ଅନୁ ଗର୍ଗ
ଅନୁ ଗର୍ଗ | |
|---|---|
| ଜନ୍ମ | ୧ ମାର୍ଚ୍ଚ ୧୯୬୯ ଲକ୍ଷ୍ନୌ, ଉତ୍ତର ପ୍ରଦେଶ |
| ଜାତୀୟତା | ଭାରତୀୟ |
| ବୃତ୍ତି | ଭାରତୀୟ ପ୍ରଶାସନିକ ସେବା ଅଧିକାରୀ |
| ପ୍ରସିଦ୍ଧି | ଓଡ଼ିଶାର ପ୍ରଥମ ମହିଳା ମୁଖ୍ୟ ଶାସନ ସଚିବ |
| ପୁରସ୍କାର | John C. Hume Award for Global health excellence |
ଅନୁ ଗର୍ଗ ୧୯୯୧ ବ୍ୟାଚ୍ର ଓଡ଼ିଶା କ୍ୟାଡରର ଜଣେ ବରିଷ୍ଠ ଭାରତୀୟ ପ୍ରଶାସନିକ ସେବା (ଆଇଏଏସ୍) ଅଧିକାରୀ ତଥା ଓଡ଼ିଶାର ପ୍ରଥମ ମହିଳା ମୁଖ୍ୟ ଶାସନ ସଚିବ ।[୧] ଅନୁ ଗର୍ଗଙ୍କୁ ୨୪ ଡିସେମ୍ବର ୨୦୨୫ ରେ ସରକାରୀ ଅଧିସୂଚନା ମାଧ୍ୟମରେ ଓଡ଼ିଶାର ମୁଖ୍ୟ ସଚିବ ଭାବେ ନିଯୁକ୍ତ କରାଯାଇଥିଲା । ତେବେ, ମନୋଜ ଆହୁଜାଙ୍କ କାର୍ଯ୍ୟକାଳ ପରେ ୧ ଜାନୁଆରୀ ୨୦୨୬ ରୁ ଆଧିକାରିକ ଭାବେ ସେ ଓଡ଼ିଶାର ପରବର୍ତ୍ତୀ ମୁଖ୍ୟ ଶସନ ସଚିବ ଭାବେ ଦାୟିତ୍ୱ ଗ୍ରହଣ କରିଛନ୍ତି ।[୨][୩][୪]
ଶିକ୍ଷାଗତ ପୃଷ୍ଠଭୂମି
[ସମ୍ପାଦନା]୧୯୬୯ ମାର୍ଚ୍ଚ ୧ରେ ଉତ୍ତର ପ୍ରଦେଶର ଲକ୍ଷ୍ନୌରେ ସେ ଜନ୍ମଗ୍ରହଣ କରିଥିଲେ । ଦିଲ୍ଲୀ ୟୁନିଭର୍ସିଟି ଅଧୀନସ୍ଥ ଲେଡି ଶ୍ରୀରାମ କଲେଜରୁ ମନୋବିଜ୍ଞାନରେ ସ୍ନାତକ ଡିଗ୍ରୀ ହାସଲ କରିବା ପରେ ସେ ଲକ୍ଷ୍ନୌ ୟୁନିଭର୍ସିଟିରୁ ସମାଜଶାସ୍ତ୍ରରେ ସ୍ନାତକୋତ୍ତର ଡିଗ୍ରୀ ଅର୍ଜନ କରିଥିଲେ । ଏହା ବ୍ୟତୀତ ସେ ଯୁକ୍ତରାଷ୍ଟ୍ରର ବାଲ୍ଟିମୋର୍ ସ୍ଥିତ ପ୍ରତିଷ୍ଠିତ ଜନ୍ସ ହପ୍କିନ୍ସ ବ୍ଲୁମବର୍ଗ୍ ସ୍କୁଲ୍ ଅଫ୍ ପବ୍ଲିକ୍ ହେଲ୍ଥରୁ ଜନସ୍ୱାସ୍ଥ୍ୟରେ ସ୍ନାତକୋତ୍ତର (ମାଷ୍ଟର୍ ଅଫ୍ ପବ୍ଲିକ୍ ହେଲ୍ଥ) ଡିଗ୍ରୀ ମଧ୍ୟ ଲାଭ କରିଛନ୍ତି ।[୫]
ପ୍ରଶାସନିକ ଜୀବନ
