ବଳଦେବ ସିଂ

ବଳଦେବ ସିଂ
ଜନ୍ମ ଓ ଜନ୍ମସ୍ଥାନ	1942 (age –)
ବୃତ୍ତି	ଉପନ୍ୟାସ ଓ କାହାଣୀ ଲେଖକ
ଶିକ୍ଷାନୁଷ୍ଠାନ	ଏମ.ଏ, ବି.ଇଡି
ସାହିତ୍ୟ କୃତି	ଧୱନ ଦିଲ୍ଲୀ ଦେ କିଙ୍ଗ୍ରେ , ସରହକ ନାମା' , ଲାଲ ବତ୍ତି
ପୁରସ୍କାର	ସାହିତ୍ୟ ଏକାଡେମୀ ପୁରସ୍କାର ବିଜେତା (୨୦୧୧)

ବଳଦେବ ସିଂ (ବଳଦେବ ସିଂ ସଦକନାମା) ପଞ୍ଜାବୀ ଭାଷାର ଜଣେ ଭାରତୀୟ ଔପନାସିକ ତଥା କାହାଣୀ ଲେଖକ ଥିଲେ । ସେ ୨୦୧୧ ମସିହାରେ ଉପନ୍ୟାସ ଧାହୱାନ୍ ଦିଲ୍ଲୀ ଦେ କିଙ୍ଗ୍ରେ (Dhahwan Dilli De Kingre) ପାଇଁ ସାହିତ୍ୟ ଏକାଡେମୀ ପୁରସ୍କାର ପାଇଥିଲେ | ୨୦୧୨ ମସିହା ସୁଦ୍ଧା ସେ ୫୫ଟି ଉପନ୍ୟାସ , ବିଭିନ୍ନ କ୍ଷୁଦ୍ରଗଳ୍ପ ଏବଂ ନାଟକ ଲେଖି ସାରିଛନ୍ତି ।

ପ୍ରାରମ୍ଭ ଜୀବନ

ବଳଦେବ ସିଂ ମୋଗା ଜିଲ୍ଲାର ଚାନ୍ଦ ନୱାନ ଗ୍ରାମରେ ଜନ୍ମଗ୍ରହଣ କରିଥିଲେ । ସେ ମୁକ୍ତସର ଅଞ୍ଚଳରେ ଶିକ୍ଷକ ଭାବରେ ନିଜର କ୍ୟାରିଅର୍ ଆରମ୍ଭ କରିଥିଲେ ଏବଂ ହିମାଚଳ ପ୍ରଦେଶରେ ମଧ୍ୟ ଶିକ୍ଷକ ଭାବରେ କିଛି ସମୟ ଅତିବାହିତ କରିଥିଲେ । ପରେ ସେ କଲିକତା ଯାଇ ଟ୍ରକ୍ କ୍ଲିନର୍, ଟ୍ୟାକ୍ସି ଡ୍ରାଇଭର ଏବଂ ଟ୍ରକ୍ ଅପରେଟର ଭାବରେ କାର୍ଯ୍ୟ କରିଥିଲେ ।

ବୃତ୍ତି

ସିଂ ନିଜର ଉପନ୍ୟାସ ସାଦକନାମା ଏବଂ ଲାଲ ବତ୍ତି ପାଇଁ ଜଣାଶୁଣା । ତାଙ୍କର ଉପନ୍ୟାସ ସାଦକନାମା, ପଞ୍ଜାବର ଟ୍ରକ୍ ଡ୍ରାଇଭରମାନଙ୍କର ଏକ ବର୍ଣ୍ଣନାତ୍ମକ କାହାଣୀ ଥିଲା । ଏହା ଅମୃତା ପ୍ରୀତମଙ୍କ ପତ୍ରିକା ନାଗମାନୀରେ ଏକ ସ୍ତମ୍ଭ ଭାବରେ ଆରମ୍ଭ ହୋଇଥିଲା ଏବଂ ପରେ ଏହା ତିନୋଟି ଗ୍ରନ୍ଥଖଣ୍ଡ ବିଶିଷ୍ଟ ଉପନ୍ୟାସ ଭାବରେ ପ୍ରକାଶିତ ହୋଇଥିଲା । ଏହି ଉପନ୍ୟାସର କାହାଣୀଗୁଡ଼ିକ ସିଂଙ୍କ ପ୍ରକୃତ ଅନୁଭୂତି ଉପରେ ଆଧାରିତ ଥିଲା । ସେ ନିଜେ ଶିକ୍ଷକ ଭାବରେ କାର୍ଯ୍ୟ କରୁଥିବାବେଳେ, ୧୦ ବର୍ଷ ଧରି ଟ୍ରକ୍ ଡ୍ରାଇଭର ମଧ୍ୟ ଥିଲେ । ଏହି ପୁସ୍ତକ ପଞ୍ଜାବୀ ସାହିତ୍ୟରେ ବେଶ୍ ଲୋକପ୍ରିୟ ହୋଇଥିଲା ଏବଂ "ସାଦକନାମା" ତାଙ୍କ ପ୍ରଶଂସକ ମାନଙ୍କ ପାଇଁ ତାଙ୍କ ନାମର ଏକ ଅଂଶ ହୋଇଗଲା |

ତାଙ୍କର ଉପନ୍ୟାସ "ଧୱନ ଦିଲ୍ଲୀ ଦେ କିଙ୍ଗ୍ରେ" କିମ୍ବଦନ୍ତୀ ବିଦ୍ରୋହୀ ଦୁଲ୍ଲା ଭଟ୍ଟୀଙ୍କ ବିଷୟରେ ଥିଲା । ଏହି ଉପନ୍ୟାସ ପାଇଁ ସେ ୨୦୧୧ ମସିହାରେ ପଞ୍ଜାବୀ ପାଇଁ ସାହିତ୍ୟ ଏକାଡେମୀ ପୁରସ୍କାର ଜିତିଥିଲେ । ସେ ଦିଲ୍ଲୀର "ମେକର୍ସ ଅଫ୍ ଇଣ୍ଡିଆନ୍ ସାହିତ୍ୟ" ସିରିଜ୍ ପାଇଁ ସାହିତ୍ୟ ଏକାଡେମୀ ପାଇଁ ଜଣାଶୁଣା ପଞ୍ଜାବୀ ଲେଖକ ଜିଆନି ଗୁରୁଦିତ ସିଂ (୧୯୨୩-୨୦୦୭)ଙ୍କ ଉପରେ ଏକ ମୋନୋଗ୍ରାମ୍ ପ୍ରକାଶ କରିଥିଲେ ।