ମାଲେସିଆ ଏୟାରଲାଇନ୍ସ ବିମାନ ଏମଏଚ୩୭୦

ଉଇକିପିଡ଼ିଆ‌ରୁ
ମାଲେସିଆ ବିମାନ ଏମଏଚ୩୭୦
ନିଖୋଜ ବିମାନ, ମାଲେସିଆ ଏୟାରଲାଇନ୍ସ ବିମାନ ଏମଏଚ୩୭୦, ୨୦୧୧ର ଛବି
Incident summary
ତାରିଖ୮ ମାର୍ଚ୍ଚ ୨୦୧୪
ସାରକଥାନିଖୋଜ
ସ୍ଥାନଦକ୍ଷିଣ ଭାରତ ମହାସାଗର (ଅନୁମାନ)
ଯାତ୍ରୀ୨୨୭
କର୍ମଚାରୀ୧୨
Aircraft typeବୋଇଙ୍ଗ ୭୭୭-୨୦୦ଇଆର
ସଞ୍ଚାଳକମାଲେସିଆ ଏଆରଲାଇନ
ପଞ୍ଜିକରଣ ସଂଖ୍ୟା9M-MRO
ଆରମ୍ଭ ସ୍ଥାନକୁଆଲା ଲୁମ୍ପୁର ଆନ୍ତର୍ଜାତୀୟ ବିମାନ ବନ୍ଦର
ଗନ୍ତବ୍ୟ ସ୍ଥାନବେଇଜିଙ୍ଗ କ୍ୟାପିଟାଲ ଆନ୍ତର୍ଜାତୀୟ ବିମାନ ବନ୍ଦର

ଭାରତ ମହାସାଗରରେ ମିଶିଛି ମାଲେସିଆ ବିମାନ ଏମଏଚ ୩୭୦ । ଏ ନେଇ ସମଗ୍ର ବିଶ୍ୱବାସୀଙ୍କ ଉଦ୍ଦେଶ୍ୟରେ ଘୋଷଣା କରିଛନ୍ତି ମାଲେସିଆ ପ୍ରଧାନମନ୍ରୀ ନଜିବ ରଜାକ । ବିମାନର ଧ୍ୱଂସାବଶେଷ ଅଷ୍ଟ୍ରେଲିଆ ପର୍ଥ ଉପକୂଳର ଦକ୍ଷିଣ ଭାରତ ମହାସାଗରରେ ଠାବ ହେବା ପରେ ଦୁର୍ଘଟଣା ହୋଇଥିବା ନେଇ ମାଲେସିଆ ସରକାର ଆନୁଷ୍ଠାନିକ ଘୋଷଣା କରାଯାଇଛି । ବିମାନର ଧ୍ୱଂସାବଶେଷ ଅଷ୍ଟ୍ରେଲିଆ ପର୍ଥ ଉପକୂଳର ଦକ୍ଷିଣ ଭାରତ ମହାସାଗରରେ ଠାବ ହେବା ପରେ ଦୁର୍ଘଟଣା ହୋଇଥିବା ନେଇ ମାଲେସିଆ ସରକାରଙ୍କ ପକ୍ଷରୁ ଆନୁଷ୍ଠାନିକ ଭାବେ ଘୋଷଣା କରିଥିଲେ । ଏଥିସହ ଦୀର୍ଘ ୨ ସପ୍ତାହର ସମସ୍ତ ଅପେକ୍ଷା,ଆଶା ଓ ଆଶଙ୍କାର ଅନ୍ତ ଘଟିଛି ।

ବିମାନରେ ଥିବା ସମସ୍ତ ୨୩୯ ଜଣ ଯାତ୍ରୀ ଓ କର୍ମଚାରୀ ମଧ୍ୟ ପ୍ରାଣ ହରାଇଛନ୍ତି ବୋଲି ପ୍ରଧାନମନ୍ତ୍ରୀ ରଜାକ ଘୋଷଣା କରିଥିଲେ । ଏହି ଦୁଃଖଦ ଖବର ମିଳିବାପରେ ଯାତ୍ରୀ ଓ ପରିବାରବର୍ଗଙ୍କ ମଧ୍ୟରେ ଶୋକର ଛାୟା ଖେଳିଯାଇଥିଲା ।

