ବ୍ୟବହାରକାରୀ:MKar/ଓଡ଼ିଆ ଭାଷା ଓ ଉଇକିପିଡ଼ିଆ
କାହାକୁ ଅପମାନିତ କରିବା ମୋର ଉଦ୍ଦେଶ୍ୟ ନୁହେଁ । ଏସବୁ କିପରି ହେବ ଓ କିଏ କରିବେ ମୁଁ ବି ଜାଣିନି :( କିନ୍ତୁ ଏସବୁର ସମାଧାନ ହେବା ଉଚିତ ।
- ଓଡ଼ିଆ ଭାଷା ଶାସ୍ତ୍ରୀୟ ମାନ୍ୟତା ପାଇସାରିଥିଲେ ସୁଦ୍ଧା ଆମର ଅକ୍ଷର ସଂଖ୍ୟା ଏପର୍ଯ୍ୟନ୍ତ ସ୍ଥିର କରାଯାଇପାରିନି । କେବେ ଓ କିଏ ସ୍ଥିର କରିବେ ?
- ବର୍ଣ୍ଣବୋଧ/ଯୁକ୍ତାକ୍ଷରର ବ୍ୟବହାର ନେଇ ବିବାଦ । (ମୁଁ ଯୁକ୍ତାକ୍ଷରର ବ୍ୟବହାରକୁ ସମର୍ଥନ କରେ)
- ଓଡ଼ିଆ ଭାଷା ପ୍ରତିଷ୍ଠାନର ଉପର ଚାରିଟି ପଦବୀରୁ ତିନିଟି ପଦବୀ ଖାଲି । କାମ ସବୁ କିପରି ହେବ ?
- ବଙ୍ଗଳା ଉଇକିଆଳି ଜୟନ୍ତ ନାଥ ଲେଖିଥିଲେ: Bengali language Regulated by Bangla Academy ,Bangladesh Paschimbanga Bangla Akademi, West Bengal, they published lots of works. ଓଡ଼ିଆ ଭାଷାର ମାନକ କେଉଁ ସଂସ୍ଥା ସ୍ଥିର କରୁଛନ୍ତି ମୁଁ ମଧ୍ୟ ଜାଣିନି ।
- ଓଡ଼ିଶା ସରକାରଙ୍କ ଉଦ୍ୟମରେ ଇଂରାଜୀ ବନାନ Oriyaରୁ Odiaକୁ ପରିବର୍ତ୍ତନ ହେଲା, ISO code: Orକୁ ବଦଳାଇ Od କରିବା ଦାୟିତ୍ଵ କାହାର ?
- ଓଡ଼ିଶା ସାହିତ୍ୟ ଏକାଡେମୀର ନିଜସ୍ଵ ୱେବସାଇଟ ୧୪ ଜୁନ ୨୦୧୩ ପର୍ଯ୍ୟନ୍ତ ଥିଲା
ଏବେ ଆଉ ନାହିଁ । ଏବେ କ'ଣ ଏହାର ଆବଶ୍ୟକ ନାହିଁ ?ଏବେ ଉପଲବ୍ଧ - ଓଡ଼ିଶା ସରକାରଙ୍କ ୱେବସାଇଟର ଓଡ଼ିଆ ସଂସ୍କରଣ ନାହିଁ । ଦିଲ୍ଲୀ ସରକାରଙ୍କ ୱେବସାଇଟର ହିନ୍ଦୀ ସଂସ୍କରଣ ଅଛି । ଦିଲ୍ଲୀରେ ଇଂରାଜୀ ପଢିପାରୁଥିବା ଲୋକଙ୍କ ସଂଖ୍ୟା ଓଡ଼ିଶା ଅପେକ୍ଷା କମ ?
- ଓଡ଼ିଶା ପର୍ଯ୍ୟଟନ ବିଭାଗ ୱେବସାଇଟ ଇଂରାଜୀରେ କିନ୍ତୁ କେରଳର ପର୍ଯ୍ୟଟନ ବିଭାଗର ତଥ୍ୟ ଓଡ଼ିଆରେ ମଧ୍ୟ ଉପଲବ୍ଧ । ଓଡ଼ିଶାବାସୀଙ୍କୁ ନିଜ ରାଜ୍ୟର ବୁଲିବା ଯାଗାମାନଙ୍କ ବାବଦରେ ଜାଣିବା ଆବଶ୍ୟକ ନାହିଁ ?
