ଉଇକିପିଡ଼ିଆ:ଆଲୋଚନା ସଭା

Jump to navigation Jump to search

About this board

ଏହା ଓଡ଼ିଆ ଉଇକିଆଳିଙ୍କ ମଧ୍ୟରେ ଉଇକିପିଡ଼ିଆ ଏବଂ ଅନ୍ୟାନ୍ୟ ଉଇକିମିଡ଼ିଆ ବାବଦରେ ବିଭିନ୍ନ ଆଲୋଚନା ନିମନ୍ତେ । ଏଥିରେ ନିୟମାବଳୀ, ବୈଷୟିକ (technical) ଅସୁବିଧା ଓ ଅନ୍ୟାନ୍ୟ ଉଇକି ଭିତ୍ତିକ ଆଲୋଚନା ହୋଇଥାଏ ।


ସଞ୍ଚିତ ସଂସ୍କରଣ
ଅଭିଲେଖ ୧ ·  ·  ·  ·  ·  ·  ·  · ୦୯ · ୧୦ · ୧୧ · ୧୨ · ୧୩ · ୧୪ · ୧୫ · ୧୬ · ୧୭ · ୧୮ · ୧୯ · ୨୦ · ୨୧ · ୨୨ · ୨୩

ଶେଷ ଅଲୋଚନାଗୁଡିକ ୨୦୧୮-୦୭-୧୯ ଦିନ ଉଇକିପିଡ଼ିଆ:ଆଲୋଚନା ସଭା/ଅଭିଲେଖ ୨୩ରେ ସାଇତା ଯାଇଛି ।

ଉଇକିପିଡ଼ିଆ ବ୍ରାଣ୍ତ ନାମ ବାବଦରେ ଆଲୋଚନା

3
Pmsarangi (ଆଲୋଚନାଅବଦାନ)

ଆଜି, ୧୬-୦୪-୨୦୧୯ରେ ଦିଲ୍ଲୀର ସିଆଇଏସ ଅଫିସରେ ଉଇକିପିଡ଼ିଆ ବ୍ରାଣ୍ତ ନାମ ବାବଦରେ ଗୋଟିଏ ସଭା ହୋଇଥିଲା । ଏଥିରେ ଇଜ୍‌ପ୍ଟରୁ ସମୀର, ଯିଏକି ଏ ବାବଦରେ ଭାରତରେ ସ‌ଭା କରି ଉଇକିଆଳିଙ୍କର ପ୍ରତିକ୍ରିୟା ଜାଣିବାପାଇଁ ଭାରତ ଆସିଛନ୍ତି । ସିଏ ଗୋଟିଏ ପ୍ରେଜେଣ୍ଟେସନ ଦେଇଥିଲେ ଉଇକିମେଡ଼ିଆ ଓ ଉଇକିପିଡ଼ିଆ ବ୍ରାଣ୍ତ ନାମ ବାବଦରେ । ଯେମିତିକି ଗୁଗଲର ଅନେକ ଗୁଡ଼ିଏ ପ୍ରକଳ୍ପ ର‌ହିଛି କିନ୍ତୁ ଗୁଗଲ କ‌ହିଲେ ଗୋଟିଏ ଲୋଗୋରୁ ଲୋକ ଜାଣିପାରିବେ । ସେଠାରୁ ୟୁଟ୍ୟୁବ, ଗୁଗଲ ଆର୍ତ୍ତ, ଇତ୍ୟାଦି । ସେ ଜାଣିବାକୁ ଚାହୁଁଥିଲେ ଯେ ଉଇକିମିଡ଼ିଆ ନାମ ରହିବା ଦରକାର ନା ଆମେ ତାକୁ ବଦଳାଇ ଉଇକିପିଡ଼ିଆ କରିବା । ଏଥିରେ ଉଇକିଆଳିଙ୍କ ପ୍ରତିକ୍ରିୟା କଣ? କିଛିଜଣ କ‌ହିଲେ ବ୍ରାଣ୍ତନାମ ବ‌ଦଳାଇବା ଆବଶ୍ୟକ ନାହିଁ ଏହି ନାମରେ ହିଁ ଆମକୁ ଆଗକୁ ବଢ଼ିବା ଉଚିତ । କିଛି କ‌ହିଲେ ନାମ ବଦଳାଇ ଉଇକିପିଡ଼ିଆ ନାମ ଓ ଲୋଗୋ ରଖିବା ଉଚିତ ଯେହେତୁ ସମସ୍ତେ ଉଇକିପିଡ଼ିଆ ବାବଦରେ ଜାଣନ୍ତି ଏବଂ ଯଦି ସମ୍ଭବ ଅନ୍ୟ ପ୍ରକଳ୍ପ ଗୁଡ଼ିକର ଲୋଗୋ ବଦଳାଇ ପାରିବା ଯେମିତିକି ଉଇକିପାଠାଗାରରେ ଲୋଗୋ ଦେଖିଲେ ଜାଣିହେଉନି ସେଇଟା ଗୋଟିଏ ବ‌ହିଗୁଡ଼ିକର ରିପୋଜିଟୋରିକୁ ବୁଝାଉଛି ।

ସମୀର ଗୋଟିଏ ଉଦାହରଣ ଦେଇଥିଲେ ଉଇକିପିଡ଼ିଆର ଗୋଟିଏ ଆଲୋଚନା ସ‌ଭାରେ ଜଣକୁ ବିଦେଶକୁ ଯିବାର ଆମନ୍ତ୍ରଣ ଥିଲା କିନ୍ତୁ ଭିସା ଅଫିସରେ ସିଏ ଉଇକିମିଡ଼ିଆର ପତ୍ର ଦେଖାଇଥିବାରୁ ଭିସା ଅଫିସରେ ମିଡ଼ିଆ ଦେଖି ଭାବିଲେ ସିଏ କିଛି ପତ୍ରକାର ସମ୍ୱଧିତ ଭାବି ତାଙ୍କୁ ଭିସା ମିଳିନଥିଲା ।

ସାଧାରଣ ଲୋକମାନଙ୍କୁ ଉଇକିପିଡ଼ିଆରେ ବିଷୟରେ କିଛି ଜଣାଇବାକୁ ହେଲେ ଲୋକମାନେ ବୁଝିପାରନ୍ତି, ଯେହେତୁ ଉଇକିପିଡ଼ିଆ ବାବଦରେ ଲୋକ ଜାଣନ୍ତି କିନ୍ତୁ ଉଇକିମିଡ଼ିଆ ବାବଦରେ ପ୍ରାୟ ଲୋକ ଜାଣିନାହାନ୍ତି । କାହାକୁ ଆମକୁ ଉଇକିମିଡ଼ିଆ ବାବଦରେ ଜଣାଇବାକୁ ହେଲେ କ‌ହିବାକୁ ପଡ଼ୁଛି ଏଇଟା ଉଇକିପିଡ଼ିଆର ଗୋଟିଏ ପ୍ରୋଜେକ୍ଟ ଯେଉଁଥିଲେ ଫୋଟ ଓ ମିଡ଼ିଆଫାଇଲ ଥାଏ, ଉଦାହରଣ ହେଲା ଉଇକି କମନସ୍ । ତେଣୁ ଲୋକ ଟିକିଏ ଦ୍ୱିଧାରେ ପଡ଼ନ୍ତି । କିନ୍ତୁ ଏହା ଉଇକିଆଳିଙ୍କୁ ଜାଣିବାରେ ସ‌ହଜ ହୋଇଥାଇପାରେ ଯେହେତୁ ସେମାନେ ଉଇକିର ସବୁ ପ୍ରକଳ୍ପ ବାବଦରେ ଅବଗତ ଥାଆନ୍ତି ।

ଏଥିରେ ଓଡ଼ିଆ ଉଇକିପିଡ଼ିଆରୁ ମୁଁ, ରବି ମହାନ୍ତି ଓ ମୋ ଝିଅ ଶିପ୍ରା ସଡ଼ଙ୍ଗୀ ଭାଗ ନେଇଥିଲୁ । ବଙ୍ଗାଳୀ ଉଇକିରୁ ସୁମିତା, ପଞ୍ଜାବୀରୁ ରୂପିକା ଓ ଗୌରବ, କନ୍ନଡ଼ରୁ ଗୋପାଳ ଭାଗନେଇଥିଲେ ।

Soumendrak (ଆଲୋଚନାଅବଦାନ)

ରିପୋର୍ଟ ଲେଖିଥିବାରୁ ଧନ୍ୟବାଦ । ତେବେ ଏହି ଆଲୋଚନାର ଫଳାଫଳ କ'ଣ ହେଲା ଲେଖିବାକୁ ଅନୁରୋଧ ।

Psubhashish (ଆଲୋଚନାଅବଦାନ)

ଭଲ ଭଲ କିଛି ପଏଣ୍ଟ ଲେଖିଛନ୍ତି ଅପା । କାଲି ବେଙ୍ଗାଳୁରୁରେ ଆୟୋଜିତ ସମାନ ମିଟିଂରେ ମୁଁ ଯିବା ପାଇଁ ଯୋଜନା କରୁଛି । ଯାଇ ଫେରିଲେ ଏଇଠି ଲେଖିବି ବୋଲି ଆଶା ।

Reply to "ଉଇକିପିଡ଼ିଆ ବ୍ରାଣ୍ତ ନାମ ବାବଦରେ ଆଲୋଚନା"