ଘଟଣାକ୍ରମରେ[ସମ୍ପାଦନା]

ମାର୍ଚ୍ଚ ମାସ ୮ତାରିଖ ଶୁକ୍ରବାର ଦିନ ରାତି ୧୨ଟା ୨୧ ମିନିଟରେ ମାଲେସିଆର ବିମାନ ଏମଏଚ ୩୭୦ କୁଆଲାଲାମ୍ପୁରରୁ ବେଜିଂ ଅଭିମୁଖେ ଉଡାଣ ଆରମ୍ଭ କରିଥିଲା । ବେଜିଂ ବିମାନବନ୍ଦରରେ ଏହା ସକାଳ ୬ଟାରେ ପହଂଚିବାର ଥିଲା । ଏହି ବିମାନରେ ପାଇଲଟ ଓ କର୍ମଚାରୀଙ୍କୁ ମିଶାଇ ୨୩୯ଜଣ ଯାତ୍ରୀ ଥିଲେ । ଯାତ୍ରୀଙ୍କ ମଧ୍ୟରୁ ୧୫୩ ଜଣ ଥିଲେ ଚୀନର ନାଗରିକ । ବାକି ମାଲେସିଆ, ଆମେରିକା, ରଷିଆ, କାନାଡା, ନ୍ୟୁଜିଲାଣ୍ଡ, ଭାରତ, ନେଦରଲାଣ୍ଡ, ଇଟାଲୀ ଓ ୟୁକ୍ରେନର ବହୁ ନାଗରିକ ଯାତ୍ରା କରୁଥିଲେ । ପ୍ରାୟ ୧ ଘଣ୍ଟାକାଳ ଉଡାଣ କରିବା ପରେ ବିମାନଟିର କୁଆଲାଲାମ୍ପୁର ବିମାନବନ୍ଦର ସହ ରେଡିଓ ଯୋଗାଯୋଗ ବିଛିନ୍ନ ହୋଇଯାଇଥିଲା । ପରେ ବିମାନବନ୍ଦରର କର୍ମକର୍ତାମାନେ ବିମାନ ସହିତ ଯୋଗାଯୋଗ କରିବାକୁ ଚେଷ୍ଟା କରିଥିଲେ ମଧ୍ୟ ତାହା ହୋଇ ପାରିନଥିଲା । ଆଖପାଖ ବିମାନବନ୍ଦରର ରାଡାର ମଧ୍ୟ ବିମାନର ଗତିବିଧିକୁ ନେଇ କୈାଣସି ସୂଚନା ପାଇନଥିଲେ । ବିମାନଟି ରହସ୍ୟଜନକ ଭାବରେ ନିଖୋଜ ହୋଇଯାଇଥିଲା ।

