ମସଲା ଦୋସା

ମସଲା ଦୋସା/ಮಸಾಲೆ ದೋಸೆ
	ମସଲା ଦୋସା ସହିତ ଚଟଣି
ମୂଳ ସ୍ଥାନ	ଉଡୁପି, କର୍ଣ୍ଣାଟକ
ଅଞ୍ଚଳ ବା ରାଜ୍ୟ	ଭାରତ
ମୁଖ୍ୟ ଉପାଦାନ	ଚାଉଳ ବଟା, ଆଳୁ
ପ୍ରକାର ଭେଦ	ମୈସୁର ମସଲା ଦୋସା, ପିଆଜ ମସଲା ଦୋସା, ପେପର ମସଲା ଦୋସା
	Cookbook: ମସଲା ଦୋସା/ಮಸಾಲೆ ದೋಸೆ; Media related to Media: ମସଲା ଦୋସା/ಮಸಾಲೆ ದೋಸೆ at Wikimedia Commons; ;

ଇଂରାଜୀ ଲିଙ୍କ

https://or.wikipedia.org/wiki/Masala_dosa

ମସଲା ଦୋସା, ଦୋସାର ଏକ ପ୍ରକାର ଅଟେ , ଯାହାର ଉତ୍ପତ୍ତି ମାଙ୍ଗାଲୋରରୁ ଓ ଏହା ସମଗ୍ର ଭାରତରେ ଲୋକପ୍ରିୟ ହୋଇପାରିଛି ।^[୧] ଏହା ଚାଉଳ, ଡ଼ାଲି, ଆଳୁ, ମେଥି ଏବଂ ଭୃସଙ୍ଗ ପତ୍ରରୁ ପ୍ରସ୍ତୁତ ହୋଇଥାଏ , ଏବଂ ଚଟଣି ଓ ସମ୍ବର ସହିତ ପରସା ଯାଇଥାଏ । ଯଦ୍ୟପି ଏହା କେବଳ ଦକ୍ଷିଣ-ଭାରତରେ ଲୋକପ୍ରିୟ ଥିଲା , ^[୨] କିନ୍ତୁ ଏବେ ଦେଶର ଅନ୍ୟ ସମସ୍ତ ଅଞ୍ଚଳରେ ମିଳୁଛି ,^[୩]ଏବଂ ବିଦେଶରେ ମଧ୍ୟ କେତେକ ସ୍ଥାନରେ ମିଳିଥାଏ ।^[୪]^[୫] ଦକ୍ଷିଣ-ଭାରତରେ, ମସଲା ଦୋସାର ପ୍ରସ୍ତୁତି ପ୍ରତ୍ୟେକ ସହରରେ ଭିନ୍ନ ଭିନ୍ନ ପ୍ରକାରର ହୋଇଥାଏ ।^[୬]

ପ୍ରସ୍ତୁତି

ମସଲା ଦୋସା ଏକ ରୋଲ ସଦୃଶ ଦେଖାଯାଇଥାଏ । ଚାଉଳ ଏବଂ ଡ଼ାଲିକୁ ରାତିସାରା ବତୁରା ଯାଇ ପରେ ଗ୍ରାଇଣ୍ଡିଂ କରାଯାଇଥାଏ । ବଟା ଯାଇଥିବା ଚାଉଳରେ କିଛି ଲୁଣ ଏବଂ ପାଣି ମିଶାଇ ଏକ ଆଣ ପ୍ରସ୍ତୁତ କରାଯାଏ । ପରେ ଏହାକୁ ଚକୁଳି ପିଠା ସଦୃଶ୍ୟ ଖୁବ ପତଳା ଏବଂ ବଡ଼ ଆକାରରେ ତାୱାରେ ପ୍ରସ୍ତୁତ ହୁଏ । ସେହି ପ୍ରସ୍ତୁତ ପିଠା ମଝିରେ ଭର୍ତ୍ତି କରିବା ପାଇଁ ସିଝା ଆଳୁର ଏକ ଷ୍ଟଫିଙ୍ଗ ତିଆରି କରାଯାଏ । ପରେ ସେଥିରେ ନଡିଆ କୋରା, ଗାଜର, ବିଟ, କାକୁଡି, ପିଆଜ ଏବଂ ବାଦାମ ପକେଇ ଗର୍ନିସିଂ କରାଯାଇଥାଏ ।^[୭]

ମୈସୁର ମସଲା ଦୋସାରେ ଲାଲ ଲଙ୍କା, ପିଆଜ ଏବଂ ରସୁଣରୁ ଲାଲ ଚଟଣି ତିଆରି କରାଯାଏ, ଯାହାକୁ ଦୋସା ମଝିରେ ଆଳୁର ଷ୍ଟଫିଙ୍ଗ ଦେବା ଆଗରୁ ପ୍ରଥମେ ଲଗାଯାଇଥାଏ ।