ସ୍ୱାତୀ କୁମାରୀ
ସ୍ୱାତୀ କୁମାରୀ | |
|---|---|
 | |
| ଜନ୍ମ ଓ ଜନ୍ମସ୍ଥାନ | କାନପୁର, ଉତ୍ତର ପ୍ରଦେଶ, ଭାରତ |
| ବୃତ୍ତି | ଲେଖିକା, ହୋଲିଷ୍ଟିକ୍ ଡିଲର୍ |
| ଶିକ୍ଷା | ନ୍ୟାସଲାନ୍ ସ୍କୁଲ୍ ଅଫ୍ ବିଜିନେସ୍ |
| ଶୈଳୀ | କାଳ୍ପନିକ, ରୋମାନ୍ସ, ବାସ୍ତବବାଦୀ ଉପନ୍ୟାସ |
| ସାହିତ୍ୟ କୃତି | ହାପିଲି ମେରେଡ୍ ହାପିଲି ଡିଭୋର୍ସଡ୍, ଉଇଦ୍ଆଉଟ୍ ଏ ଗୁଡ୍ ବାଏ, ଅମାୟାରା- ଦ ଏସେନ୍ସ ଅଫ୍ ଲାଇଫ୍ |
| କାର୍ଯ୍ୟକାଳ | ୨୦୧୩ - ଏବେଯାଏଁ |
| ୱେବସାଇଟ | |
| swatikumari | |
ସ୍ୱାତୀ କୁମାରୀ ଜଣେ ଭାରତୀୟ ଲେଖିକା ଏବଂ ସ୍ତମ୍ଭକାର ।[୧][୨] ସେ ହାପିଲି ମେରେଡ୍ ହାପିଲି ଡିଭୋର୍ସଡ୍, ଉଇଦ୍ଆଉଟ୍ ଏ ଗୁଡ୍ ବାଏ[୩] ଏବଂ ଅମାୟାରା- ଦ ଏସେନ୍ସ ଅଫ୍ ଲାଇଫ୍ ଭଳି ତିନୋଟି ଉପନ୍ୟାସ ରଚନା କରିଛନ୍ତି ।[୪] ତାଙ୍କ ରଚିତ ଅମାୟାରା- ଦ ଏସେନ୍ସ ଅଫ୍ ଲାଇଫ୍ ବହିକୁ ଇଣ୍ଟରନ୍ୟାସନାଲ୍ ଆସୋସିଏସନ୍ ଫର୍ ସୁଇସାଇଡ୍ ପ୍ରିଜରଭେସନ୍ ସଂଘଦ୍ୱାରା ସ୍ୱାଗତ କରାଯାଇଥିଲା । ସ୍ୱାତୀ ଜଣେ ହୋଲିଷ୍ଟିକ୍ ହିଲର୍ ଏବଂ ସେ ଲୋକମାନଙ୍କର ସମସ୍ୟାର ସମାଧାନ ପାଇଁ ବିଭିନ୍ନ ପ୍ରକାରର ପରାମର୍ଶ ଦେଇଥାନ୍ତି । ଏତଦ୍ ବ୍ୟତୀତ ୨୦୨୦ ମସିହାରେ ତାଙ୍କର ଦୁଇଟି କ୍ଷୁଦ୍ର ଉପନ୍ୟାସ ଆମାଜନ୍ର କିଣ୍ଡଲ ଆପ୍ରେ ପ୍ରକାଶ ପାଇଥିଲା ।
ପ୍ରାରମ୍ଭିକ ଜୀବନ ଓ ଶିକ୍ଷା[ସମ୍ପାଦନା]
ସ୍ୱାତୀ କୁମାରୀ ଉତ୍ତର ପ୍ରଦେଶର କାନପୁରରେ ଜନ୍ମଗ୍ରହଣ କରିଥିଲେ । ସେ କାନପୁରର ଏଚ୍. ଏ. ଏଲ୍ ବିଦ୍ୟାଳୟରେ ପଢ଼ୁଥିଲେ ଏବଂ ସେଠାରେ ହିଁ ତାଙ୍କର ସ୍କୁଲ ଶିକ୍ଷା ଶେଷ କରିଥିଲେ । ଏହାପରେ ସେ ମଗଧ ବିଶ୍ୱ ବିଦ୍ୟାଳୟରେ ପଢ଼ିଥିଲେ । ୨୦୧୦ ମସିହାରେ ସ୍ୱାତୀ କମ୍ପ୍ୟୁଟର