ଓଣମ

ଉଇକିପିଡ଼ିଆ ରୁ
ଓଣମ
ଓଣମ
ସୁସଜ୍ଜିତ ପୁକଳମ୍
ନାଆଁ ମାଲୟାଲମ: ഓണം
ପାଳନକାରୀ କେରଳର ହିନ୍ଦୁ ଓ ସମସ୍ତ ମାଳାୟାଳୀ
ପ୍ରକାର ଫସଲ ଅମଳ ସମୟର ପର୍ବ, ଛୁଟିଦିନ, ଭାରତୀୟ ପର୍ବ
ବିଶେଷତା ଥିରୁଭୋଣମ
ତାରିଖ ଚିଙ୍ଗମ ମାସର ଶ୍ରବଣା (ଥିରୁଭୋଣମ) ନକ୍ଷତ୍ର
ପାଳନ ସବୁ ସଦ୍ୟ, ଥିରୁବାଥିର କାଳି, ପୁଳି କାଳି, ପୁକଳମ, ଓଣଥାଲ୍ଲୁ, ଥ୍ରିକ୍କାକୋରୟାପ୍ପାନ, ଓଣପୋଟ୍ଟାନ, ଥୁମ୍ବିଥୁଲ୍ଲାଲ, ଓଣଭିଲ୍ଲୁ, ଗୁରୁଭାୟୁରରେ କାଜଚାକ୍କୁଳା, ଥ୍ରିପୁନିଥୁରାର ଆଠଚମୟମ ଓ ଭଲ୍ଲମ କାଳି (ନାବ ପ୍ରତିଯୋଗୀତା)

ଓଣମ (ମାଲୟାଲମ: ഓണം) ହେଉଛି ଭାରତ ଦେଶର କେରଳ ରାଜ୍ୟରେ ପାଳିତ ହେଉଥିବା ଏକ ପର୍ବ। [୧] ଏହା ଭଗବାନ ବିଷ୍ଣୁଙ୍କର ବାମନ ଅବତାର ଓ ମହାବଳୀର ସ୍ମୃତି ବହନ କରୁଥିବା ପର୍ବ । ଏହା ଚିଙ୍ଗମ (ଅଗଷ୍ଟ-ସେପ୍ଟେମ୍ବର) ମାସରେ ଦଶଦିନ ବ୍ୟାପି ପାଳନ କରାଯାଏ । ଏଇ ପର୍ବଦିନମାନଙ୍କରେ ମହିଳା ଓ ଝିଅମାନେ ନାଚ ଗୀତରେ ମଗ୍ନ ଥିଲାବେଳେ ପୁରୁଷମାନେ ପହଁରିବା ଓ ନୈକାଚାଳନା ପ୍ରତିଯୋଗୀତା କରିଥାନ୍ତି। ଏହି ପର୍ବଟି କେରଳରେ ଓ ସାରା ଭାରତରେ ବିଶେଷ କରି ମାଳାୟାଳୀମାନଙ୍କଦ୍ୱାରା ପାଳିତ ହୋଇଥାଏ। କୁହାଯାଏ ମହାରାଜା ବଳୀ ଏଇଦିନ କେରଳୀମାନଙ୍କୁ ଆଶୀର୍ବାଦ ଦେବାପାଇଁ ପାତାଳପୁରରୁ ଆସିଥାନ୍ତି। ଏଇ ପର୍ବ ଅବସରରେ ଘର ଓ ଅଗଣାକୁ ବିଭିନ୍ନ ପ୍ରକାର ମୁରୁଜ ଓ ଫୁଲରେ ସଜାଯାଇଥାଏ ।

ଓଣମପାଇଁ ଠାଏ ଠାଏ କେରଳର ପାରମ୍ପରିକ ନାଚ କଥାକଳି ଓ ପୁଳିକଳି ବା କାଡ଼ୁବକଳିର ଆୟୋଜନ କରାଯାଏ । ନାନା ପ୍ରକାର ସ୍ୱାଦିଷ୍ଠ ଭୋଜନ ମଧ୍ୟ ଏଇ ସମୟରେ ପ୍ରସ୍ତୁତ କରାଯାଏ । ସେଥି ମଧ୍ୟରୁ ଘିଅ ଭାତ, ଡାଲି, ପାମ୍ପଡ଼, ସମ୍ବର (ଓଲାଣ), ରସମ, ଥୋରନ, ଅବୟିଲ, ପଚଡ଼ି ମସଲାଯୁକ୍ତ ଘୋଳଦହି ଓ ଚାଉଳ ତିଆରି ବିଭିନ୍ନ ପ୍ରକାର ବ୍ୟଂଜନ ପ୍ରସ୍ତୁତ କରାଯାଏ ।

କିଛି ଛପା[ସମ୍ପାଦନା]

References[ସମ୍ପାଦନା]

  1. Chopra, Prabha (1988). Encyclopaedia of India. ପୃଷ୍ଠା. 285. http://books.google.com/books?id=yAgMAAAAIAAJ. "Onam — Most important and grandest Hindu festival of Kerala; held in Chingam (August–September)"