[ସମ୍ପାଦନା]ଓଡ଼ିଶାର ମୁଖ୍ୟ ସଚିବ ଭାବେ ତାଙ୍କ ନିଯୁକ୍ତି ପୂର୍ବରୁ, ଅନୁ ଗର୍ଗ ତାଙ୍କ ସେବାଜୀବନରେ ଅନେକ ଗୁରୁତ୍ୱପୂର୍ଣ୍ଣ ପଦବୀରେ କାର୍ଯ୍ୟ କରିଛନ୍ତି । ଗର୍ଗ ତାଙ୍କ ପ୍ରଶାସନିକ କାର୍ଯ୍ୟଜୀବନର ଆରମ୍ଭ ୩୦ ଅଗଷ୍ଟ ୧୯୯୩ ରୁ ୧ ଜୁଲାଇ ୧୯୯୫ ପର୍ଯ୍ୟନ୍ତ ତତକାଳୀନ ଝାରସୁଗୁଡ଼ା ସବଡିଭିଜନର ଉପଜିଲ୍ଲାପାଳ (ସବ୍-କଲେକ୍ଟର) ଭାବେ କରିଥିଲେ। ୧୯୯୨ ରୁ ୨୦୦୩ ପର୍ଯ୍ୟନ୍ତ ସେ ଓଡ଼ିଶାର ବିଭିନ୍ନ ଜିଲ୍ଲାରେ ଉପବିଭାଗୀୟ ମାଜିଷ୍ଟ୍ରେଟ୍, ଅତିରିକ୍ତ ଜିଲ୍ଲାପାଳ ଓ ଜିଲ୍ଲାପାଳ ଭାବେ କାର୍ଯ୍ୟ କରିଥିଲେ। ଓଡ଼ିଶାରେ ସେ ସ୍ୱାସ୍ଥ୍ୟ ଓ ପରିବାର କଳ୍ୟାଣ ବିଭାଗର କମିଶନର-ତଥା-ସଚିବ, ମହିଳା ଓ ଶିଶୁ ବିକାଶ ଏବଂ ଶ୍ରମ ବିଭାଗର ପ୍ରଧାନ ସଚିବ, ଏବଂ ଶେଷରେ ଜଳସମ୍ପଦ ଓ ପ୍ରୟୋଜନା ଏବଂ ସମନ୍ୱୟ ବିଭାଗର ବିକାଶ କମିଶନର ଓ ଅତିରିକ୍ତ ମୁଖ୍ୟ ସଚିବ ଭାବେ କାର୍ଯ୍ୟ କରିଥିଲେ । ପରେ ୧୯୯୬ ରୁ ୧୯୯୮ ମଧ୍ୟରେ ସେ ପଶ୍ଚିମ ଓଡ଼ିଶାର ବରଗଡ଼ ଓ ସମ୍ବଲପୁର ଜିଲ୍ଲାର ଜିଲ୍ଲାପାଳ ଭାବେ ସେବା ପ୍ରଦାନ କରିଥିଲେ। ସେ ୨୧ ଡିସେମ୍ବର ୧୯୯୮ ରୁ ୧୫ ଜୁନ ୨୦୦୦ ପର୍ଯ୍ୟନ୍ତ ନୂଆଦିଲ୍ଲୀରେ ଓଡ଼ିଶାର ଉପ-ରେସିଡେଣ୍ଟ କମିଶନର ଭାବେ ମଧ୍ୟ ନିଯୁକ୍ତ ଥିଲେ।[୬]
ତାଙ୍କର କେନ୍ଦ୍ର ସରକାରୀ ସ୍ତରରେ ମଧ୍ୟ ଗୁରୁତ୍ୱପୂର୍ଣ୍ଣ ଅନୁଭବ ରହିଛି । ତାଙ୍କର ସବୁଠାରୁ ଉଲ୍ଲେଖନୀୟ କେନ୍ଦ୍ରୀୟ ନିଯୁକ୍ତି ହେଲା ୧୦ ନଭେମ୍ବର ୨୦୧୨ ରୁ ୨୨ ଏପ୍ରିଲ ୨୦୧୫ ପର୍ଯ୍ୟନ୍ତ ପ୍ରଧାନମନ୍ତ୍ରୀ କାର୍ଯ୍ୟାଳୟ (ପିଏମଓ)ରେ ସଂଯୁକ୍ତ ସଚିବ ଭାବେ ସେବା । ଏହା ପୂର୍ବରୁ ସେ ବସ୍ତ୍ର ମନ୍ତ୍ରଣାଳୟ ଓ ସ୍ୱାସ୍ଥ୍ୟ ଓ ପରିବାର କଳ୍ୟାଣ ମନ୍ତ୍ରଣାଳୟରେ ସଂଯୁକ୍ତ ସଚିବ ଭାବେ କାର୍ଯ୍ୟ କରିଥିଲେ ଏବଂ ୨୦୧୭ ମସିହାରେ ପୁନର୍ବାର ଓଡ଼ିଶା କ୍ୟାଡରକୁ ଫେରିଥିଲେ ।[୭][୮]
ଆଧାର
[ସମ୍ପାଦନା]- ↑ "Anu Garg IAS, Age, Wikipedia, Biography, Current Posting, Hometown, Batch, Husband, Children, Family". timetalkes (in ଇଂରାଜୀ). 2025-12-25. Retrieved 2025-12-28.[permanent dead link]
