ଫୁସଫୁସ କର୍କଟ

ଉଇକିପିଡ଼ିଆ ରୁ
ଫୁସଫୁସ କର୍କଟ
ଶ୍ରେଣୀବିଭାଗ ଓ ବାହାର ସ୍ରୋତ

ଛାତି ଏକ୍ସ ରେରେ ଦେଖାଯାଇଥିବା ଫୁସଫୁସରେ ହୋଇଥିବା ଟ୍ୟୁମର ତୀର ଚିହ୍ନ ଦ୍ୱାରା ଦେଖା‌ଯାଇଛି
ICD-10 C33.-C34.
ICD-9 162
ରୋଗ ଡାଟାବେସ ଛାତି ଏକ୍ସ‌-ରେ: ଫୁସଫୁସ ଭିତରେ ତୀର ଚିହ୍ନିତ ଅଂଶରେ କର୍କଟ ରୋଗ ଦେଖାଉଛି ।.htm 7616 ଛାତି ଏକ୍ସ‌-ରେ: ଫୁସଫୁସ ଭିତରେ ତୀର ଚିହ୍ନିତ ଅଂଶରେ କର୍କଟ ରୋଗ ଦେଖାଉଛି ।
MedlinePlus 007194
eMedicine med/1333 med/1336 emerg/335 radio/807 radio/405 radio/406
MeSH D002283

