କୋରିଆର ରନ୍ଧନକଳା

ଉଇକିପିଡ଼ିଆ ରୁ
Jump to navigation Jump to search

କୋରିଆର ରନ୍ଧନକଳା କୋରିଆ ଉପଦ୍ୱୀପର ପାରମ୍ପାରିକ ରନ୍ଧନ ପରମ୍ପରା ଏବଂ ଅଭ୍ୟାସକୁ ବୁଝାଏ |ଅନେକ ଶତାବ୍ଦୀର ସାମାଜିକ ଏବଂ ରାଜନୈତିକ ପରିବର୍ତ୍ତନ ମାଧ୍ୟମରେ କୋରିଆର ରୋଷେଇର ବିକାଶ ହୋଇଛି । କୋରିଆର ରୋଷେଇ କୋରିଆ ଏବଂ ଦକ୍ଷିଣ ମଞ୍ଚୁରିଆର ପ୍ରାଚୀନ କୃଷିଭିତ୍ତିକ ଏବଂ ଯାଯାବର ପରମ୍ପରାରୁ ଓ ପ୍ରାକୃତିକ ପରିବେଶର ଜଟିଳ ପାରସ୍ପରିକ କ୍ରିୟା ଏବଂ ବିଭିନ୍ନ ସାଂସ୍କୃତିକ ଧାରା ମାଧ୍ୟମରେ ବିକଶିତ ହୋଇଛି ।[୧]

କୋରିଆ ରୋଷେଇ ମୁଖ୍ୟତଃ ଚାଉଳ, ପନିପରିବା ଏବଂ ମାଂସ ଉପରେ ଆଧାରିତ | ପାରମ୍ପାରିକ କୋରିଆ ଭୋଜନଗୁଡିକ ବାମ୍ଫଦ୍ୱାରା ରନ୍ଧା ହୋଇଥିବା ଛୋଟ ଦାନା ଚାଉଳ ସହିତ ପରସା ଯାଉଥିବ ଖାଦ୍ୟ ପାଇଁ ନାମିତ | କିମଚି ପ୍ରାୟ ପ୍ରତ୍ୟେକ ଭୋଜନରେ ପରିବେଷଣ କରାଯାଏ | ସାଧାରଣତଃ ବ୍ୟବହୃତ ଉପାଦାନଗୁଡ଼ିକରେ ରାଶି ତେଲ, ଡୋଏନଜାଙ୍ଗ (ଫର୍ମେଣ୍ଟେଡ୍ ବିନ୍ ପେଷ୍ଟ), ସୋୟା ସସ୍, ଲୁଣ, ରସୁଣ, ଅଦା, ଗୋଚୁଟଗୁରୁ (ଲଙ୍କା ଖଣ୍ଡ), ଗୋଚୁଜାଙ୍ଗ (ଫର୍ମେଣ୍ଟେଡ୍ ଲାଲ୍ ଲଙ୍କା ପେଷ୍ଟ) ଏବଂ ନାପା କୋବି ଅନ୍ତର୍ଭୁକ୍ତ |[୨]

ସାମଗ୍ରୀ ଏବଂ ଖାଦ୍ୟଗୁଡ଼ିକ ପ୍ରଦେଶ ଅନୁସାରେ ଭିନ୍ନ ହୋଇଥାଏ | ଅନେକ ଆଞ୍ଚଳିକ ଖାଦ୍ୟ ଜାତୀୟ ପ୍ରସିଦ୍ଧି ପାଇ ପାରିଛି। ଏକଦା ଆଞ୍ଚଳିକ ଖାଦ୍ୟଗୁଡିକ ଦେଶର ବିଭିନ୍ନ ଭିନ୍ନତାରେ ବୃଦ୍ଧି ପାଇଛି।

ମୁଖ୍ୟ ଉପାଦାନ[ସମ୍ପାଦନା]

ଖାଦ୍ୟ ଶସ୍ୟ[ସମ୍ପାଦନା]

