ଖପୁରୀ କଣା ଅସ୍ତ୍ରୋପଚାର

Detail from The Extraction of the Stone of Madness, a painting by Hieronymus Bosch depicting trepanation (c. 1488–1516).

ଖପୁରୀ କଣା ଅସ୍ତ୍ରୋପଚାର, ଅନ୍ୟ ନାମ ଟ୍ରେପାନେସନ, ହେଉଛି ଏକ ପ୍ରଣାଳୀ ଯେଉଁଥିରେ ଖପୁରୀ ଭିତରକୁ ଏକ ଛିଦ୍ର ତିଆରି କରାଯାଏ । ଏପିଡୁରାଲ୍ କିମ୍ବା ସବଡୁରାଲ୍ ହେମାଟୋମାସର ଚିକିତ୍ସା ପାଇଁ ଏହା କରାଯାଏ ଯେତେବେଳେ ମଧ୍ୟ ରେଖା ଘୁଞ୍ଚିଯାଏ, ଗ୍ଲାସଗୋ କୋମା ସ୍କେଲ ୮ରୁ କମ, ଏବଂ ଆଖି ପୁତ୍ତଳି ବଡ଼ ଦେଖାଯାଏ । ଏହା ନ୍ୟୁରୋ ସର୍ଜନ କରନ୍ତି କିନ୍ତୁ ଜରୁରୀ ଅବସ୍ଥାରେ ଅନ୍ୟ ଡାକ୍ତରଦ୍ୱାରା କରାଯାଇପାରେ ।

ଅସ୍ତ୍ରପଚାର ପୂର୍ବରୁ ବ୍ୟକ୍ତିର ଇନ‌ଟ୍ୟୁବେସନ କରାଯାଏ । ସିଟି ସ୍କାନରେ ରକ୍ତସ୍ରାବର ଅବସ୍ଥାନ ସିଟି ସ୍କାନ କରି ନିଶ୍ଚିତ ହେବାପରେ ଖପୁରୀର ଘନତା ମାପ କରାଯାଏ । ସ୍ଥାନଟି ଲୋମହୀନ, ଷ୍ଟେରିଲାଇଜେସନ ଏବଂ ଲିଡୋକେନ ସ‌ହିତ ଏପିନେଫ୍ରିନ ଇଞ୍ଜେକସନ ଦିଆଯାଏ । ଚମକୁ ୪ ସେଣ୍ଟିମିଟର ( 1.57 "ଇଞ୍ଚ) ଲମ୍ବ କଟାଯାଏ । କାନର ଉପରକୁ ଓ ସାମନାରେ କଟାଯାଏ । କଟା ଯାଗାରେ ରିଟ୍ରାକ୍ଟର ଲଗେଇ ଖପୁରୀ ଖୋଲାଯାଏ ଓ ଡ୍ରିଲ କରାଯାଏ । ରକ୍ତ ଖପୁରୀ ଦେଇ ବାହାରିଯାଏ ବା ସକସନ କରାଯାଏ । ସବଡୁରାଲ ହେମାଟୋମା ଥିଲେ ତୀକ୍ଷ୍ଣ ହୁକଦ୍ୱାରା ଡୁରା ମେଲା ରଖାଯାଏ ଓ X ଆକୃତିରେ କଟାଯାଏ ।

ସଂକ୍ରମଣକୁ ରୋକିବା ପାଇଁ ଆଣ୍ଟିବାୟୋଟିକ୍ ଦିଆଯିବା ଉଚିତ ଏବଂ ନ୍ୟୁରୋ ସର୍ଜନଦ୍ୱାରା ବ୍ୟକ୍ତି ନିଶ୍ଚିତ ଯତ୍ନ ପାଇବା ଉଚିତ । ଟ୍ରେପାନେସନ୍ ହେଉଛି ପୁରାତନ ଜଣାଶୁଣା ପ୍ରକାରର ଅସ୍ତ୍ରୋପଚାର ଯାହା ଏହାର ଇତିହାସ ସାରା କରାଯାଏ । ଆନ୍ଥ୍ରୋପୋଲୋଜିଷ୍ଟମାନେ ବିଶ୍ୱାସ କରନ୍ତି ଯେ ଏହା ମୂଳତଃ ଆଧ୍ୟାତ୍ମିକ ଉଦ୍ଦେଶ୍ୟରେ, ଅପସ୍ମାର, ମୁଣ୍ଡବିନ୍ଧା, ମୁଣ୍ଡର କ୍ଷତ ଏବଂ ମାନସିକ ବିକୃତି ପାଇଁ କରାଯାଇଥିଲା ।