ବିଚ୍ଛିନ୍ନ କାନ୍ଧ
| ବିଚ୍ଛିନ୍ନ କାନ୍ଧ (Separated shoulder) | |
|---|---|
| Acromioclavicular joint injury, acromioclavicular separation, AC joint separation, AC separation | |
.png) ଏକ୍ସ-ରେ ଚିତ୍ରରେ କ୍ଲାଭିକ୍ଲ (collarbone) ଓ ସ୍କାପୁଲା (scapula) ଅସ୍ଥି ଦ୍ୱୟ ବିଚ୍ଛିନ୍ନ ହୋଇଯାଇଥିବା ଦେଖାଯାଉଛି । | |
| ବିଭାଗ | ଅସ୍ଥି ଶଲ୍ୟ ବିଭାଗ (Orthopedics), ଆଶୁ ଚିକିତ୍ସା ବିଭାଗ (emergency medicine) |
| ଲକ୍ଷଣ | ଯନ୍ତ୍ରଣା, ଚଳନ ସୀମା ସଙ୍କୁଚିତ, କଦାକାର [୧][୨] |
| କାରଣ | ପଡ଼ିଯିବା ଭଳି ଆଘାତ [୨] |
| ବିପଦ କାରକ | ସଂଘର୍ଷ ଖେଳ (Contact sports)[୩] |
| ରୋଗ ନିର୍ଣ୍ଣୟ ପଦ୍ଧତି | ରୋଗୀ ପରୀକ୍ଷା ଓ ଏକ୍ସ-ରେ [୨] |
| ସଠିକ ରୋଗ ନିର୍ଣ୍ଣୟ | ସ୍ଥାନଚ୍ୟୁତ କାନ୍ଧ (Dislocated shoulder), ଅସ୍ଥି ଭଗ୍ନ[୪] |
| ଚିକିତ୍ସା | ଟାଇପ ୧ ଓ ୨ ନିମନ୍ତେ ସ୍ଲିଙ୍ଗ (Sling) ଓ ଔଷଧ,[୨] ଟାଇପ ୩ ନିମନ୍ତେ ରକ୍ଷଣଶୀଳ ଚିକିତ୍ସା, ଉପଶମ ନହେଲେ ଅପରେଶନ,[୨] ଟାଇପ ୪, ୫ ଓ ୬ ନିମନ୍ତେ ଅପରେଶନ [୨] |
| ପୁନଃପୌନିକ | ସାମାନ୍ୟ ସାଧାରଣ[୩] |
ବିଚ୍ଛିନ୍ନ କାନ୍ଧ (separated shoulder, also known as acromioclavicular joint injury) ଏକ ସାମାନ୍ୟ ସାଧାରଣ ଆଘାତ ଯାହା ଆକ୍ରୋମିଓକ୍ଲାଭିକୁଲାର ଗଣ୍ଠି (acromioclavicular joint)ରେ ସଂଘଟିତ ହୋଇଥାଏ ।[୨] କ୍ଲାଭିକ୍ଲ ଅସ୍ଥିର ବହିର୍ଭାଗ ସହିତ ସ୍କାପୁଲାର ଆକ୍ରୋମିଅନ ପ୍ରୋସେସ ସଂଯୁକ୍ତ ହୋଇ ଏହି ଗଣ୍ଠି ନିର୍ମାଣ ହୋଇଥାଏ ।[୨] ଯନ୍ତ୍ରଣା ଯୋଗୁ କାନ୍ଧ ଚଳପ୍ରଚଳ କରିହୁଏନାହିଁ ଓ ପ୍ରଭାବିତ କାନ୍ଧ ବକ୍ରାକାର ଦେଖାଯାଏ ।[୨][୧]
ବାହୁ ଦେହର ପାର୍ଶ୍ୱ ଭାଗରେ ଥିବା ସମୟରେ କାନ୍ଧର ସାମନା ଓ ଉର୍ଦ୍ଧ୍ୱ ଭାଗରେ ଆଘାତଗ୍ରସ୍ତ ହେଲେ ଏହି ବିଚ୍ଛିନ୍ନ କାନ୍ଧ ହୁଏ ।[୨] ବର୍ଗୀକରଣର ସଂଖ୍ୟା ବୃଦ୍ଧି ସଙ୍ଗେ ସଙ୍ଗେ ଏହା ଅଧିକ ସାଂଘାତିକ ହୋଇଥିବା ଜଣାଯାଏ ।[୨] ରୋଗୀର କାନ୍ଧ ପରୀକ୍ଷା ଓ ଏକ୍ସ-ରେ (X-rays) ସାହାଯ୍ୟରେ ଏହି ଆଘାତ ନିର୍ଣ୍ଣୟ କରାଯାଏ । [୨] ଟାଇପ ୧ ଓ ୨ରେ କାନ୍ଧ ସାମାନ୍ୟ ବକ୍ରାକାର ଦେଖାଯାଏ ଓ ଟାଇପ ୩ରେ କାନ୍ଧ ଟେକିଦେଲେ (lifting the arm upwards) ଏହାର ଆକାର ସଠିକ ହୋଇଯାଏ ।[୨] ଟାଇପ ୪, ୫ ଓ ୬ରେ ଏଭଳି କାନ୍ଧ ଟେକିଦେଲେ ଆକାର ସଠିକ ଦେଖାଯାଏନାହିଁ । [୨]
ସାଧାରଣତଃ ଟାଇପ ୧ ଓ ୨ ଆଘାତ ବିନା ଅପରେଶନରେ ଚିକିତ୍ସା କରାଯାଏ, ଟାଇପ ୩ ନିମନ୍ତେ ରକ୍ଷଣଶୀଳ ଚିକିତ୍ସା, ଉପଶମ ନହେଲେ ଅପରେଶନ ଓ ଟାଇପ ୪, ୫ ଓ ୬ ନିମନ୍ତେ ଅପରେଶନ କରାଯାଏ ।[୩] ଟାଇପ ୧ ଓ ୨ ନିମନ୍ତେ ୧ବା ୨ ସପ୍ତାହ ନିମନ୍ତେ ସ୍ଲିଙ୍ଗ (sling) ଓ ଔଷଧ ଦିଆଯାଏ ।[୨] ଟାଇପ ୩ ନିମନ୍ତେ ରକ୍ଷଣଶୀଳ ଚିକିତ୍ସା କରାଯାଏ ଓ ଲକ୍ଷଣ ଉପଶମ ନହେଲେ ଅପରେଶନ କରାଯାଏ ।[୨]
