ଅଂଶୁଲା କାନ୍ତ
ଅଂଶୁଲା କାନ୍ତ | |
|---|---|
| ବିଶ୍ୱ ବ୍ୟାଙ୍କ ଗ୍ରୁପର ପରିଚାଳନା ନିର୍ଦ୍ଦେଶକ | |
| Assumed office ଅକ୍ଟୋବର ୭, ୨୦୧୯ | |
| ରାଷ୍ଟ୍ରପତି | ଡେଭିଡ ମାଲପାସ ଅଜୟ ବଙ୍ଗ |
| ପୂର୍ବ ଅଧିକାରୀ | କ୍ରିଷ୍ଟାଲିନା ଜର୍ଜିଆଭା (ମୁଖ୍ୟ କାର୍ଯ୍ୟନିର୍ବାହୀ) |
| ଷ୍ଟେଟ୍ ବ୍ୟାଙ୍କ ଅଫ୍ ଇଣ୍ଡିଆର ପରିଚାଳନା ନିର୍ଦ୍ଦେଶକ | |
| କାର୍ଯ୍ୟକାଳ 7 ସେପ୍ଟେମ୍ବର 2018 – 31 ଅଗଷ୍ଟ 2019 | |
| ପୂର୍ବ ଅଧିକାରୀ | ବି. ଶ୍ରୀରାମ |
| ପର ଅଧିକାରୀ | ପି. କେ. ଗୁପ୍ତା |
| ବ୍ୟକ୍ତିଗତ ସବିଶେଷ | |
| ଜନ୍ମ | ୭ ସେପ୍ଟେମ୍ବର ୧୯୬୦ ରୁର୍କି, ଉତ୍ତରପ୍ରଦେଶ, ଭାରତ |
| ଶିକ୍ଷା | ଦିଲ୍ଲୀ ବିଶ୍ୱବିଦ୍ୟାଳୟ ( BA, MA) |
ଅଂଶୁଲା କାନ୍ତ (ଜନ୍ମ ୭ ସେପ୍ଟେମ୍ବର ୧୯୬୦) ଜଣେ ଭାରତୀୟ ବ୍ୟାଙ୍କ ମ୍ୟାନେଜର ଅଟନ୍ତି । ସେ ବର୍ତ୍ତମାନ ବିଶ୍ୱ ବ୍ୟାଙ୍କ ଗ୍ରୁପର ମୁଖ୍ୟ ଆର୍ଥିକ ଅଧିକାରୀ ଏବଂ ପରିଚାଳନା ନିର୍ଦ୍ଦେଶକ ଅଟନ୍ତି । ସେ ଏହି ପଦବୀରେ ୧୨ ଜୁଲାଇ ୨୦୧୯ ମସିହାରେ ନିଯୁକ୍ତ ହୋଇଥିଲେ ।[୧][୨][୩] ଏହାପୂର୍ବରୁ ସେ ୭ ସେପ୍ଟେମ୍ବର ୨୦୧୮ ମସିହାରୁ ୩୧ ଅଗଷ୍ଟ ୨୦୧୯ ମସିହା ପର୍ଯ୍ୟନ୍ତ ଷ୍ଟେଟ ବ୍ୟାଙ୍କ ଅଫ ଇଣ୍ଡିଆର ପରିଚାଳନା ନିର୍ଦ୍ଦେଶକ ଥିଲେ । ସେ ଭାରତର ଉତ୍ତରାଖଣ୍ଡର ରୁର୍କିର ମୂଳ ବାସିନ୍ଦା ଅଟନ୍ତି ।[୪]
ପ୍ରାଥମିକ ଜୀବନ ଏବଂ ଶିକ୍ଷା
[ସମ୍ପାଦନା]ଅଂଶୁଲା କାନ୍ତ ୭ ସେପ୍ଟେମ୍ବର ୧୯୬୦ ମସିହାରେ ଭାରତର ଉତ୍ତରାଖଣ୍ଡର ରୁର୍କିରେ ଜନ୍ମଗ୍ରହଣ କରିଥିଲେ । ସେ ୧୯୭୯ ମସିହାରେ ନୂଆଦିଲ୍ଲୀର ଲେଡି ଶ୍ରୀରାମ କଲେଜରୁ ଅର୍ଥନୀତିରେ ସ୍ନାତକୋତ୍ତର ଡିଗ୍ରୀ ହାସଲ କରିଥିଲେ । ତା’ପରେ ୧୯୮୧ ମସିହାରେ ସେ ଦିଲ୍ଲୀ ସ୍କୁଲ ଅଫ ଇକୋନୋମିକ୍ସରୁ ଅର୍ଥନୀତିରେ ମାଷ୍ଟର ଡିଗ୍ରୀ ହାସଲ କରିଥିଲେ । ସେ ଇଣ୍ଡିଆନ୍ ଇନଷ୍ଟିଚ୍ୟୁଟ୍ ଅଫ୍ ବ୍ୟାଙ୍କର୍ସର ଜଣେ ସ୍ୱୀକୃତିପ୍ରାପ୍ତ ସହକର୍ମୀ ଅଟନ୍ତି ।[୫]
କାର୍ଯ୍ୟ ଜୀବନ
[ସମ୍ପାଦନା]୧୯୮୩ ମସିହାରେ ଅଂଶୁଲା କାନ୍ତ ଟ୍ରେନିଂ ଅଫିସର ଭାବରେ ଷ୍ଟେଟ ବ୍ୟାଙ୍କ ଅଫ ଇଣ୍ଡିଆରେ ଯୋଗ ଦେଇଥିଲେ । ପରବର୍ତ୍ତୀ ସମୟରେ ସେ ମୁଖ୍ୟ ଜେନେରାଲ ମ୍ୟାନେଜର (ମହାରାଷ୍ଟ୍ର ଏବଂ ଗୋଆ ଶାଖା), ଷ୍ଟେଟ ବ୍ୟାଙ୍କିଙ୍ଗ ଗ୍ରୁପ ଅପରେସନ୍ସର ଡେପୁଟି ମ୍ୟାନେଜିଂ ଡାଇରେକ୍ଟର ତଥା ଏସବିଆଇ ସିଙ୍ଗାପୁର ଶାଖାର ମୁଖ୍ୟ କାର୍ଯ୍ୟନିର୍ବାହୀ ଅଧିକାରୀ ଭାବରେ କାର୍ଯ୍ୟ କରିଥିଲେ । ସେପ୍ଟେମ୍ବର ୨୦୧୮ ମସିହାରେ, ସେ ଦୁଇ ବର୍ଷ ଧରି ଏସବିଆଇର ପରିଚାଳନା ନିର୍ଦ୍ଦେଶକ ଏବଂ ବ୍ୟାଙ୍କ ବୋର୍ଡ ସଦସ୍ୟ ଥିଲେ ।[୬][୭]
