ନିର୍ଭୟା ଗଣ ବଳାତ୍କାର ମାମଲା

ଉଇକିପିଡ଼ିଆ ରୁ
(2012 Delhi gang rape ରୁ ଲେଉଟି ଆସିଛି)
Jump to navigation Jump to search

୨୦୧୨ ମସିହାରେ ଘଟିତ ଏହି ଗଣ ବଳାତ୍କାର ମାମଲାରେ ଦିଲ୍ଲୀରେ ଜଣେ ୨୩ ବର୍ଷୀୟା ମହିଳାଙ୍କୁ ଅପରାଧିମାନେ ଗଣ ବଳାତ୍କାର ପରେ ମରଣାନ୍ତକ ଆକ୍ରମଣ କରି ମୁମୁର୍ଷୁ ଅବସ୍ଥାରେ ଛାଡିଦେଇଥିଲେ ଏବଂ ପରବର୍ତ୍ତୀ ଅବସ୍ଥାରେ ପୀଡିତାଙ୍କର ଚିକିତ୍ସାଧୀନ ଅବସ୍ଥାରେ ମୃତ୍ୟୁ ଘଟିଥିଲା । ୧୬ ଡିସେମ୍ବର ୨୦୧୨ରେ ଘଟିଥିବା ଏହି ଦୁଃଖଦ ଘଟଣାଟି ମିଡିଆର ହସ୍ତକ୍ଷେପ ଫଳରେ ତ୍ୱରିତ ଲୋକ ଲୋଚନକୁ ଆସିଥିଲା । ସାରା ଦେଶ ଏହି ଘଟଣାର ଦୃଢ ବିରୋଧ କରିବା ସହ ଅପରାଧୀ ମାନଙ୍କର ତୁରନ୍ତ ଗିରଫ ଦାବୀ କରିଥିଲେ । ଘଟଣାଟି ସେତେବେଳେ ସାରା ଦେଶରେ ହଇଚଇ ସୃଷ୍ଟି କରିବା ସହ ଭାରତର ରାଜଧାନୀରେ ମହିଳାମାନଙ୍କ ସୂରକ୍ଷା ଉପରେ ପ୍ରଶ୍ନବାଚୀ ସୃଷ୍ଟି କରିଥିଲା ।

ଘଟଣାକ୍ରମ[ସମ୍ପାଦନା]

୧୬ ଡିସେମ୍ବର ୨୦୧୨ର ଏହି ଘଟଣା । ଘଟଣା ଦିନ ପୀଡିତା ଏକ ଚଳଚ୍ଚିତ୍ର ଦେଖି ତାଙ୍କ ପୁରୁଷ ବନ୍ଧୁ ସହ ଏକ ବସରେ ଦକ୍ଷିଣ ଦିଲ୍ଲୀର ମୁନିରକା ଠାରୁ ଦ୍ୱାରକାସ୍ଥ (ଦିଲ୍ଲୀର ଏକ ଅଞ୍ଚଳ) ଘରକୁ ଫେରୁଥିଲେ । ସେହି ସମୟରେ ବସଟିରେ ସେହି ବସର କର୍ମଚାରୀଙ୍କ ବ୍ୟତୀତ ପ୍ରାୟ ଅନ୍ୟ କେହି ନ ଥିଲେ । ଏହାର ସୂଯୋଗ ନେଇ ଛଅଜଣ ଅପରାଧୀ ପୀଡିତା ସହ ଦୁର୍ବ୍ୟବହାର କରିବାକୁ ଲାଗିଲେ । ଏଥିରେ ପୀଡିତାଙ୍କ ପୁରୁଷ ବନ୍ଧୁ ବିରୋଧ କରିବାରୁ ସେମାନେ ତାଙ୍କୁ ମାଡ ମଧ୍ୟ ମାରିଥିଲେ । ଏପରିକି ଚଳନ୍ତା ବସରେ ସେମାନେ ପୀଡିତାଙ୍କୁ ସାମୁହିକ ଦୁଷ୍କର୍ମ କରିବା ସହ ଶାରୀରିକ ନିର୍ଯ୍ୟାତନା ମଧ୍ୟ ଦେଇଥିଲେ । ନିର୍ଯ୍ୟାତନା ସହି ନ ପାରି ପୀଡିତା ଅଚେତ ହୋଇପଡିଲେ । ପରିଶେଷରେ ସେମାନେ ପୀଡିତା ଏବଂ ତାଙ୍କ ବନ୍ଧୁଙ୍କୁ ଦକ୍ଷିଣ ଦିଲ୍ଲୀସ୍ଥ ମହିପାଳପୁର ନିକଟସ୍ଥ ବସନ୍ତ ବିହାର ଅଞ୍ଚଳରେ ବସରୁ ତଳକୁ ଫୋପାଡିଦେଇ ଚାଲିଗଲେ ।[୧]