ବିଶ୍ୱର ସବୁଠୁ ବଡ଼ ସର୍ଚ୍ଚ ଅପରେସନ-
ନିଖୋଜ ମାଲେସିଆ ବିମାନ ଏମଏଚ ୩୭୦କୁ ଠାବ କରିବା ପାଇଁ ଆରମ୍ଭ ହେଲା ବିଶ୍ୱର ସବୁଠାରୁ ବଡ଼ ସଚ୍ର୍ଚ ଅପରେସନ । ୨୬ଟି ଦେଶର ଅନୁସନ୍ଧାନକାରୀ ଦଳ ନିଖୋଜ ବିମାନର ସନ୍ଧାନରେ ଲାଗି ପଡ଼ିଥିଲେ । ତାଙ୍କ ସହ ସାମିଲ ହୋଇଥିଲେ ଅତ୍ୟାଧୁନିକ ଓ ଉଚ୍ଚ କ୍ଷମତାଯୁକ୍ତ ଜାହାଜ, ଅନୁସନ୍ଧାନୀ ବିମାନ ଓ ଉପଗ୍ରହ । ହେଲେ ବିମାନ ନିଖୋଜର ଦୁଇ ସପ୍ତାହ ପଯ୍ର୍ୟନ୍ତ କୈାଣସି ଟେର ପାଇନଥିଲେ ଅନୁସନ୍ଧାନକାରୀ ଦଳ ଆମେରିକା, ଜାପାନ, ଚୀନ, ରଷିଆ, ଅଷ୍ଟ୍ରେଲିଆ ଓ ଭାରତ ସମେତ ୨୬ଟି ଦେଶର ୩୨ଟି ବିମାନ ଓ ୪୦ଟି ଜାହାଜ ବିମାନକୁ ଠାବ କରିବା ପାଇଁ ସର୍ଚ୍ଚ ଅପରେସନ ଆରମ୍ଭ କରିଥିଲେ । ସେହିପରି ସମୁଦ୍ର ଭିତରେ ରହିଥିବା ଜିନିଷକୁ ଠାବ କରିବା ପାଇଁ ବ୍ୟବହୃତ ସୋନାର କ୍ଷମତାସଂପନ୍ନ ବିମାନକୁ ଆମେରିକା ସନ୍ଧାନ କାର୍ଯ୍ୟରେ ଲଗାଇଥିଲା । ଏହି ଦେଶର ଅତିଶକ୍ତିଶାଳୀ ଉପଗ୍ରହମାନେ ମଧ୍ୟ ପ୍ରତିମୂହୁର୍ତରେ ବିମାନ ଠାବ ପାଇଁ ଚେଷ୍ଟା ଚଳାଇଥିଲେ ।

ବିମାନରେ ଥିଲେ ୫ ଭାରତୀୟ ଯାତ୍ରୀ[ସମ୍ପାଦନା]

ମାଲେସିଆ ବିମାନରେ ଥିବା ୨୩୯ଜଣ ମଧ୍ୟରୁ ୫ଜଣ ଭାରତୀୟ ଯାତ୍ରୀ ଥିଲେ । ଏହି ୫ଜଣ ଭାରତୀୟ ଯାତ୍ରୀଙ୍କ ନାମ ହେଲା ଚନ୍ଦ୍ରିକା ଶର୍ମା, ଚେତନା କୋଲେକାର, ସ୍ୱାନନ୍ଦ କୋଲେକାର, ସୁରେଶ କୋଲେକାର ଓ ପ୍ରହ୍ଲାଦ ଶ୍ରେଷ୍ଠା ।

ଶେଷ ବାର୍ତା ଅଲ ରାଇଟ ଗୁଡ ନାଇଟ[ସମ୍ପାଦନା]

ବିମାନ ଉଡାଣ ଆରମ୍ଭ କରିବାର ପ୍ରାୟ ୧ଘଣ୍ଟା ପର୍ଯ୍ୟନ୍ତ ଆକାଶରେ ଉଡାଣ କରିଥିଲା । ତେବେ ବିମାନ ନିଖୋଜ ହେବାର ପୂର୍ବରୁ କକପିଟରୁ “ଅଲ ରାଇଟ ଗୁଡ ନାଇଟ” ମେସେଜ ଆସିଥିଲା ବୋଲି ମାଲେସିଆ ସେନାମୁଖ୍ୟ ସୂଚନା ଦେଇଥିଲେ ।

ଦୁର୍ଘଟଣା ନା ଅପହରଣ[ସମ୍ପାଦନା]

