ବିଦ୍ୟୁତ୍ ଶକ୍ତି

ବିଦ୍ୟୁତ୍ ଶକ୍ତି ଏହି ପରି ଓଭରହେଡ୍ ଲାଇନ୍ଦ୍ୱାରା ଏବଂ ଅଣ୍ଡରଗ୍ରାଉଣ୍ଡ ହାଇ-ଭୋଲଟେଜ୍ କେବୁଲ ମାଧ୍ୟମରେ ମଧ୍ୟ ପ୍ରେରଣ କରାଯାଏ ।

ପ୍ରତି ୟୁନିଟ ସମୟରେ ଏକ ପରିପଥ ଦେଇ ବୈଦୁତିକ ଊର୍ଜାର ସ୍ଥାନନ୍ତରଣ 'ହାର'କୁ ବିଦ୍ୟୁତ୍ ଶକ୍ତି କୁହାଯାଏ । SI ମାନକରେ ଶକ୍ତିର ଏକକ ହେଉଛି ୱାଟ (watt), ଏକ ଜୁଲ୍ (joule) ପ୍ରତି ସେକେଣ୍ଡ ।

ବିଦ୍ୟୁତ ଶକ୍ତି ମୁଖ୍ୟତଃ ବୈଦୁତିକ ଜନିତ୍ର (ଜେନେରେଟର)ଦ୍ୱାରା ଉତ୍ପାଦନ କରାଯାଏ, ଏହା ସହ ବୈଦୁତିକ ବ୍ୟାଟେରୀ ପରି ଉତ୍ସର ବହୁଳ ପ୍ରଚାଳନ ମଧ୍ୟ ହୋଇଥାଏ । ଏହା ସାଧାରଣତଃ ଆବାସିକ ଏବଂ ବ୍ୟବହାସାୟିକ ଅନୁଷ୍ଠାନଗୁଡ଼ିକୁ ବୈଦୁତିକ ଶକ୍ତି ଶିଳ୍ପଦ୍ୱାରା ବିଦ୍ୟୁତ୍ ଗ୍ରୀଡ଼ ମାଧ୍ୟମରେ ଯୋଗାଇ ଦିଆଯାଏ । ବହୁ ଦୂରରେ ଥିବା ବୈଦୁତିକ ଭାର (ଲୋଡ୍) ଗୁଡ଼ିକ ପାଇଁ ଟ୍ରାନ୍ସମିସନ୍ ଲାଇନ୍ଦ୍ୱାରା ବିଦ୍ୟୁତ୍ ଶକ୍ତି ପ୍ରେରଣ କରାଯାଇଥାଏ ।

ସଂଜ୍ଞା

ଯାନ୍ତ୍ରିକ ଶକ୍ତି ପରି ବୈଦୁତିକ ଶକ୍ତି ବି ହେଉଛି କାର୍ଯ୍ୟ କରିବାର ହାର, ଏହାକୁ ୱାଟ ଏକକରେ ମାପ କରାଯାଏ ଏବଂ ଲାଟିନ ଅକ୍ଷର P ଅକ୍ଷରଦ୍ୱାରା ସୁଚାଯାଏ । ସାଧାରଣ ଭାଷାରେ ୱାଟେଜ୍ ଶବ୍ଦର ଅର୍ଥ ହେଉଛି "କେତେ ୱାଟ ବିଦ୍ୟୁତି ଶକ୍ତି ଖର୍ଚ ହୁଏ" । ଯଦି Q କୁଲମ୍ବ ଚାର୍ଜ ବିଶିଷ୍ଟ ବିଦ୍ୟୁତ୍ ସ୍ରୋତ I ପ୍ରତି t ସେକେଣ୍ଡରେ ବିଦ୍ୟୁତ ବିଭବ ପାର୍ଥକ୍ୟ (ଭୋଲ୍ଟେଜ୍) V ଦେଇ ପ୍ରବାହିତ ହୁଏ, ତେବେ ଉତ୍ପନ୍ନ ହେଉଥିବା ବିଦ୍ୟୁତ ଶକ୍ତି (ୱାଟରେ) ହେବ:

$P={\text{work done per unit time}}={\frac {VQ}{t}}=VI\,$

ଯେଉଁଠାରେ,

Q ହେଉଛି ବୈଦୁତିକ ଚାର୍ଜ, କୁଲମ୍ବରେ

t ହେଉଛି ସମୟ, ସେକେଣ୍ଡରେ

I ହେଉଛି ବିଦ୍ୟୁତ୍ ସ୍ରୋତ, ଅମ୍ପିଅରରେ

V ହେଉଛି ବିଦ୍ୟୁତ ବିଭାବାନ୍ତର ବା ଭୋଲଟେଜ, ଭୋଲ୍ଟରେ

ବାହାର ଲିଙ୍କ

• ପାୱାର ଆଣ୍ଡ ଏନର୍ଜି, ନେସନାଲ ପୋର୍ଟାଲ ଅଫ ଇଣ୍ଡିଆ]
• GlobTek, Inc. Glossary of Electric power Power Supply Terms
• Platform of electric sector Archived 2020-04-08 at the Wayback Machine.