ଅଫସାନା ଆରା ବିନ୍ଦୁ
ଅଫସାନା ଆରା ବିନ୍ଦୁ | |
|---|---|
 ଅଫସାନା ଆରା ବିନ୍ଦୁ | |
| ଜନ୍ମ | ୧୪ ଜାନୁଆରୀ ୧୯୮୮ |
| ଜାତୀୟତା | ବଙ୍ଗଳାଦେଶୀ |
| ଶିକ୍ଷାନୁଷ୍ଠାନ | ଜାହାଙ୍ଗୀରନଗର ବିଶ୍ୱବିଦ୍ୟାଳୟ |
| ବୃତ୍ତି(ସମୂହ) | ଅଭିନେତ୍ରୀ ମଡେଲ |
| ସକ୍ରିୟ ବର୍ଷ | ୨୦୦୬–ଏବେଯାଏଁ |
| ଉଲ୍ଲେଖନୀୟ କୃତି | ଦାରୁଚିନି ଦୀପ, ଜାଗୋ, ଏଇତ ପ୍ରେମ |
| ଉଚ୍ଚତା | ୫ ଫୁଟ ୬ ଇଞ୍ଚ |
| ବୈବାହିକ-ସାଥୀ | ଆସିଫ ସଲାଉଦ୍ଦିନ ମାଲେକ |
| ପୁରସ୍କାର | ଲକ୍ସ ଚେନାଲ ଆଇ ସୁରପରଷ୍ଟାର - ୨୦୦୬ରେ ୨ୟ |
ଅଫସାନା ଆରା ବିନ୍ଦୁ (ଜନ୍ମ: ଜାନୁଆରୀ ୧୪, ୧୯୮୮
- ଜନ୍ମସ୍ଥାନ
- ଢାକା, ବଙ୍ଗଳାଦେଶ) ଜଣେ ବଙ୍ଗଳାଦେଶୀ ମଡେଲ ଏବଂ ଅଭିନେତ୍ରୀ । ସେ ମୁଖ୍ୟତଃ ବଙ୍ଗଳାଦେଶୀ କଥାଚିତ୍ର ଏବଂ ଦୂରଦର୍ଶନ କାର୍ଯ୍ୟକ୍ରମରେ ଅଭିନୟ କରନ୍ତି । ୨୦୦୬ ମସିହାରେ ଅଫସାନା ଲକ୍ସ ଚେନାଲ ଆଇ ସୁପରଷ୍ଟାର କାର୍ଯ୍ୟକ୍ରମ ଜରିଆରେ ଜଣେ ମଡେଲ ଭାବରେ ତାଙ୍କର ପେଶା ଆରମ୍ଭ କରିଥିଲେ । ସେତେବେଳେ ସେ ଜାହାଙ୍ଗୀରନଗର ବିଶ୍ୱବିଦ୍ୟାଳୟରେ ବ୍ୟବସାୟ ପ୍ରବନ୍ଧ ଶାସ୍ତ୍ର ଅଧ୍ୟୟନ କରୁଥିଲେ । ବିନ୍ଦୁ ମଡେଲିଂରେ ଏହିଭଳି ଛୋଟ ଛୋଟ କାମ କରିବାପରେ ବିଭିନ୍ନ ପ୍ରତିଯୋଗୀତାମୂଳକ କାର୍ଯ୍ୟରେ କାମ କରିବା ଆରମ୍ଭ କରିଥିଲେ । ସେହି ବର୍ଷ ସେ ବଙ୍ଗଳାଦେଶ କଥାଚିତ୍ର ଜଗତରେ ଅଭିନୟ କରିବା ଆରମ୍ଭ କରିଥିଲେ । ନିର୍ଦ୍ଦେଶକ ତାଉକୀର ଅହମ୍ମଦଙ୍କ ନିର୍ଦ୍ଦେଶିତ କଥାଚିତ୍ର ଦାରୁଚିନି ଦୀପ ଜରିଆରେ ସେ ଅଭିନୟ ଜଗତରେ କାମ କରିବା ଆରମ୍ଭ କରିଥିଲେ, ଯେଉଁଥିରେ ସେ ଏକ ଛୋଟ ଭୂମିକାରେ ଅଭିନୟ କରିଥିଲେ । ମାତ୍ର ତାଙ୍କର ସେହି ଛୋଟ ଭୂମିକାଟିକୁ ସମୀକ୍ଷକମାନେ ଯୁକ୍ତାତ୍ମକ ଭାବରେ ଗ୍ରହଣ କରିଥିଲେ ଏବଂ ତାଙ୍କର ଅଭିନୟକୁ ଦର୍ଶନ ଅଧିକ ପସନ୍ଦ କରିଥିଲେ, ଯାହାକି ତାଙ୍କ ଆତ୍ମବିଶ୍ୱାସକୁ ଅଧିକ ଦୃଢ଼ କରିଥିଲା । ଏହାପରେ ସେ ଜାଗୋ ଓ ପିରିତେର୍ ଅଗୁନ୍ ଜୋଲେ ଦିଗୁନ କଥାଚିତ୍ରରେ ତାଙ୍କର ଅଭିନୟର ପାରଦର୍ଶିତା ଦେଖାଇଥିଲେ । ୨୦୧୫ ମସିହାରେ ମୁକ୍ତିଲାଭ କରିଥିବା ଶୋହେଲ ଅର୍ମାନଙ୍କର ନିର୍ଦ୍ଦେଶିତ ଚଳଚ୍ଚିତ୍ର ଏଇତ ପ୍ରେମରେ ଅଫସାନା ଅଭିନୟ କରିଥିଲେ ।[୧][୨]
ପ୍ରାରମ୍ଭିକ ଜୀବନ ଓ ଶିକ୍ଷା
