ୟୁକ୍ରେନୀୟ (ୟୁକ୍ରେନିଆନ୍) ଭାଷା

ୟୁକ୍ରେନୀୟ ଭାଷା ( українська мова, ukrainska mova, ୟୁକ୍ରେଇନ୍-ସ୍କା ମୋଵା, IPA: [ʊkrɐˈjjsjkɐ ˈmɑːwːt]) ଏକ ପୂର୍ବ ସ୍ଲାଭିକ୍ ଭାଷା, ଯାହା ମୁଖ୍ୟତଃ ୟୁକ୍ରେନରେ କୁହାଯାଏ। ଏହା ଅଧିକାଂଶ ୟୁକ୍ରେନୀୟ ଲୋକଙ୍କର ପ୍ରଥମ (ସ୍ଥାନୀୟ) ଭାଷା।

ଲିଖିତ ୟୁକ୍ରେନୀୟ ଭାଷାରେ ୟୁକ୍ରେନୀୟ ବର୍ଣ୍ଣମାଳା ବ୍ୟବହାର କରାଯାଇଥାଏ, ଯାହାକି ସିରିଲିକ୍ ଲିପିର ଏକ ପ୍ରକାର। ୟୁକ୍ରେନର ନ୍ୟାସନାଲ୍ ଏକାଡେମୀ ଅଫ୍ ସାଇନ୍ସ ଏବଂ ପୋଟେବନିଆ ଇନଷ୍ଟିଚ୍ୟୁଟ୍ ଅଫ୍ ଲିଙ୍ଗୁଇଷ୍ଟିକ୍ସ ଦ୍ୱାରା ଭାଷାର ମାନଙ୍କ ଅଧ୍ୟୟନ କରାଯାଏ। ୟୁକ୍ରେନୀୟ ଏବଂ ରୁଷୀୟ ଭାଷା (ଅନ୍ୟ ଏକ ପୂର୍ବ ସ୍ଲାଭିକ୍ ଭାଷା) ମଧ୍ୟରେ ତୁଳନା ପ୍ରାୟତଃ କରାଯାଏ, ତଥାପି ବେଲାରୁଷୀୟ ଭାଷା ସହିତ ଅଧିକ ପାରସ୍ପରିକ ବୋଧଗମ୍ୟତା ରହିଛି, ଏବଂ ପଶ୍ଚିମ ସ୍ଲାଭିକ୍ ପୋଲିଶ୍ ଏବଂ ଦକ୍ଷିଣ ସ୍ଲାଭିକ୍ ବୁଲଗେରିଆ ଭାଷା ସହିତ ଏକ ନିକଟବର୍ତ୍ତୀ ଆଭିଧାନିକ ଦୂରତା ରହିଛି।

ୟୁକ୍ରେନୀୟ (ୟୁକ୍ରେନିଆନ୍) ଭାଷା ହେଉଛି ଏକ ପୁରୁଣା ପୂର୍ବ ସ୍ଲାଭିକ୍ ଭାଷାର ବଂଶଧର, ଯାହାକି ମଧ୍ୟଯୁଗୀୟ କିଭିୟାନ୍ ରୁଷ୍ ରାଜ୍ୟରେ କଥିତ ଏକ ଭାଷା। ଲିଥୁଆନିଆର ଗ୍ରାଣ୍ଡ ଡଚୀରେ, ଭାଷା ବିକଶିତ ହୋଇଥିଲା ରୁଥେନିଆରେ, ଯେଉଁଠାରେ ଏହା ଏକ ସରକାରୀ ଭାଷା ହୋଇଗଲା, ପୋଲୀୟ-ଲିଥୁଆନିଆ ରାଜ୍ୟଗୋଷ୍ଠୀରେ ପୋଲୋନାଇଜେସନ୍ ପ୍ରକ୍ରିୟା ଆରମ୍ଭ ହେବା ପୂର୍ବରୁ। ୧୮ଶ ଶତାବ୍ଦୀ ବେଳକୁ ରୁଥେନୀୟ ଭାଷା ଆଞ୍ଚଳିକ ଭାଷାରେ ପରିବର୍ତ୍ତିତ ହୋଇଥିଲା ଏବଂ ବର୍ତ୍ତମାନର ୟୁକ୍ରେନ୍ ଅଞ୍ଚଳରେ ଆଧୁନିକ ୟୁକ୍ରେନୀୟ ଭାଷାର ବିକାଶ ହୋଇଥିଲା। ରୁଷିକରଣ ଯୋଗୁଁ ୟୁକ୍ରେନୀୟ ଭାଷାକୁ ସ୍କୁଲରୁ ଏକ ବିଷୟ ଏବଂ ରୁଷ ସାମ୍ରାଜ୍ୟରେ ଶିକ୍ଷାର ଭାଷା ଭାବରେ ନିଷିଦ୍ଧ କରାଯାଇଥିଲା ଏବଂ ବିଭିନ୍ନ ଉପାୟରେ ସୋଭିଏତ୍ ୟୁନିଅନରେ ଜାରି ରହିଥିଲା। ତଥାପି, ଏହି ଭାଷାଟି ସାରା ଦେଶରେ ଉପଯୋଗ କରାଯାଉଥିଲା ଏବଂ ପ୍ରାୟ ତହ ପଶ୍ଚିମ ୟୁକ୍ରେନ୍ ରେ କୁହାଯାଉଥିଲା।