- ନବୀନ ପଟ୍ଟନାୟକଙ୍କ ବାବଦରେ ତଥ୍ୟ ଓଡ଼ିଆରେ ନାହିଁ କିନ୍ତୁ ନରେନ୍ଦ୍ର ମୋଦୀଙ୍କ ବାବଦରେ ତଥ୍ୟ ଓଡ଼ିଆରେ ଅଛି । ନବୀନ ପଟ୍ଟନାୟକଙ୍କ ଅପେକ୍ଷା ନରେନ୍ଦ୍ର ମୋଦୀଙ୍କ ବାବଦରେ ଅଧିକ ଓଡ଼ିଆ ଲୋକ ଜାଣିବାକୁ ଆଗ୍ରହୀ ?
- ସବୁଦିନ କାମରେ ଆସୁନଥିବା ନିର୍ବାଚନ କମିଶନଙ୍କ ୱେବସାଇଟରେ ୟୁନିକୋଡ଼ ଓଡ଼ିଆ ବ୍ୟବହାର ହେଉଛି ଅଥଚ ପ୍ରତିଦିନ ଲୋକଙ୍କ କାମରେ ଆସୁଥିବା ଭୂଲେଖରେ କରାଯାଉନାହିଁ । ଲୋକଙ୍କୁ ଜାଣିଶୁଣି ହଇରାଣ କରାଯାଉଛି ?
- ଓଡ଼ିଆ ଖବରକାଗଜ ୟୁନିକୋଡ଼ ମାନକ ବ୍ୟବହାର କରୁନାହାନ୍ତି । ଅନ୍ୟ ରାଜ୍ୟରେ ଏହା ୨୦୦୯ରୁ ଆରମ୍ଭ ହେଇସାରିଲାଣି । ଖବରକାଗଜ ସଂସ୍ଥା ଗୁଡ଼ିକୁ ବୁଝାଇବା ଦାୟିତ୍ଵ କାହାର ?
- ସର୍ବସାଧାରଣ ବ୍ୟବହାର ନିମନ୍ତେ ଉପଲବ୍ଧ ଉଚ୍ଚମାନର ଓଡ଼ିଆ ଫଣ୍ଟ ବହୁତ କମ ଅଛି ବା ନଥିବା ସହ ସମାନ । କିନ୍ତୁ ଅନ୍ୟ ଭାଷାରେ ଏହିଭଳି ଏକାଧିକ ଫଣ୍ଟ ଅଛି ।
- ଉନ୍ନତ ମାନର ଅପ୍ଟିକାର କ୍ୟାରେକ୍ଟର ରିକୋଗନିସନ (OCR) ସଫ୍ଟୱେର ପ୍ରସ୍ତୁତି ।
ଅସମାପ୍ତ...
ଉଇକିଆଳି କିଏ ଓ ସେମାନେ ଓଡ଼ିଆ ଭାଷା ନିମନ୍ତେ କ'ଣ କରୁଛନ୍ତି ?[ସମ୍ପାଦନା]
- ଉଇକିମିଡିଆ ଫାଉଣ୍ଡେସନର ବିଭିନ୍ନ ଓଡ଼ିଆ ପ୍ରକଳ୍ପକୁ ନିଜ ଅବଦାନ ଦ୍ଵାରା ସମୃଦ୍ଧ କରୁଥିବା ବ୍ୟକ୍ତି ମାନେ ଉଇକିଆଳି ଭାବେ ପରିଚିତ । ଏମାନଙ୍କ ମଧ୍ୟରେ ଅଛନ୍ତି:
- ୧୮ ବର୍ଷର ଯୁବକ ଠାରୁ ଆରମ୍ଭ କରି ୮୦ ବର୍ଷ ବୟସର ଯୁବକ (୮୦ବର୍ଷ ବୟସରେ ମଧ୍ୟ ସେ ଅନେକ ଯୁବକଙ୍କ ଅପେକ୍ଷା ଢେର ଅଧିକ କାମକରୁଛନ୍ତି )
- ଅବସରପ୍ରାପ୍ତ ଡାକ୍ତର, ଛାତ୍ର, ଇଞ୍ଜିନିଅର, ଗୃହିଣୀ, ଡିଜାଇନର, ସରକାରୀ କର୍ମଚାରୀ ଓ ଆଉରି ଅନେକ
- ଉଇକିଆଳିମାନେ ପ୍ରତ୍ୟେକ ଦିନ ବିନା କୌଣସି ପାରିଶ୍ରମିକ, ପୁରସ୍କାର ଓ ସରକାରୀ ପ୍ରୋତ୍ସାହନରେ କାମ କରୁଅଛନ୍ତି ।
