ରେଣୁ ଚକ୍ରବର୍ତ୍ତୀ
ରେଣୁ ଚକ୍ରବର୍ତ୍ତୀ | |
|---|---|
| ଭାରତୀୟ ସଂସଦର ସଦସ୍ୟ | |
| କାର୍ଯ୍ୟକାଳ ୧୯୫୨-୧୯୬୨ | |
| ନିର୍ବାଚନ ମଣ୍ଡଳୀ | ବାସୀରହାଟ |
| କାର୍ଯ୍ୟକାଳ ୧୯୬୨-୧୯୬୭ | |
| ନିର୍ବାଚନ ମଣ୍ଡଳୀ | ବାରାକପୁର |
| ବ୍ୟକ୍ତିଗତ ସବିଶେଷ | |
| ଜନ୍ମ | ୨୧ ଅକ୍ଟୋବର ୧୯୧୭ କଲିକତା |
| ମୃତ୍ୟୁ | ୧୬ ଅପ୍ରେଲ ୧୯୯୪ (ବୟସ ୭୬) |
| ରାଜନୀତିକ ଦଳ | କମ୍ୟୁନିଷ୍ଟ ପାର୍ଟି ଅଫ୍ ଇଣ୍ଡିଆ |
| ଜୀବନ ସାଥୀ | ନିଖିଲ ଚକ୍ରବର୍ତ୍ତୀ |
| ସନ୍ତାନ | ୧ ପୁତ୍ର |
| ଶିକ୍ଷାନୁଷ୍ଠାନ | ଭିକ୍ଟୋରିଆ ଅନୁଷ୍ଠାନ, କଲିକତା, ନ୍ୟୁନହମ୍ କଲେଜ, କେମ୍ବ୍ରିଜ |
ସଂସଦୀୟ ତଥା ଶିକ୍ଷାବିତ ରେଣୁ ଚକ୍ରବର୍ତ୍ତୀ (୧୯୧୭-୧୯୯୪) "କମ୍ୟୁନିଷ୍ଟ ପାର୍ଟି ଅଫ୍ ଇଣ୍ଡିଆ"ର ଜଣେ ନେତା ଥିଲେ ।
ପ୍ରାରମ୍ଭ ଜୀବନ[ସମ୍ପାଦନା]
୨୧ ଅକ୍ଟୋବର ୧୯୧୭ ମସିହାରେ କଲିକତାରେ ସାଧନା ଚନ୍ଦ୍ର ଏବଂ ବ୍ରହ୍ମକୁମାରୀ ରାୟଙ୍କ ଏକ ବ୍ରହ୍ମୋ ପରିବାରରେ ଜନ୍ମଗ୍ରହଣ କରି ସେ କଲିକତାସ୍ଥିତ ଲୋରେଟୋ ହାଉସ, ଭିକ୍ଟୋରିଆ ପ୍ରତିଷ୍ଠାନ ଏବଂ କେମ୍ବ୍ରିଜ୍ର ନ୍ୟୁନହମ୍ କଲେଜରେ ଶିକ୍ଷା ଲାଭ କରିଥିଲେ । କଲିକତାରେ ସମ୍ମାନ ସହ ସ୍ନାତକ ହାସଲ କରିବା ପରେ ସେ କେମ୍ବ୍ରିଜରେ ଇଂରାଜୀ ସାହିତ୍ୟରେ ଟ୍ରିପୋସ୍ ହାସଲ କରିଥିଲେ ।[୧][୨][୩]
ରେଣୁ, ଡକ୍ଟର ବିହନ ଚନ୍ଦ୍ର ରାୟଙ୍କ ଭଣଜାଙ୍କଦ୍ୱାରା ରାଜନୈତିକ କାର୍ଯ୍ୟରେ ଆଗ୍ରହ ପ୍ରକାଶ କରିବାକୁ ଅନୁପ୍ରାଣିତ ହୋଇଥିଲେ । ୧୯୩୮ ମସିହାରେ, ସେ ଉଲ୍ଲେଖନୀୟ ବ୍ରିଟିଶ କମ୍ୟୁନିଷ୍ଟ ରଜନୀ ପାଲମେ ଦତ୍ତଙ୍କ ସହ ଯୋଗାଯୋଗ କରିଥିଲେ ଏବଂ ଗ୍ରେଟ ବ୍ରିଟେନର କମ୍ୟୁନିଷ୍ଟ ପାର୍ଟିରେ ଯୋଗ ଦେଇଥିଲେ । ସେହିବର୍ଷ ସେ ଭାରତକୁ ଫେରିବା ପରେ ସେ ବେଆଇନ କମ୍ୟୁନିଷ୍ଟ ପାର୍ଟି ଅଫ ଇଣ୍ଡିଆର ସଦସ୍ୟତା ହାସଲ କରିଥିଲେ ଏବଂ ସକ୍ରିୟ ବାମପନ୍ଥୀ ରାଜନୀତିରେ ପ୍ରବେଶ କରିଥିଲେ ।[୪]
ବିବାହ ଏବଂ ରାଜନୀତି[ସମ୍ପାଦନା]
ସେ ୧୯୪୨ ମସିହାରେ ବିଶିଷ୍ଟ ସାମ୍ବାଦିକ ନିଖିଲ ଚକ୍ରବର୍ତ୍ତୀଙ୍କୁ ବିବାହ କରିଥିଲେ । ଚାଳିଶ ବର୍ଷ ପ୍ରାରମ୍ଭରେ ସେ କଲିକତା ବିଶ୍ୱବିଦ୍ୟାଳୟରେ ଇଂରାଜୀ ସାହିତ୍ୟ ଶିକ୍ଷା କରିଥିଲେ । ରାଣୀ ମିତ୍ର ଦାସଗୁପ୍ତା ଏବଂ ମଣିକାନ୍ତଳା ସେନଙ୍କ ସହ ସେ ମହିଲା ଆତ୍ମରାକ୍ଷୀ ସମିତି ଗଠନରେ ଏକ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଥିଲେ । ପରେ ଏହା ତେଭାଗା ଆନ୍ଦୋଳନରେ ଏକ ପ୍ରମୁଖ ଭୂମିକା ଗ୍ରହଣ କରିଥିଲା ।[୫] ନିରୀହ ମହିଳାଙ୍କ ସମର୍ଥନ ପାଇଁ ସେ ତାଙ୍କ ମା'ଙ୍କ ସହିତ ନାରୀ ସେବା ସଂଗଠନରେ ଜଡିତ ଥିଲେ । ୧୯୪୮ ମସିହାରେ, ଯେତେବେଳେ କମ୍ୟୁନିଷ୍ଟ ପାର୍ଟି ଅଫ୍ ଇଣ୍ଡିଆକୁ ବେଆଇନ ଘୋଷଣା କରାଯାଇଥିଲା, ସେତେବେଳେ ସେ ଲୁଚି ଯାଇଥିଲେ ।
