ଟି. ଏସ୍. ଠାକୁର
ଟି. ଏସ୍. ଠାକୁର (ତୀରଥ ସିଂହ ଠାକୁର, ଜନ୍ମ ୪ ଜାନୁଆରୀ ୧୯୫୨) ଜଣେ ଭାରତୀୟ ବିଧିବିଶାରଦ, ଯିଏ ୩ ଡିସେମ୍ବର ୨୦୧୫ରୁ ୪ ଜାନୁଆରୀ ୨୦୧୭ ପର୍ଯ୍ୟନ୍ତ ଭାରତର ୪୩ତମ ମୁଖ୍ୟ ନ୍ୟାୟାଧୀଶ (CJI) ଭାବେ କାର୍ଯ୍ୟ କରିଥିଲେ । ସୁପ୍ରିମ କୋର୍ଟକୁ ପଦୋନ୍ନତି ପାଇବା ପୂର୍ବରୁ, ସେ ଅଗଷ୍ଟ ୨୦୦୮ରୁ ନଭେମ୍ବର ୨୦୦୯ ପର୍ଯ୍ୟନ୍ତ ପଞ୍ଜାବ ଏବଂ ହରିୟାଣା ହାଇକୋର୍ଟର ମୁଖ୍ୟ ନ୍ୟାୟାଧୀଶ ଭାବେ କାର୍ଯ୍ୟରତ ଥିଲେ। ସେ ମାର୍ଚ୍ଚ ୧୯୯୪ରୁ ଜୁଲାଇ ୨୦୦୪ ପର୍ଯ୍ୟନ୍ତ କର୍ଣ୍ଣାଟକ ହାଇକୋର୍ଟର ବରିଷ୍ଠ ନ୍ୟାୟାଧୀଶ, ଏବଂ ଫେବ୍ରୁଆରୀ ରୁ ମାର୍ଚ୍ଚ ୧୯୯୪ ପର୍ଯ୍ୟନ୍ତ ଜମ୍ମୁ–କାଶ୍ମୀର ହାଇକୋର୍ଟର ନ୍ୟାୟାଧୀଶ ଭାବେ କାମ କରିଥିଲେ।[୧]
ଶିକ୍ଷା ଓ ପେଶାଜୀବନ
[ସମ୍ପାଦନା]ଠାକୁର ସରକାରୀ ଗାନ୍ଧୀ ମେମୋରିଆଲ ସାଇନ୍ସ କଲେଜରୁ ସ୍ନାତକ ଡିଗ୍ରୀ ଲାଭ କଲେ ଏବଂ ଜମ୍ମୁ ୟୁନିଭର୍ସିଟିର ଆଇନ ବିଭାଗରୁ ଆଇନ ଶିକ୍ଷା ସମାପ୍ତ କଲେ।
ବୃତ୍ତି
[ସମ୍ପାଦନା]- ତୀରଥ ସିଂହ ଠାକୁର ଅକ୍ଟୋବର ୧୯୭୨ରେ ପ୍ଲିଡର ଭାବେ ଭର୍ତ୍ତି ହେଲେ ଏବଂ ତାଙ୍କ ପିତା, ପୂର୍ବତନ ଆସାମ ରାଜ୍ୟପାଳ ଏବଂ ପ୍ରମୁଖ ଆଇନଜୀବୀ ଦେବୀ ଦାସ ଠାକୁରଙ୍କ ଚେମ୍ବରରେ ପ୍ରାକଟିସ ଆରମ୍ଭ କଲେ ।
- ସେ ସିଭିଲ୍, କ୍ରିମିନାଲ୍, ସଂବିଧାନିକ, କର ଏବଂ ସେବା-ସମ୍ବନ୍ଧୀୟ ମାମଲାରେ ଜମ୍ମୁ–କାଶ୍ମୀର ହାଇକୋର୍ଟରେ ପ୍ରାକଟିସ କରୁଥିଲେ।
- ସେ ୧୯୯୦ରେ ବରିଷ୍ଠ ଆଇନଜୀବୀ ଭାବେ ମାନ୍ୟତା ଲାଭ କଲେ।
- ସେ ୧୬ ଫେବ୍ରୁଆରୀ ୧୯୯୪ରେ ଜମ୍ମୁ ଓ କାଶ୍ମୀର ହାଇକୋର୍ଟର ଅତିରିକ୍ତ ନ୍ୟାୟାଧୀଶ ଭାବେ ନିଯୁକ୍ତ ହୋଇ, ମାର୍ଚ୍ଚ ୧୯୯୪ରେ କର୍ଣ୍ଣାଟକ ହାଇକୋର୍ଟକୁ ସ୍ଥାନାନ୍ତର ହେଲେ।
- ସେ ସେପ୍ଟେମ୍ବର ୧୯୯୫ରେ ସ୍ଥାୟୀ ନ୍ୟାୟାଧୀଶ ହେଲେ।
- ଜୁଲାଇ ୨୦୦୪ରେ ସେ ଦିଲ୍ଲୀ ହାଇକୋର୍ଟକୁ ସ୍ଥାନାନ୍ତର ହୋଇଥିଲେ।
- ସେ ୯ ଅପ୍ରେଲ୍ ୨୦୦୮ରେ ଦିଲ୍ଲୀ ହାଇକୋର୍ଟର କାର୍ଯ୍ୟବାହକ ମୁଖ୍ୟ ନ୍ୟାୟାଧୀଶ ହେଲେ।
- ୧୧ ଅଗଷ୍ଟ ୨୦୦୮ ରେ ପଞ୍ଜାବ ଏବଂ ହରିୟାଣା ହାଇକୋର୍ଟର ମୁଖ୍ୟ ନ୍ୟାୟାଧୀଶ ପଦଭାର ଗ୍ରହଣ କଲେ।