ମାଲେସିଆ ବିମାନ ନିଖୋଜକୁ ନେଇ ମାଲେସିଆ ସରକାର ଦୁର୍ଘଟଣା ହୋଇଛି ବୋଲି ସ୍ପଷ୍ଟୀକରଣ ଦେଇ ଥିଲେ ବି ଏବେ ବି ସଂପୂର୍ଣ୍ଣ ଘଟଣା ଉପରୁ ପରଦା ଉଠିନି । ବିଭିନ୍ନ ଦେଶର ଉପଗ୍ରହଦ୍ୱାରା ଉତୋଳନ ହୋଇଥିବା ଚିତ୍ରକୁ ଆଧାର କରି ମାଲେସିଆ ସରକାର ନିଖୋଜ ବିମାନ ଦୁର୍ଘଟଣା ହୋଇଛି ବୋଲି ଘୋଷଣା କରିଥିଲେ ବି ଏ ପଯ୍ର୍ୟନ୍ତ ବିମାନର ଭଗ୍ନାବଶେଷ ଉଦ୍ଧାର କରାଯାଇ ପାରିନାହିଁ । ସେହିପରି ପୂର୍ବରୁ ଅନ୍ୟ କେତେକ ରିପୋର୍ଟରେ ବିମାନ ଅପହରଣ ହୋଇଥିବାର ମଧ୍ୟ ପ୍ରକାଶ କରାଯାଇଛି । ଚୀନର ଏକ ଗଣମାଧ୍ୟମ କେତେକ ବିମାନଯାତ୍ରୀଙ୍କ ମୋବାଇଲ ଫୋନ ରିଙ୍ଗ ହେଉଥିବାର ପ୍ରକାଶ କରିଥିଲେ । ତେବେ ଏହା ଗୁଜବ ବୋଲି ମାଲେସିଆ ସରକାର ପୂର୍ବରୁ କହିଥିଲେ । ସେହିପରି ଚୋରା ପାସପୋର୍ଟ ନେଇ ଯାତ୍ରା କରିଥିବା ଦୁଇ ଇରାନୀ ନାଗରିକଙ୍କ ଆତଙ୍କବାଦୀ ସଂପୃକ୍ତିକୁ ନେଇ ମଧ୍ୟ ପୂର୍ବରୁ ଚର୍ଚ୍ଚା ହେଉଥିଲା ଓ ସେମାନେ ବିମାନକୁ ଅପହରଣ କରିଥାଇ ପାରନ୍ତି ବୋଲି ରିପୋର୍ଟ ପ୍ରକାଶ ପାଇଥିଲା । ତେବେ ଅନ୍ତର୍ଜାଜାତୀୟ ପୁଲିସ ସଂଗଠନର ମହାନିର୍ଦ୍ଦେଶକ ରିଚାର୍ଡ କେ ନବଲ ଏହି ରିପୋର୍ଟ କୈାଣସି ସତ୍ୟତା ନାହିଁ ବୋଲି କହିଛନ୍ତି ।

ଶେଷରେ ଠାବ ହେଲା ବିମାନ[ସମ୍ପାଦନା]

ଗତ ମାର୍ଚ୍ଚ ୮ତାରିଖରୁ ଚାଲିଥିବା ସର୍ଚ୍ଚ ଅପରେସନର ପରେ ମାଲେସିଆ ସରକାର ନିଖୋଜ ବିମାନ ଏମଏଚ୩୭୦ ଠାବ ହୋଇଥିବା ନେଇ ଘୋଷଣା କରିଛନ୍ତି । ଏଥିସହ ଦୁଇ ସପ୍ତାହ ଧରି ଚାଲିଥିବା ଆଶା ଓ ଆଶଙ୍କା ଶେଷ ହୋଇଛି । ପ୍ରଥମେ ଅଷ୍ଟ୍ରେଲିଆ ଓ ପରେ ଚୀନ ଉପଗ୍ରହ ବିମାନର ଭଗ୍ନାବଶେଷକୁ ଠାବ କରିଥିଲେ । ପରେ ‘ଫ୍ରାନ୍ସ ମଧ୍ୟ ନିଖୋଜ ବିମାନକୁ ଠାବ କରିଥିଲା । ବିଭିନ୍ନ ଦେଶର ଉପଗ୍ରହ ‘ଫଟୋ ଓ ତଥ୍ୟପ୍ରମାଣକୁ ଭିତି କରି ବିମାନ ସହ ବିମାନରେ ଯାତ୍ରା କରୁଥିବା ଯାତ୍ରୀ ଓ କର୍ମଚାରୀମାନେ ମଧ୍ୟ ଭାରତ ମହାସାଗରର ଗର୍ଭରେ ବିଲୀନ ହୋଇଯାଇଛନ୍ତି ବୋଲି ମାଲେସିଆ ପ୍ରଧାନମନ୍ତ୍ରୀ କହିଛନ୍ତି ।