ସେ ୧୯୫୨ ଏବଂ ୧୯୫୭ ମସିହାରେ ବାସୀରହାଟରୁ[୬][୭] ଏବଂ ୧୯୬୨ ମସିହାରେ ବାରାକୋରରୁ ଲୋକ ସଭାକୁ ନିର୍ବାଚିତ ହୋଇଥିଲେ ।[୮] ୧୯୬୪ ମସିହାରେ ସିପିଆଇ ବିଭାଜନ ପରେ ସେ ପୁରୁଣା ସଂଗଠନ ସହିତ ରହିବାକୁ ସ୍ଥିର କଲେ, ଏବଂ ୧୯୬୭ ଏବଂ ୧୯୭୧ ମସିହାରେ ଲଗାତାର ଦୁଇଟି ନିର୍ବାଚନରେ ସେ କମ୍ୟୁନିଷ୍ଟ ପାର୍ଟି ଅଫ୍ ଇଣ୍ଡିଆର ମହମ୍ମଦ ଇସମାଇଲ (ମାର୍କ୍ସବାଦୀ)ଙ୍କଠାରୁ ସମାନ ନିର୍ବାଚନ ମଣ୍ଡଳୀ ହରାଇଥିଲେ ।[୯][୧୦]
ପ୍ରାୟ ଚାରି ଦଶନ୍ଧି ଧରି ରାଜନୈତିକ ଜୀବନରେ ସେ ଶ୍ରମିକ ଆନ୍ଦୋଳନରେ ସକ୍ରିୟ ରହିଥିଲେ । ସେ ଅନେକ ଧର୍ମଘଟ ଆୟୋଜନ କରିଥିଲେ ଏବଂ ଅନେକ ଥର ଜେଲକୁ ମଧ୍ୟ ଯାଇଥିଲେ । ସେ ମହିଳା ଆନ୍ଦୋଳନରେ ଜଣେ ସହଯୋଗୀ ଥିଲେ । ସେ ଅନେକ ସଂସ୍ଥାର କାର୍ଯ୍ୟନିର୍ବାହୀ କମିଟିରେ ଥିଲେ ।
ଆଧାର[ସମ୍ପାଦନା]
- ↑ Samsad Bangali Charitabhidhan (Biographical Dictionary) by Anjali Bose, Vol II, 3rd edition 2004, page 309, ISBN 81-86806-99-7, (in Bengali) Sishu Sahitya Samsad Pvt. Ltd., 32A Acharya Prafulla Chandra Road, Kolkata-700009
- ↑ "Members of Parliament – Lok Sabha - Profile". Chakravartty, Smt. Renu. reFocus india. Retrieved 9 July 2014.
- ↑ "Chakravartty, Renu (1917-1994)". Blackwell Reference Online. Retrieved 9 July 2014.
- ↑ "Nikhilda, a champion of press freedom, dies of cancer". Express News Service, 28 June 1998. Retrieved 9 July 2014.
- ↑ Women in Tebhaga Movement, India Net Zone
- ↑ "General Elections, India, 1951- Constituency Wise Detailed Results" (PDF). West Bengal. Election Commission. Retrieved 9 July 2014.
- ↑ "General Elections, India, 1957- Constituency Wise Detailed Results" (PDF). West Bengal. Election Commission. Retrieved 9 July 2014.
- ↑ "General Elections, India, 1962- Constituency Wise Detailed Results" (PDF). West Bengal. Election Commission. Retrieved 9 July 2013.
- ↑ "General Elections, India, 1967 - Constituency Wise Detailed Results" (PDF). West Bengal. Election Commission. Retrieved 9 July 2014.
- ↑ "General Elections, India, 1971 - Constituency Wise Detailed Results" (PDF). West Bengal. Election Commission. Retrieved 9 July 2014.