ଫୁସଫୁସ କର୍କଟ ରୋଗରେ ଫୁସଫୁସ ତନ୍ତୁରେ ଥିବା ଜୀବକୋଷମାନଙ୍କର ସଂଖ୍ୟାର ଅଦମନୀୟ ବୃଦ୍ଧି ଘଟେ । ଚିକିତ୍ସା ନ ହେଲେ ଏହି ବୃଦ୍ଧି ଫୁସଫୁସ ପାର ହୋଇ ନିକଟସ୍ଥ ତନ୍ତୁକୁ ଓ ଏହାର କିଛି ଅଂଶ ଦୂରବର୍ତ୍ତୀ ଅଙ୍ଗମାନଙ୍କୁ ସ୍ଥାନାନ୍ତରିତ ବା ମେଟାସ୍ଟାସିସ (Metastasis) ହୋଇପାରେ । ଫୁସଫୁସରେ ହେଉଥିବା କର୍କଟ ମଧ୍ୟରୁ ଅଧିକାଂଶ ପ୍ରାଥମିକ କର୍କଟ ଶ୍ରେଣୀର ଓ ଏପିଥେଲିଅମ୍ ଜାତୀୟ ଜୀବକୋଷରୁ ବୃଦ୍ଧି ହୁଏ । ମୂଖ୍ୟ ଫୁସଫୁସ କର୍କଟ ଦୁଇ ପ୍ରକାର ଥାଏ: କ୍ଷୁଦ୍ର କୋଷ ଫୁସଫୁସ କର୍କଟ (SCLC) ଓ ଅଣକ୍ଷୁଦ୍ର କୋଷ ଫୁସଫୁସ କର୍କଟ(NSCLC) । କାଶ, ରକ୍ତମିଶା କଫ, ଓଜନ ହ୍ରାସ ଓ କଷ୍ଟଦାୟକ ଶ୍ଵାସ କ୍ରିୟା । ଏହା ବ୍ୟତିତ ଅନ୍ୟ ଅଙ୍ଗର କର୍କଟ କୋଷ ମଧ୍ୟ ରକ୍ତରେ ପ୍ରବାହିତ ହୋଇ ଫୁସଫୁସରେ କର୍କଟ ସୃଷ୍ଟି କରନ୍ତି ।
ଏହି ରୋଗର ସବୁଠାରୁ ସାଧାରଣ କାରଣ ହେଲା ଟବାକୋ ଧୁଆଁ ସଂସ୍ପର୍ଷରେ ଆସିବା ଓ ଧୂମ୍ର ପାନ କରିବା ଯାହାଦ୍ଵାରା ୮୦ ରୁ ୯୦ % କର୍କଟ ହୁଏ । ଧୁମ୍ର ପାନ ନ କରୁଥିବା ଲୋକଙ୍କ ମଧ୍ୟରୁ ୧୦ ରୁ ୧୫ % ଲୋକଙ୍କର କର୍କଟ ହୁଏ ଓ ଏମାନେ ଗୁଣସୂତ୍ର ଅସୁବିଧା, ରାଡନ ଗ୍ୟାସ, ଆଜ୍‌ବେସ୍ଟସ, ସେକଣ୍ଡ ହ୍ୟାଣ୍ଡ ଧୂମ୍ର ତଥା ବାୟୁ ପ୍ରଦୂଷଣ ଯୋଗୁ ରୋଗ ଭୋଗିବା ବିଶ୍ଵାସ କରାଯାଏ । ଛାତି ଏକ୍ସ-ରେ ଓ ସି.ଟି.ସ୍କାନ ଦ୍ଵାରା ଏହି ରୋଗ ଜଣାପଡେ । ବ୍ରୋଙ୍କୋସ୍କୋପି ଦ୍ଵାରା ବାୟୋପ୍ସି ଫଳାଫଳ ଓ ସି.ଟି ଗାଇଡାନ୍ସ ଦ୍ଵାରା ଏହି ରୋଗ ନିଧାର୍ଯ୍ୟ ଭାବେ ନିର୍ଣ୍ଣୟ କରାଯାଏ। କେଉଁ ଭଳି ସ୍ଟେଜର କର୍କଟ ହୋଇଛି, କେଉଁ ଟାଇପର କର୍କଟ ହୋଇଛି ଓ ରୋଗୀର ସାଧାରଣ ସ୍ଵାସ୍ଥ୍ୟ କିପରି ଅଛି: ଏହା ଉପରେ ରୋଗର ଚିକିତ୍ସା ଓ ଫଳାଫଳ ନିର୍ଭର କରେ ।
ଅପରେଶନ, କେମୋଥେରାପି ଓ ରେଡିଓଥେରାପି ଦ୍ଵାରା ଫୁସଫୁସ କର୍କଟ ରୋଗର ଚିକିତ୍ସା କରାଯାଏ । ଅଣକ୍ଷୁଦ୍ର କୋଷ ଫୁସଫୁସ କର୍କଟ(NSCLC) ରୋଗ ବେଳେ ବେଳେ ଅପରେଶନ ଦ୍ଵାରା କରାଯାଏ । କ୍ଷୁଦ୍ର କୋଷ ଫୁସଫୁସ କର୍କଟ (SCLC) ରୋଗ ଚିକିତ୍ସା କେମୋଥେରାପିରେଡିଓଥେରାପି ଦ୍ଵାରା କରାଯାଏ[୧] । ଆମେରିକାରେ ଫୁସଫୁସ କର୍କଟ ରୋଗୀ ରୋଗ ନିର୍ଣ୍ଣୟ ପରଠାରୁ ପାଞ୍ଚ ବର୍ଷ ପର୍ଯ୍ୟନ୍ତ ବଞ୍ଚନ୍ତି । ସାରା ପୃଥିବୀରେ କର୍କଟ ରୋଗ ମଧ୍ୟରୁ ଫୁସଫୁସ କର୍କଟ ରୋଗ ମୃତ୍ୟୁ ସର୍ବାଧିକ ଓ ୨୦୦୮ ମସିହାରେ ଏହି ରୋଗରେ ୧.୩୮ ନିୟୁତ ରୋଗୀ ମୃତ୍ୟୁ ବରଣ କରିଥିଲେ ।

ଆଧାର[ସମ୍ପାଦନା]

  1. Chapman, S; Robinson G, Stradling J, West S (2009). "Chapter 31". Oxford Handbook of Respiratory Medicine (2nd ed.). Oxford University Press. ISBN 9-780199-545162.