ବିଶ୍ୱର କେତେକ ପ୍ରମୁଖ ବିମାନ ଦୁର୍ଘଟଣା[ସମ୍ପାଦନା]

ବିଶ୍ୱର ପ୍ରଥମ ବିମାନ ଦୁର୍ଘଟଣା[ସମ୍ପାଦନା]

୧୯୦୩ ମସିହାରେ ପ୍ରଥମେ ରାଇଟ ବ୍ରଦର୍ସଙ୍କଦ୍ୱାରା ଉଦ୍ଭାବିତ ପ୍ରଥମ ବିମାନ ଡିସେମ୍ବର ୧୭ରେ ପ୍ରଥମ ଥର ପାଇଁ ୧୨ ସେକେଣ୍ଡ ଉଡିଥିଲା । ପରେ ୧୯୦୮ ସେପ୍ଝେମ୍ବର ୧୭ତାରିଖରେ ଏହି ବିମାନର ପରୀକ୍ଷଣ ବେଳେ ଯାନ୍ରିକ ତ୍ରୁଟି ଯୋଗୁଁ ବିମାନଟି ଦୁର୍ଘଟଣାଗ୍ରସ୍ତ ହୋଇଥିଲା । ଏହି ଦୁର୍ଘଟଣାରେ ଲେଫଟନାଣ୍ଟ ଥୋମାସଙ୍କର ମୃତ୍ୟୁ ହୋଇଥିଲା ଓ ଓରଭିଲ ରାଇଟ ଗୁରୁତର ଆହତ ହୋଇଥିଲେ । ଏହି ଦୁର୍ଘଟଣା ବିଶ୍ୱର ପ୍ରଥମ ବିମାନ ଦୁର୍ଘଟଣା

ଡେଲଟା ଏୟାରଲାଇନ ‘ଫ୍ଲାଇଟ ୧୯୧ ଦୁର୍ଘଟଣା[ସମ୍ପାଦନା]

୧୯୮୫ ମସିହା ଅଗଷ୍ଟ ୨ ତାରିଖରେ ଡେଲଟା ଏୟାରଲାଇନ ‘ଫ୍ଲାଇଟ ୧୯୧ ଉଡାଣ କରୁଥିବା ବେଳେ ୮୦୦‘ଫୁଟ ଉଚ୍ଚରେ ଏକ ବିସ୍ପୋରଣ ଘଟି ତଳକୁ ଖସିପଡ଼ିଥିଲା । ଏଥିରେ ୧୩୭ ଲୋକଙ୍କର ମୃତ୍ୟୁ ହୋଇଥିଲା ।

ସବୁଠୁ ଭୟଙ୍କର ବିମାନ ଦୁର୍ଘଟଣା[ସମ୍ପାଦନା]

ସ୍ପେନର ଟେନେରି‘ ବିମାନବନ୍ଦରରେ,୨୭ ମାର୍ଚ୍ଚ ୧୯୭୭ମସିହାରେ ଆମେରିକାର ଲସଆଂଜେଲେସର ପାନ ଆମେରିକାନ ଏୟାର ୭୪୭-୧୨୧,ନେଦରଲ୍ୟାଣ୍ଡର ଆମଷ୍ଟରଡାମ କେଏଲଏମ୭୪୭-୨୦୬ରେ ବାଡେଇ ହୋଇଯିବାରୁ ୫୮୩ ଜଣ ଯାତ୍ରୀଙ୍କର ପ୍ରାଣହାନି ହୋଇଥିଲା ।

ଆଧାର[ସମ୍ପାଦନା]

  • Associated Press (24 March 2014). "Grief, anger and more questions after Malaysia declares Flight 370 crashed". CBS News. Retrieved 24 March 2014.ସାପ୍ତାହିକ ସମୟ,ମାର୍ଚ୍ଚ ୨୩ ତାରିଖରେ ପ୍ରକାଶିତ ତଥ୍ୟ ଅନୁସାରେ ।