ଉଇକିପିଡ଼ିଆ/ଉଇକିଅଭିଧାନ ଜନ୍ମତିଥି

1
Psubhashish (ଆଲୋଚନାଅବଦାନ)

ଏବର୍ଷ କେହି ଉଇକିପିଡ଼ିଆ/ଉଇକିଅଭିଧାନ ଜନ୍ମତିଥି ବାବଦରେ କଥା ବି ହଉନାହାନ୍ତି । କଥା କଣ? ଉଇକିମିଡ଼ିଆ କମ୍ୟୁନିଟି ଭିତରେ ସବୁବେଳେ ଅନଲାଇନରେ କଥାବାର୍ତ୍ତା । ହେଲେ ସେ କମ୍ୟୁନିଟି ବି ସମାଜ ଭଳି । ସମାଜ ଭିତରେ ଯେତେ ଇଣ୍ଟରନେଟରେ କଥାବାର୍ତ୍ତା ହେଲେ ବି ମୁହଁଚାହାଁ ଲୋଡ଼ା । ଏପ୍ରିଲ ଆସି ସରିବାକୁ ବସିଲାଣି । ଆଉ ଗତ ବର୍ଷ ଉଇକିଅଭିଧାନ ପାଇଁ କୌଣସି ବିଧିବଦ୍ଧ ପାଳନ ହୋଇନାହିଁ । ସମସ୍ତେ ବର୍ଷରେ ଥରେ ହେଲେ ଯେମିତି ଦେଖାଚାହାଁ ହବାଟା ଜରୁରୀ ବୋଲି ମୁଁ ଭାବେ । କାରଣ ଏକାଠି ମିଶି କାମ କରିବା ପାଇଁ ସେତକ ଲୋଡ଼ା । ତେବେ ପୁରୁଣାମାନେ ହୁଏତ ଜାଣି ଦାୟିତ୍ୱ ନେଉନଥିବେ କାରଣ ଆଗରୁ ସବୁ ଦାୟିତ୍ୱ ସେମାନେ ତୁଲାଇଥିବାରୁ ଆଶା କରୁଥିବେ ଯେ ନୂଆମାନେ ଦାୟିତ୍ୱ ନିଅନ୍ତୁ, ଶିଖନ୍ତୁ ଆଉ ପୁଣି ତାଙ୍କ ପର ପିଢ଼ିକୁ ସେ ଦାୟିତ୍ୱ ଦିଅନ୍ତୁ । ଏକା ଲୋକ ସେଇ ସେଇ କାମକୁ ବାରମ୍ବାର କଲେ ନୂଆ ନେତୃତ୍ୱ ସୃଷ୍ଟି ହେବନି । ବ୍ୟକ୍ତିଗତ ଭାବେ ମୁଁ ମେ, ଜୁନ ଓ ଜୁଲାଇ କାମରେ ଟିକେ ବ୍ୟସ୍ତ ତେଣୁ ଇଚ୍ଛା ଥାଇ ବି ବେଶୀ କାମ ମୁଣ୍ଡରେ ମୁଣ୍ଡେଇପାରିବିନି । ତେବେ ମୋ ଆଡ଼ୁ ଯେତେ ସମ୍ଭବ କରିବି ବୋଲି କଥା ଦଉଚି । ଗତବର୍ଷ ଜନ୍ମତିଥି ବେଳେ ଆମେ କିଛି ଭିଡ଼ିଓ ସୁଟ କରିଥିଲୁ ଆଉ ଯୋଜନା ଥିଲା ଆମ କମ୍ୟୁନିଟିର କାହାଣୀ ଉଇକିଆଳିଙ୍କ ମୁହଁରେ କୁହାଇବା । ଧୀର ମନ୍ଥର ଗତିରେ ଚାଲିଲେ ବି କିଛି କିଛି ଭିଡ଼ିଓ ଏଇଠି ଛାଡ଼ୁଚି ଆଉ ଛାଡ଼ିବି । ଏସବୁ ଆମର ଜୁନ ୩ ଉଇକିପିଡ଼ିଆ ଜନ୍ମତିଥି ସମୟରେ ସୋସିଆଲ ମିଡ଼ିଆରେ ପ୍ରଚାର କାମରେ ଲାଗିବ ବୋଲି ଆଶା । ତେବେ ଅପେକ୍ଷାକୃତ ନୂଆ (ଗତ ୨-୨.୫ ବର୍ଷ ପାଖାପାଖି ଧରି ସକ୍ରିୟ ଥିବା ଉଇକିଆଳି) ଏଥର ଗ୍ରାଣ୍ଟ ଆପ୍ଲାଇ ଆଉ ଜନ୍ମତିଥି ପରିଚାଳନା ଭାର ନେଲେ ପୁରୁଖାମାନେ ବି ହାତ ବଢ଼େଇବେ ସାହାଯ୍ୟ ପାଇଁ । କିନ୍ତୁ ମୋ ଭଳି ବାକିମାନେ ବି ଜାଣିକି ନିଜ ଆଡୁ କହୁନାହାନ୍ତି ବୋଲି ଭାବୁଚି । ତଥାପି ମୁଁ ନିଜ ବ୍ୟକ୍ତିଗତ ମତ ଆଉ ଅନୁରୋଧ ରଖିଲି ଯେ ସମସ୍ତେ ଟିକେ ହାତ ଲଗେଇଲେ ଯାଇ ରଥ ଗଡ଼ିବ । ନ ଗଡ଼ିଲେ ଅଡ଼ୁଆ ।

Reply to "ଉଇକିପିଡ଼ିଆ/ଉଇକିଅଭିଧାନ ଜନ୍ମତିଥି"
Hellohappy (ଆଲୋଚନାଅବଦାନ)

ମୁଁ ଉଇକିମିଡ଼ିଆ ସମିଟ ୨୦୧୯ରେ ଯୋଗଦେଇଥିଲି । ଆଲୋଚନାର ବିଷୟବସ୍ତୁ ଥିଲା , ମୁଭମେଣ୍ଟ ଷ୍ଟ୍ରାଟେଜି । ୨୦୩୦ ମସିହାରେ ଉଇକିମିଡ଼ିଆ କାର୍ଯ୍ୟକ୍ରମର ରୂପରେଖ ନିର୍ଧାରଣ କରିବା ପାଇଁ ଏହି ଷ୍ଟ୍ରାଟେଜି ଆଲୋଚନା । ଏଥିପାଇଁ ୯ଟି ମୁଖ୍ୟ ଦିଗରେ ଆଲୋଚନା ଚାଲିଛି । ଏହି ୯ଟି ଦିଗରେ ଏକେ ସ୍କୋପ ଡକୁମେଣ୍ଟ ତିଆରି କରିବାପାଇଁ ୯ଟି ୱାର୍କଗୃପ ଗଠନ କରାଯାଇଥିଲା । ସେମାନେ ପ୍ରତ୍ୟେକ ଗୋଟିଏ ଗୋଟିଏ ଡ୍ରାଫ୍ଟ ସ୍କୋପ ଡକୁମେଣ୍ଟ ପ୍ରସ୍ତୁତ କରିଥିଲେ । ସେହି ଡ୍ରାଫ୍ଟ ସ୍କୋପ ଡକୁମେଣ୍ଟ ବାବଦରେ ୟୁଜରଗୃପମାନଙ୍କ ସହ ଆଲୋଚନା କରି ଡ୍ରାଫ୍ଟକୁ ଫାଇନାଲ କରିବା ଏଥର ସମିଟର ଲକ୍ଷ୍ୟ ଥିଲା । ମତେ diversity(ବିବିଧତା) ଓ Product & Technology ସ୍କୋପ ଡକୁମେଣ୍ଟ ଆଲୋଚନାରେ ଭାଗନେବାକୁ ସୁଯୋଗ ମିଳିଥିଲା । ଯେହେତୁ ଆମ ୟୁଜରଗୃପର ଇଚ୍ଚା ଥିଲା ଏକ ସହଜ ଓ ଉନ୍ନତ ଉଇକିପିଡ଼ିଆ ଲେ-ଆଉଟ ଏବଂ ମୋବାଇଲରୁ ସମ୍ପାଦନା କରାଯାଇପାରୁଥିବା ଏକ ଭଲ ଆପ୍ । ସେହି ଦୁଇଟି ଦିଗରେ ମୁଁ Product & Technology ଗ୍ରୁପ ସହିତ ଆଲୋଚନା କରିଥିଲି । ସେମାନେ ମତେ ଆଶ୍ୱାସନା ଦେଲେ ଯେ, ଲେଆଉଟକୁ ବଦଳେଇବାର ଯୋଜନା ସେମାନେ ସ୍କୋପ ଡକୁମେଣ୍ଟରେ ରଖିବାକୁ ଚେଷ୍ଟା କରିବେ । କିନ୍ତୁ ଏକଥା ବି କହିଲେ ଯେ, ଏ ପୁରୁଣା ଲେ-ଆଉଟକୁ ନବଦଳେଇବା ପାଇଁ ପୁରୁଣା ସମ୍ପାଦକମାନଙ୍କଠାରୁ ମଧ୍ୟ ଯଥେଷ୍ଟ ଅନୁରୋଧ ରହିଛି । ମୋବାଇଲ୍ ଆପ୍ ବାବଦରେ ସେମାନେ କହିଲେ ଯେ ଉଇକିମିଡ଼ିଆ ଫାଉଣ୍ଡେସନର ଏବେ ସେ ଦିଗରେ କାମ କରୁଛି । ହୁଏତ ଆମେ ଜଲଦି ସେ ଦିଗରେ କିଛି ସୁଫଳ ପାଇପାରିବା ।

Diversity(ବିବିଧତା) ଆଲୋଚନାରେ ମୁଁ ନୋଟେବିଲିଟି(Notability)କୁ ନେଇ ଆଲୋଚନା କରିଥିଲି । ଭାରତୀୟ ଲୋକମାନେ ନୋଟେବୁଲ୍ ନୁହନ୍ତି ବୋଲି କହି, ଇଂରାଜୀ ଉଇକିପିଡ଼ିଆରେ ବହୁ ପ୍ରସଙ୍ଗ ଲିଭେଇ ଦିଆଯାଉଛି ବୋଲି ମୁଁ କହିଥିଲି । ବହୁ ଲୋକ ଏ କଥାକୁ ସମର୍ଥନ ମଧ୍ୟ କରିଥିଲେ । କିନ୍ତୁ,ଏ ଦିଗରେ କିଛି ନିର୍ଦ୍ଧିଷ୍ଟ ଉତ୍ତର କେହି ଦେଇନଥିଲେ । ଆଲୋଚନାରେ ଫାଉଣ୍ଡେସନ ଏକ୍ସିକ୍ୟୁଟିଭ ଡିରେକ୍ଟର କ୍ୟାଥେରିନ ମଧ୍ୟ ଥିଲେ ।

ଅନ୍ୟ ଗୋଟିଏ ଗୁରୁତ୍ୱପୂର୍ଣ୍ଣ ଆଲୋଚନା ଥିଲା 2019 affiliate-selected Board seats process ବାବଦରେ । ବୋର୍ଡ଼ ଅଫ ଟ୍ରଷ୍ଟିର ନିର୍ବାଚନ ହେବାକୁ ଯାଉଛି । ୨ଟି ସ୍ଥାନ ପାଇଁ ନିର୍ବାଚନ ହେବ । ନିର୍ବାଚିତ ପ୍ରାର୍ଥୀ ୩ବର୍ଷ ଧରି ବୋର୍ଡ଼ରେ କାର୍ଯ୍ୟ କରିବେ । ଏହି ନିର୍ବାଚନରେ ଆମ ୟୁଜର ଗ୍ରୁପ ପ୍ରାର୍ଥୀ ମନୋନୟନ ଓ ମତଦାନ କରିପାରିବ । ଏହି ଲିଙ୍କରୁ ଏ ବିଷୟରେ ସବିଶେଷ ଜାଣି ହେବ । FAQଟା ବି ପଢି ପାରନ୍ତି ।

Asia-Oceania Wikimedia meetingରେ ଭାଗ ନେବାକୁ ମଧ୍ୟ ସୁଯୋଗ ମିଳିଥିଲା । ଏଥିରେ ହୋଇଥିବା ଆଲୋଚନା ଏ ଲିଙ୍କରୁ ଦେଖିହେବ ।