ପୀଡିତାଙ୍କୁ ଗମ୍ଭୀର ଅବସ୍ଥାରେ ଦିଲ୍ଲୀର ସଫଦରଜଙ୍ଗ ହାସପାତାଳରେ ଭର୍ତ୍ତି କରାଗଲା । ଘଟଣା ପ୍ରଘଟିତ ହେବା ମାତ୍ରେ ହିଁ ସାରା ଦେଶରେ ପ୍ରବଳ ବିରୋଧର ସ୍ୱର ପ୍ରକାଶ ପାଇଲା । ଅପରାଧୀଙ୍କୁ ଧରିବା ପାଇଁ ପୋଲିସ ଉପରେ ପ୍ରବଳ ଚାପ ସୃଷ୍ଟି ହେଲା । ତେବେ ପ୍ରଥମେ, ଅର୍ଥାତ ସୋମବାର ରାତି, ପୋଲିସ ସେହି ବସର ଡ୍ରାଇଭର (ରାମ ସିଂ ନାମକ ବ୍ୟକ୍ତି)କୁ ଧରିବାରେ ସକ୍ଷମ ହେଲା । ଏହି ଘଟଣାର ପ୍ରାୟ ଦୁଇ ଦିନ ପରେ ଦିଲ୍ଲୀ ପୋଲିସ କମିଶନର ଦେଇଥିବା ତଥ୍ୟ ଅନୁସାରେ ଘଟଣାର ଚାରିଜଣ ଅଭିଯୁକ୍ତ ଧରାପଡିଥିଲେ । ପୀଡିତାଙ୍କ ପୁରୁଷ ବନ୍ଧୁଙ୍କ ବୟାନ ଆଧାରରେ "ଯାଦବ" ନାମକ ଏହି ବସକୁ ପୋଲିସ ଠାବ କରି ଉକ୍ତ ବସକୁ ଜବତ କରିବାରେ ସକ୍ଷମ ହୋଇଥିଲା । ପୋଲିସ ହେଇଥିବା ତଥ୍ୟ ଅନୁଯାୟୀ ପ୍ରମାଣ ନଷ୍ଟ କରିବା ଉଦ୍ଦେଶ୍ୟରେ ଅଭିଯୁକ୍ତମାନେ ଘଟଣା ପରେ ଉକ୍ତ ବସକୁ ଧୋଇଦେଇଥିଲେ ।

ଡ୍ରାଇଭର ପୋଲିସ ଆଗରେ ଦୋଷ ସ୍ୱୀକାର କରିଗଲା ଏବଂ ତାହାର ବୟାନ ଆଧାରରେ ତାର ଭାଇ ମୁକେଶ, ବିନୟ ଗୁପ୍ତା, ପବନ ଗୁପ୍ତା ନାମକ ଅନ୍ୟ ଅଭିଯୁକ୍ତମାନଙ୍କୁ ଗିରଫ କରାଗଲା । ୧୮ ଡିସେମ୍ବର, ମଙ୍ଗଳବାର ଦିନ ଭାରତର ସଂସଦରେ ଏହି ଘଟଣାର ତୀବ୍ର ନିନ୍ଦା ସହ ଅପରାଧୀ ମାନଙ୍କୁ ମୃତ୍ୟୁଦଣ୍ଡ ଦେବାପାଇଁ ଦାବୀ କରାଗଲା ।