- ଉଇକିଆଳିମାନେ ଓଡ଼ିଶା ତଥା ଓଡ଼ିଶା ବାହାରେ ଅହମଦାବାଦ, କଲିକତା, ନୂଆଦିଲ୍ଲୀ, ବେଙ୍ଗାଳୁରୁ, ମୁମ୍ବାଇ ଓ ଆମେରିକାରୁ କାମ କରୁଅଛନ୍ତି ।
ଉଇକିଆଳିଙ୍କ କାମ[ସମ୍ପାଦନା]
- ସିମିତ ଲୋକବଳ ଓ ଅର୍ଥବଳ ଥିଲେ ମଧ୍ୟ ଉଇକିଆଳିମାନେ କରୁଥିବା କାମ ଗୁଡ଼ିକ ହେଲା:
- ଓଡ଼ିଆ ଭାଷାର ସର୍ବବୃହତ ମୁକ୍ତ ତଥା ଅନଲାଇନ ଜ୍ଞାନକୋଷ ଉଇକିପିଡ଼ିଆର ପରିଚାଳନା ତଥା ଏହର ଗୁଣାତ୍ମକ ମାନରେ ନିରନ୍ତର ଉନ୍ନତି ।
- ୧,୦୮,୦୦୦ରୁ ଅଧିକ ଶବ୍ଦ ଥିବା ଓଡ଼ିଆ ଉଇକିଅଭିଧାନର ପରିଚାଳନା ତଥା ଏହାର ଗୁଣାତ୍ମକ ମାନରେ ନିରନ୍ତର ଉନ୍ନତି ।
- ୨୦୦ରୁ ଅଧିକ ଖୋଜିହେଉଥିବା ଭଳି ବହି ଥିବା ଉଇକିପାଠାଗାରର ପରିଚାଳନା ତଥା ଏହାର ସଂଖ୍ୟାରେ ନିରନ୍ତର ଅଭିବୃଦ୍ଧି । ଅତିଶିଘ୍ର ଆଉ ୧୦୦ ବହି ଡିଜିଟାଇଜ ହେବାକୁ ଯାଉଅଛି ।
- ୩ଟି ଫଣ୍ଟ କନଭର୍ଟରର ପ୍ରସ୍ତୁତି ।
- OCR ନିମନ୍ତେ ଚେଷ୍ଟା
- ମୋଜିଲା ଫାୟାରଫକ୍ସରେ ଓଡ଼ିଆ ଅଭିଧାନ ଏଡ-ଅନ
- ଗୁଗଲ କ୍ରୋମରେ ଓଡ଼ିଆ ଟାଇପିଙ୍ଗ ଏଡ-ଅନ
- ସ୍ଵତ୍ତ୍ଵାଧିକାର ମୁକ୍ତ ତଥ୍ୟ ନିମନ୍ତେ ନିରନ୍ତର ପ୍ରଚେଷ୍ଟା ।
- କମ୍ପ୍ୟୁଟରେ ଓଡ଼ିଆ ବ୍ୟବହାର ନିମନ୍ତେ ମାଗଣା ବୈଷୟିକ ସହାୟତା
ଅସମାପ୍ତ...
ତଥାଗତ ଶତପଥୀ, ସମ୍ପାଦକ, ଧରିତ୍ରୀ[ସମ୍ପାଦନା]
- ଧରିତ୍ରୀ ଗନ୍ତାଘରେ ଥିବା ଛବି ଗୁଡ଼ିକ ସର୍ବସାଧାରଣଙ୍କ ବ୍ୟବହାର ନିମନ୍ତେ ଉଇକିକମନ୍ସରେ ଅପଲୋଡ଼ କରିବା ନିମନ୍ତେ ଅନୁମତି
- ଅଲଜଜୀରା ପ୍ରକାରେ ଏକ ସ୍ଵତନ୍ତ୍ର ଛାଞ୍ଚ ଜରିଆରେ ଧରିତ୍ରୀର ଅବଦାନକୁ ଉପଯୁକ୍ତ ପରିଚୟ ଦିଆଯିବ
- ନନ୍ଦିନୀ ଶତପଥୀ ଓ କାଳନ୍ଦୀ ଚରଣ ପାଣିଗ୍ରାହୀଙ୍କ ଦ୍ଵାରା ଲିଖିତ ବହିଗୁଡ଼ିକୁ ଉଇକି ପାଠାଗାର ମାଧ୍ୟମରେ ପ୍ରକାଶ କରିବା ନିମନ୍ତେ ଅନୁମତି ପ୍ରଦାନ କରିବା
- ପୃଥିବୀର ଯେକୌଣସି ସ୍ଥାନରେ (ଇଣ୍ଟରନେଟ ଉପଲବ୍ଧ ଥିଲେ) ଥାଇ ମଧ୍ୟ ପାଠକ ବହିଗୁଡ଼ିକୁ ପଢ଼ିପାରିବେ
- ଧରିତ୍ରୀର ଇ-ସଂସ୍କରଣ ଅକ୍ଷର/ ମାନକ ୟୁନିକୋଡ଼ରେ ପ୍ରକାଶ କରିବା
- ପୁନଃବ୍ୟବହାରଯୋଗ୍ୟ /ଇଣ୍ଟରନେଟରେ ଖୋଜି ପାଇହେବ
- ଧରିତ୍ରୀର ନିଜସ୍ବ ୱେବସାଇଟ ୟୁନିକୋଡ଼ ଓଡ଼ିଆରେ ଆରମ୍ଭ କରିବା
- ଇଣ୍ଟରନେଟର ଓଡ଼ିଆ ଭାଷା ନିମନ୍ତେ ଏକ ଅନୁକୁଳ ପରିବେଶ ତିଆରି କରିବାରେ ସହାୟକ ହେବ
- ଧରିତ୍ରୀ ଅକ୍ଷରରୂପର ୟୁନିକୋଡ଼ ସଂସ୍କରଣ ମୁକ୍ତଭାବେ ଉପଲବ୍ଧ କରାଇବା
- ବ୍ୟବହାର ବଢ଼ିଲେ ଏହା ଡାଲଡା, ଅମୁଲ ଓ ଜେରକ୍ସ ଭଳି ଏକ ମାନକରେ ପରିଣତ ହେବ
- ଉଇକିଆଳୀଙ୍କୁ ଦରକାରୀ ତଥ୍ୟ ଯୋଗାଇବା ନିମନ୍ତେ ବ୍ୟବସ୍ଥା କରିବା (ଯୋଗାଯୋଗ)
ତଥାଗତ ଶତପଥୀ, ସାଂସଦ, ଲୋକ ସଭା[ସମ୍ପାଦନା]
- ଓଡ଼ିଶା ସରକାରଙ୍କ ଦ୍ଵାରା ପ୍ରକାଶିତ ତଥ୍ୟ ସବୁ CCbySAଲାଇସେନ୍ସରେ ପ୍ରକାଶ କରିବା
- ଓଡ଼ିଶା ପର୍ଯ୍ୟଟନ ବିଭାଗ ନିକଟରେ ଥିବା ଛବି ଗୁଡ଼ିକର ପୁନଃବିତରଣ
- ସୂଚନା ଓ ଲୋକସମ୍ପର୍କ ବିଭାଗ ଦ୍ୱାରା ପ୍ରକାଶିତ ଉତ୍କଳ ପ୍ରସଙ୍ଗ ଓ Orissa Reviewର ସବୁ ପୁରୁଣା ସଂସ୍କରଣକୁ CC ଲାଇସେନ୍ସରେ ପୁନଃ ବିତରଣ
- ଓଡ଼ିଶା ସରକାରଙ୍କ ବିଭିନ୍ନ ୱେବସାଇଟକୁ ମାନକ ୟୁନିକୋଡ଼ ଓଡ଼ିଆରେ ପ୍ରକାଶିତ କରିବା
- ଭୂଲେଖ ୱେବସାଇଟରେ ଥିବା ତଥ୍ୟ ସବୁ ୟୁନିକୋଡ଼ ଓଡ଼ିଆରେ ଉପଲବ୍ଧ କରାଇବା
- ଓଡ଼ିଶା ସରକାରଙ୍କ ଦ୍ୱାରା ବିଭିନ୍ନ ସାଧନ ମୁକ୍ତ ଭାବେ ଉପଲବ୍ଧ କରାଇବା/ ପୁରସ୍କାର ପ୍ରଦାନ କରିବା
- ଇଣ୍ଟରନେଟର ଓଡ଼ିଆ ଭାଷାର ବହୁଳ ବ୍ୟବହାର ନିମନ୍ତେ ମାଗଣା ସାଧନ (ଓସିଆର, ୟୁନିକୋଡ଼ ଫଣ୍ଟ, କିବୋର୍ଡ଼ ମ୍ୟାନେଜର, ଭିଜୁଆଲ ଗାଇଡ଼) ଉପଲବ୍ଧ କରାଉଥିବା ବ୍ୟକ୍ତି/ସଂସ୍ଥାଙ୍କ ନିମନ୍ତେ ଆର୍ଥିକ ପୁରସ୍କାର ପ୍ରଚଳନ
- ତାମିଲନାଡୁ ସରକାରଙ୍କ ଭଳି ଲେଖକଙ୍କୁ ଉପଯୁକ୍ତ ପାରିଶ୍ରମିକ ଦେଇ ସେମାନଙ୍କ ସାହିତ୍ୟକୃତିକୁ ସର୍ବସାଧାରଣଙ୍କ ନିମନ୍ତେ ଉପଲବ୍ଧ କରାଇବା
