ସୁଚେତା କୃପାଲାନି

ସୁଚେତା କୃପାଲାନି (ପୂର୍ବବର୍ତୀ ମଜୁମଦାର , ୨୫ ଜୁନ , ୧୯୦୮ -୧ ଡିସେମ୍ବର ୧୯୭୪ ) ଜଣେ ଭାରତୀୟ ସ୍ଵାଧୀନତା ସଂଗ୍ରାମୀ ଓ ରାଜନୈତିକ ନେତ୍ରୀ ଥିଲେ  । ସେ ଭାରତ ର ପ୍ରଥମ ମହିଳା ମୁଖ୍ୟମନ୍ତ୍ରୀ ଭାବରେ ଉତ୍ତର ପ୍ରଦେଶ ର ସରକାର ଗଠନ କରି ୧୯୬୩ ମସିହା ରୁ ୧୯୬୭ ମସିହା ଯାଏ ଶାସନ ଭାର ସମ୍ଭାଳି ଥିଲେ । 

ପ୍ରାରମ୍ଭିକ ଜୀବନ 

ସୁଚେତା ଙ୍କ ଜନ୍ମ ତତ୍ କାଳୀନ ପଞ୍ଜାବ ର ଅମ୍ବାଲା ଠାରେ ହେଇଥିଲା । (ତାହା ବର୍ତମାନ ହରିୟଣା ରାଜ୍ୟ ରେ ରହିଛି ) ତାଙ୍କର ପିତାମାତା ବଙ୍ଗାଳୀ ବ୍ରାହ୍ମ ସମାଜ ର ଥିଲେ । ସେ   ଇନ୍ଦ୍ରପ୍ରସ୍ଥ କଲେଜ ଓ ପଞ୍ଜାବ ବିଶ୍ୱବିଦ୍ୟାଳୟ ରେ  ପାଠ ପଢି ସାରି ବନାରସ ହିନ୍ଦୁ ବିଶ୍ୱବିଦ୍ୟାଳୟ ରେ ସାମ୍ବିଧାନିକ ଇତିହାସ ରେ ଅଧ୍ୟାପକ ରହିଥିଲେ । ୧୯୩୬ ମସିହା ରେ ସେ ତାଙ୍କ ଠାରୁ ୨୦ ବର୍ଷ ବଡ ବିଶିଷ୍ଟ କଂଗ୍ରେସ ନେତା ଆଚାର୍ଯ୍ୟ କୃପାଲାନି ଙ୍କୁ ବିବାହ କରିଥିଲେ ।ଉଭୟଙ୍କ ପରିବାର ତଥା ମହାତ୍ମା ଗାନ୍ଧୀ ଙ୍କ ପ୍ରସ୍ତାବ ଅନୁସାରେ ଏହି ବିବାହ ହେଇଥିଲା । 

ସ୍ଵାଧୀନତା ସଂଗ୍ରାମ ଓ ସ୍ଵାଧୀନତା 

 ତାଙ୍କ ସମକାଳୀନ ନେତ୍ରୀ ଅରୁଣା ଆସଫ ଅଲ୍ଲୀ ଓ ଉଷା ମେହେଟା ଙ୍କ ପରି ସୁଚେତା ମଧ୍ୟ ମହାତ୍ମା ଗାନ୍ଧୀ ଙ୍କ ଦ୍ଵାରା ପ୍ରେରିତ ହେଇ ଭାରତ ଛାଡ ଆନ୍ଦୋଳନ ରେ ନିଜକୁ ସାମିଲ କରିଥିଲେ । ପରେ ବିଭାଜନ ଜନିତ ଡଙ୍ଗା ସମୟ ରେ ସେ ମହାତ୍ମା ଗାନ୍ଧୀଙ୍କ ସହ କାର୍ଯ୍ୟ କରିଥିଲେ । ଭାରତ ସ୍ଵାଧୀନତା ହେବା ପୂର୍ବ ସମୟ  ରେ ଗଠିତ ନୂତନ ସମ୍ବିଧାନ ପ୍ରଣୟନ ପାଇଁ ଗଠିତ ବିଧାୟକ ସଭା କୁ ସେ ନିର୍ବାଚିତ ହେଇଥିଲେ । ଭାରତ ର ନୂତନ ସମ୍ବିଧାନ ର ରୂପରେଖ ନିର୍ଧାରଣ ପାଇଁ ଗଠିତ ସବ-କମିଟି ରେ ସେ ରହିଥିଲେ । ସ୍ଵାଧୀନ ଭାରତ ର ସମ୍ବିଧାନ ସଭା ର ପ୍ରଥମ ଅଧିବେଶନ ରେ ସେ ବନ୍ଦେ ମାତରମ୍  ଗାନ  କରିଥିଲେ । ଏହା ପରେ ପ୍ରଧାନ ମନ୍ତ୍ରୀ ନେହେରୁ ତାଙ୍କର ବିଖ୍ୟାତ " Tryst With Destiny " ଭାଷଣ ଦେଇଥିଲେ । ୧୯୪୦ ମସିହା ରେ ସ୍ଥାପିତ ହେଇଥିବା "ସର୍ବ ଭାରତୀୟ ମହିଳା କଂଗ୍ରେସ " ସୁଚେତା କୃପାଲାନି ସ୍ଥାପନ କରିଥିଲେ । 