ଇତି ମଧ୍ୟରେ ପୀଡିତାଙ୍କ ଅବସ୍ଥା ଆହୁରି ସଂକଟାପନ୍ନ ହେଲା । ଘଟଣାର ବିରୋଧରେ ଦେଶସାରା ବିଶେଷ କରି ଦିଲ୍ଲୀରେ ପ୍ରବଳ ବିରୋଧ ପ୍ରଦର୍ଶନ ହେବାକୁ ଲାଗିଲା । ତେବେ ୧୧ ମାର୍ଚ୍ଚ ୨୦୧୩ ତାରିଖ ଦିନ ଘଟଣାର ମୁଖ୍ୟ ଆରୋପୀ ରାମ ସିଂ ତିହାର ଜେଲରେ ଆତ୍ମହତ୍ୟା କଲା ।[୨] ଅନ୍ୟ ଆରୋପୀଙ୍କ ମଧ୍ୟରେ ଜଣେ ବାଳ ଅପରାଧୀ ମଧ୍ୟ ବିଚାରର ସମ୍ମୁଖୀନ ହେଲା ।[୩]

ମାମଲାର ବିଚାର[ସମ୍ପାଦନା]

ମାମଲାର ଗମ୍ଭୀରତା ଦୃଷ୍ଟିରୁ ଉକ୍ତ ମାମଲାର ବିଚାର ସକାଶେ ଗଠିତ ସ୍ୱତନ୍ତ୍ର ଅଦାଲତ ୧୪ ସେପ୍ଟେମ୍ବର ୨୦୧୩ ଦିନ ଚାରିଜଣ ବୟସ୍କ ଅଭିଯୁକ୍ତଙ୍କୁ ଦୋଷୀ ସାବ୍ୟସ୍ତ କରି ସମସ୍ତଙ୍କୁ ଫାଶୀ ଦଣ୍ଡରେ ଦଣ୍ଡିତ କଲେ ।[୪][୫] ବୟସ୍କ ଅପରାଧୀମାନେ କରିଥିବା ଅପିଲ ତଥା ସଂପୃକ୍ତ ମୃତ୍ୟୁଦଣ୍ଡ ସଂଦର୍ଭ ମାମଲା (Death reference)ର ଶୂଣାଣି କରି ଦିଲ୍ଲୀ ଉଚ୍ଚ ନ୍ୟାୟାଳୟ ମୃତ୍ୟୁଦଣ୍ଡକୁ କାଏମ ରଖିଥିଲେ ।[୬]ପରେ ଉଚ୍ଚତମ ନ୍ୟାୟାଳୟରେ ମଧ୍ୟ ସମସ୍ତ ଚାରି ଅଭିଯୁକ୍ତଙ୍କ ମୃତ୍ୟୁଦଣ୍ଡ ଆଦେଶ କାଏମ ରହିଲା ।[୭][୮] ତେବେ ଅନ୍ୟ ବାଳ ଅପରାଧୀ ବାଳ ଅପରାଧୀ ଆଇନ ପ୍ରକାରେ ତାର ସଜା ଭୋଗି ଜେଲରୁ ଖଲାସ ହୋଇଯାଇଛି ।[୯] ଉକ୍ତ ବାଳ ଅପରାଧୀର ଖଲାସକୁ ବିରୋଧ କରି ଉଚ୍ଚତମ ନ୍ୟାୟାଳୟରେ କରାଯାଇଥିବା ଅପିଲ ମଧ୍ୟ ଖାରଜ ହୋଇଯାଇଛି ।[୧୦]

