ହୋମୱାର୍ଡ଼
| ହୋମୱାର୍ଡ଼ | |
|---|---|
| ନିର୍ଦ୍ଦେଶକ | ନରିମନ ଆଲିଭ |
| ସଂଳାପ | ନରିମନ ଆଲିଭ, ମେରିସିଆ ନିକିତ୍ୟୁକ |
| କଳାକାର | ଅଖତେମ ସେଇତବ୍ଲେଭ |
| ସମ୍ପାଦକ | ଆଲେକ୍ସାଣ୍ଡର ଚର୍ଣ୍ଣୈ |
ମୁକ୍ତିଲାଭ ତାରିଖ | ୨୦୧୯ |
କଥାଚିତ୍ରର ସମୟ | ୯୭ ମିନିଟ |
| ଦେଶ | ୟୁକ୍ରେନ |
| ଭାଷା | କ୍ରିମିୟା, ୟୁକ୍ରେନିଆନ |
ହୋମୱାର୍ଡ଼ ୨୦୧୯ ମସିହାରେ ନରିମନ ଆଲିଭଙ୍କ ନିର୍ଦ୍ଦେଶନାରେ ନିର୍ମିତ ଏକ ୟୁକ୍ରେନିୟ ଚଳଚ୍ଚିତ୍ର ।[୧] ଏହା ୨୦୧୯ ମସିହାରେ କାନ୍ସ ଚଳଚ୍ଚିତ୍ର ଉତ୍ସବରେ ପ୍ରଦର୍ଶିତ ହୋଇଥିଲା ।[୨] ୟୁକ୍ରେନରୁ ଏହି ଚଳଚ୍ଚିତ୍ରଟିକୁ ୯୨ତମ ଓସ୍କାର ପୁରସ୍କାରର ଶ୍ରେଷ୍ଠ ଆନ୍ତର୍ଜାତିକ ଚଳଚ୍ଚିତ୍ର ବିଭାଗରେ ପୁରସ୍କାର ନିମନ୍ତେ ନାମାଙ୍କିତ ହୋଇଥିଲା କିନ୍ତୁ ଏହାକୁ ମନୋନୀତ କରାଯାଇନଥିଲା ।[୩][୪]
ବିଷୟବସ୍ତୁ
[ସମ୍ପାଦନା]ଋଷିଆ ଓ ୟୁକ୍ରେନ ମଧ୍ୟରେ ହୋଇଥିବା ଯୁଦ୍ଧରେ ନିହତ ନଜିମର ଶବ ସଂଗ୍ରହ ସମୟରେ ନଜିମର ପିତା ମୁସ୍ତାଫା ଏବଂ ତାଙ୍କ ସାନ ଭାଇ ଅଲିମ ମଧ୍ୟରେ ଝଗଡ଼ା ହୁଏ ।[୫] ମୁସ୍ତାଫାକୁ କ୍ରିମିୟାର ଇସଲାମିୟ ପରମ୍ପରା ଅନୁଯାୟୀ ପୁଅ ନଜିମର ଶବ ସତ୍କାର ନିମନ୍ତେ ୟୁକ୍ରେନର ରାଜଧାନୀ କିଭରୁ କ୍ରିମିୟାକୁ ଯିବାକୁ ପଡ଼େ । କାହାଣୀଟି ଗୋଟିଏ ଶବାଗାରରୁ ଆରମ୍ଭ ହୋଇ, ୟୁକ୍ରେନର ରାଜଧାନୀ କିଭରୁ କ୍ରିମିୟା ପର୍ଯ୍ୟନ୍ତ ଜିପରେ ବସି ଏକ ସଡ଼କ ଯାତ୍ରା ମଧ୍ୟରେ ଗତିଶୀଳ ହୋଇଛି । ବାଟରେ ଗାତରେ ପଡ଼ି ଜିପଟି ଦୁର୍ଘଟଣାଗ୍ରସ୍ତ ହୁଏ । ଅଲିମ ଜିପଟିକୁ ନିକଟସ୍ଥ ଏକ ଗାଡ଼ି ମରାମତି ଗାରେଜକୁ ନେଇଯାଇଛି । ସେଠାରେ ସେ ଗାରେଜ ମିସ୍ତ୍ରୀର ନାତୁଣୀକୁ ଭେଟିଛି । ଝିଅଟି ଅଲିମକୁ ନିକଟସ୍ଥ ନଦୀପାଖକୁ ଯିବାପାଇଁ ପ୍ରବର୍ତ୍ତାଇଛି । ଏହି ସମୟରେ ସେଠାର ସ୍ଥାନୀୟ ଲୋକମାନେ ମୁସ୍ତଫା ଓ ଅଲିମଙ୍କର ମନିପର୍ସଟି ଓ ଅନ୍ୟାନ୍ୟ ଆସବାବପତ୍ର ଛଡ଼ାଇ ନେଇଛନ୍ତି । ସେଠାରେ ଅଲିମ ଓ ମୁସ୍ତାଫା ନିଜର ଝଗଡ଼ା ଭୁଲି ଏକାଠି ହୋଇ ସ୍ଥାନୀୟ ଲୋକଙ୍କ ସହିତ ଲଢ଼ି ନିଜକୁ ରକ୍ଷା କରିବା ସହ ନିଜ ଅର୍ଥ ଓ ଆସବାବପତ୍ର ଫେରି ପାଇଛନ୍ତି । ସେଠାରୁ ସେମାନେ ବନ୍ଧୁ ବସ୍ୟଙ୍କ ଘରେ ପହଞ୍ଚିଛନ୍ତି ଓ ସେଠାରେ ମୁସ୍ତାଫାଙ୍କ ଅସୁସ୍ଥତା ବିଷୟରେ ଜଣାପଡ଼ୁଛି । ବନ୍ଧୁ ବସ୍ୟଙ୍କ ଘରଠାରୁ ମୁସ୍ତାଫାଙ୍କର ନିଜ ଘରର ଦୂରତା ବେଶୀ ନୁହଁ । ମୁସ୍ତାଫା, ବନ୍ଧୁ ବସ୍ୟଙ୍କୁ ମନେଇ ଏକ ଛୋଟ ନୌକା ଉଧାର ନେଇଛନ୍ତି ଓ ନିଜ ଘର ପର୍ଯ୍ୟନ୍ତ ଗସ୍ତ ସମ୍ପୂର୍ଣ୍ଣ କରିଛନ୍ତି ।
ଚଳଚ୍ଚିତ୍ରଟିର ଗ୍ରହଣୀୟତା
[ସମ୍ପାଦନା]କଲାଇଡ଼ରଓ ଗାର୍ଡ଼ିୟନ ଆଦି ପତ୍ରିକା ଏହି ଚଳଚ୍ଚିତ୍ରଟିକୁ ୟୁକ୍ରେନର ସର୍ବକାଳୀନ ଶ୍ରେଷ୍ଠ ଚଳଚ୍ଚିତ୍ରମାନଙ୍କ ମଧ୍ୟରେ ଅନ୍ତର୍ଭୁକ୍ତ କରିଛନ୍ତି ।[୬][୭]
ଅଭିନୟ
[ସମ୍ପାଦନା]- ଅଖତେମ ସେଇତବ୍ଲେଭ ମୁସ୍ତାଫା ଭୂମିକାରେ
- ରେମଜି ବିଲ୍ୟାଲଭ ଅଲିମ ଭୂମିକାରେ
ଆଧାର
[ସମ୍ପାଦନା]- ↑ "The Screenings Guide 2019". 9 May 2019. Retrieved 9 May 2019.
- ↑ "Cannes festival 2019: full list of films". The Guardian. Retrieved 18 April 2019.
- ↑ "Фільм "Додому" офіційно став претендентом на "Оскар" від України". Ukrainian State Film Agency. Archived from the original on 23 August 2019. Retrieved 23 August 2019.
- ↑ "Ukrainian film Homeward about annexed Crimea goes for Oscar". Opinion UA. Archived from the original on 23 August 2019. Retrieved 23 August 2019.
- ↑ Dalton, Stephen (29 May 2019). "'Homeward' ('Evge'): Film Review". Variety. Retrieved 30 August 2019.
- ↑ Shomer, Jason (2022-03-12). "Best of Ukrainian Cinema, Like 'Homeward' and 'Bitter Harvest'". Collider (in ଆମେରିକୀୟ ଇଂରାଜୀ). Retrieved 2022-09-11.
- ↑ Lodge, Guy (2022-03-05). "Streaming: the best Ukrainian films past and present". the Guardian (in ଇଂରାଜୀ). Retrieved 2022-09-11.
ବାହାର ଆଧାର
[ସମ୍ପାଦନା]- ଇଣ୍ଟରନେଟ ମୁଭି ଡାଟାବେସରେ ହୋମୱାର୍ଡ଼