- ↑ "Odisha Appoints Anu Garg as Chief Secretary, First Woman". Deccan Herald (in ଇଂରାଜୀ). Retrieved 2025-12-28.
- ↑ Jena, Dillip Kumar (2025-12-24). "ଅନୁ ଗର୍ଗ ନୂଆ ମୁଖ୍ୟ ଶାସନ ସଚିବ, ସାଧାରଣ ପ୍ରଶାସନ ବିଭାଗ ପକ୍ଷରୁ ପ୍ରକାଶ ପାଇଲା ବିଜ୍ଞପ୍ତି". https://odia.oneindia.com. Retrieved 2025-12-28.
{{cite web}}: External link in|website= - ↑ Correspondent, Tathya (2025-12-31). "Anu Garg Takes CS Charge". Tathya (in ଆମେରିକୀୟ ଇଂରାଜୀ). Retrieved 2025-12-31.
- ↑ "IAS officer Anu Garg appointed Odisha chief secretary, first woman to hold post". Hindustan Times (in ଇଂରାଜୀ). 2025-12-24. Retrieved 2025-12-27.
- ↑ Service, Express News (2025-12-25). "Anu Garg to become Odisha's first woman chief secretary from January 1". The New Indian Express (in ଇଂରାଜୀ). Retrieved 2025-12-27.
- ↑ Dave (2025-12-24). "Anu Garg IAS Biography: Age, Husband, Background, Career, Personal Life And Appointmnet" (in ଆମେରିକୀୟ ଇଂରାଜୀ). Retrieved 2025-12-27.
- ↑ "Bureaucrat who had trust of both BJD and BJP govts, Anu Garg is Odisha's first woman chief secretary". The Indian Express (in ଇଂରାଜୀ). 2025-12-24. Retrieved 2025-12-27.
 | ଏହି ପ୍ରସଙ୍ଗଟି ଅସମ୍ପୂର୍ଣ୍ଣ । ଆପଣ ଏହାକୁ ସଂପୂର୍ଣ୍ଣ କରି ଉଇକିପିଡ଼ିଆକୁ ସମୃଦ୍ଧ କରିପାରିବେ । |