ମରଣୋତ୍ତର ସମ୍ମାନ[ସମ୍ପାଦନା]

ମାମଲାର ସଂବେଦନଶୀଳତା ଦୃଷ୍ଟିରୁ ପୀଡିତାକୁ ନିର୍ଭୟା ନାମରେ ନାମିତ କରି ସେହି ନାମରେ ତାଙ୍କୁ ମରଣୋତ୍ତର ସମ୍ମାନିତ ମଧ୍ୟ କରାଯାଇଛି ।

  • ରାଣୀ ଲକ୍ଷ୍ମୀବାଇ ସମ୍ମାନ (୨୦୧୨)- ଭାରତର ରାଷ୍ଟ୍ରପତିଙ୍କ ଦ୍ୱାରା[୧୧]
  • ନିର୍ଭୟାଙ୍କ ସମ୍ମାନାର୍ଥେ ରାଷ୍ଟ୍ରୀୟ ମହିଳା ଆୟୋଗଙ୍କ ପାଇଁ ନିର୍ମିତ ଭବନକୁ "ନିର୍ଭୟା ଭବନ" ନାମରେ ନାମିତ କରାଯାଇଛି[୧୨]
  • ଆନ୍ତର୍ଜାତୀୟ ସାହସୀ ମହିଳା ପୁରସ୍କାର (International woman of courage award) 2013 ମସିହାରେ ଆମେରିକା ସରକାରଦ୍ୱାରା ପ୍ରଦତ୍ତ ।

ଆଧାର[ସମ୍ପାଦନା]

  1. "Delhi gang rape case: chronology of events". The Hindu (in ଇଂରାଜୀ). 31 August 2013. Retrieved 3 November 2018.
  2. Pandey, Devesh K.; Sikdar, Shubhomoy (11 March 2013). "Delhi gang-rape main accused Ram Singh found hanging". The Hindu (in ଇଂରାଜୀ). Retrieved 3 November 2018.
  3. Chauhan, Shubhang (5 May 2017). "Nirbhaya gangrape case: Juvenile convict now working as cook with different identity". India.com (in ଇଂରାଜୀ). Retrieved 3 November 2018.
  4. "Fast Track court awards death sentences to convicts of Delhi Rape case". Le Journal International - Archives (in ଫରାସୀ). Retrieved 3 November 2018.
  5. "Delhi rape verdict: 'Fast track court has set a precedent' - Firstpost". www.firstpost.com. Retrieved 3 November 2018.
  6. "State Through Reference vs Ram Singh & Ors. on 13 March, 2014". indiankanoon.org. Retrieved 3 November 2018.
  7. "ନିର୍ଭୟା ମାମଲା: ଦୋଷୀଙ୍କ ଦଣ୍ଡାଦେଶ କାଏମ୍‌ ରଖିଲେ ସୁପ୍ରିମ୍‌କୋର୍ଟ - Dharitri.Com". Dharitri.com (in ଇଂରାଜୀ). Retrieved 3 November 2018.
  8. "2012 Delhi gang rape verdict Highlights: SC confirms death to all 4 convicts, says this will set an example". https://www.hindustantimes.com/ (in ଇଂରାଜୀ). 5 May 2017. Retrieved 3 November 2018. External link in |website= (help)
  9. "Nirbhaya juvenile to walk free on Dec 20, Centre opposes move - Times of India ►". The Times of India. Retrieved 3 November 2018.
  10. Rajagopal, Krishnadas (21 December 2015). "Apex Court dismisses plea against release of juvenile". The Hindu (in ଇଂରାଜୀ). Retrieved 3 November 2018.
  11. [Release Id :93334, Ministry of Women and Child Development 08-March, 2013 2, pib.nic.in Hon. President of India, Sh. Pranab Mukherjee, Confers Rani Lakshimibai Award to ‘Spirit of Nirbhaya’ ]
  12. (Release ID 22633)11-जून, 2013