ଏତଦ ଭିନ୍ନ, ମୁଁ ଟ୍ରେନିଂ ଅଫ ଟ୍ରେନର୍ସ(Training of Trainers) କାର୍ଯ୍ୟକ୍ରମରେ ମଧ୍ୟ ଭାଗ ନେଇଥିଲି । ଏଠାରେ ବହୁ ଅଭିଜ୍ଞ ଉଇକି ପ୍ରଶିକ୍ଷକ ଓ ସମ୍ପାଦକ ମାନଙ୍କ ସହ ଭାବର ଆଦାନ-ପ୍ରଦାନ ହୋଇଥିଲା । ଏହି ଆଲୋଚନାରୁ ଜାଣିଲି ଯେ, ଆମେ ଗୋଷ୍ଠୀରେ ଥିବା ସୁବିଧା ଅସୁବିଧା ଅନ୍ୟମାନଙ୍କଠାରୁ ଭିନ୍ନ ନୁହେଁ । ହଁ ଆମର ଲୋକବଳ(ସମର୍ପିତ ଉଇକିଆଳି ସଂଖ୍ୟା) ଅନ୍ୟ କମୁନିଟିଠାରୁ ବହୁତ କମ । ଗୋଟିଏ କଥା ବୁଝିଲି ଯେ, ଉଇକି ଆଉଟରିଚ କାର୍ଯ୍ୟକ୍ରମ ବା କର୍ମଶାଳାରୁ କେବଳ ଉଇକି ପ୍ରତି ଜାଗୃକତା ସୃଷ୍ଟି କରିପାରିଲେ ସଫଳ ବୋଲି ପରିଗଣିତ ହେବ । ଏଥିରୁ ଯେ ଭଲ ସମ୍ପାଦକ ବାହାରିବେ, ତାହା ଆଶା କରିବା ଉଚିତ ନୁହେଁ । ତେବେ ଏହି ଆଉଟରିଚ କାର୍ଯ୍ୟକ୍ରମ ବା କର୍ମଶାଳା ଆମେ ଅଧିକରୁ ଅଧିକ କରିବା ଉଚିତ ।

ଏସବୁ ବ୍ୟତୀତ, ଯେଉଁ କଥା ମତେ ସବୁଠୁ ବେଶି ଆନନ୍ଦିତ କରିଲା, ତାହା ହେଲା ଆମ ଓଡ଼ିଆ ଉଇକିଆଳିଙ୍କ ପ୍ରତି ବିଶ୍ୱ-ଉଇକିଆଳିଙ୍କ ସମ୍ମାନ ଓ ଭଲପାଇବା । କେତୋଟି ଉଦାହରଣ କହିଲେ, ଅସଫ ନିଜ ବକ୍ତବ୍ୟରେ କରଭାଇନାଙ୍କ ଉଦାହରଣ ଦିଅନ୍ତି । ସାନି କୁହନ୍ତି, ସୁବାସ ଚନ୍ଦ୍ର ରାଉତ ସବୁ ଉଇକିଆଳିଙ୍କର ଆଦର୍ଶ ହେବା ଉଚିତ । ହିନ୍ଦୀ ଉଇକିପାଠାଗାର ଉଇକିଆଳି, ଆମ ପଙ୍କଜମାଳା ଅପାଙ୍କପ୍ରତି ଧନ୍ୟବାଦ ଦେଇ ଥକନ୍ତି ନାହିଁ । ପଞ୍ଜାବୀ ଉଇକିଆଳିମାନେ ଚିନୁ, ଅଲିଭା ଆଦିଙ୍କୁ ଝୁରନ୍ତି । ଗପୁ ଯେ ଦିନେ ଜଗତିଜିତା ଉଇକିଆଳିରେ ପରିଗଣିତ ହେବ, ତାହା ଅନେକ ହୃଦୟଙ୍ଗମ କରି ସାରିଲେଣି । ପ୍ରତୀକ କଥା, ବଙ୍ଗଳାଦେଶ ଲୋକ ପଚାରନ୍ତି । ଏମିତି ଆହୁରି ଅନେକ...

ମତେ ଉଇକିମିଡ଼ିଆ ସମିଟ ୨୦୧୯ ପାଇଁ ମନୋନୀତ କରିଥିବାରୁ ସମସ୍ତଙ୍କୁ ଧନ୍ୟବାଦ । ମୁଁ କମୁନିଟିର କିଛି କାମରେ ଆସିପାରିଲେ ଖୁସି ହେବି । ଧନ୍ୟବାଦ ।

Jnanaranjan sahu (ଆଲୋଚନାଅବଦାନ)

ଅନୁଭୁତି ବାଣ୍ଟିଥିବାରୁ ଧନ୍ୟବାଦ ।

Soumendrak (ଆଲୋଚନାଅବଦାନ)

ଭଲ ରିପୋର୍ଟ ଲେଖିଛନ୍ତି ପ୍ରୀତି ଭାଇ । ଅନ୍ୟମାନେ ଏଭଳି ଲେଖିଲେ ବଢ଼ିଆ ହୁଅନ୍ତା ।

ଅନ୍ୟ ଉଇକିପିଡ଼ିଆ ୟୁଜର ଗ୍ରୁପ, କିଭଳି ନୂତନ ଉଇକିଆଳିଙ୍କୁ ଆଣୁଛନ୍ତି ସେ ବିଷୟରେ କିଛି ଆଲୋଚନା ହୋଇଥିଲା କି?

Hellohappy (ଆଲୋଚନାଅବଦାନ)

ଧନ୍ୟବାଦ ଜ୍ଞାନ ଏବଂ ସୌମେନ୍ଦ୍ର । ସୌମେନ୍ଦ୍ର : ମୁଁ ତମ ସମସ୍ତଙ୍କଠୁ ଶିଖୁଛି । ଅନ୍ୟମାନେ ବି ରିପୋର୍ଟ ଲେଖିଛନ୍ତି ଆଗରୁ । ନୂଆ କେମିତି ଆସିବେ, ସେଇ କଥା ବହୁ ଅଭିଜ୍ଞ ଲୋକଙ୍କ ସହିତ କଥା ହେଇଥିଲି । ସମସ୍ତେ ଗୋଟିଏ କଥା କହିଲେ : ନୂଆ ଉଇକିଆଳି କେହି ଆଣି ପାରି ନାହାନ୍ତି, ନୂଆମାନେ ନିଜେ ଆସି ଯୋଗ ଦିଅନ୍ତି । ବିଭିନ୍ନ ଆଉଟରିଚ କାର୍ଯ୍ୟକ୍ରମଦ୍ୱାରା ଉଇକିପିଡ଼ିଆ ବାବଦରେ ଜାଗୃକତା ସୃଷ୍ଟି କରାଯାଇପାରେ । ସେସବୁ କାର୍ଯ୍ୟକ୍ରମରୁ ଯଦି କେହି ଆଗକୁ ବଢ଼ି ସମ୍ପାଦନା କରିଲେ, ସେଇଟା ବୋନସ ।

Ssgapu22 (ଆଲୋଚନାଅବଦାନ)

ଧନ୍ୟବାଦ ପ୍ରୀତି ଭାଇ, ଆପଣ ସେଠାକୁ ଗଲେ ଆଉ ଓଡ଼ିଆ ଉଇକିପିଡ଼ିଆ ବିଷୟରେ ତଥା ଉତ୍କଳ ଦିବସ ବିଷୟରେ ସେଇଠି ଜଣେଇଲେ ଆଉ ଫଟୋରୁ ଦେଖିଲି ଆପଣ ବହୁତ ଲୋକଙ୍କ ସହ ବି ମିଶିଛନ୍ତି । "ଗପୁ ଯେ ଦିନେ ଜଗତିଜିତା ଉଇକିଆଳିରେ ପରିଗଣିତ ହେବ, ତାହା ଅନେକ ହୃଦୟଙ୍ଗମ କରି ସାରିଲେଣି ।" ଏହି ଧାଡ଼ିଟି ପାଇଁ ମଧ୍ୟ ଧନ୍ୟବାଦ ।

Psubhashish (ଆଲୋଚନାଅବଦାନ)

ବହୁତ ବଢ଼ିଆ ହେଇଚି ରିପୋର୍ଟଟି । ଅଳପ ଶବ୍ଦରେ ଅନେକ କହିଚ । ଆଶା ଆମମାନଙ୍କ ଭିତରୁ ଯେଉଁମାନେ ବିଭିନ୍ନ କର୍ମଶାଳା ଆଦିରେ ଭାଗନେଉଚୁ ଏଭଳି ରିପୋର୍ଟ ଲେଖିବା ଆରମ୍ଭ କରିବୁ ।


ଭବିଷ୍ୟତ ରିପୋର୍ଟଲେଖାଳିମାନଙ୍କ ପାଇଁ: ପ୍ରୀତି ଭାଇ ରିପୋର୍ଟରେ ପ୍ରତି ଘଟଣାକୁ ଭାଗରେ ଭାଙ୍ଗିଛନ୍ତି:

  1. କଣ ଆଲୋଚନା ହେଲା
  2. ସେଥିରେ ମୁଁ କଣ କଲି
  3. ଆଗକୁ କଣ ହେବ ବା କି କି ଯୋଜନା ହେଉଚି
  4. ଆମେ କେଉଁଥିରେ ଭାଗ ନେଇପାରିବା ବା ଆମେ ଏଥିରୁ କଣ ଶିଖି କାମରେ ଲଗାଇପାରିବା

ରିପୋର୍ଟରେ ତଳ ଜିନିଷଗୁଡ଼ିକ ଜାଣି ଖୁସିଲାଗିଲା -

  • "ଉଇକି ଆଉଟରିଚ କାର୍ଯ୍ୟକ୍ରମ ବା କର୍ମଶାଳାରୁ କେବଳ ଉଇକି ପ୍ରତି ଜାଗୃକତା ସୃଷ୍ଟି କରିପାରିଲେ ସଫଳ ବୋଲି ପରିଗଣିତ ହେବ । ଏଥିରୁ ଯେ ଭଲ ସମ୍ପାଦକ ବାହାରିବେ, ତାହା ଆଶା କରିବା ଉଚିତ ନୁହେଁ ।" ଏଇ କଥାଟା ବଡ଼ ଗୁରୁତ୍ତ୍ୱପୂର୍ଣ୍ଣ । ଆମର ଅନେକ ଦିନରୁ ଏଭଳି ଆଉଟରିଚ ହୋଇନାହିଁ ଆଉ ଆଗକୁ ଅଧିକରୁ ଅଧିକ ଏଭଳି କର୍ମଶାଳାର ଆବଶ୍ଯକତା ରହିଛି । [ଭିନ୍ନ ପ୍ରସଙ୍ଗ: ଜାଗରୁକତା ବୋଧେ ହିନ୍ଦୀ ଶବ୍ଦ, ଓଡ଼ିଆରେ ଜନସଚେତନତା ହେବ :) ]
  • ମୋବାଇଲ ଆପ ଆଉ ଲେଆଉଟ ବଦଳିବା କଥାଟା ସତରେ ସୁଖବର । ଦେଖାଯାଉ କେବେ ହଉଚି ।
Pmsarangi (ଆଲୋଚନାଅବଦାନ)

ପ୍ରୀତି ଭାଇ, ବ‌ହୁତ ବଢ଼ିଆ ରିପୋର୍ଟ ଲେଖିଛନ୍ତି । ସେଠାରେ ଆପଣ ଯାହାଯାହା ଶିଖିଲେ ଜଣାଇଥିବାରୁ ଅନେକ ଧନ୍ୟବାଦ । ଆମ ଓଡ଼ିଆ ଉଇକିଆଳିଙ୍କୁ ବାହାରେ ଲୋକ ଜାଣିଥିବା ଶୁଣି ଖୁସି ଲାଗିଲା । ପୁଣିଥରେ ଧନ୍ୟବାଦ ।

Subas Chandra Rout (ଆଲୋଚନାଅବଦାନ)