- ରାଜ୍ୟର ବିଜଦ ବୈଠକ/ ବିଧାନ ସଭା ଅଧିବେଶନ ବେଳେ ବିଜଦ ଲୋକ ପ୍ରତିନିଧିମାନଙ୍କ ଛବି ଉତ୍ତୋଳନ ନିମନ୍ତେ ବନ୍ଦୋବସ୍ତ
- Naveenpatnaik.com ୱେବସାଇଟରେ ଥିବା ଛବି ଗୁଡ଼ିକର ପୁନଃଲାଇସେନ୍ସ କରଣ
'ଵ' ଓ 'ୱ' ବାବଦରେ[ସମ୍ପାଦନା]
ପ୍ରିୟ ଶୈଳେଶ ଉଇକିପିଡ଼ିଆରେ ତୁମ ଅଭିଜ୍ଞତାରୁ ଏହା ନିଶ୍ଚିତ ଭାବେ ଜାଣିପାରୁଥିବ ଯେ ଏହା ଶୁଭାଶିଷ ବା ମୋ ହାତର କଥା ନୁହଁ । ଏହିଭଳି ନିଷ୍ପତ୍ତି ଏକଛତ୍ରବାଦ ଶାସନ ଭଳି ଜଣେ ବ୍ୟକ୍ତିଙ୍କ ମତ ଆଧାରରେ ନିଆଯାଏନାହିଁ, ଗଣତନ୍ତ୍ର ଶାସନ ଭଳି ଆଲୋଚନା ସଭାରେ (https://or.wikipedia.org/s/25) ଏଥିନିମନ୍ତେ ବିଧିବଦ୍ଧ ଆଲୋଚନା କରାଯାଏ ଓ ସଂଖ୍ୟାଧିକ ଉଇକିଆଳି ସମର୍ଥନ କରୁଥିବା ମତକୁ କାର୍ଯ୍ୟକାରୀ କରାଯାଏ । ଏହାର ଉଭୟ ଭଲ ଓ ମନ୍ଦ ଦିଗ ରହିଛି । ଅନେକ ଭଲ ଥିବା ସତ୍ତ୍ଵେ ମନ୍ଦ ଦିଗଟି ହେଲା: ଆମେ ଅନେକ ଭଲ ପ୍ରସ୍ତାବକୁ କାର୍ଯ୍ୟକାରୀ କରିବାରେ ବିଫଳ ହେଇଛେ । ଠିକ ଏହି ପ୍ରସ୍ତାବ ଭଳି ଉଇକିପିଡ଼ିଆର ନାମ ବଦଳେଇବା ନିମନ୍ତେ ପୂର୍ବରୁ ଅନେକ ମତ ଆସିଥିଲା:
- ବିକିପୀଡିଆ କିମ୍ବା ୱିକିପୀଡିଆ (ସମ୍ବିଧାନ ମହାନ୍ତି, ଅପ୍ରେଲ ୨୦୧୧)
- ବିକିପିଡ଼ିଆ (ସଁବି ର, ଅପ୍ରେଲ ୨୦୧୧)
- ବିକିପେଡ଼ିଆ (ଶୁଭାଶିଷ ପାଣିଗ୍ରାହୀ, ଅପ୍ରେଲ ୨୦୧୧)
- ବିକିପେଡ଼ିଆ (ଅଂଶୁମାନ ପାଣିଗ୍ରାହୀ, ଅପ୍ରେଲ ୨୦୧୧)
- ୱିକିପେଡ଼ିଆ (ଜ୍ୟୋତି ପ୍ରସାଦ ପଟ୍ଟନାୟକ, ଫେବୃଆରୀ ୨୦୧୨)
- ଉଇକିପେଡିଆ, ସୁବାସ ଚନ୍ଦ୍ର ରାଉତ, ମଇ ୨୦୧୩
ହୁଏତ ଏହା ସମ୍ପୂର୍ଣ୍ଣ ନୁହେଁ, ଆଉରି କିଛି ଥାଇପାରେ ! ପ୍ରଥମରୁ ଏହା ଲେଖିବାକୁ ଉଚିତ ମନେ କରୁଛି ଯେ:
- ଦୁଃଖୀଶ୍ୟାମ ବାବୁଙ୍କୁ ମୁଁ ବ୍ୟକ୍ତିଗତ ଭାବେ ଜାଣେନାହିଁ । ସେ ନିଜେ ଲେଖିଥିବା କେତୋଟି ବହିରେ 'ୱ' ବଦଳରେ 'ଵ' ବ୍ୟବହାର କରିଛନ୍ତି ସେକଥା ମଧ୍ୟ ଜାଣିନି । ସମସ୍ତେ ଅବଗତ ଥିବେ ୧୮ ବର୍ଷର ଛାତ୍ର ଠାରୁ ଆରମ୍ଭ କରି ୮୦ ବର୍ଷ ବୟସର ଅବସରପ୍ରାପ୍ତ ଡାକ୍ତର ପର୍ଯ୍ୟନ୍ତ ବିନା ପାରିଶ୍ରମିକରେ ଓଡ଼ିଆ ଉଇକିପିଡ଼ିଆକୁ ସମୃଦ୍ଧ କରିବାକୁ ଉଦ୍ୟମରତ ଅଛନ୍ତି । ଏଠାରେ ଏପରି ମନ୍ତବ୍ୟ ଦେବା ଛଡ଼ା ଓଡ଼ିଆ ଭାଷା ନିମନ୍ତେ ଦୁଃଖୀଶ୍ୟାମ ବାବୁ ଆଉ କ'ଣ କ'ଣ କାମ କରିଛନ୍ତି ବା କରୁଛନ୍ତି (ବିନା ପାରିଶ୍ରମିକରେ) ତାହା ମଧ୍ୟ ଜାଣିନି । (ମୋ ଅଜ୍ଞତା ନିମନ୍ତେ ମୁଁ ବ୍ୟକ୍ତିଗତ ଭାବେ କ୍ଷମାପ୍ରାର୍ଥୀ)
- ଉପର ଲିଖିତ ମନ୍ତବ୍ୟରେ ଦୁଃଖୀଶ୍ୟାମ ବାବୁ ଯେଉଁସବୁ ଶବ୍ଦକୁ ବ୍ୟବହାର କରିବା ଉଚିତ ମନେ କରିଛନ୍ତି, ସେଥିରୁ ତାଙ୍କର ଓଡ଼ିଆ ଭାଷା ବାବଦରେ ଗଭୀର ଜ୍ଞାନ ସହ ଆମ କାମପ୍ରତି ତାଙ୍କର କେତେ ସମ୍ମାନ ଅଛି ଜଣାପଡୁଛି । ଦୁଃଖୀଶ୍ୟାମ ବାବୁ ଜାଣିରଖିବା ଉଚିତ ବାରମ୍ବାର ଗୋଟିଏ ମନ୍ତବ୍ୟ ଅନେକ ସ୍ଥାନରେ ଲେଖିଲେ ଉଇକିଆଳିଙ୍କ ନିକଟରେ ତାହା ଗୁରୁତ୍ଵପୂର୍ଣ୍ଣ ହେଇଯିବନି ବରଂ ଉତ୍ତର ଦେବାକୁ ଅସୁବିଧା ହେବ ତେଣୁ ଦୟାପୂର୍ବକ ଗୋଟିଏ ସ୍ଥାନରେ ହିଁ ଲେଖିବାକୁ ଅନୁରୋଧ । ଦୁଃଖର ସହ ସ୍ଵିକାର କରିବାକୁ ବାଧ୍ୟ ହେଉଛି ଯେ, ଆମ କାମକୁ ତାଚ୍ଛଲ୍ୟ କରୁଥିବା ଜଣେ ଅଜଣା ବ୍ୟକ୍ତିଙ୍କୁ ସମ୍ମାନ ଜଣାଇବା ଭଳି ଉଦାର ମୁଁ ଏପର୍ଯ୍ୟନ୍ତ ହେଇପାରିନି ।
- ମୁଁ ଦୁଃଖୀଶ୍ୟାମ ବାବୁଙ୍କ ସହ ଏକମତ ଯେ 'ୱ' ଏକ ବ୍ୟାକରଣ ଶୁଦ୍ଧ ଅକ୍ଷର ନୁହେଁ (ପରେ ସମୟ ପାଇଲେ 'ଵ' ଓ 'ୱ' ବାବଦରେ ଉଇକିପିଡ଼ିଆରେ ଅଧିକ ଲେଖିବି) ତଥାପି ଏହା ବହୁଳ ବ୍ୟବହୃତ । ଠିକ ଯେପରି ମର୍ମନ୍ତୁଦ ଏକ ଭୁଲ ଶବ୍ଦ (ଏହା ବ୍ୟାକରଣ ଶୁଦ୍ଧ ଶବ୍ଦ ନୁହେଁ । ପୂର୍ଣ୍ଣଚନ୍ଦ୍ର ଭାଷାକୋଷ, ପୃଷ୍ଠା: ୬୩୧୫) ହେଲେ ମଧ୍ୟ ଅଧିକାଂଶ ମର୍ମତୁଦ ବଦଳରେ ମର୍ମନ୍ତୁଦ ହିଁ ବ୍ୟବହାର କରୁଛନ୍ତି ।
