ସିଦ୍ଧାନ୍ତ ମହାପାତ୍ର

ସିଦ୍ଧାନ୍ତ ମହାପାତ୍ର
ଜନ୍ମ	୧୯୬୬ ବାଲୁଗାଁ, ଓଡ଼ିଶା
ଜାତୀୟତା	ଭାରତୀୟ
ବୃତ୍ତି	ସିନେମା ଅଭିନେତା
ସକ୍ରିୟ ବର୍ଷ	୧୯୯୩-ଏବେଯାଏଁ
ପ୍ରସିଦ୍ଧି	ଓଡ଼ିଆ ସିନେମା ଅଭିନେତା
ବୈବାହିକ-ସାଥୀ	ମାମା ମିଶ୍ର

ସିଦ୍ଧାନ୍ତ ମହାପାତ୍ର ଜଣେ ଜଣାଶୁଣା ଓଡ଼ିଆ ସିନେ ଅଭିନେତା ।

ପ୍ରାରମ୍ଭିକ ଜୀବନ ଓ ଶିକ୍ଷା

ସିଦ୍ଧାନ୍ତ ମହାପାତ୍ର ବାଲୁଗାଁ, ଓଡ଼ିଶା ଠାରେ ୪ ମଇ ୧୯୬୬ ରେ ଜନ୍ମ ଗ୍ରହଣ କରିଥିଲେ । ସେ ବ୍ରହ୍ମପୁର, ଗଞ୍ଜାମ ରେ ନିଜର ସ୍କୁଲ ଶିକ୍ଷା ସମାପ୍ତ କରିବା ପରେ ଧରଣିଧର କଲେଜ, କେନ୍ଦୁଝର ରୁ ବାଣିଜ୍ୟରେ ସ୍ନାତକ ଶିକ୍ଷା ସମାପ୍ତ କରିଥିଲେ ୤ ଫେକଲ୍ଟି ମ୍ୟାନେଜମେଣ୍ଟ ଷ୍ଟଡ଼ିଜ, ନୂଆଦିଲ୍ଲୀ ରୁ ସେ ବିଜନେସ ମ୍ୟାନେଜମେଣ୍ଟ ରେ ସ୍ନାତକୋତ୍ତର ଶିକ୍ଷା ଲାଭ କରିଅଛନ୍ତି ୤ ଓଡ଼ିଆ ସିନେମା ଜଗତର ଜଣାଶୁଣା ଅଭିନେତ୍ରୀ ମାମା ମିଶ୍ର ତାଙ୍କ ଧର୍ମପତ୍ନୀ ୤

ସିନେମା ଜୀବନ

୧୯୯୩ ମସିହାରେ ଶ୍ରଦ୍ଧାଞ୍ଜଳି ସିନେମାରୁ ଅଭିନେତା ଜୀବନ ଆରମ୍ଭ କରିଥିବା ସିଦ୍ଧାନ୍ତ , ବର୍ତ୍ତମାନ ସୁଦ୍ଧା ୧୩୦ଟି ଓଡ଼ିଆ ସିନେମାରେ ଅଭିନୟ କରିସାରିଛନ୍ତି ।

ଅଭିନୀତ ସିନେମା

• ୧୪୩ ଆଇ ଲଭ ୟୁ
• ମତେ ବୋହୁ କରି ନେଇଯା
• ବାହୁଡ଼ିବେ ମୋ ଜଗାବଳିଆ
• ଯେ ପାଞ୍ଚେ ପର ମନ୍ଦ
• ଧର୍ମର ହେବ ଜୟ
• ସାକ୍ଷୀ ରହିବ ମୋ ଶଙ୍ଖା ସିନ୍ଦୂର
• ସିନ୍ଦୂର ନୁହେଁ ଖେଳଘର
• ଶାଶୁଘର ଚାଲିଯିବି
• ସନ୍ତାନ
• ମନ ରହିଗଲା ତୁମରି ଠାରେ
• ଯଶୋଦା
• ରଣଭୂମି
• ଗଙ୍ଗା ଯମୁନା
• ମୋ କୋଳ ତୋ ଝୁଲଣା
• ସିଂହବାହିନୀ
• ନାରୀ ଆଖିରେ ନିଆଁ
• ଶ୍ରଦ୍ଧାଞ୍ଜଳି

ରାଜନୈତିକ ଜୀବନ

ସେ ୨୦୦୯ ମସିହାରେ ବିଜୁ ଜନତା ଦଳରେ ଯୋଗଦେଇ ଲୋକସଭା ନିର୍ବାଚନରେ ଅଂଶଗ୍ରହଣ କରିଥିଲେ ୤ ଓଡ଼ିଶାର ବ୍ରହ୍ମପୁର ନିର୍ବାଚନମଣ୍ଡଳିରୁ ବିଜୟୀ ହୋଇ ଚଳିତ ପଞ୍ଚଦଶ ଲୋକସଭାର ସଦସ୍ୟ (ସାଂସଦ) ଅଛନ୍ତି ୤

ବାହାର ଲିଙ୍କ

• ଇଣ୍ଟରନେଟ ମୁଭି ଡାଟାବେସରେ ସିଦ୍ଧାନ୍ତ ମହାପାତ୍ର