ଚନ୍ଦ୍ରଶେଖର ରାଓ

ଇଂରାଜୀ ଲିଙ୍କ

https://or.wikipedia.org/wiki/Chandrasekhar_Rao

ଚନ୍ଦ୍ରଶେଖର ରାଓ
ଜନ୍ମ	ପୂର୍ଣ୍ଣଚନ୍ଦ୍ର (1940-09-16)୧୬ ସେପ୍ଟେମ୍ବର ୧୯୪୦ ମଥୁରା, ଗଞ୍ଜାମ
ଜାତୀୟତା	ଭାରତୀୟ
ପିତାମାତା(s)	ରାଜା ରାଓ, ବୁଚାମ୍ମା

ଚନ୍ଦ୍ରଶେଖର ରାଓ, ଜଣେ ଓଡ଼ିଆ ଚିତ୍ରଶିଳ୍ପୀ ଅଟନ୍ତି ।

ବାଲ୍ୟଜୀବନ

ଚନ୍ଦ୍ରଶେଖର ୧୯୪୦ ମସିହା ସେପ୍ଟେମ୍ବର ୧୬ତାରିଖରେ ଗଞ୍ଜାମ ଜିଲ୍ଲାର ମଥୁରା ଗ୍ରାମରେ ଜନ୍ମଗ୍ରହଣ କରିଥିଲେ । ପିତାଙ୍କ ନାମ ଥିଲା ରାଜା ରାଓ ଓ ମାତାଙ୍କ ନାମ ବୁଚାମ୍ମା । ପୂର୍ଣ୍ଣିମା ତିଥିରେ ଜନ୍ମଗ୍ରହଣ କରିଥିବାରୁ ନାଁ ଦିଆଗଲା ପୂର୍ଣ୍ଣଚନ୍ଦ୍ର । ପରେ ତାହା ବଦଳାଯାଇ ଚନ୍ଦ୍ରଶେଖର ହୋଇଥିଲା । ପିଲାଦିନରୁ କଳାନୁରାଗୀ ଥିଲେ । ମଥୁରା ଗ୍ରାମର ଗୋବର କଣ୍ଢେଇ ନିର୍ମାଣ ଶୈଳୀ ଓ ଲାଳିତ୍ୟର ପ୍ରଭାବ ବାଳକ ଚନ୍ଦ୍ରଶେଖରଙ୍କ ଉପରେ ପଡିଥିଲା । ମାଆ ସୁନ୍ଦ୍ର ଝୋଟି ଚିତା ପକେଇ ପାରୁଥିଲେ ଓ ଚୁଲି ଗଢ଼ି ପାରୁଥିଲେ । ତାଙ୍କଠୁ ଦେଖି ଶିଖି, ଚନ୍ଦ୍ରଶେଖର ସୁନ୍ଦର ଝୋଟି ଚିତା ଆଦି ଆଙ୍କି ପାରୁଥିଲେ । ମାଟି ହାଣ୍ଡି, ମାଠିଆ ଓ ମୂର୍ତ୍ତୀ ଗଢ଼ି ପାରୁଥିଲେ । ସ୍କୁଲ ଗଲା ପରେ କାଳି କାଗଜରେ ଚିତ୍ର ଆଙ୍କିବା ଆରମ୍ଭ କରିଥିଲେ । ଦଶମ ଶ୍ରେଣୀରେ ପଢ଼ିବା ବେଳୁ, ସେ ନିଜ ଚିତ୍ରକଳା ଯୋଗୁଁ ଅର୍ଥ ଉପାର୍ଜନ କରିବା ଆରମ୍ଭ କରିଥିଲେ । ବିଧାନ ସଭା ନିର୍ବାଚନ ଲଢୁଥିବା ଖଲ୍ଲିକୋଟ ରାଜା ରାମଚନ୍ଦ୍ର ମର୍ଦରାଜ ଦେଓଙ୍କ ପ୍ରଚାର ପାଇଁ ଗାଁ ଗାଁ ବୁଲି କାନ୍ଥରେ ମର୍ଦରାଜଙ୍କ ନିର୍ବାଚନ ଚିହ୍ନ ଯୋଡ଼ା ବଳଦ ଆଙ୍କୁଥିଲେ । ଏ ବାବଦକୁ ସେ ଦୁଇ ଶହ ଟଙ୍କା ପାରିଶ୍ରମିକ ପାଇଥିଲେ । ଆର୍ଥିକ ପ୍ରତିବନ୍ଧକ ସତ୍ତ୍ୱେ, ଚିତ୍ରକଳାରେ, ସେ ଉଚ୍ଚଶିକ୍ଷା ଲାଭ କରିଥିଲେ ।

ବୃତ୍ତିଗତ ଜୀବନ

ବିଭିନ୍ନ ଚାକିରି କରି ଛାଡିବା ପରେ, ଚନ୍ଦ୍ରଶେଖର ୧୯୭୯ମସିହାରେ ରାଜ୍ୟ ହସ୍ତଶିଳ୍ପ ବିଭାଗରେ ଡିଜାଇନର ଭାବରେ କାର୍ଯ୍ୟାରମ୍ଭ କରିଥିଲେ । ସେଠାରେ ଏଗାର ବର୍ଷ ଚାକିରି ମଧ୍ୟରେ ତାଙ୍କ ଚିତ୍ରକଳା ବହୁଳ ଭାବରେ ଉନ୍ନତ ହୋଇପାରିଥିଲା ।

ଚିତ୍ରାବଳୀ

• ଗୀତ ଗୋବିନ୍ଦ
• ଅନନ୍ତ ଶୟନ
• ବିଷ ପୀୟୁଷ
• ଚିତା
• ବସ୍ତ୍ର ହରଣ
• ଯୁଗଳ
• କ୍ଷୁଧା
• ମମତା
• ବୃକ୍ଷ ପୂଜା
• ଗାଁ ପୋଖରୀ
• ବିରହ
• ସଂଯମୀ
• ଐକ୍ୟ
• ଶିଙ୍ଗାର
• ବିଶ୍ରାମ
• ମିଳନ
• ଗୋଠ ସମନ୍ୱୟ
• ଅନ୍ତରଜ୍ଞ ମୁହୂର୍ତ୍ତ

ସାହିତ୍ୟ କୃତି

• ଚନ୍ଦ୍ରାୟନ(ଆତ୍ମଚରିତ)

ସମ୍ମାନ ଓ ପୁରସ୍କାର

• ଓଡ଼ିଶା ଲଳିତକଳା ଏକାଡେମୀ ସମ୍ମାନ - ୧୯୭୯