ଜୁଲାଇ ୧୨, ୨୦୧୯ ମସିହାରେ, ସେ ବିଶ୍ୱ ବ୍ୟାଙ୍କ ଗୋଷ୍ଠୀର ମୁଖ୍ୟ ଆର୍ଥିକ ଅଧିକାରୀ ତଥା ପରିଚାଳନା ନିର୍ଦ୍ଦେଶକ ଭାବରେ ନିଯୁକ୍ତ ହୋଇଥିଲେ । ତାଙ୍କର କାର୍ଯ୍ୟକାଳ ୭ ଅକ୍ଟୋବର, ୨୦୧୯ ମସିହାରୁ ଆରମ୍ଭ ହୋଇଥିଲା ।
ବ୍ୟକ୍ତିଗତ ଜୀବନ
[ସମ୍ପାଦନା]ଅଂଶୁଲା କାନ୍ତ ଉତ୍ତରପ୍ରଦେଶର ବାରାଣାସୀର ଚାର୍ଟାର୍ଡ ଆକାଉଣ୍ଟାଣ୍ଟ ସଞ୍ଜୟ କାନ୍ତଙ୍କୁ ବିବାହ କରିଛନ୍ତି । ତାଙ୍କର ସିଦ୍ଧାର୍ଥ ନାମକ ଏକ ପୁତ୍ର ଏବଂ ନୁପୁର ନାମକ ଏକ ଝିଅ ଅଛନ୍ତି ।[୮]
ଆଧାର
[ସମ୍ପାଦନା]- ↑ "Explained: Anshula Kant's journey from SBI to World Bank". The Indian Express (in Indian English). 13 July 2019. Retrieved 13 July 2019.
- ↑ "SBI MD Anshula Kant appointed World Bank CFO and MD". www.businesstoday.in. Retrieved 13 July 2019.
- ↑ Kumar, Sanjay (13 July 2019). "World Bank appoints Anshula Kant as MD, CFO". BFSI (in ଆମେରିକୀୟ ଇଂରାଜୀ). Retrieved 13 July 2019.
- ↑ Bhakta, Pratik (21 October 2015). "Meet SBI CFO Anshula Kant, the woman who busted myths and ran a bank like a start up". The Economic Times. Retrieved 13 July 2019.
- ↑ "Who is Anshula Kant, the new State Bank of India (SBI) MD?". Zee Business (in ଇଂରାଜୀ). 11 September 2018. Retrieved 13 July 2019.
- ↑ "Anshula Kant appointed new SBI MD; to serve till September 2020". www.businesstoday.in. Retrieved 13 July 2019.
- ↑ "Anshula Kant appointed SBI Managing Director: Here's her journey from Probationary Officer to MD". The Financial Express (in ଆମେରିକୀୟ ଇଂରାଜୀ). 7 September 2018. Retrieved 13 July 2019.
- ↑ "Fond of malai pua, World Bank's new CFO Anshula Kant has a strong Varanasi connection". Hindustan Times (in ଇଂରାଜୀ). 15 July 2019. Retrieved 15 July 2019.