ଆଜି ମୁଁ ପ୍ରୀତି ବାବୁଙ୍କ ରିପୋର୍ଟ ପଢିବା ପରେ ମୋର ହୃଦବୋଧ ହେଲା ଯେ ଆମେ ସଠିକ ବ୍ୟକ୍ତିଙ୍କୁ ବାଛି ପଠେଇଥିଲୁ ଯାହାର ଅନୁଭୂତି ବର୍ଣ୍ଣନା କରିବାର ଅଭିଜ୍ଞତା ଅଛି ଓ ସଂପୂର୍ଣ୍ଣ ସମର୍ପିତ ଭାବରେ ନିଜର କାର୍ଯ୍ୟ ନିର୍ବାହ କରିବା ଦକ୍ଷତା ଅଛି । ଓଡିଆ ଉଇକିଆଳିଙ୍କ ପ୍ରତି ଅନ୍ୟ ଦେଶର ଲୋକମାନଙ୍କ ଧ୍ୟାନ ଓ ଟିପ୍ପଣୀ ଉଲ୍ଲେଖଯୋଗ୍ୟ । ମୋ ବିଷୟରେ ସାନି (Shani Evenstein Sigalov) ଏତେ ଉଚ୍ଚ ଧାରଣା ରଖିଥିବାର କଥା ମୁଁ ଜାଣିନଥିଲି । କିନ୍ତୁ ଗୋଟିଏ କଥା ଲକ୍ଷ କରିଥିଲି ମୋ ବକ୍ତବ୍ୟ ଶେଷରେ କେପ ଟାଉନ ସଭାରେ ଥିବା ଲୋକମାନେ ପ୍ରଶଂସାପୂର୍ଣ୍ଣ ଆଖିରେ ମୋତେ ଅନେଇଥିଲେ ଓ ମୋ ବିଷୟରେ ପ୍ରାୟ ୬ ଜଣ ବ୍ୟକ୍ତି ଜଣକ ପରେ ଜଣେ ପ୍ରଶଂସା କରିଥିଲେ । ଏଥିରୁ ଗୋଟିଏ କଥା ସ୍ପଷ୍ଟ ହୋଇଛି ଯେ କାମ କରୁଥିବା ଲୋକଙ୍କୁ ସଠିକ ଭାବରେ ବାଛିବାର କ୍ଷମତା ସେମାନେ ରଖିଛନ୍ତି । ବହୁତ ଧନ୍ୟବାଦ ପ୍ରୀତି ବାବୁ ।

Reply to "ଉଇକିମିଡ଼ିଆ ସମିଟ ୨୦୧୯ର ଅନୁଭୁତି"

ଆନ୍ତର୍ଜାତୀୟ ମାତୃଭାଷା ଦିବସ ସପ୍ତାହରେ ଗଣ-ସମ୍ପାଦନାଟିଏ କରିବା କି?

8

ସମର୍ଥନ ଅଭାବରୁ ଏହି ଗଣସମ୍ପାଦନା ପ୍ରସ୍ତାବକୁ ନାକଚ କରାଗଲା ।

@Soumendrakନାକଚ କାହିଁକି କରାଗଲା ! ସମର୍ଥନ ଅଭାବ କାହିଁକି ଲେଖାଗଲା ! ଗପୁ, ଶୁଭାଶିଷ, ଜ୍ଞାନ ସମସ୍ତେ ସମର୍ଥନ କରିଥିଲେ ତ ! ମୋର ସମର୍ଥନକୁ ଆଧାର କରି, ଗପୁ ପ୍ରସଙ୍ଗ ଆରମ୍ଭ କରିଥିଲା । ସୌମେନ୍ଦ୍ର ତମେ ନିଜେ ବି ନିରପେକ୍ଷ ଥିଲ, ମାନେ ବିରୋଧ କରୁନଥିଲ । ମୁଁ ବୁଝିପାରିଲିନି ଅଚାନକ ଏମିତି କାହିଁକି ! ପ୍ରସ୍ତାବଟି ଭଲ ଥିଲା, ଆମ ଭାଷା ସାହିତ୍ୟ, ଆମ ଲୋକଙ୍କ ଲେଖାଯାଇପାରିଥାନ୍ତା ।

Ssgapu22 (ଆଲୋଚନାଅବଦାନ)

ପ୍ରତ୍ୟେକ ବର୍ଷ ଫେବୃଆରୀ ୨୧ ତାରିଖରେ ସାରା ବିଶ୍ୱ ଆନ୍ତର୍ଜାତୀୟ ମାତୃଭାଷା ଦିବସ ପାଳନ କରୁଛି, ତେଣୁ ଏହି ସପ୍ତାହ ମଧ୍ୟରେ ଆମେ ଏକ ଛୋଟ ଗଣ-ସମ୍ପାଦନାଟିଏ କଲେ ଭଲ ହୁଅନ୍ତା । ଏହି ଗଣ-ସମ୍ପାଦନା ବିଷୟରେ ମୁଁ ଖାଲି ପ୍ରିତୀ ଭାଇଙ୍କୁ ହିଁ ପଚାରିଥିଲି, ସେ ମଧ୍ୟ ହଁ ଭରିଲେ, କିନ୍ତୁ ସାଙ୍ଗରେ ଆଉ ଗୋଟିଏ କଥା କହିଲେ କି ଆମେ ଦୁଇ ଜଣ କି ତିନି ଜଣ କିଛି ପ୍ରସଙ୍ଗ ଲେଖିଲେ କି ଆଧାର ଯୋଡ଼ିଲେ କି ଅଧିକ ତଥ୍ୟ ଯୋଡ଼ିଲେ ତାକୁ ଗଣ-ସମ୍ପାଦନା କହିପାରିବା ନାହିଁ । ତେଣୁ ସଭିଙ୍କର ସହଯୋଗ ରହିଲେ ଆଗକୁ ବଢ଼ିବା, ନ ହେଲେ ଏ ବର୍ଷର ଏସିଆ ମାସ ଗଣ-ସମ୍ପାଦନା ଭଳିଆ ହେଲେ କିଛି ଫଳ ମିଳିବନି ।

ଏହି ଗଣ-ସମ୍ପାଦନା ପାଇଁ ସଭିଏଁ ମିଶ ନିୟମାବଳୀ କରିପାରିବା, ତା'ସହିତ ଦରକାରୀ ପ୍ରସଙ୍ଗର ଏକ ତାଲିକା କରିଦେଲେ ଭଲ । କାରଣ, ଏହା କେବଳ ଗୋଟିଏ ଦିନ ନ କରି, ଏହାକୁ ୧୮ ଫେବ୍ରୁଆରୀରୁ ୨୪ ଫେବ୍ରୁଆରୀ ଯାଏଁ କରିଲେ ଭଲ ଆଉ ତା' ମଧ୍ୟରେ ମଧ୍ୟ ମାତୃଭାଷା ଦିବସ ପଡ଼ିବ । ଗଣ-ସମ୍ପାଦନାର ଲକ୍ଷ୍ୟ କେବଳ ନୂଆ ଲେଖା ତିଆରି ନୁହେଁ, ପୁରୁଣା ଲେଖାକୁ ଉନ୍ନତ କରିବା ହେଉଛି ଏକ ମୂଳ ଲକ୍ଷ୍ୟ । ଫଳରେ ଓଡ଼ିଆ ଭାଷା ସାହିତ୍ୟ ସହ ଜଡ଼ିତ ବିଭିନ୍ନ ପ୍ରସଙ୍ଗମାନ ଉନ୍ନତ କରିବା ସହିତ ଅତି ଆବଶ୍ୟକୀୟର ପ୍ରସଙ୍ଗ ତିଆରି କରିପାରିବା । ତେଣୁ ସଭିଏଁ ମିଳିମିଶି ସହଯୋଗ କରିବାକୁ ହଁ ଭରିଲେ, ଆଗକୁ ବଢ଼ିବା ।

ଆଜି ୬ ତାରିଖ ହେବାକୁ ବସିଲାଣି, ଆଉ ମାତ୍ର ଅଳ୍ପ ସମୟ ଥିବାରୁ ଆପଣମାନେ ଟିକିଏ ଶୀଘ୍ର ମତାମତ ରଖିଲେ ଭଲ ହେବ । କାରଣ ଯଦି କରିବା, ତା'ପାଇଁ ଏକ ସ୍ୱତନ୍ତ୍ର ପୃଷ୍ଠା କରିବା, ଆଉ ମୁଖ୍ୟ ଜିନିଷ ଦରକାରୀ ପ୍ରସଙ୍ଗର ତାଲିକା ତିଆରି କରିବା, ଯାହାକି ପୁରୁଖା ଉଇକିଆଳୀମାନେ କଲେ ଭଲ ହେବ ।

Psubhashish (ଆଲୋଚନାଅବଦାନ)

ସହମତ । ତେବେ ଏ ଆନ୍ତର୍ଜାତୀୟ ମାତୃଭାଷା ଦିବସ ହୋଇଥିବାରୁ ଆମେ ବିଷୟଟି ଖାଲି ଓଡ଼ିଆ ଭିତରେ ସୀମିତ ନ କରି ଆଉ ଟିକେ ବ୍ୟାପକ କଲେ ଭଲ ହେବ ବୋଲି ଭାବୁଛି । ଧର ଜନଜାତି ସମ୍ବନ୍ଧୀୟ ଅନେକ ପ୍ରସଙ୍ଗର ମାନ ସେତେ ଭଲ ନୁହେଁ । ଏଇ ସପ୍ତାହଟି ସେଗୁଡ଼ିକୁ ମଧ୍ୟ ଉନ୍ନତ କରିବାର ଭଲ ସୁଯୋଗ । ତେବେ ବାକିମାନଙ୍କ ମନକୁ ପାଇଲେ ତାଲିକାରେ ଯୋଡ଼ିବି ।

Ssgapu22 (ଆଲୋଚନାଅବଦାନ)

@Psubhashish: ଭାଇ, ଯେତେ ଅଧିକ ହେଇପାରିବ, ଓଡ଼ିଆ ଉଇକିପିଡ଼ିଆ ପାଇଁ ସେତେ ଭଲ । ଆଉ ଯେହେତୁ ଆମେ ଅଧିକ ପ୍ରସଙ୍ଗ ନେବା, କିଏ କେଉଁ ଉପରେ କିଛି କରିବେ, ସେ ଉପରେ ପ୍ରସଙ୍ଗ ତାଲିକାରେ କିଛି ପ୍ରସଙ୍ଗ ଯୋଡ଼ିଲେ ଭଲ ହେବ । ନ ହେଲେ ଆମେ ଆମ ଅନୁସାରେ ବାଛିକି କିଛି ଯୋଡ଼ିଦେଲେ, କାହାର ଯଦି ପସନ୍ଦ ନ ଆସିଲା, ସେ ତାକୁ କରିବା ତ ଦୂରର କଥା କିଛି ବି କରିବେନି । ତେଣୁ, ସଭିଙ୍କର ମତ ନେଇକି କଲେ ହେବ । ଆଉ ତାଲିକା କରିଲେ ଭଲ ହେବ, ଯଦି ଏଥର ନ ହେଇପାରିଲା, ହୁଏତ ଆଗକୁ ହେଇପାରିବ, କିନ୍ତୁ ତାଲିକାଟିଏ ଆରମ୍ଭ ହେଇଗଲେ ଆଗକୁ ମଧ୍ୟ ବଢ଼ିବ ।