ଆପ୍ଲିକେସନସ୍ରେ ସ୍ନାତକ ସମାପ୍ତ କରିଥିଲେ । ଏହାପରେ ସେ ବାଙ୍ଗାଲୋରର ନ୍ୟାସ୍ଲାନ୍ ସ୍କୁଲ୍ ଅଫ୍ ବିଜିନେସ୍ରେ ପଢ଼ିଥିଲେ, ଯେଉଁଠି ସେ ସ୍ନାତକୋତ୍ତର ଶେଷ କରିଥିଲେ । ଏହାପ ସେ ପଉ, ଫ୍ରାନ୍ସରେ ଇକୋଲ୍ ସୁପେରିଅର୍ ଦେ କମର୍ସ ପଢ଼ିଥିଲେ, ଯେଉଁଠି ସେ ମାର୍କେଟିଂ ଆଣ୍ଡ ଇଣ୍ଟରନ୍ୟାସ୍ନାଲ୍ ମ୍ୟାନେଜ୍ମେଣ୍ଟ ବିଷୟରେ ପଢ଼ିଥିଲେ ।
ସେ ପ୍ରାଇମେରି ବିଦ୍ୟାଳୟ ସମୟରୁ ଲେଖା ଲେଖି ପ୍ରତି ଆକୃଷ୍ଟ ହୋଇଥିଲେ । ୨୦୧୩ ମସିହାରେ ସେ ବେମାର ପଡ଼ିବା ଫଳରେ ତାଙ୍କର ଚାକିରୀ ଛାଡ଼ି ପାଟନା ଫେରି ଆସିଥିଲେ । ଏହାର କିଛି ମାସ ପରେ ତାଙ୍କ ମାଆ ଆତ୍ମହତ୍ୟା କରିଥିଲେ । ତାଙ୍କ ମାଆଙ୍କର ମୃତ୍ୟୁପରେ ସେ ଜଣେ ଲେଖିବା ଭାବରେ ତାଙ୍କର ପେଶା ଆରମ୍ଭ କରିଥିଲେ । ସେ ତାଙ୍କ ରଚନା ମାଧ୍ୟମରେ ଆତ୍ମହତ୍ୟା ବିରୋଧରେ ସାରା ଭାରତ ବର୍ଷରେ ଜନ ଜାଗରଣ ସୃଷ୍ଟି କରିବା ପାଇଁ କାର୍ଯ୍ୟ କରୁଛନ୍ତି ।
୨୦୧୫ ମସିହାରେ ତାଙ୍କ ରଚିତ ପ୍ରଥମ ପୁସ୍ତକ ଉଇଦ୍ଆଉଟ୍ ଏ ଗୁଡ୍ ବାଏ ପ୍ରକାଶ ପାଇଥିଲା, ଯେଉଁଥିରେ ସେ ତାଙ୍କ ମାଆଙ୍କର ଆତ୍ମହତା ବିଷୟରେ ଲେଖିଥିଲେ । ଏହାପରେ ତାଙ୍କର ୨ୟ ପୁସ୍ତକ ଅମାୟାରା- ଦ ଏସେନ୍ସ ଅଫ୍ ଲାଇଫ୍ ପ୍ରକାଶ ପାଇଥିଲା, ଯେଉଁଥିରେ ସେ ଆତ୍ମହତ୍ୟା ବିରୋଧରେ ରଚନା କରିଥିଲେ । ଏହି ପୁସ୍ତକଟିକୁ ଅନେକ ଲୋକ ପ୍ରସଂଶା କରିଥିଲେ ।
୨୦୧୯ ମସିହାରେ ସ୍ୱାତୀଙ୍କ ରଚିତ ହାପିଲି ମେରେଡ୍ ହାପିଲି ଡିଭୋର୍ସଡ୍ ପ୍ରକାଶ ପାଇଥିଲା, ଯେଉଁଥିରେ ସେ ଏକ ଝିଅର ନିଜସ୍ୱ ଇଚ୍ଛା ଓ ପିତାମାତାଙ୍କର ଇଚ୍ଛା ସହ ବିବାହ ପରେ ଅସୁବିଧା ଏବଂ ଏହା ପରର ଫଇସଲା ବିଷୟରେ ଲେଖିଥିଲେ । ୨୦୨୦ ମସିହାରେ ସ୍ୱାତୀଙ୍କର ଦୁଇଟି ପୁସ୍ତକ ପ୍ରକାଶ ପାଇଛି । ୧୦ ଜାନୁଆରୀ ୨୦୨୦ରେ ତାଙ୍କର ଏକ କ୍ଷୁଦ୍ର ଇ-ଉପନ୍ୟାସ ଦ୍ୟାଟ୍ ରେନି ନାଇଟ୍ ଆମାଜନ୍ କିଣ୍ଡଲରେ ପ୍ରକାଶ ପାଇଥିଲା । ଏହାପରେ ୧୦ ଫେବୃଆରୀରେ ଲଭ୍ ଆଟ୍ ଫାର୍ସ୍ଟ ନାଇଟ୍ ନାମକ ଅନ୍ୟ ଏକ ପ୍ରେମ ଭିତ୍ତିକ କ୍ଷୁଦ୍ର ଇ-ଉପନ୍ୟାସ ଆମାଜନ୍ କିଣ୍ଡଲ୍ରେ ପ୍ରକାଶ ପାଇଥିଲା ।
ରଚିତ ପୁସ୍ତକ[ସମ୍ପାଦନା]
- ଉଇଦ୍ଆଉଟ୍ ଏ ଗୁଡ୍ ବାଏ (୨୦୧୫)
- ଅମାୟାରା- ଦ ଏସେନ୍ସ ଅଫ୍ ଲାଇଫ୍ (୨୦୧୬)
- ହାପିଲି ମେରେଡ୍ ହାପିଲି ଡିଭୋର୍ସଡ୍ (୨୦୧୯)
- ଦ୍ୟାଟ୍ ରେନି ନାଇଟ୍ (୨୦୨୦)
- ଲଭ୍ ଆଟ୍ ଫାର୍ସ୍ଟ ନାଇଟ୍ (୨୦୨୦)
ପୁରସ୍କାର ଏବଂ ସମ୍ମାନ[ସମ୍ପାଦନା]
- 'ଓମେନ୍ ଆଚିଭର୍ସ' ଅଫ୍ ବିହାର- ୨୦୧୮"- ବିହାରର ମହିଳା ସଶକ୍ତିକରଣର ଚେହେରା ପାଇଁ ଇନ୍ଦ୍ରିରା ଆଇଭିଏଫ୍ ଗ୍ରୁପ୍ଦ୍ୱାରା ପୁରସ୍କୃତ
ଆଧାର[ସମ୍ପାଦନା]
- ↑ "Striking That Emotional Chord". PatnaBeats. Archived from the original on 2 February 2017. Retrieved 25 January 2017.
- ↑ "छोटे कस्बे की लड़की ने अंग्रेजी में किया ऐसा काम, दुनियाभर में हो रही है तारीफ". Dainik Bhaskar. 17 May 2016. Retrieved 25 January 2017.
- ↑ Aniruddha Pathak. "Tea Talks: Without A Goodbye By Swati Kumari!". Retrieved 25 January 2017.[permanent dead link]
- ↑ Hamna Hisam (11 August 2016). "This Suicide Survivor Will Tell You How Terrible It Is To Live With The Guilt Of Losing A Loved One". Archived from the original on 2 February 2017. Retrieved 25 January 2017.