ମୁଁ ବ୍ୟକ୍ତିଗତ ଭାବେ 'ଵ' ବ୍ୟବହାରକୁ ବର୍ତ୍ତମାନ ପରିସ୍ଥିତିରେ ସମର୍ଥନ କରୁନାହିଁ, ତଥାପି ଦୁଃଖୀଶ୍ୟାମ ବାବୁଙ୍କ ମତକୁ କାର୍ଯ୍ୟକାରୀ କରିବାକୁ ହେଲେ ପ୍ରଥମେ ଆଲୋଚନାସଭାରେ ଲେଖି ସାଥୀ ଉଇକିଆଳିଙ୍କ ମତ ଜାଣିବାକୁ ପଡ଼ିବ (ପୃଥିବୀ ସାରା ଉପଲବ୍ଧ ୨୮୪+ ଭାଷାର ଉଇକିପିଡ଼ିଆରେ ଏହିପରି ହିଁ ନିଷ୍ପତ୍ତି ନିଆଯାଇଥାଏ)।
- 'ଵ' ସପକ୍ଷରେ ଯଥେଷ୍ଟ ତଥ୍ୟଗତ ପ୍ରମାଣ ସହ ଏହା କାହିଁକି ବ୍ୟବହାର କରିବା ଉଚିତ ସେ ବାବଦରେ ଆଲୋଚନା ସଭାରେ ଲେଖିବାକୁ ପଡ଼ିବ ।
- 'ଵ' ଅକ୍ଷରଟି ଏବେ (ମୋ ଜାଣତରେ) କୌଣସି ଖବରକାଗଜ ଓ ପଢ଼ାବହିରେ ବ୍ୟବହାର କରାଯାଉନି । (ଖବରକାଗଜ ଓ ପଢ଼ାବହିରେ 'ୱ' ବଦଳରେ 'ଵ' ବ୍ୟବହାର କରିବା ନିମନ୍ତେ ତଥା ସାଧାରଣ ଲୋକଙ୍କୁ ଏବାବଦରେ ସଚେତନ କରିବା ବାବଦରେ ଦୁଃଖୀଶ୍ୟାମ ବାବୁ କ'ଣ କ'ଣ ପଦକ୍ଷେପ ନେଇଛନ୍ତି ବା ନେଉଛନ୍ତି ଜଣାଇଲେ ବ୍ୟକ୍ତିଗତ ଭାବେ ମୁଁ ଖୁସି ହେବି ) । 'ଵ' ହେଉଛି 'ଌ' ଓ 'ୡ' ଭଳି ଏକ ଅଳ୍ପବ୍ୟବହୃତ/ଲୁପ୍ତ ଅକ୍ଷର, ୠ ମଧ୍ୟ ଧିରେ ଧିରେ ସେ ଆଡ଼କୁ ଗତି କରୁଛି । ଅନେକ ଲୋକ ଏହି ଅକ୍ଷରର ସ୍ଥିତି ବାବଦରେ ମଧ୍ୟ ଜାଣନ୍ତି ନାହିଁ ।
- ତଥାପି ସରକାର ଜାରୀ କରୁଥିବା ଅଧ୍ୟାଦେଶ ଭଳି ଆମେ ଉଇକିଆଳିମାନେ ଏକମତ ହେଇ 'ଵ' ବ୍ୟବହାର କରିପାରିବା (ଯଦିଓ ଏହାକୁ ଅନ୍ୟ ଉଇକିଆଳିମାନେ ସମର୍ଥନ କରିବେ ଏପରି ଆଶା ମୋର ନାହିଁ) । ଯଦି ଦୈବାତ ଏହି ପ୍ରକ୍ରିୟାରେ ଆମେ ନାମ ବଦଳାଇବା ତାହେଲେ:
- ଭବିଷ୍ୟତରେ ଏହାର ଯଥାର୍ଥତା ନେଇ ପ୍ରଶ୍ନ ଉଠାଉଥିବା ସମସ୍ତ ବ୍ୟକ୍ତିଙ୍କୁ ସନ୍ତୋଷଜନକ ଉତ୍ତର ଦେବା ନିମନ୍ତେ 'ଵ' ଓ 'ୱ' ବାବଦରେ ସବିଶେଷ ତଥ୍ୟ ଥିବା ଏକ ତୁଳନାତ୍ମକ ପ୍ରସଙ୍ଗ ଲେଖି ରଖିବାକୁ ପଡ଼ିବ ।
- 'ଵ' ସପକ୍ଷରେ ଏବେ ମୋ ପାଖରେ ଯଥେଷ୍ଟ ତଥ୍ୟ/ ପ୍ରମାଣ ନାହିଁ ।