Soumendrak (ଆଲୋଚନାଅବଦାନ)

ନିରପେକ୍ଷ । ଯଥେଷ୍ଟ ପରିମାଣର ଅବଦାନର ସହମତି ମିଳିଲାପରେ ହିଁ ଆଗେଇବା ଉଚିତ ହେବ । ନଚେତ ଗଣସମ୍ପାଦନା ପୃଷ୍ଠା ଗଢିବା ଏବଂ ପରିଚାଳନା କରିବାରେ ସମୟ ନଷ୍ଟ ନକରି ଅନ୍ୟ ଲେଖା ପୃଷ୍ଠାରେ ଦେବା ବାଞ୍ଛନିୟ । ଯଦି ଆରମ୍ଭ କରିବା ତେବେ, ୧୭ ଫେବୃଆରୀ ରବିବାର ହୋଇଥିବାରୁ, ସେହି ଦିନରୁ ଆରମ୍ଭ କରିବା ଭଲ ହେବ ।

ବି.ଦ୍ର.- ଏସିଆ ମାସ ଗଣସମ୍ପାଦନା ଏବଂ ମହିଳା ସ୍ୱାସ୍ଥ୍ୟ ଗଣସମ୍ପାଦନା


Ssgapu22 (ଆଲୋଚନାଅବଦାନ)

୧୭ରୁ ଆରମ୍ଭ କଲେ ବି ଭଲ ହେବ । ଯେହେତୁ ଆମେ ସପ୍ତାହର ଆରମ୍ଭ ସୋମବାରରୁ ମାନି ଆସିଛେ ଆଉ ସେହିଦିନ ହିଁ ଆମେ ଆମର ବଛା ଛବି ବଦଳାଉ, ତେଣୁ ସୋମବାରରୁ ରବିବାର କରିବା ପାଇଁ ମୁଁ ପ୍ରସ୍ତାବ ଦେଇଥିଲି । ରବିବାରରୁ କଲେ ବି ଭଲ ହେବ । କିନ୍ତୁ ସଭିଙ୍କର ସହମତି ସେଇଥିପାଇଁ ଲୋଡ଼ା । କିଏ କେଉଁଥିରେ ସାହାଯ୍ୟ କରିବେ, ଜଣାଇଲେ ମିଶିକି ବଢ଼ିବା । ନହେଲେ କରିକି ବି କିଛି ଲାଭ ନାହିଁ ।

Jnanaranjan sahu (ଆଲୋଚନାଅବଦାନ)

 ସମର୍ଥନ ଭଲ କଥାଟେ ।

Soumendrak (ଆଲୋଚନାଅବଦାନ)

@Hellohappy ପ୍ରୀତି ଭାଇ, 10 ଦିନ ହେଲା କେହି କିଛି ଏହି ଆଲୋଚନାରେ ଆଗେଇଲେନି ଏବଂ 17/18 ଫେବୃୟାରୀ ପାଖେଇ ଆସିଥିବାରୁ ମୁଁ ସମାପ୍ତ କରିଦେଇଥିଲି | ତାହାଛଡ଼ା, ମୋ ବୁଝିଥିଲି ଖାଲି ସମର୍ଥନରେ କିଛି ହୁଏନି, କେତେଜଣ ତଳ ସ୍ତରରେ ଆସିକରି ନିଜେ ପ୍ରସଙ୍ଗ ଲେଖିବେ ବା ଉନ୍ନତି କରିବେ ତାହା ଉପରେ ଗଣସମ୍ପାଦନା ହେବା ନହେବା ନିର୍ଭର କରେ | ତେବେ ଠିକ ଅଛି, ଖାଲି "ସମର୍ଥନ" ଆଧାର କରି ଆଗେଇ ହେବ ବୋଲି ଜଣେଇବାରୁ ଧନ୍ୟବାଦ | @Ssgapu22, ଗପୁ ଭାଇ ଏହି ଗଣ-ସମ୍ପାଦନାକୁ ନେଇ କେଉଁଠି ପ୍ରସଙ୍ଗ (ପୃଷ୍ଠା କହୁଛନ୍ତି ତ' ?) ଆରମ୍ଭ କଲେ ମୁଁ ସ୍ପଷ୍ଟ ଭାବରେ ବୁଝିପାରିଲି ନାହିଁ | ମୁଁ ପ୍ରଥମରୁ ନିରପେକ୍ଷ ଥିଲି ଏବେବି ଅଛି |

Hellohappy (ଆଲୋଚନାଅବଦାନ)

ସୌମେନ୍ଦ୍ର, ତମ କଥା ବୁଝୁଛି । ଆମର ନିୟମିତ ଲେଖୁଥିବା ଉଇକିଆଳି କମ, ସେଇଯୋଗୁ ହୁଏତ ବହୁଳ ସମର୍ଥନ ଆସେନି । ତାମାନେ ଏଇଆ ନୁହେଁ ଯେ, ଆମେ କେବେ ଗଣ କରିନେ ବା ସଫଳ ହେଇନେ । ହଁ ୧୭/୧୮ ପାଖେଇ ଆସିଲାଣି ସତ, ଆମେ ୨୦ରୁ ଆରମ୍ଭ କରିପାରିବା । ୨୦-୨୮ ଫେବୃଆରୀ, ୯ଦିନ ବ୍ୟାପି ହେଉ । ସମସ୍ତେ ଦୈନିକ ଗୋଟିଏ ଭଲ ପ୍ରସଙ୍ଗ ଲେଖିଲେ, କେତେ ଭଲ ଲେଖା ତିଆରି ହେବ । ନା କଣ କହୁଛ !

ଆଉ, ଏ ତଳ ସ୍ତରରେ ଆସି ଲେଖିବେ ଅର୍ଥ କଣ ! ପ୍ରସଙ୍ଗ ଲେଖିବା ଉଇକିପିଡ଼ିଆରେ ମୁଖ୍ୟ କାମ, ଆଉ ସବୁଠାରୁ ଗୁରୁତ୍ବପୂର୍ଣ୍ଣ ବୋଲି ମୁଁ ଜାଣେ ।

ଓଡ଼ିଆ ଉଇକିମିଡ଼ିଆନ ୟୁଜର-ଗ୍ରୁପର ସଦସ୍ୟମାନେ ଭୋଗୁଥିବା ଅସୁବିଧା

5
Hellohappy (ଆଲୋଚନାଅବଦାନ)

ଆମର ବହୁ ଉଇକିଆଳି ଏବେ ବିଭିନ୍ନ ଜାତୀୟ ଓ ଆନ୍ତର୍ଜାତୀୟ ସ୍ତରର ଉଇକି-ସମାବେଶରେ ଅଂଶଗ୍ରହଣ କରିପାରୁଛନ୍ତି । ସେଠାରେ ଆମେ ଭୋଗୁଥିବା ସୁବିଧା ଅସୁବିଧା ଆଉ ଆମ ଆବଶ୍ୟକତା ବିଷୟରେ ଆଲୋଚନା କରିବାର ସୁଯୋଗ ରହିଥାଏ । ଏହି ଆଲୋଚନା, ସେ ସବୁ ଅସୁବିଧା ଓ ଆବଶ୍ୟକତାକୁ ଏକାଠି କରିବାର ପ୍ରୟାସ । ଦରକାରବେଳେ କାମରେ ଆସିବ । ସମସ୍ତେ ଆଲୋଚନାରେ ଅଂଶଗ୍ରହଣ କରିବାକୁ ଅନୁରୋଧ ।

Hellohappy (ଆଲୋଚନାଅବଦାନ)

କେତୋଟି ଅସୁବିଧା କଥା ଆମେ ବିଭିନ୍ନ ସମୟରେ ଆଲୋଚନା କରିଛେ ।

  1. ମୋବାଇଲ ଆପ : ଉଇକିପିଡ଼ିଆକୁ ସ୍ମାର୍ଟଫୋନଦ୍ୱାରା ସମ୍ପାଦନା କରିବା ବହୁତ କଷ୍ଟ । ସେ ଦିଗରେ କଣ କାମ ହେଇଛି କେହି ଜାଣିଥିଲେ କହିବେ ।
  2. ଉଇକିପିଡ଼ିଆର ଲେ-ଆଉଟ ପୁରୁଣା ଆଉ ପରିବର୍ତ୍ତନ ଆବଶ୍ୟକ ।
  3. ପ୍ରୋଜେକ୍ଟ-ଟାଇଗର ଭଳି କାର୍ଯ୍ୟକ୍ରମରେ ଦିଆଯାଉଥିବା ପ୍ରସଙ୍ଗ ଗୁଡିକ ଆମ ୟୁଜର-ଗ୍ରୁପଦ୍ୱାରା ଅନୁମୋଦିତ ହେଲେ ଅଧିକ ଉଇକିଆଳି ଲେଖିବାକୁ ଇଚ୍ଛୁକ ହୁଅନ୍ତେ ।
Ssgapu22 (ଆଲୋଚନାଅବଦାନ)
  • ମୋବାଇଲ ଆପ୍ ମୁଖ୍ୟତଃ ପଢ଼ିବା ପାଇଁ ବୋଧେ କେବଳ ଉଦିଷ୍ଟ । ସେଥିରେ ନୂଆ ପ୍ରସଙ୍ଗ କରିହେବ ନାହିଁ । କିନ୍ତୁ ପଢ଼ିବାକୁ ଆଉ ଉଇକି ଟ୍ରେଣ୍ଡସ୍ ବିଷୟରେ ଜାଣିବାକୁ ସୁବିଧା । ହଁ ସେଥିରେ ବୋଧେ କିଛି କିଛି ବଦଳ କରିହେବ କି କ'ଣ । କିନ୍ତୁ ଲେଖାଲେଖି ପାଇଁ ମୋବାଇଲ୍ ବ୍ରାଉଜର୍‌ରେ ଡେସ୍କଟପ୍ ମୋଡ୍ କରିକି କଲେ ଭଲ ହେଉଛି ।
  • ମୋତେ ଲାଗୁଛି, ସେ ଲେ-ଆଉଟ୍‌ଟା ବୋଧେ ତାଙ୍କର ପୁରୁଣା ଜିନ୍ସ ଭଳିଆ, ପୁରୁଣା ହେଲାବେଳକୁ ତାଙ୍କୁ ଭଲ ଲାଗୁଛି ତେଣୁ ବଦଳାଉ ନାହାନ୍ତି, ନହେଲେ ଏଇଟା ଉଇକିମିଡ଼ିଆର ସବୁ ପ୍ରୋଜେକ୍ଟର ବୋଧେ ଗୋଟେ ଇଉନିକ୍‌ନେସ୍, ସେଇଥିପାଇଁ ବଦଳାଯାଉନି ।
  • ପୂର୍ବଥର ପ୍ରୋଜେକ୍ଟ ଟାଇଗର କେବଳ ଆନ୍ତର୍ଜାତୀୟ ପ୍ରସଙ୍ଗ ଉପରେ ହେଇଥିଲା । ତା'ର କାରଣ ହେଲା, ଅଧିକ ଗୁଗୁଲ୍‌ରେ ସର୍ଚ୍ଚ ହୋଇଥିବା ପ୍ରସଙ୍ଗଗୁଡ଼ିକ ସେମାନେ ଦେଇଥିଲେ । କିନ୍ତୁ ସେ ୧୦ ଲକ୍ଷ ଲୋଭରେ ସିନା ପଞ୍ଜାବୀ ଆଉ ତାମିଲବାଲା ଟିକିଏ ମାଟି କାମୁଡ଼ିକି ମାଡ଼ିଗଲେ, ହେଲେ ବଙ୍ଗଳାକୁ ଛାଡ଼ିଲେ ବାକିମାନେ ସେତେ ଗୁରୁତ୍ୱ ଦେଲେନି । ତେଣୁ ପୂର୍ବବର୍ଷର ଅଭିଜ୍ଞତାରୁ ଶିଖିବାକୁ ଏଥର ସବୁ ଯୋଜନା ହେଇଯାଇଛି, ହେଲେ କେତେଦୂର ସଫଳ ହେବ, ତାହା ଭବିଷ୍ୟତରେ ଦେଖାଯିବ ।
Subas Chandra Rout (ଆଲୋଚନାଅବଦାନ)