ଚାଉଳ ଓ ଖିରରୁ ପ୍ରସ୍ତୁତ ତରାକ୍ ଜୁକ୍

ଚାଉଳ , ପାରମ୍ପରିକ ସାଧା ଭାତ ସହ ଅନେକ ଖାଦ୍ୟ ତିଆରିରେ ବ୍ୟବହୃତ ହୁଏ | ସାଧାରଣତଃ ଚାଉଳରୁ ପ୍ରସ୍ତୁତ ଚୁନା ଟ୍ଟିଓକ ନାମକ ଚାଉଳ ପିଠା ତିଆରିରେ ଯାହାର କି ପ୍ରାୟ ଦୁଇ ଶହରୁ ଅଧିକ କିସମ ରହିଛି | ଏହାକୁ ଏକ କାଞ୍ଜୀ ବ ଖୀରି ପରି ଖାଦ୍ୟରେ ବ୍ୟବହାର କରଯାଏ ଯେଉଥିରେ ଅନ୍ୟ ଶସ୍ୟ, ମାଂସ କିମ୍ବା ସମୁଦ୍ରଜାତ ଖାଦ୍ୟ ସହିତ ମିଶ୍ରଣ କରାଯାଏ ଚାଉଳରୁ ଅନେକ ମାଦକ ପାନୀୟ ପ୍ରସ୍ତୁତ କରାଯାଏ ।

ପ୍ରାକ୍-ଆଧୁନିକ ଯୁଗରେ, ବାର୍ଲି ଏବଂ ବାଜରା ପରି ଶସ୍ୟଗୁଡିକ ମୁଖ୍ୟ ଖାଦ୍ୟ ଥିଲା | ଏହା ସହ ଗହମ, ଯବ, ଏବଂ ବକହ୍ୱିଟ୍ଦ୍ୱାରା ଖାଦ୍ୟ ଭବେ ବ୍ୟବହ୍ରୁତ ହେଉଥିଲା । ଚାଉଳ କୋରିଆ ପାଇଁ ଏକ ସ୍ୱଦେଶୀ ଫସଲ ନୁହେଁ ଏବଂ ଚାଉଳ ଚାଷ ପୂର୍ବରୁ ବାଜରା ମୁଖ୍ୟ ଶସ୍ୟ ଥିଲା ।

ଡାଲି ଜାତୀୟ ଶସ୍ୟ[ସମ୍ପାଦନା]

କୋରିଆର ପ୍ରତ୍ନତାତ୍ତ୍ୱିକ ସ୍ଥାନମାନଙ୍କରେ ମିଳିଥିବା ପ୍ରମାଣ ଅନୁସାରେ, ଡାଲି ଜାତୀୟ ଶସ୍ୟଗୁଡିକ କୋରିଆର ଇତିହାସ ଏବଂ ରୋଷେଇରେ ଗୁରୁତ୍ୱପୂର୍ଣ୍ଣ ଓ ପୂରାତନ ଫସଲ ଅଟେ ।

ସୋୟାବିନ ପ୍ରାୟ ୧୦୦୦–୯୦୦ ଖ୍ରୀଷ୍ଟପୂର୍ବ ସମୟରୁ ଖାଦ୍ୟ ଫସଲ ଭାବରେ ଚାଷ କରାଯାଉଥିଲା । ସୋୟାବିନରୁ ତିଆରି ଟୋଫୁ , ସୋୟାବିନ୍ ଗଜାକୁ ପରିବା ଭାବରେ ବ୍ୟବହାର କରଯାଏ । ସୋୟାବିନକୁ ବିନା ରୋଷେଇରେ ମଧ୍ୟ ଖାଦ୍ୟ ଭାବେ ପରିବେଷଣ କରାଯାଏ | ସୋୟାବିନରୁ ପ୍ରସ୍ତୁତ ସୋୟା କ୍ଷୀର କଙ୍ଗଗୁସୁ ନାମକ ଖାଦ୍ୟ ପାଇଁ ବ୍ୟବହୃତ ହୁଏ ।

ମୁଗ ଡାଲି ବା ନୋକଡୁ , କୋରିଆ ରୋଷେଇର ଅନ୍ୟ ଏକ ମୁଖ୍ୟ ଉପାଦାନ । ଗଜା ମୁଗ ଯାହାକୁ ସୁଜୁ ନାମୁଲ୍ କୁହାଯାଏ, ପ୍ରାୟତଃ ପରିବ ଭବେ ରୋସେଇରେ ବ୍ୟବହାର କର ଯାଏ | ନୋକଡୁଜୁକ୍ ନାମକ ଏକ ଖୀରି ତିଆରି କରିବା ପାଇଁ ମୁଗ ଡାଲି ଗୁଣ୍ଡ ବ୍ୟବହାର କରାଯାଏ।

ମାଂସ[ସମ୍ପାଦନା]

