିନେ ଫୁଟିଥାଏ ଓ ଶୀତ ଦିନେ ଫଳ ପାଚିଲେ ନାଲି ରଙ୍ଗର ହୁଅନ୍ତି ।

ଅନ୍ୟ ଭାଷା ନାମ

• ସଂସ୍କୃତ - "ଅମୃତଲତା"
• ହିନ୍ଦୀ - "गिलोय - ଗିଲୋୟ "
• ତେଲୁଗୁ - ଟିପା ଟିଗା
• କନ୍ଣଡ଼ - ଅମୃତ ବଲ୍ଲୀ
• ମରାଠୀ - "ଗୁଡୁଚି"
• ନେପାଳୀ- "ଗୁର୍ଜୋ"
• ବଂଗାଳୀ- "ଗୁଲଂଚୋ"
• ତାମିଲ- "ଶିଣ୍ଡିଲକୋଡି"

ଔଷଧୀୟ ଗୁଣ

ଗୁଳୁଚିର ଶୁଖିଲା କାଣ୍ଡକୁ ବା କ୍ୱାଥ କରି ଏବଂ ପତ୍ରକୁ ବାଟି ବା ରସ କରି ଔଷଧ କାମରେ ଲଗାଯାଏ । ପେଟରେ ଅମ୍ଳ ରୋଗ, କାମଳ ଓ ପରିସ୍ରା ପୋଡ଼ାରେ ଏହା ଦିଆଯାଏ । ଦେହରେ ଶକ୍ତି ବଢାଇବା ପାଇଁ ଏହା ଟନିକ ବା ସାଲସା ଭାବରେ ମଧ୍ୟ ଏହା ଦିଆଯାଏ ।