ଭ୍ୟାକୁମ୍ କ୍ଲିନର୍

ଉଇକିପିଡ଼ିଆ ରୁ
ସିଧାସଳଖ ଯିବେ ଦିଗବାରେଣିକୁ, ଖୋଜିବେ
ଘରେ ବ୍ୟବହୄତ ଭ୍ୟାକୁମ୍ କ୍ଲିନର୍

ଭ୍ୟାକୁମ୍ କ୍ଲିନର୍ ଝାଡୁଦାର୍ ଭାବରେ ମଧ୍ୟ ଜଣାଶୁଣା | ଏହି ଯନ୍ତ୍ରଟି ସାଧାରଣତଃ ଚଟାଣ, ସତରଞ୍ଜି, ପରଦା ଆଦିରୁ ଧୂଳି ଶୋଷିବା ଲାଗି ବ୍ୟବହାର କରାଯାଏ | ଏଥିରେ ଧୂଳିକୁ ଶୋଷିବା ଲାଗି ଗୋଟିଏ ବାୟୁ ପମ୍ପ୍ ରହିଛି | ଏହି ପମ୍ପ୍ ଆଂଶିକ ଶୁନ୍ୟତା ସୃଷ୍ଟି କରିବାରେ ସହାୟକ ହୋଇଥାଏ | ସମସ୍ତ ଧୂଳି ଓ ଅଳିଆ ଗୋଟିଏ ଆବର୍ଜନା ଥଳିରେ ପରବର୍ତ୍ତି ନିଷ୍କାସନ ଲାଗି ସଂଗୃହିତ ହୋଇ ରହିଥାଏ | ଏହି ଯନ୍ତ୍ରଟି ଘରେ ଓ କଳକାରଖାନାରେ ମଧ୍ୟ ବ୍ୟବହାର କରାଯାଏ |

ଇତିହାସ[ସମ୍ପାଦନା]

ଭ୍ୟାକୁମ୍ କ୍ଲିନର୍ କାର୍ପେଟ୍ ସ୍ଵିପର୍ ଠାରୁ ଜାତ ହୋଇଥିଲା, ଯାହା ଏକ ମାନବଚାଳିତ ଭ୍ୟାକୁମ୍ କ୍ଲିନର୍ ଥିଲା | ୧୮୬୦ରେ କାର୍ପେଟ୍ ସ୍ଵିପର୍ ଡାନିୟଲ୍ ହେସ୍ଙ୍କଦ୍ଵାରା ଉଦ୍ଭାବିତ ହୋଇଥିଲା | ଏହା ହେଉଛି ୧୮୬୦ରେ ତିଆରି କରାଯାଇଥିବା ପ୍ରଥମ ମାନବଚାଳିତ ମଡେଲ୍ | ବିଂଶ ଶତାଦ୍ଦି ବେଳକୁ ପ୍ରଥମ ମୋଟର୍-ଚାଳିତ ମଡେଲ୍ ଦେଖାଯାଇଥିଲା |[୧] ଆଉଗୋଟିଏ ମଡେଲ୍ (୧୮୬୯) "ହ୍ବିର୍ଲ୍ ବ୍ଵିନ୍ଡ୍", ୧୮୬୮ରେ ସିକାଗୋରେ ଇଭ୍ସ୍ ଡବ୍ଲୁ. ମ୍ୟାକ୍ ଗାଫେଙ୍କଦ୍ଵାରା ଉଦ୍ଭାବିତ ହୋଇଥିଲା | ଏହି ଭାରି ଯନ୍ତ୍ରଟିରେ ଏକ ବେଲ୍ଟ ଚାଳିତ ପଙ୍ଖା ଲାଗିଥିଲା, ଯାହାକୁ ହାତରେ ବୁଲାଇବାକୁ ପଡୁଥିଲା | ତେଣୁ ଏହାକୁ ଚଳାଇବାରେ ଅସୁବିଧା ହେଉଥିଲା | ଏହା ସତ୍ଵେ ମଧ୍ୟ ବାଣିଜ୍ୟ୍ କ୍ଷେତ୍ରରେ ଏହି ଯନ୍ତ୍ରଟି ମିଶ୍ରିତ ସଫଳତା ହାସଲ୍ କରିଥିଲା | ୧୮୭୬ରେ ଏହି ମଡେଲ୍ ସହିତ ସାମଞ୍ଜସ୍ୟ ଥିବା ଆଉ ଏକ ମଡେଲ୍ ମେଲ୍-ଭିଲ୍ଲେ ଆର୍. ବିସ୍ସେଲ୍ଲ (ଗ୍ରାନ୍ଡ୍ ରାପିଡ୍, ମିଚିଗାନ୍) ମଧ୍ୟ ତିଆରି କରିଥିଲେ |[୨] ପରେ ସେହି କମ୍ପାନି ନିଜର ସଫାକରିବା ଉପକରଣ ତାଲିକାରେ "ସହଜରେ ସ୍ଥାନାନ୍ତରିୟ ଭ୍ୟାକୁମ୍ କ୍ଲିନର୍"କୁ ମିଶାଇ ଥିଲା |

ପ୍ରକାର[ସମ୍ପାଦନା]

ଏହି ଯନ୍ତ୍ରର ଆକାର ପ୍ରକାରକୁ ନେଇ ଅନେକ ବିବିଧତା ଦେଖା ଦେଇ ଥାଏ |

ଯଥା:-

  • ଛୋଟ ବ୍ୟାଟେରି ଚାଳିତ
  • ଶକ୍ତି ଚାଳିତ ହାତ ଯନ୍ତ୍ର
  • ଚକ ଲଗା ଘରୋଇ ମଡେଲ୍
  • କଳକାରଖାନାରେ ବ୍ୟବହୃତ ବଡ ମଡେଲ୍

କଳକାରଖାନାରେ ବ୍ୟବହୃତ ଭ୍ୟାକୁମ୍ କ୍ଲିନର୍ ବହୁତ ବଡ ବଡ; ଯାହାକି ଶହ ଶହ ଲିଟର୍ ଆବର୍ଜନା ସଫା କରିପାରିବ | ଅପମିଶ୍ରିତ ମାଟି ସଫା କରିବା ଲାଗି ସ୍ଵୟଂ ଚାଳିତ ଟ୍ରକ୍ର୍ ବ୍ୟବହାର କରାଯାଉଛି | ଏଥିରେ ଧୂଳି ସହିତ ତରଳ ପଦାର୍ଥ ସଫା କରିପାରିଲା ପରି ବିଶେଷ ଭ୍ୟାକୁମ୍ କ୍ଲିନର୍ ରହିଥାଏ |

ଆଧାର[ସମ୍ପାଦନା]

  1. "Fascinating facts about the invention of vacuum cleaner by Daniel Hess in 1860". The Great Idea Finder. 
  2. "Our History". Bissell. Retrieved 5 April 2010.