ପ୍ରୋଜେକ୍ଟ ଟାଇଗର - ଏହି ବିଷୟଟି ଆନ୍ତର୍ଜାତୀୟ ସ୍ତରରେ ବିଚାର କରି ଦିଆଯାଇଥିଲା । ଏହା ଭଲ ହୋଇଥିଲା । ସେଥିରେ ଆଧାର ପାଇବାରେ କିଛି ଅସୁବିଧା ନାହିଁ । ଆମେ ଯଦି ଓଡ଼ିଆ ପ୍ରସଙ୍ଗ ଲେଖିବା ଉପରେ ଆଲୋକପାତ କରିବା, ତା'ହେଲେ ସେଇ ଆଧାର ପାଇବାରେ ବ‌ହୁତ ଅସୁବିଧା ହେବ । ଭଲ କରି ଚିନ୍ତା କରନ୍ତୁ - ଆମର ଲେଖା ଆନ୍ତର୍ଜାତୀୟ ମାନର ହେଉଛି କି ! ମୋର ମତ, ଯାହା ଅଛି, ତାହା ବର୍ତ୍ତମାନ ପାଇଁ ଥାଉ । ଏହିପରି ଭବିଷ୍ୟତରେ ମଧ୍ୟ ହେବ । ଆମେ ଯଦି ଓଡ଼ିଆରେ ଯଥେଷ୍ଟ ଆଧାର ଥିବା ଲେଖା ପାଇବା, ତା'ହେଲେ ଲେଖିବା ।

ମୋବାଇଲ ଆପ - ଏହି ବିଷୟରେ ଥରେ ଟ୍ରେନିଙ୍ଗ ଦେବା ପାଇଁ ଆସିଥିଲେ । ଆମର କିଏ ସେ ଟ୍ରେନିଙ୍ଗ ନେଇଥିଲେ, ମୋର ମନେ ପଡ଼ୁନି । କିଛି ଆଲୋଚନା ନିଶ୍ଚୟ ହୋଇଥିବ ଓ ଲିଖିତ ଥିବ ।

ଲେ-ଆଉଟ - ଆମ ଲେ-ଆଉଟ ୟୁଜର ଫ୍ରେଣ୍ଡଲି ହେଉନି । ପୂର୍ବରୁ ସଂଘ ସୂଚନା ଫଳକରେ ଆମର ସଭାମାନଙ୍କର ବିବରଣୀ ଲେଖାହେଉଥିଲା, ଏବେ ହେଉନି । ଯଦି ହେଉଛି, କେଉଁଠି ରହୁଛି, ସେ ଲିଙ୍କ ଦିଆହେଉନି । ଏହି ଭଳି ଅନେକ ସମସ୍ୟା ହେଉଛି । ଆମର ସକ୍ରିୟ ଲୋକ ବ‌ହୁତ କମ୍ । ସେଥିଯୋଗୁ ବୋଧହୁଏ ଅନେକ ଅସୁବିଧା (ଇଂରାଜୀରେ ଲାକୁନା) ରହୁଛି । ଆମର ମୂଖ୍ୟ ପୃଷ୍ଠରେ ଅନାବଶ୍ୟକ ତାରିଖ ଲେଖା ହେଉଛି । ଅଧିକାଂଶ ସମୟରେ ଭୂଲ ତାରିଖ ରହୁଛି । ଇତ୍ୟାଦି

Soumendrak (ଆଲୋଚନାଅବଦାନ)

- ନୂତନ ଉଇକିଆଳି ମାନଙ୍କ ପାଇଁ ଠିକ ଭାବରେ କିଛି ରୋଡ଼ ମ୍ୟାପ ପ୍ରସ୍ତୁତ ନାହିଁ .| sandboxରେ ଲେଖି କିମ୍ବା ଛୋଟ ଛୋଟ ବନାନ ଶୁଦ୍ଧି କିମ୍ବା ଅନ୍ୟାନ୍ୟ ଉନ୍ନତିକରଣରେ ଧରନ୍ତୁ କିଛି ଅଭିଜ୍ଞତା ହାସଲ କରି କିଭଳି ନିଜକୁ ପ୍ରସ୍ତୁତ କରିବେ, କମ୍ପ୍ୟୁଟରର କ' ଅକ୍ଷର ଜାଣିନଥିବା ଭବିଷ୍ୟତ ଉଇକିଆଳିଙ୍କୁ ଦୃଷ୍ଟିରେ ରଖି ସେଭଳି ଏକ ତାଲିମ ପ୍ରଣାଳୀ ଦରକାର |

- ବର୍ତ୍ତମାନ ସୁଧା ଇଂରାଜୀ କିମ୍ବା ଅନ୍ୟ ଭାଷାରୁ ଅନୁବାଦ ଛାଡ଼ନ୍ତୁ ଲିପ୍ୟାନ୍ତରଣ (ଟ୍ରାନ୍ସଲିଟରେସନ) ମଧ୍ୟ ଟ୍ରାନ୍ସଲେସନ ଟୁଲ ସହ ସଂଯୋଗ କରାଯାଇ ନାହିଁ |

- ଇଂରାଜୀ ଉଇକିପିଡ଼ିଆରେ ପୃଷ୍ଠା ଗଠନ ପରେ ତାହାର କ୍ୱାଲିଟି assesment ବ୍ୟବସ୍ଥା ଅଛି, ଓଡ଼ିଆରେ ନାହିଁ କାହିଁକି ? [ଆଧାର]

- ସମାନ ମୁଖ୍ୟ ପୃଷ୍ଠା ଲେ-ଆଉଟ ଦେଖି ଦେଖି ମଣିଷ ବିରକ୍ତ ହେଇଗଲାଣି, କିଛି ପରିବର୍ତ୍ତନ ହେଉନାହିଁ କାହିଁକି ? ସେ ନୀଳ ରଙ୍ଗରେ ଆମ ସହ ଯୋଗଦିଅନ୍ତୁ ପରିବର୍ତ୍ତନ ହେଲେ ଭଲ ହେବ ।

- ଉଇକି ମେଳଣ ବର୍ଷକୁ ଅତି କମରେ ଦୁଇ ଥର ହେବା ଆବଶ୍ୟକ, ମୁହାଁ ମୁହିଁ ଦେଖି ଯେଉଁ ଆଲୋଚନା ଏବଂ ଭାବର ଆଦାନ ପ୍ରଦାନ ହେବ ଫେସବୁକ ମେସେଞ୍ଜରରେ ହେବ ନାହିଁ |

- ଉଇକିଆଳିମାନେ ବିଭିନ୍ନ ପ୍ରଶିକ୍ଷଣ କେନ୍ଦ୍ର ଏବଂ ଅନ୍ୟାନ୍ୟ ମେଳଣକୁ ଯାଉଛନ୍ତି ହେଲେ ଯିବା ପରେ ଏଭଳି ଏକ ଆଲୋଚନା ପୃଷ୍ଠାରେ ଲେଖିବା ଉଚିତ |

୧) କଣ ଶିଖିକରି ଆସିଲେ, କେତେ ଆଗୁରୁ ନିଜର ଜ୍ଞାନ ଥିଲା ଏବଂ ତାଲିମ ପରେ କେତେ ପରିମାଣରେ ଜ୍ଞାନ ବଢ଼ିଲା ଏବଂ କେଉଁ କେଉଁ ଥିରେ ?

୨) କଣ କଣ ଶିଖିକରି ଆସିଲେ ତାହାକୁ କାମରେ ଲଗାଇବାକୁ କ'ଣ ଯୋଜନା କରିଛନ୍ତି ଏବଂ କେମିତି କରିବେ ?

୩) ତାଲିମ କିଭଳି ଥିଲା, ଭବିଷ୍ୟତରେ ସେଠାକୁ ଆମ ତରଫରୁ କେହି ଯିବା ଉଚିତ ହବ କି ନା ଖାଲି ସମୟ ନଷ୍ଟ ?

୪) ତାଲିମ କେନ୍ଦ୍ର କି ମେଳଣରେ କିଛି ଅସୁବିଧା ହେଲା କି ?

୫) କିଛି ଅଭୁଲା ଅନୁଭୂତି ଇତ୍ୟାଦି |

- ଆଗରୁ ଉଇକିଆଳି ମାନଙ୍କୁ ସେମାନଙ୍କର talk ପେଜରେ ପ୍ରଶଂସା କରାଯାଉଥିଲା, ଏବେ taking for granted ନିଆଯାଉଛି କି, ସେ ସବୁବେଳେ କଣ ସବୁଦିନ ଲେଖେ ଆମେ ପ୍ରଶଂସା କରିବା ଯଦି ପୋତି ହେଇଯିବନି ସେ ?

- ଏହା ସହ ଆମକୁ ଆମ ଉଇକିଆଳି ମାନଙ୍କ ମଧ୍ୟରେ ବର୍ଷକୁ ଥରେ ଦି'ଥର ସର୍ବେକ୍ଷଣ କରିବା ଉଚିତ, କିଛି ଉଦାହରଣ ପ୍ରଶ୍ନ:

୧) କ'ଣ ପ୍ରକ୍ରିୟା ଖରାପ ଚାଲିଛି ?

୨) କ'ଣ ପ୍ରକ୍ରିୟା ଭଲ ଲାଗୁଛି ?

୩) କ'ଣ ପାଇଁ ଉଇକିପିଡ଼ିଆରେ ଅବଦାନ କରିବାକୁ ଇଛା ହେଉଛି ?

୪) କ'ଣ ପାଇଁ ଉଇକିପିଡ଼ିଆ ଛାଡ଼ିକି ଅନ୍ୟ ଜାଗାରେ ସମୟ ଦେବାକୁ ଇଛା ହେଉଛି ?

୫) ଯଦି ଆପଣ ଗୋଟିଏ ଜିନିଷ ଓଡ଼ିଆ ଉଇକିପିଡ଼ିଆରେ ବଦଳେଇପାରିବାକୁ ଚାହିଁବେ ତାହା କ'ଣ ?