ପ୍ରାଚୀନ କାଳରେ, କୋରିଆର ଅଧିକାଂଶ ମାଂସ ଶିକାର ଏବଂ ମତ୍ସ୍ୟଚାଷରୁ ଉତ୍ପାଦିତ ହେଉଥିଲା | ଯେଉଁମାନେ ସମୁଦ୍ରର ନିକଟତର ରହୁଥିଲେ ସେମାନଙ୍କ ଖାଦ୍ୟରେ ଅଧିକ ମତ୍ସ୍ୟ ଯେଉଁମାନେ ଭିତର ଭାଗରେ ରହୁଥିଲେ ସେମାନଙ୍କ ପାଖରେ ଅଧିକ ମାଂସ ବୟବହାର ହେଉଥିଲା ।

ଗୋରୁମାନେ କୋରିଆରେ ଏକ ଗୁରୁତ୍ୱପୂର୍ଣ୍ଣ ସାଂସ୍କୃତିକ ଭୂମିକା ଗ୍ରହଣ କରିଥାନ୍ତି। ଗୋମାଂସ ସବୁଠୁ ଅଧିକ ମୂଲ୍ୟବାନ ଅଟେ | ଗୋମାଂସ ଆଜି ଅନେକ ଉପାୟରେ ଖାଦ୍ୟରେ ବ୍ୟବହାର କରାଯାଏ ।

ଚିକେନ୍‌ର ସମସ୍ତ ଅଂଶ କୋରିଆ ରୋଷେଇରେ ବ୍ୟବହୃତ ହୁଏ |କୁକୁଡା ମାଂସ ସାଧାରଣତଃ ଭଜା କିମ୍ବା ପନିପରିବା ସହ ସୁପ୍ ପରି ଖିଆଯାଏ ।

ଉଭୟ ନଦୀ ଏବଂ ଲୁଣି ମାଛ କୋରିଆରେ ଲୋକପ୍ରିୟ । ମାଛକୁ କଞ୍ଚା, ପୋଡା, ଶୁଖା ବ୍ୟବହର କରାଯାଏ ।

ପରିବା[ସମ୍ପାଦନା]

ନାପା କୋବି

କୋରିଆ ରୋଷେଇରେ ସାଧାରଣତଃ ମୂଳା, ନାପା କୋବି, କାକୁଡି, ଆଳୁ, କନ୍ଦମୂଳ, ପାଳଙ୍ଗ, ଗଜା ବିନ୍ , ସ୍କାଲିଅନ୍, ରସୁଣ, ଲଙ୍କା, ସାମୁଦ୍ରିକ ଦଳ, ଜୁକିନି, ଛତୁ, ପଦ୍ମ ମୂଳ ଇତ୍ୟାଦି ପନିପରିବା ଭାବେ ଅନ୍ତର୍ଭୁକ୍ତ ।

କିମଚି[ସମ୍ପାଦନା]

ଅନେକ ପ୍ରକାରର କିମିଚି

କିମଚି ସାଧାରଣତଃ ନାପା କୋବି, କୋରିଆନ୍ ମୂଳା, କିମ୍ବା ବେଳେବେଳେ କାକୁଡିରେ ତିଆରି ହୋଇଥିବା କିଣ୍ବିତ ଖାଦ୍ୟକୁ ବୁଝାଏ | ସେଠାରେ ଚାରି ପ୍ରକାରର ଉପାଦାନ ଯାହା ମୁଖ୍ୟ ଅଟେ: ମସଲା, ଛତୁ ଏବଂ ଅନ୍ୟାନ୍ୟ ଅତିରିକ୍ତ ସାମଗ୍ରୀ | ନାଲି ଏବଂ କଳା ଲଙ୍କା, ଚିନାବାଦାମ, ରସୁଣ, ଅଦା, ପିଆଜ, ଏବଂ ସୋରିଷ ହେଉଛି ମସଲାର ଉଦାହରଣ । ଆଞ୍ଚଳିକ ଭିନ୍ନତା ସହିତ ଅସୀମ କିସମ ଅଛି, ଏବଂ ଏହା ଏକ ସାଇଡ୍ ଡିସ୍ ଭାବରେ ପରିବେଷଣ କରାଯାଏ ।[୨]

ଆଧାର[ସମ୍ପାଦନା]

  1. Pettid, M.J. (2008). Korean Cuisine: An Illustrated History. Reaktion Books. ISBN 978-1-86189-348-2. Retrieved 2020-11-17.
  2. ୨.୦ ୨.୧ Patra, JK; Das, G; Paramithiotis, S; Shin, HS (2016-09-28). "Kimchi and Other Widely Consumed Traditional Fermented Foods of Korea: A Review". Frontiers in Microbiology. 7: 1493. doi:10.3389/fmicb.2016.01493. PMC 5039233. PMID 27733844.