ହୋମି ଜାହାଙ୍ଗୀର ଭାବା

ପଦ୍ମ ଭୂଷଣ ହୋମି ଜାହଙ୍ଗୀର ଭାବା FRS
ହୋମି ଜାହାଙ୍ଗୀର ଭାବା
ଜନ୍ମ	ହୋମି ଜାହାଙ୍ଗୀର ଭାବା (1909-10-30)୩୦ ଅକ୍ଟୋବର ୧୯୦୯ ବମ୍ବେ, British India (present-day India)
ମୃତ୍ୟୁ	୨୪ ଜାନୁଆରୀ ୧୯୬୬(1966-01-24) (ବୟସ ୫୬) Mont Blanc, ଫ୍ରାନ୍ସ
ଜାତୀୟତା	ଭାରତ
ବିଜ୍ଞାନୀ ଜୀବନ
କ୍ଷେତ୍ର	ପରମାଣୁ ଭୋତିକ

ହୋମି ଜାହଙ୍ଗୀର ଭାବା (୩୦ ଅକ୍ଟୋବର ୧୯୦୯ - ୨୪ ଜାନୁଆରୀ ୧୯୬୬) ଜଣେ ପରମାଣୁ ବିଜ୍ଞାନୀ ଥିଲେ । ହୋମିଙ୍କ ଜନ୍ମ ୧୯୦୯ ମସିହାରେ ବମ୍ବେ ପ୍ରେସିଡେନ୍ସୀରେ ହୋଇଥିଲା । ବିଶିଷ୍ଟ ଶିଲ୍ପପତି ଟାଟାଜୀଙ୍କର ସଂପର୍କୀୟ ପରିବାରରେ ଜନ୍ମ ହୋଇଥିଲା।

ଶିକ୍ଷା

ସେ ମୁମ୍ବାଇର କ୍ୟାଥେଡ୍ରାଲ ଏବଂ ଜନ୍ କେନନ୍ ବିଦ୍ୟାଳୟରୁ ଶିକ୍ଷା ଲାଭ କରିଥିଲେ । ତାପରେ ଏଲଫିସ୍ଟନ୍ କଲେଜ୍ ମୁମ୍ବାଇ ଏବଂ ରୋୟାଲ୍ ଇନ୍‌ଷ୍ଟିଟ୍ୟୁଟ୍ ଅଫ୍ ସାଇଂସରୁ ବିଜ୍ଞନରେ ସ୍ନାତକ ଡିଗ୍ରୀ ଲାଭ କରି ଉତ୍ତୀର୍ଣ୍ଣ ହୋଇଥିଲେ । ମୁମ୍ବାଇରୁ ପଢ଼ା ଶେଷ କରିବା ପରେ, ଭାବା ୧୯୨୭ ମସିହାରେ ଇଂଲଣ୍ଡର ଗନଭିଲ୍ଲେ କାୟାସ୍ କଲେଜ୍, କ୍ୟାମ୍ବ୍ରିଜ୍‌ରେ ଇଞ୍ଜିନିୟରିଂ ପଢ଼ିବାକୁ ଗଲେ । କ୍ୟାମ୍ବ୍ରିଜ୍ ବିଶ୍ବବିଦ୍ୟାଳୟରେ ରହି ୧୯୩୦ ମସିହାରେ ସ୍ନାତକ ଡିଗ୍ରୀ ଅର୍ଜନ କଲେ । ୧୯୩୪ ମସିହାରେ, ସେ କ୍ୟାମ୍ବ୍ରିଜ୍ ବିଶ୍ବବିଦ୍ୟାଳୟରୁ ଡକ୍ଟରେଟ୍ ଡିଗ୍ରୀ ଲାଭ କଲେ । ଜର୍ମାନୀରେ ସେ କସ୍ମିକ୍ କିରଣ ଉପରେ ଅଧ୍ୟୟନ ଏବଂ ପ୍ରୟୋଗ କରିଥିଲେ । ତେବେ, ଇଞ୍ଜିନିୟରିଂ ପଢ଼ିବାର ସିଦ୍ଧାନ୍ତ ତାଙ୍କର ନ ଥିଲା । ଏହା ତାଙ୍କ ପରିବାରର ଇଚ୍ଛା ଥିଲା ଯେ ସେ ଏକ ଉତ୍ତମ ଇଞ୍ଜିନିୟର୍ ହେବେ । ହୋମି ସମସ୍ତଙ୍କ କଥା ଧ୍ୟାନରେ ରଖି ଇଞ୍ଜିନିୟରିଂ ପଢ଼ିଲେ, କିନ୍ତୁ ତାଙ୍କ ପ୍ରିୟ ବିଷୟ ପଦାର୍ଥ ବିଜ୍ଞାନ ଅଧ୍ୟୟନ ଜାରି ରଖିଲେ । ନ୍ୟୁକ୍ଲିଅର୍ ଫିଜିକ୍ସ ପ୍ରତି ତାଙ୍କ ଆଗ୍ରହ ଅତ୍ୟଧିକ ଥିଲା । ସେ କ୍ୟାମ୍ବ୍ରିଜ୍‌ରୁ ନିଜ ପିତାଙ୍କୁ ଚିଠି ଲେଖି ନିଜ ଇଚ୍ଛା ବ୍ୟକ୍ତ କରିଥିଲେ ଯେ ତାଙ୍କର ଅନ୍ତିମ ଲକ୍ଷ୍ୟ ଫିଜିକ୍ସ ଅଧ୍ୟୟନ ହିଁ ଅଟେ ।