ସ୍ଵାଧୀନତା ପରବର୍ତୀ କାଳ 

୧୯୪୯ ମସିହା ରେ ଉଲ୍ଲା ଲିଣ୍ଡଷ୍ଟ୍ରମ , ବାରବାରା କାଷ୍ଟଲ , କାରିଣୀ ବିଳସନ ଓ ଏଲିନର ଋଜଭେଲ୍ଟ ଙ୍କ ସହ ସୁଚେତା .

ସ୍ଵାଧୀନତା ପରେ ସୁଚେତା ସକ୍ରିୟ ରାଜନୀତି ରେ ରହି ୧୯୫୨ ସାଧାରଣ ନିର୍ବାଚନ ରେ ସେ ନୂଆ ଦିଲ୍ଲୀ ରେ ଏକ ନୂତନ ଦଳ କେଏମପିପି ତରଫ ରୁ ନିର୍ବାଚନ ଲଡି କଂଗ୍ରେସ ଦଳ ର ମନମୋହିନୀ ସହଗଳ ଙ୍କୁ ପରାସ୍ତ କରିଥିଲେ । ସେହି ସମୟ ରେ ତାଙ୍କ ସ୍ଵାମୀ ଙ୍କ ସହ ସେ କଂଗ୍ରେସ ଦଳ ଛାଡି ସେହି ନୂତନ ଦଳ ଗଠନ କରିଥିଲେ । ତେବେ ପରେ ସେ କଂଗ୍ରେସ କୁ ପ୍ରତ୍ୟାବର୍ତନ କରି ପରବର୍ତୀ ନିର୍ବାଚନ କଂଗ୍ରେସ ପ୍ରାର୍ଥିନୀ ଭାବରେ ଜିତି ଥିଲେ । ଏହା ପରେ ସେ ଉତ୍ତର ପ୍ରଦେଶ ର ଗୋଣ୍ଡା ନିର୍ବାଚନ ମଣ୍ଡଳୀ ରୁ ପାର୍ଲିଆମେଣ୍ଟ ନିର୍ବାଚନ ଜିତିଥିଲେ । 

ଏହି ମଧ୍ୟବର୍ତୀ କାଳ ରେ ସେ ଉତ୍ତର ପ୍ରଦେଶ ବିଧାନସଭା ପାଇଁ ନିର୍ବାଚନ ରେ ପ୍ରାର୍ଥୀ ହେଇ ବିଜୟିନୀ ହେଇଥିଲେ ଓ ୧୯୬୦ ମସିହା ରୁ ୧୯୬୩ ମସିହା ଯାଏ ରାଜ୍ୟ ର ଶ୍ରମ ବିଭାଗ , ଶିଳ୍ପ ଓ ଗୋଷ୍ଠୀ ଉନ୍ନୟନ ବିଭାଗ ମନ୍ତ୍ରୀ ପଦ ଗ୍ରହଣ କରିଥିଲେ । ୧୯୬୩ ମସିହା ଅକ୍ଟୋବର ମାସ ରେ ସେ ଭାରତ ର ଏକ  ରାଜ୍ୟ ର ସର୍ବପ୍ରଥମ ମହିଳା ମୁଖ୍ୟ ମନ୍ତ୍ରୀ ଭାବରେ କାର୍ଯ୍ୟ ଭାର ଗ୍ରହଣ କରିବାର ସମ୍ମାନ ଅର୍ଜନ କରିଥିଲେ । ତାଙ୍କ କରଜ୍ୟକାଳ ମଧ୍ୟ ରେ ଉତ୍ତର ପ୍ରଦେଶ ସରକାରୀ କର୍ମଚାରୀ ମାନେ କରିଥିବା ୬୨ ଦିନ ର ଆନ୍ଦୋଳନ କୁ ସେ ଖୁବ ଦୃଢ ଭାବରେ ମୁକାବିଲା କରିଥିଲେ । 

ସୁଚେତା ୧୯୭୧ ମସିହା ରେ ରାଜନୀତି ରୁ ସନ୍ୟାସ ଗ୍ରହଣ କରି ୧୯୭୪ ରେ ତାଙ୍କର ପରଲୋକ ପର୍ଯ୍ୟନ୍ତ ନିରୋଳା ଜୀବନ ଯାପନ କରିଥିଲେ ।