ଖେଳକୁଦରେ ଓ ବିଶେଷତଃ ସଂଘର୍ଷ ଖେଳରେ (contact sports) ଭାଗ ନେଉଥିବା ଲୋକଙ୍କର ବିଚ୍ଛିନ୍ନ କାନ୍ଧ ଏକ ସାଧାରଣ ଆଘାତ । [୩] ହକି, ଫୁଟବଲ ଓ ରଗବି ଖେଳରେ ହେଉଥିବା କାନ୍ଧ ଆଘାତ (shoulder injuries) ମଧ୍ୟରୁ ଅର୍ଦ୍ଧକ ସଂଖ୍ୟକ କେବଳ ଏହି ବିଚ୍ଛିନ୍ନ କାନ୍ଧ ଆଘାତ ।[୧] କୋଡ଼ିଏରୁ ତିରିଶ ବର୍ଷ ବୟସ୍କ ଲୋକଙ୍କର ଏହି ଆଘାତ ଅଧିକ ହୁଏ । [୩] ମହିଳାଙ୍କ ଅପେକ୍ଷା ପୁରୁଷମାନେ ଅଧକ ଆଘାତ ପ୍ରାପ୍ତ ହୁଅନ୍ତି ।[୩] ପ୍ରଚଳିତ ବର୍ଗୀକରଣ ସନ ୧୯୮୪ରୁ ରହିଛି । [୧]
ଆହୁରି ଦେଖନ୍ତୁ
[ସମ୍ପାଦନା]ଆଧାର
[ସମ୍ପାଦନା]- 1 2 3 4 Willimon SC, Gaskill TR, Millett PJ (February 2011). "Acromioclavicular joint injuries: anatomy, diagnosis, and treatment". The Physician and Sportsmedicine. 39 (1): 116–22. doi:10.3810/psm.2011.02.1869. PMID 21378494.
- 1 2 3 4 5 6 7 8 9 10 11 12 13 14 15 16 Stucken C, Cohen SB (January 2015). "Management of acromioclavicular joint injuries". Orthopedic Clinics of North America. 46 (1): 57–66. doi:10.1016/j.ocl.2014.09.003. PMID 25435035.
- 1 2 3 4 5 6 Bishop JY, Kaeding C (December 2006). "Treatment of the acute traumatic acromioclavicular separation". Sports Medicine and Arthroscopy Review. 14 (4): 237–45. doi:10.1097/01.jsa.0000212330.32969.6e. PMID 17135974.
- ↑ Heckman J, Agarwal A, Schenck RC (2013). Current Orthopedic diagnosis & treatment (in ଇଂରାଜୀ). Current Medicine Group. p. 4. ISBN 9781461311072. Archived from the original on 2017-10-12.
External links
[ସମ୍ପାଦନା]| ଶ୍ରେଣୀବିଭାଗ | |
|---|---|
| ବାହାର ଉତ୍ସ |
- Wheeless Online online orthopedic resource (for orthopedists)
- Rollo J, Raghunath J, Porter K (October 2005). "Injuries of the acromioclavicular joint and current treatment options". Trauma. 7 (4): 217–223. doi:10.1191/1460408605ta349oa. Archived from the original on 2006-10-17. Retrieved 2018-05-23.