୬) ଭବିଷ୍ୟତରେ ଏକ ସମୟ ଆସିବ ଆପଣ ସଂସାର ଜଞ୍ଜାଳରେ ଛନ୍ଦି ହୋଇଯିବେ, କ'ଣ ଆପଣ କାହିଁକି ଉଇକିପିଡ଼ିଆରେ ଅବଦାନ କରିବା ଆରମ୍ଭ କରିଥିଲେ ସେ କାରଣ ଆପଣଙ୍କୁ ବାନ୍ଧି ରଖିପାରିବ ? (ଟିକେ ହାର୍ଡ ହେଇଗଲା)

- ଏହି ଭଳି ଅନ୍ୟ ଏକ ଆଲୋଚନା ହେବା ଦରକାର ଯେଉଁଥିରେ କ'ଣ କ'ଣ ଭଲ ଚାଲିଛି, ସୁବିଧା ହେଉଛି ତାହାକୁ ଲେଖିବା ଆବଶ୍ୟକ ।

- ଗୋଟିଏ ନୂଆ ପୃଷ୍ଠା ଲେଖିଲାବେଳେ ସେହି ପୃଷ୍ଠାରେ କେଉଁ ଇନ୍ଫୋବାକ୍ସ, ଶ୍ରେଣୀ ଏବଂ ଛାଞ୍ଚ ରହିବ କିପରି ଜାଣିବ କିଛି ଜଣାନାହିଁ । ଶ୍ରେଣୀ ଉଦ୍ଦେଶ୍ୟରେ ଗୋଟିଏ ଦେଖିଲେ: ଉଦାହରଣ ସ୍ୱରୂପ ଓଡ଼ିଶାର {ଲେଖକ ବା ଅନ୍ୟକିଛି } ହେବ ନା ଓଡ଼ିଆ {ଲେଖକ ବା ଅନ୍ୟକିଛି}

- ଅନେକ ସମୟରେ ଲେଖିବାକୁ ବାକି କାମଦାମ ସାରି, ଲାପଟପ, ମନ ସବୁ ସ୍ଥିର କରି ବସିଲା ବେଳକୁ, କାହା ବିଷୟରେ ଲେଖିଲେ ଲୋକଙ୍କ କାମରେ ଆସିବ, ଖୋଜିବାରେ ସମୟ ନଷ୍ଟ ହେଉଛି । ଏକ ତାଲିକା କିମ୍ବା ସମାନ ରୁଚିଥିବା ନାଲି ପ୍ରସଙ୍ଗ ତାଲିକା ସହ ଏକ ଉଇକି ପ୍ରକଳ୍ପ ଆବଶ୍ୟକ । ନାଲି ପ୍ରସଙ୍ଗ ସହ ତଥ୍ୟ ଆଧାର ତାଲିକା ମିଳିଗଲେ ଆହୁରି ଭଲ ।

- ଇଣ୍ଟରନେଟରେ କିଭଳି ଆଧାର ଖୋଜିବ, କେଉଁଟି ପ୍ରଯୁଜ୍ୟ, କେଉଁଟି ନୁହେଁ, ଏବେବି ବେଳେ ବେଳେ ଅସୁବିଧା ଭୋଗିବାକୁ ପଡ଼େ । ବେଳେ ବେଳେ ସମାନ ନାମରେ ଦୁଇଜଣ ଲୋକ ଥିଲେ ଆଧାର ଏପଟ ସେପଟ ହେଇଯାଉଛି ।

- ଭିଜୁଆଲ ଏଡିଟରରେ ଏଡିଟ କରି ପ୍ରକାଶ କରିବାପରେ ଅଧିକ ଫାଙ୍କା ଲାଇନ ଆପେ ଆପେ ଯୋଡ଼ି ହେଇଯାଉଛି ।

- ଉଇକିଆଳିମାନଙ୍କୁ ବ୍ୟକ୍ତିଗତ ପୃଷ୍ଠା ତିଆରି କରିବାକୁ ଅନୁରୋଧ ଭବିଷ୍ୟତରେ ଆସିଲେ, କୌଣସି ଗୋଟିଏ ଉଇକିଆଳି ପାଖକୁ ବାଟ ବଟେଇଦେଲେ ଭଲ ହେବ, ସେହି ଉଇକିଆଳି ଜଣକ କେବଳ ଏଭଳି ବାହାର ଲୋକଙ୍କ ସହ କଥା ହେବା ଉଚିତ ।

- ଏହି ଘଟଣାର ଟିକେ ଉପରକୁ ଆସିକି ଚିନ୍ତା କଲେ, ସବୁ ଉଇକିଆଳିଙ୍କୁ ଗୋଟିଏ ଗୋଟିଏ ବିଭାଗ ଦେବା ଉଚିତ । ବର୍ତ୍ତମାନ ଅନେକ କାମ ଉଇକିଆଳିମାନେ ଅନ୍ୟୋପଚାରିକତାରେ କାମ କରୁଛନ୍ତି । ସବୁ ବିଭାଗଗୁଡ଼ିକରେ ଜଣେ ମୁଖ୍ୟ ଏବଂ ଅନ୍ୟଜଣଙ୍କୁ ଉପମୁଖ୍ୟ ଭାବେ ଦାୟିତ୍ୱ ଦେଲେ ଭଲ ହୋଇପାରେ ବୋଲି ମୋର ଆଶା ।

- ଯେକୌଣସି ନିର୍ଣ୍ଣୟ ଉଇକିପିଡ଼ିଆରେ ନିଆଯାଉଛି ତାହାର ଡକୁମେଣ୍ଟେସନ ରହିବା ନିହାତି ଆବଶ୍ୟକ । ମେସେଞ୍ଜରରେ କିଛି ନିଷ୍ପତି ନିଆଯାଇଥିଲେ ମଧ୍ୟ ଏହାକୁ ଔପଚାରିକତାରୂପେ ଆଲୋଚନା ସଭାରେ ଲେଖିଲେ ଭବିଷ୍ୟତରେ ପରେ ନୂଆ ଉଇକିଆଳିମାନେ ଯେବେ ପ୍ରଶ୍ନ ଉଠାଇବେ ଆଧାର ଦେବାରେ ସୁବିଧା ହେବ ।

ଆହୁରି ବାକି ଅଛି ........ଲେଖା ଚାଲିଛି ।

Reply to "ଓଡ଼ିଆ ଉଇକିମିଡ଼ିଆନ ୟୁଜର-ଗ୍ରୁପର ସଦସ୍ୟମାନେ ଭୋଗୁଥିବା ଅସୁବିଧା"

Movement Strategy ବିଷୟରେ ଅଧିକ ଜାଣିବା ପାଇଁ ଗୋଟେ ଆଲୋଚନା ।

6
Sailesh (CIS-A2K) (ଆଲୋଚନାଅବଦାନ)

ଆସନ୍ତା ୨୨ ତାରିଖରେ ମୁଁ @Hellohappy ଭାଇଙ୍କ ପାଇଁ ଗୋଟେ ହାଙ୍ଗଆଉଟ କଲଟେ ଯୋଜନା କରିଛି, ବର୍ଲିନରେ ହେଉଥିବା ସମିଟ ପୂର୍ବରୁ ଏହି ବିଷୟରେ ଅଧିକ ଜାଣିବା ପାଇଁ ।

ଯଦି ଅନ୍ୟ କେହି ଇଚ୍ଚୁକ ଅଛନ୍ତି ଏହିଥିରେ ଯୋଗ ଦେବାପାଇଁ ତେବେ ମତେ ଯୋଗାଯୋଗ କରନ୍ତୁ । ମୁଁ କଲର ଗୋଟେ ଦିନ ପୂର୍ବରୁ ଲିଙ୍କ ଏଠି ଛାଡିବି ।

Soumendrak (ଆଲୋଚନାଅବଦାନ)

୨୨ ତାରିଖ ଦିନ ୧୦ଟା ଆଗରୁ କି ସନ୍ଧ୍ୟା ୭ଟା ପରେ ହେଲେ, ମୁଁ ଯୋଗ ଦେବାକୁ ଚେଷ୍ଟା କରିପାରିବି ।

Pmsarangi (ଆଲୋଚନାଅବଦାନ)

I am interested to join. Please share link and inform how to join. I dont have indic language input on phone so replied in English. Sorry

Subas Chandra Rout (ଆଲୋଚନାଅବଦାନ)

ମୁଁ ଯୋଗଦେବି ।

Soumendrak (ଆଲୋଚନାଅବଦାନ)
Hellohappy (ଆଲୋଚନାଅବଦାନ)

ଆଲୋଚନା ପୂର୍ବରୁ ଆମେ ୨ଟି ପ୍ରଶ୍ନର ଉତ୍ତର ଖୋଜି ପାଇଲେ ଭଲ ହେବ । ପ୍ରଶ୍ନ ଗୁଡିକ ସମିଟ ପକ୍ଷରୁ ମତେ ପଚରାଯାଇଛି ।


୧) Milestone in the past 12 months * Important event, achievement, change within your organization/group ଏଥିରେ ଆମକୁ ୩ଟି Milestone ବିଷୟରେ ଲେଖିବାକୁ ଅଛି ।


୨) Our biggest challenge ahead * What problems, challenges, issues your organization/group is facing ଆମେ ଭୋଗୁଥିବା ସବୁଠାରୁ ବଡ଼/ଗୁରୁତ୍ୱପୂର୍ଣ୍ଣ ଅସୁବିଧା ଗୁଡ଼ିକ କଣ ?

Reply to "Movement Strategy ବିଷୟରେ ଅଧିକ ଜାଣିବା ପାଇଁ ଗୋଟେ ଆଲୋଚନା ।"

କମ୍ୟୁନିଟି ସ୍ଟ୍ରାଟେଜି ଲିଏଜନ ପାଈଁ ପ୍ରସ୍ତାବ

5
Jnanaranjan sahu (ଆଲୋଚନାଅବଦାନ)

ମତେ ନିକଟ ଅତୀତରେ ସ୍ଟ୍ରାଟେଜି ଲିଏଜନ ହେବା ପାଈଁ ନିମନ୍ତ୍ରଣ କରାଯାଇଛି । ଏହାର ମୁଖ୍ୟ ଭୁମିକା ଇଉଜର ଗ୍ରୁପ ଏବଁ ମୁଭମେଣ୍ଟ ସ୍ଟ୍ରାଟେଜି ଭିତରେ ଯୋଗାଯୋଗ ରଖିବା । ଏହା ଛଡା ଅନ୍ୟାନ୍ୟ ଦାଇତ୍ୱ ବି ଅଛି । ସେ ବିଷୟରେ ଜାଣିବା ପାଇଁ ଏହି ଲିଙ୍କ ଦେଖନ୍ତୁ । ମତାମତ ଦେବାକୁ ଅନୁରୋଧ ।

Ssgapu22 (ଆଲୋଚନାଅବଦାନ)

ହଁ ଏଥିରେ ଆପଣ ଯୋଗଦେଲେ ଭଲ ହେବ ବୋଲି ମୋତେ ଲାଗୁଚି ।

Hellohappy (ଆଲୋଚନାଅବଦାନ)

ଜ୍ଞାନବାବୁଙ୍କୁ ସମର୍ଥନ । ସେ ଭଲ କାମ କରିବେ ବୋଲି ଦୃଢ଼ ବିଶ୍ୱାସ ।

Psubhashish (ଆଲୋଚନାଅବଦାନ)

ଜ୍ଞାନବାବୁଙ୍କୁ ସମର୍ଥନ!

