ସ୍ଥାୟୀ ସମିତି (ଭାରତ)

ଉଇକିପିଡ଼ିଆ ରୁ
(Standing committee (India) ରୁ ଲେଉଟି ଆସିଛି)
Jump to navigation Jump to search

ସ୍ଥାୟୀ ସମିତି, ଭାରତୀୟ ସଂସଦର ଏକ ସମିତି ଯାହା ସଂସଦର ଉଭୟ ଗୃହର ସଦସ୍ୟମାନଙ୍କୁ ନେଇ ଗଠିତ ହୋଇଥାଏ । ଏହା ଏକ ସ୍ଥାୟୀ ଏବଂ ନିୟମିତ ସମିତି ଯାହା ସଂସଦର ନିୟମ ଅନୁସାରେ ସମୟ ସମୟରେ ଗଠନ କରାଯାଇଥାଏ । ଭାରତୀୟ ସଂସଦର କାମଗୁଡ଼ିକ ବହୁଳ ପରିମାଣର ହେବାସହିତ ଜଟିଳ ମଧ୍ୟ, ତେଣୁ ଏଭଳି ସମିତି ଗଠନ କରାଯାଇ ଅନେକ କାମ ସମ୍ପାଦିତ ହୋଇଥାଏ ।[୧]

କିଛି ବ୍ୟତିକ୍ରମକୁ ବାଦଦେଲେ ଉଭୟ ଲୋକ ସଭା ଏବଂ ରାଜ୍ୟ ସଭାରେ ସମାନ ପ୍ରକାରର ସମିତି ଗଠନ କରାଯାଇଥାଏ । ସେମାନଙ୍କର ନିଯୁକ୍ତି, କାର୍ଯ୍ୟକାଳ, କାର୍ଯ୍ୟଧାରା ଏବଂ କାମକରିବାର ପ୍ରକ୍ରିୟା ମୋଟାମୋଟି ଦେଖିବାକୁ ଗଲେ ଏକ ଭଳି । ଏହି ସ୍ଥାୟୀ ସମିତି ରାଜ୍ୟ ସଭାର ଅଧ୍ୟକ୍ଷ ଏବଂ ଲୋକ ସଭାର ବାଚସ୍ପତିଙ୍କଦ୍ୱାରା ଅଲଗା ଭାବରେ କିମ୍ବା ମିଳିତ ଭାବରେ ବଛାଯାଇଥାଏ ।[୧]

ଦୁଇ ପ୍ରକାରର ସଂସଦୀୟ ସମିତି ରହିଥାଏ, ସ୍ଥାୟୀ ସମିତି ଏବଂ ଅସ୍ଥାୟୀ (ଠିକା) ସମିତି ।

  1. ସ୍ଥାୟୀ ସମିତି ପ୍ରତିବର୍ଷ କିମ୍ବା ପୁନଃପୌନିକ ଭାବରେ ସ୍ଥାପନ କରାଯାଇଥାଏ କିମ୍ବା ସେମାନେ ନିୟମିତ ଭାବରେ କାମ କରନ୍ତି ।
  2. ଠିକା ସମିତି ଅସ୍ଥାୟୀ ଅଟେ ଏବଂ କିଛି ନିର୍ଦ୍ଧିଷ୍ଟ କାମ ସମ୍ପାଦନ କରିବାକୁ ଗଠନ କରାଯାଇଥାଏ । କାମଟି ସରିଗଲା ପରେ ଏହି ସମିତିକୁ ବରଖାସ୍ତ କରିଦିଆଯାଇଥାଏ ।

ବର୍ଗୀକରଣ[ସମ୍ପାଦନା]

ସ୍ଥାୟୀ ସମିତି ମୁଖ୍ୟତଃ ନିମ୍ନଲିଖିତ ଭାଗରେ ବିଭକ୍ତ:

  • ରାଜ୍ୟସଭାର ସ୍ଥାୟୀ ସମିତି
  • ଲୋକ ସଭାର ସ୍ଥାୟୀ ସମିତି
  • ରାଜ୍ୟସଭାର ସ୍ଥାୟୀ ସମିତି ଅନ୍ତର୍ଗତ ବିଭାଗଗୁଡ଼ିକ ଏବଂ
  • ଲୋକ ସଭାର ସ୍ଥାୟୀ ସମିତି ଅନ୍ତର୍ଗତ ବିଭାଗଗୁଡ଼ିକ

କାର୍ଯ୍ୟ ଅନୁସାରେ[ସମ୍ପାଦନା]

କାମ କରିବାର ପ୍ରଣାଳୀ ହିସାବରେ ସ୍ଥାୟୀ ସମିତିକୁ ନିମ୍ନୋକ୍ତ ଭାଗରେ ବିଭାଜିତ କରାଯାଇପାରେ:

  • ପଚରାଉଚରା ସମିତି
  • ତଦାରଖ ଏବଂ ନିୟନ୍ତ୍ରଣ ସମିତି
  • ସଂସଦର ଦୈନିକ କାମ ସମ୍ପର୍କିତ ସମିତି
  • ଗୃହ ବ୍ୟବସ୍ଥା ସମିତି
  • ଚିଠା ବା ବିଲ ପ୍ରେରିତ/ପାସ କରୁଥିବା ସମିତି

ଆଧାର[ସମ୍ପାଦନା]

  1. ୧.୦ ୧.୧ https://rajyasabha.nic.in/rsnew/committees/general_introduction.asp