- ଅଧିକାଂଶ ସକ୍ରିୟ ଓଡ଼ିଆ ଉଇକିଆଳି ଜାଣନ୍ତି ଗୋଟିଏ ଲୋକପ୍ରିୟ ୱେବସାଇଟକୁ ଓଡ଼ିଆରେ ଉପଲବ୍ଧ କରାଇବା ନିମନ୍ତେ ମୁଁ ଏବେ (ବିନା ପାରିଶ୍ରମିକରେ) କାମ କରୁଥିବାରୁ ଏହିଭଳି ଏକ ପ୍ରସଙ୍ଗ ଲେଖିବା ନିମନ୍ତେ ଏବେ ମୋ ପାଖରେ ଯଥେଷ୍ଟ ସମୟ ନାହିଁ । ଅନ୍ୟ କେହି ଉଇକିଆଳି ଯଦି ଏହି ପ୍ରସଙ୍ଗ ଲେଖିବାକୁ ଇଚ୍ଛୁକ, ତା'ହେଲେ ମୁଁ ଯଥାସାଧ୍ୟ ସାହାଯ୍ୟ କରିବାକୁ ଚେଷ୍ଟା କରିବି ।
- ଦୁଃଖୀଶ୍ୟାମ ବାବୁ ଯଦି 'ଵ' ଅକ୍ଷର ବ୍ୟବହାର ସପକ୍ଷରେ ତଥ୍ୟପ୍ରମାଣ ଥାଇ ଏକ ଉପଯୁକ୍ତ ପ୍ରସଙ୍ଗ ଲେଖିବାର ଦାୟିତ୍ଵ ନିଅନ୍ତି କିମ୍ବା ପୂର୍ବରୁ ନିଜେ ଲେଖିଥିବା କୌଣସି ପ୍ରସଙ୍ଗ/ବହି ଦିଅନ୍ତି ତେବେ ଆଲୋଚନା କରି ଏହାକୁ କାର୍ଯ୍ୟକାରୀ କରିବାର ଦାୟିତ୍ଵ ନେବାକୁ ମୁଁ ପ୍ରସ୍ତୁତ ଅଛି ।
ତେବେ ଏଠାରେ କହିରଖେ: ଏବେକାର ସମୟରେ ଉଇକିପିଡ଼ିଆର ନାମ ବଦଳ ଠାରୁ ବହୁତ ଅଧିକ ଗୁରୁତ୍ଵ ବହନ କରୁଥିବା ଓଡ଼ିଆ ଭାଷା ସମ୍ବନ୍ଧୀୟ ଅନେକ ଅସମାହିତ ପ୍ରସଙ୍ଗ ରହିଛି, ସେସବୁର ତୁରନ୍ତ ସମାଧାନ ହେବା ଉଚିତ । ସେଥିମଧ୍ୟରୁ ଯାହାସବୁ ମନେ ପଡ଼ିଲା, ସେସବୁ ଏକାଠି କରିବାକୁ ଚେଷ୍ଟା କରିଛି। ଯଦି କେହିଦେଖିବାକୁ ଆଗ୍ରହୀ ତେବେ ତଳେ ଦେଖିପାରିବେ: ସେସବୁ ସମସ୍ୟାର ସମାଧାନ ନିମନ୍ତେ ଯଦି ଓଡ଼ିଆ ଉଇକିଆଳିମାନଙ୍କର କେହି କିଛି ସହଯୋଗ ଦରକାର କରନ୍ତି, ତେବେ ସମସ୍ତେ ଆଗଭର ହୋଇ ନିଜ ସାଧ୍ୟମତେ ସାହାଯ୍ୟ କରିବେ ବୋଲି ମୋର ଆଶା ତଥା ବିଶ୍ଵାସ । ଅନ୍ୟକାମରେ ବ୍ୟସ୍ତ ରହୁଥିବାରୁ ଏହି ଆଲୋଚନା ମୁଁ ଆରମ୍ଭ କରିବାକୁ ଚାହୁଁନଥିଲି । ଶୁଭାଶିଷ ଉତ୍ତର ଦେବା ପରେ ମଧ୍ୟ ଦୁଃଖୀଶ୍ୟାମ ବାବୁ ବୁଝିବାକୁ ଆଗ୍ରହୀ ନୁହନ୍ତି, ତେଣୁ ମୁଁ କିଛି ମନ୍ତବ୍ୟ ଦେଉନଥିଲି । (ଏହାପରେ ଏହି ଆଲୋଚନାରେ ମୁଁ ବା ମୋ ତରଫରୁ କେହି ଉଇକିଆଳି ଉତ୍ତର ଦେବାକୁ ବାଧ୍ୟ ନୁହନ୍ତି ।)