ଭାରତୀୟ ପ୍ରବନ୍ଧ ଅନୁଷ୍ଠାନ ସମ୍ବଲପୁର

ଭାରତୀୟ ପ୍ରବନ୍ଧ ଅନୁଷ୍ଠାନ ସମ୍ବଲପୁର‌
ସ୍ଥାପିତ	୨୦୧୫
ଅବସ୍ଥାନ	ସମ୍ବଲପୁର, ଓଡ଼ିଶା, ଭାରତ
ପରିସର	ସହରାଞ୍ଚଳ
ୱେବସାଇଟ	iimsambalpur.ac.in

ଭାରତୀୟ ପ୍ରବନ୍ଧ ଅନୁଷ୍ଠାନ ସମ୍ବଲପୁର‌(ଇଂରାଜୀ : Indian Institute of Management Sambalpur) , ଏକ ସ୍ୱୟଂଶାସିତ ମ୍ୟାନେଜମେଣ୍ଟ ଶିକ୍ଷା ଅନୁଷ୍ଠାନ । ଏହା ଭାରତୀୟ ରାଜ୍ୟ ଓଡ଼ିଶାର ସମ୍ବଲପୁରଠାରେ ଅବସ୍ଥିତ । ୨୦୧୮-୨୦ ବ୍ୟାଚରେ ଗୋଟିଏ ମଧ୍ୟ ଝିଅ ଏହି ଅନୁଷ୍ଠାନରେ ନାମ ଲେଖାଇ ନଥିବା ବେଳେ, ୨୦୧୯-୨୧ ବ୍ୟାଚରେ ୯୮ଟି ସିଟ ମଧ୍ୟରୁ ୫୦ ଜଣ ଝିଅ ଥିଲେ । ଭାରତର ସମସ୍ତ ଆଇଆଇଏମ ମଧ୍ୟରୁ ଏହ ହାର ସର୍ବାଧିକ ।

ପ୍ରତିଷ୍ଠା

ଭାରତୀୟ ପ୍ରବନ୍ଧ ଅନୁଷ୍ଠାନ ସମ୍ବଲପୁର‌ , ଭାରତର ଉନବିଂଶତମ ମ୍ୟାନେଜମେଣ୍ଟ ଶିକ୍ଷା ଅନୁଷ୍ଠାନ । ଏଠାରେ ପୋଷ୍ଟ ଗ୍ରାଜୁଏଟ ପ୍ରୋଗ୍ରାମ(PGP) ୨୩ ସେପ୍ଟେମ୍ବର ୨୦୧୫ରେ ଆରମ୍ଭ ହୋଇଥିଲା । ବର୍ତ୍ତମାନ ଏହି ଅନୁଷ୍ଠାନ ଅସ୍ଥାୟୀ ଭାବରେ ସମ୍ବଲପୁର ସନ୍ନିକଟ ଶାସନଠାରେ ଥିବା ସିଲିକନ ଇନଷ୍ଟିଚୁଟରେ ଚାଲିଛି । 

ତତ୍ତ୍ୱାବଧାନ

ଏହି ଅନୁଷ୍ଠାନ ବର୍ତ୍ତମାନ ଭାରତୀୟ ପ୍ରବନ୍ଧ ଅନୁଷ୍ଠାନ ଇନ୍ଦୋରର ପ୍ରତ୍ୟକ୍ଷ ତତ୍ତ୍ୱାବଧାନରେ ପରିଚାଳିତ ହେଉଛି । ସମ୍ବଲପୁର ସହର ରାୟପୁର, ଭୁବନେଶ୍ୱର ଓ କଲିକତା ସହ ସଡ଼କ ପଥ ଓ ରେଳପଥଦ୍ୱାରା ଏବଂ ଭୁବନେଶ୍ୱର ସହ ଆକାଶପଥଦ୍ୱାରା ସଂଯୁକ୍ତ ହେଇଥିବାରୁ ଏହି ଅନୁଷ୍ଠାନ ପାଇଁ ଉପଯୁକ୍ତ ସ୍ଥାନ ବୋଲି ବିଚାର କରା ଯାଇଥିଲା । ୨୦୧୪ରେ ଏହି ଅନୁଷ୍ଠାନ ସ୍ଥାପନ ପାଇଁ କେନ୍ଦ୍ର ସରକାରଙ୍କ ମଞ୍ଜୁରୀ ପ୍ରାପ୍ତ ହେଇଥିଲା । 

ସ୍ଥାୟୀ କ୍ୟାମ୍ପସ

ଏଥିପାଇଁ ସ୍ଥାୟୀ ଭବନ ନିର୍ମାଣ ପାଇଁ ଓଡ଼ିଶା ସରକାରଙ୍କ ତରଫରୁ ବସନ୍ତପୁର ଗ୍ରାମ ସନ୍ନିକଟରେ ୨୩୭ ଏକର ଜମି ଚିହ୍ନଟ କରାଯାଇଛି ।