Soumendrak (ଆଲୋଚନାଅବଦାନ)

 ସମର୍ଥନ

Reply to "କମ୍ୟୁନିଟି ସ୍ଟ୍ରାଟେଜି ଲିଏଜନ ପାଈଁ ପ୍ରସ୍ତାବ"

ସିଆଇଏସ-ଏଟୁକେ ଆଗାମୀ ବର୍ଷର ଯୋଜନା ବିଷୟରେ ଆପଣଙ୍କ ମତ ଦରକାର ।

1
Saileshpat (ଆଲୋଚନାଅବଦାନ)

ସିଆଇଏସ-ଏଟୁକେ ଆଗାମୀ ବର୍ଷର କାର୍ଯ୍ୟ ଯୋଜନା କରୁଛି, ଯଦି ଆପଣମାନେ ଏହି ଫର୍ମରେ ନିଜର ମତ ବା ଉତ୍ତର ଦେଇପାରିବେ ତେବେ ଏହା ଆମକୁ ଯୋଜନା ବନେଇବାରେ ସହାୟତା କରିବ ।

କିଛି ପ୍ରଶ୍ନ ଥିଲେ ପଚାରନ୍ତୁ ।

ସାଧୁବାଦ!

Reply to "ସିଆଇଏସ-ଏଟୁକେ ଆଗାମୀ ବର୍ଷର ଯୋଜନା ବିଷୟରେ ଆପଣଙ୍କ ମତ ଦରକାର ।"

ସୁଭାଶିସ, ଶୈଳେଶ ଓ ମୁଁ ଲେଖିଥିବା 'ଉଇକିମାନିଆରୁ ମିଳିଥିବା ଶିକ୍ଷା' କେହି ଜଣେ ଡିଲିଟ କରିଛନ୍ତି ।

5
Subas Chandra Rout (ଆଲୋଚନାଅବଦାନ)

'ଉଇକିମାନିଆରୁ ମିଳିଥିବା ଶିକ୍ଷା' ବିଷୟରେ ଲେଖିବାକୁ ସୁଭାଶିସ ଏହି ପୃଷ୍ଠାରେ ଅନୁରୋଧ କରିଥିଲେ ଓ ସେହି ଅନୁସାରେ ଶୈଳେଶ ଓ ମୁଁ ଆମେ ଲାଭ କରିଥିବା ଶିକ୍ଷା ବିଷୟରେ ଲେଖିଥିଲୁ । ବର୍ତ୍ତମାନ ଦେଖାଯାଉଛି ସେ ପୃଷ୍ଠାରେ କେବଳ ଜ୍ଞାନ ବାବୁଙ୍କ ବ୍ୟତୀତ ଆଉ କାହାରି ଲେଖା ନାହିଁ । ମୁଁ ସମସ୍ତ ଉଇକିଆଳିଙ୍କୁ ଏହି ବିଷୟ ଜଣେଇବାକୁ ସମିଚୀନ ମନେକରୁଛି ଓ ସମସ୍ତେ ଏହି ପୃଷ୍ଠାର ଇତିହାସ ଦେଖନ୍ତୂ । ଏହି ବିଷୟରେ ଗୋଟିଏ ତଦନ୍ତ କରିବାକୁ ମୁଁ ଅନୁରୋଧ କରୁଛି । ଏହାକୁ ସୁଭାସିସ ଗମ୍ଭୀର ଭାବରେ ଚିନ୍ତା କରିବାକୁ ଅନୁରୋଧ କରୁଛି ।~~~~

Jnanaranjan sahu (ଆଲୋଚନାଅବଦାନ)

ଆଦରର @ସୁବାସ ଚନ୍ଦ୍ର ରାଉତ ସାର । ମୋ ଉଇକିମାନିଆ ଶିକ୍ଷା ମୁଁ ଅଲଗା ଲେଖିଥିଲି ସେଥିପାଇଁ ଅଲଗା ଟପିକ ଭାବେ ଅଛି । ଆପଣ, ଶୈଳେସ, ସୁଭ ଭାଇ ଲେଖିଥିବା ଟପିକଟି ଏଇଠି (ବିଷୟ:Uhma0vjqji0pnvvr) ଅଲଗା ଅଛି । ପୁରୁଣା ଅଲୋଚନା ଗୁଡିକ ଆପଣ ତଳକୁ ଗଲେ ଦେଖିପାରିବେ ଯାହା ଧିରେ ଧିରେ ଲୋଡ ହେବ ।


ଇତିହାସ ଦେଖିଲେ ଜଣା ପଡୁଛି ଯେ କିଛି ସ୍ପାମ ଲିଭାଯାଇଛି । କେହି ଜଣେ ଆଇପିରୁ ୟାଡୁ ସ୍ୟାଡୁ (କିଛି ଇଂରାଜୀ ଅକ୍ଷର) ପୋଷ୍ଟ କରିଥିଲେ, କେବଳ ତାକୁ କଢା ଯାଇଛି । ଆପଣଙ୍କ ଲେଖା ସମ୍ପୁର୍ଣ୍ଣ ଭାବେ ଅଛି । କିଛି ବ୍ୟସ୍ତ ହେବାର ନାହିଁ ।

MKar (ଆଲୋଚନାଅବଦାନ)
Subas Chandra Rout (ଆଲୋଚନାଅବଦାନ)

ହଁ, ଏଇ ଲେଖା ।

Psubhashish (ଆଲୋଚନାଅବଦାନ)

@Subas Chandra Rout ସାର, ଏସବୁ ଖାଲି ନୂଆ-ପୁରୁଣା ମତର ଖେଳ । କିଛି ଲିଭିନି । ସବୁ ଅଛି । ପୁରୁଣାସବୁ ତଳକୁ । ନୂଆ ଉପରକୁ । ଏଇ ପ୍ରକ୍ରିୟାଟା ଅଟୋମାଟିକ । କିଏ ନୂଆ ମତ ଦେଲେ ପୁରୁଣା ଆପେଆପେ ତଳକୁ ପଳେଇଯିବ । ଜ୍ଞାନ ନିଜର ଶିକ୍ଷାତକ ମୂଳ ଆଲୋଚନା ଭିତରେ ନ ଲେଖି ଅଲଗା କରି ଲେଖିଛି । ସେଥିରେ - ଜ୍ଞାନ ବୋଲି ଲେଖିଛି କାଳେ କିଏ ଦ୍ୱନ୍ଦରେ ପଡ଼ିବ । ଆଶା ଏ ବାବଦରେ ଆଉ କିଛି ଦ୍ୱନ୍ଦ ନାହିଁ । ତଦନ୍ତ ସମାପ୍ତ!

Reply to "ସୁଭାଶିସ, ଶୈଳେଶ ଓ ମୁଁ ଲେଖିଥିବା 'ଉଇକିମାନିଆରୁ ମିଳିଥିବା ଶିକ୍ଷା' କେହି ଜଣେ ଡିଲିଟ କରିଛନ୍ତି ।"

ଉଇକିମାନିଆରୁ ମିଳିଥିବା ଶିକ୍ଷା - ଜ୍ଞାନ

2
Jnanaranjan sahu (ଆଲୋଚନାଅବଦାନ)

ଆପଣମାନେ ଜାଣିଥିବେ ମୁଁ ଏବଂ ଆମ କମ୍ୟୁନିଟିର ଅନ୍ୟ ତିନିଜଣ ସଭ୍ୟଙ୍କ ସହ ଏଇ ବର୍ଷ ଉଇକିମାନିଆରେ ଯୋଗ ଦେଇଥିଲୁ । ମୁଁ ମୋ ଅଭିଜ୍ଞତା ଏବଂ ଶିକ୍ଷା ବିଷୟରେ ଏଠି କିଛି ଲେଖୁଛି ।

  • ହ୍ୟାକାଥନରେ ଗେଟେ ଟୂଲ ତିଆରି କରିବା ଆରମ୍ଭ କରିଥିଲି ଯାହା କୌଣସି ଏକ ୱେବସାଇଟରୁ ବହି ସିଧାସଳଖ କମନ୍ସରେ ଅପଲୋଡ଼ କରିବ । ଏହି କାମଟି ଏବେ ଲୋକାଲ କମ୍ପ୍ୟୁଟରରେ ଚାଲିଛି । ସଫଳ ପରଖ wmflabରେ ରଖାଯିବ ।
  • ସେଠି ବହୁତ ଲୋକଙ୍କ ସହ ମିଶିବା ସୁଯୋଗ ମିଳିଥିଲା । ଏବଂ ଉଇକିପିଡ଼ିଆରେ ନୁଆ ଜିନିଷ ବିଷୟରେ ଶିଖିବାକୁ ପାଇଥିଲି ।
  • ଓଡ଼଼ିଆ ଉଇକିପିଡ଼ିଆର କେତେକ ବୈଷୟୈକ ଅସୁବିଧା ବିଷୟରେ ଆଲୋଚନା କରିବା ସହ ସମାଧାନ ମଧ୍ୟ କରିଥିଲି ।
  • ପ୍ରୋଜେକ୍ଟ ଟାଇଗର ବିଷୟରେ ଗୋଟେ ଉପସ୍ଥାପନାରେ ଭାଗ ନେଇଥଲି ଏବଂ ସେଥି କଣ ସବୁ ଅସୁବିଧା ହେଲା ସେଗୁଡିକ କହିଥିଲି ।
  • ବିଭିନ୍ନ ଯାଗାର ଫଟୋ ଉଠାଇଥିଲି । କମନ୍ସରେ ଛାଡିଛି ।
  • କିଛି ଅଲଗା ଭାରତୀୟ ଉଇକିଆଳିମାନଙ୍କ ସହ ମିଶି ଉଇକିପାଠାଗାର କେମିତି ଉନ୍ନତ ହେଇ ପାରିବ ସେ ବିଷୟରେ କଥା ହେଇଥିଲି ।
  • ଓଟିଆରଏସ ଅସୁବିଧା ଗୁଡିକୁ ସମାଧା କରିବା ବିଷୟରେ ମଧ୍ୟ କଥା ହେଇଥିଲି ।

ଏହା ଗୋଟେ ସଂକ୍ଷିପ୍ତ ବିବରଣୀ, ଅଧିକ କିମ୍ବା କିଛି ଗୋଟେ ନିର୍ଦ୍ଦିଷ୍ଟ ବିଷୟରେ ଜାଣିବା ପାଇଁ ମୋ ଅଲୋଚନା ପୃଷ୍ଠାରେ ଲେଖନ୍ତୁ । ଦରକାରୀ ଲିଙ୍କଗୁଡିକ ପରେ ଯୋଡିଦେବି ।

2400:6180:100:D0:0:0:40C:2001 (ଆଲୋଚନାଅବଦାନ)

EZSM

Reply to "ଉଇକିମାନିଆରୁ ମିଳିଥିବା ଶିକ୍ଷା - ଜ୍ଞାନ"