- ୧୭ ନଭେମ୍ବର ୨୦୦୯ରେ ସେ ଭାରତୀୟ ସୁପ୍ରିମ କୋର୍ଟର ନ୍ୟାୟାଧୀଶ ଭାବେ ଦାୟିତ୍ୱ ଗ୍ରହଣ କଲେ।
ତାଙ୍କ ଭାଇ ଧୀରଜ ସିଂହ ଠାକୁର ମଧ୍ୟ ଜଣେ ନ୍ୟାୟାଧୀଶ ଏବଂ ୨୮ ଜୁଲାଇ ୨୦୨୩ରେ ଆନ୍ଧ୍ରପ୍ରଦେଶ ହାଇକୋର୍ଟର ମୁଖ୍ୟ ନ୍ୟାୟାଧୀଶ ଭାବେ କାର୍ଯ୍ୟଭାର ଗ୍ରହଣ କରିଛନ୍ତି ।[୨]
ଭାରତର ମୁଖ୍ୟ ନ୍ୟାୟାଧୀଶ
[ସମ୍ପାଦନା]୩ ଡିସେମ୍ବର ୨୦୧୫ରେ ରାଷ୍ଟ୍ରପତି ପ୍ରଣବ ମୁଖର୍ଜୀ ତାଙ୍କୁ ଭାରତର ମୁଖ୍ୟ ନ୍ୟାୟାଧୀଶ ଭାବେ ଶପଥ ଦେଇଥିଲେ । ସେ ୧୮ ନଭେମ୍ବର ୨୦୧୫ରେ ନିଯୁକ୍ତ ହୋଇ ୩ ଡିସେମ୍ବର ୨୦୧୫ରେ ପଦଗ୍ରହଣ କଲେ, ଏବଂ ୨ ଡିସେମ୍ବର ୨୦୧୫ରେ ଅବସର ନେଇଥିବା ଜଷ୍ଟିସ୍ H. L. Dattuଙ୍କ ସ୍ଥାନ ପୂରଣ କଲେ। ସେ ୪ ଜାନୁଆରୀ ୨୦୧୭ରେ ୬୫ ବର୍ଷ ବୟସ୍ ପୁରା କରି ଅବସର ନେଲେ ।[୧] ତାଙ୍କ ପରେ ଭାରତର ପ୍ରଥମ ସିଖ ମୁଖ୍ୟ ନ୍ୟାୟାଧୀଶ ଜଗଦୀଶ ସିଂହ ଖେହର ପଦଗ୍ରହଣ କଲେ।
ଏପ୍ରିଲ୍ ୨୦୧୬ରେ ସେ ନ୍ୟାୟାଧୀଶ ସଂଖ୍ୟା ବୃଦ୍ଧି ପାଇଁ ସରକାରଙ୍କ ନିଷ୍କ୍ରିୟତା ପ୍ରତି ଦୁଃଖ ପ୍ରକାଶ କରିଥିଲେ।[୩][୪]
ଆଧାର
[ସମ୍ପାଦନା]- ↑ ୧.୦ ୧.୧ "Justice T.S. Thakur | Supreme Court of India | India". www.sci.gov.in (in ଆମେରିକୀୟ ଇଂରାଜୀ). Retrieved 2025-12-05.
- ↑ Ridhi (2023-08-01). "Know Thy Judge | Justice Dhiraj Singh Thakur: 5th Chief Justice of Andhra Pradesh High Court". SCC Times (in ଆମେରିକୀୟ ଇଂରାଜୀ). Retrieved 2025-12-05.
- ↑ "An overworked Chief Justice TS Thakur breaks down in front of PM Modi". TNN & Agencies. 24 Apr 2016. Retrieved 21 May 2016.
- ↑ "Overburdened yet overactive, India's courts are failing to do justice". The Economist. 20 May 2016. Retrieved 20 May 2016.
 | ଏହି ପ୍ରସଙ୍ଗଟି ଅସମ୍ପୂର୍ଣ୍ଣ । ଆପଣ ଏହାକୁ ସଂପୂର୍ଣ୍ଣ କରି ଉଇକିପିଡ଼ିଆକୁ ସମୃଦ୍ଧ କରିପାରିବେ । |