[ସମ୍ପାଦନା]ଅଫସାନା ଆରା ବିନ୍ଦୁ ୧୯୮୮ ମସିହାର ଜାନୁଆରୀ ମାସ ୧୪ ତାରିଖରେ ବଙ୍ଗଳାଦେଶର ଢାକାଠାରେ ଜନ୍ମଗ୍ରହଣ କରିଥିଲେ । ସେ ଜାହାଙ୍ଗୀରନଗର ବିଶ୍ୱବିଦ୍ୟାଳୟରେ ବ୍ୟବସାୟ ପ୍ରବନ୍ଧ ଶାସ୍ତ୍ର ଅଧ୍ୟୟନ କରୁଥିବା ସମୟରେ ମଡେଲିଂ କରିବା ଆରମ୍ଭ କରିଥିଲେ ।
ମଡେଲିଂ ଏବଂ ଅଭିନୟ ଜୀବନ
[ସମ୍ପାଦନା]ଅଫସାନା ଆରା ବିନ୍ଦୁ ୨୦୦୬ ମସିହାରେ ଲକ୍ସ ଚେନାଲ ଆଇ ସୁପରଷ୍ଟାର ପ୍ରତିଯୋଗୀତାରେ ଅଂଶଗ୍ରହଣ କରିଥିଲେ ଏବଂ ୨ୟ ସ୍ଥାନରେ ରହି ମଡେଲିଂରେ ତାଙ୍କର ପେଶା ଆରମ୍ଭ କରିଥିଲେ । ଏହାପରେ ସେ ସେହି ବର୍ଷ ବଙ୍ଗଳାଦେଶୀ କଥାଚିତ୍ର ଜଗତରେ ଅଭିନୟ କରିବା ଆରମ୍ଭ କରିଥିଲେ । ତାଙ୍କ ଅଭିନୀତ ପ୍ରଥମ କଥାଚିତ୍ର ଥିଲା ଦାରୁଚିନି ଦୀପ । ଏହି କଥାଚିତ୍ରଟିର ନିର୍ଦ୍ଦେଶନା ଦେଇଥିଲେ ତାଉକୀର ଅହମ୍ମଦ । ଏହାପରେ ୨୦୧୦ ମସିହାରେ ଜାଗୋ, ୨୦୧୧ ମସିହାରେ ପିରିତେର୍ ଅଗୁନ୍ ଜୋଲେ ଦିଗୁନ କଥାଚିତ୍ରରେ ଅଭିନୟ କରିଥିଲେ । ୨୦୧୫ ମସିହାରେ ତାଙ୍କ ଅଭିନୀତ କଥାଚିତ୍ର ଏଇତ ପ୍ରେମ ମୁକ୍ତିଲାଭ କରିଥିଲା ।
ବିନ୍ଦୁ ଜଣେ ମଡେଲ ଭାବରେ କାମ କରିବା ଏବଂ କଥାଚିତ୍ରରେ ଅଭିନୟ କରିବା ବ୍ୟତୀତ କିଛି କାର୍ଯ୍ୟକ୍ରମର ଉପସ୍ଥାପିକା ଭାବରେ କାର୍ଯ୍ୟ କରିଛନ୍ତି ଏବଂ ବିଭିନ୍ନ ବଙ୍ଗଳାଦେଶୀ ଦୂରଦର୍ଶନ ଧାରାବାହିକ ଓ ନାଟକରେ ଅଭିନୟ କରିଛନ୍ତି । ଚୟନିକା ଚୌଧୁରୀଙ୍କ ନିର୍ଦ୍ଦେଶନାରେ ମୁଗ୍ଧ ନିଳୀମାର ପ୍ରାନ୍ତୟେ, ଓନାକାଙ୍ଖିତ, ଲାଲ ଗୋଲାପ ସଦା ମନ ଆଦି ଧାରାବାହିକରେ ଅଭିନୟ କରିଥିଲେ । ସେ ଅଭିନେତା ସଜଳ ନୂର୍ଙ୍କ ସହ ତମୟ ଚେରେ କଥାଏ ଜାବୋ, ଏଖାନଏ ଶେଷ ନୟ, ଦୁଲ୍ଚେ ଦୋଲ୍ନା, ସରି, ଏକ ଆକାଶ ନୀଲ୍, ଛୋଟବେଳ, ଚେନା ଚେନା ଲାଗେ ଆଦି ଦୂରଦର୍ଶନ ଧାରାବାହିକରେ ଅଭିନୟ କରିଥିଲେ ।
ବୈବାହିକ ଜୀବନ
[ସମ୍ପାଦନା]ଅଫସାନା ଆରା ବିନ୍ଦୁ ଆସିଫ ସଲାଉଦ୍ଦିନ ମାଲେକଙ୍କୁ ବିବାହ କରିଥିଲେ ।
ଆଧାର
[ସମ୍ପାଦନା]- ↑ "Afsana Ara Bindu". People: Faces of Bangladesh. Priyo. 15 November 2011. Archived from the original on 8 November 2011. Retrieved 10 August 2012.
- ↑ "বিন্দুর বিয়ে". Prothom Alo (in Bengali). Archived from the original on 25 October 2014. Retrieved 25 October 2014.
ବାହାର ଆଧାର
[ସମ୍ପାଦନା]
- ଇଣ୍ଟରନେଟ ମୁଭି ଡାଟାବେସରେ ଅଫସାନା ଆରା ବିନ୍ଦୁ