ଯୁଇ

ଯୁଇ
ବିଜ୍ଞାନଭିତ୍ତିକ ଶ୍ରେଣୀବିଭାଗ
ସାମ୍ରାଜ୍ୟ:	ଉଦ୍ଭିଦ ସାମ୍ରାଜ୍ୟ
ଗୋଷ୍ଠୀ:	ଟ୍ରାକିଓଫାଇଟା
ଗୋଷ୍ଠୀ:	ସ୍ପର୍ମାଟୋଫାଇଟା
ଗୋଷ୍ଠୀ:	ଆବୃତବୀଜୀ
ଗୋଷ୍ଠୀ:	ୟୁଡିକୋଟ
Clade:	Asterids
Order:	Lamiales
Family:	Oleaceae
Genus:	Jasminum
ଜାତି:	J. auriculatum
ବାଇନୋମିଆଲ ନାମ
Jasminum auriculatum Vahl

ଯୁଇ ଗଛ (ଉଦ୍ଭିଦ ବିଜ୍ଞାନ ନାମ - Jasminum auriculatum) ମଲ୍ଲୀ ବଂଶର ଏକ ପ୍ରଜାତି ଅଟେ । ଏହା ଭାରତ, ନେପାଳ, ଶ୍ରୀଲଙ୍କା, ଭୁଟାନ ଏବଂ ଆଣ୍ଡାମାନ ଦ୍ୱୀପପୁଞ୍ଜରେ ଦେଖିବାକୁ ମିଳେ । | ଏହା ଭାରତରେ ସାଜସଜ୍ଜା ଉଦ୍ଦେଶ୍ୟ ଏବଂ ପର୍ବପର୍ବାଣିରେ ବ୍ୟବହୃତ ହୁଏ । ଏହା ଗୋଟିଏ ସବୁଦିନିଆ ବା ବାରମାସୀ ଗୁଳ୍ମ ଜାତୀୟ ବୃକ୍ଷ ଅଟେ ।

ଅନ୍ୟ ଭାରତୀୟ ଭାଷାରେ ନାମ

ଯୁଇ ସାରା ଭାରତରେ ବହୁଳ ଭାବରେ ଦେଖାଯାଏ । ବିଭିନ୍ନ ଭାରତୀୟ ଭାଷାରେ ଏହାର ନାମ ଏହିପରି :-

ଭାରତୀୟ ଭାଷା	ନାମ
ବଙ୍ଗାଳୀ	ଯୁଇ
ହିନ୍ଦୀ	ଯୁହି
ସଂସ୍କୃତ	ଯୁଥିକା
ତେଲୁଗୁ	ଅଡଭିମୁଲ୍ଲ
କନ୍ନଡ଼	କଦରମଲ୍ଲୀଗେ

ଔଷଧୀୟ ଗୁଣ

ଭାରତୀୟ ପାରମ୍ପରିକ ଔଷଧ ପ୍ରଣାଳୀରେ ଯୁଇ ଗଛର ପତ୍ର ପାଟିରେ ହେଉଥିବା ଘାଗୁଡିକର ଚିକିତ୍ସାରେ ବ୍ୟବହୃତ ହୁଏ ।

ଆୟୁର୍ବେଦ ଶାସ୍ତ୍ର ଅନୁସାରେ ଯୁଇ ଗଛ ଓ ଫୁଲର ଆହୁରି ଅନେକ ପ୍ରକାର ଔଷଧୀୟ ଗୁଣ ଅଛି ।

ପୂଜା ପାଇଁ ବ୍ୟବହାର

ହିନ୍ଦୁ ପରମ୍ପରା ଅନୁସାରେ ଯୁଇ ଫୁଲ ବିଷ୍ଣୁ ଭଗବାନଂକ ପୂଜା ନିମିତ୍ତ ବ୍ୟବହାର ହୋଇଥାଏ ।

ବ୍ୟବସାୟିକ ବ୍ୟବହାର

ଯୁଇ ଫୁଲରେ ଥିବା ତେଲ ହେତୁ ଏହା ଭାରତ ଏବଂ ଥାଇଲ୍ୟାଣ୍ଡରେ ବ୍ୟବସାୟିକ ଭାବରେ ଚାଷ କରାଯାଏ । ଏହା ସୁଗନ୍ଧିତ ଦ୍ରବ୍ୟ ପ୍ରସ୍ତୁତିରେ ବ୍ୟବହୃତ ହୁଏ

ଯୁଇ କଢ଼ ଉପରେ ବର୍ଷା ବିନ୍ଦୁ