ହଲକଷ୍ଟ
| ହଲକଷ୍ଟ | |
|---|---|
| Part of ଦ୍ବିତୀୟ ବିଶ୍ବଯୁଦ୍ଧ | |
_1b.jpg) ଜର୍ମାନୀ ଅଧିକୃତ ପୋଲାଣ୍ଡର ଅସ୍ବିଜ୍ଜ ୨ ବନ୍ଦୀକେନ୍ଦ୍ରରେ ଆସି ପହଞ୍ଚିଥିବା ଇହୁଦିମାନେ, ସେ ୧୯୪୪। ଏମାନଙ୍କ ମଧ୍ୟରୁ ଅଧିକାଂଶ ନାଜି ଗ୍ୟାସୀୟ ପ୍ରକୋଷ୍ଠକୁ ଯିବା ପାଇଁ ଚୟନିତ। | |
| ସ୍ଥାନ | ୟୁରୋପ, ମୁଖ୍ୟ ରୂପେ ଜର୍ମାନୀ ଅଧିକୃତ ପୋଲାଣ୍ଡ ଏବଂ ସୋଭିଏତ ସଂଘ |
| ତାରିଖ | ୧୯୪୧-୧୯୪୫ |
ଆକ୍ରମଣ ପ୍ରକାର | ନୃସଂହାର, ଜାତିଗତ ପରିଷ୍କରଣ, ଗଣହତ୍ୟା, ସମୂହ ଗୁଳିବର୍ଷା, ମୃତ୍ୟୁ ଦୌଡ଼, ବିଷାକ୍ତ ବାଷ୍ପ, ଘୃଣା ଜନିତ ଅପରାଧ |
| ମୃତ୍ୟୁ | ପାଖାପାଖି ୬ ନିୟୁତ ଇହୁଦି |
| Perpetrators | ନାଜି ଜର୍ମାନୀ ଏବଂ ଏହାର ସହାୟକ |
ହଲକଷ୍ଟ[୧] ବା ହିବ୍ରୁଭାଷାରେ ଶୋଆଃ (שואה), ହେଉଛି ଦ୍ବିତୀୟ ବିଶ୍ବଯୁଦ୍ଧରେ ୟୁରୋପୀୟ ଇହୁଦିମାନଙ୍କର ଯୋଜନାବଦ୍ଧ ଗଣସଂହାର। ୧୯୪୧ ଓ ୧୯୪୫ ମଧ୍ୟରେ ନାଜି ଜର୍ମାନୀ ଓ ଏହାର ସହାୟକ ରାଷ୍ଟ୍ରମାନେ, ଜର୍ମାନୀ ଅଧିକୃତ ୟୁରୋପରେ କ୍ରମଶଃ ପ୍ରାୟ ୬ ନିୟୁତ ଇହୁଦିଙ୍କ ଯୋଜନାବଦ୍ଧ ଗଣସଂହାର କରିଥିଲା।
ହିଟଲରଙ୍କ ଉତ୍ଥାନ ସହିତ ଫାସିବାଦୀ ଓ ନାଜିବାଦୀଙ୍କ କ୍ଷମତା ଦଖଲ ତଥା ଆର୍ଯ୍ୟ ଜାତିର ସର୍ବୋଚ୍ଚତା ସମ୍ବନ୍ଧୀୟ ବିଚାରଧାରା ହଲକଷ୍ଟର ମୂଳ କାରଣ। ମୂଳତଃ ସମସ୍ତ ଇହୁଦିମାନଙ୍କୁ ୟୁରୋପରୁ ତଡ଼ି ଦେବା ଲାଗି, ଜର୍ମାନ ଅଧିକୃତ ୟୁରୋପରେ ଅନେକ ଦମନ ମୂଳକ ନୀତି ପାରିତ ହେଲା। ୧୯୪୩ରେ ଜର୍ମାନୀର ପୋଲାଣ୍ଡ ଅଧିକରଣ ପରେ, ନାଜି ଅଧିକାରୀମାନେ ବିଭିନ୍ନ ସ୍ଥାନରେ ଇହୁଦିମାନଙ୍କୁ ଅଲଗା ରଖିବା ପାଇଁଁ ଗେଟ୍ଟୋ ସବୁ ତିଆରି କଲେ। ୧୯୪୧ର ସୋଭିଏତ ସଂଘର ଅତିକ୍ରମଣ ପରେ ପାଖାପାଖି ୧.୫ ରୁ ୨ ନିୟୁତ ଇହୁଦିମାନଙ୍କୁ ଗୁଳି କରି ହତ୍ୟା କରାଗଲା। ୧୯୪୨ ପ୍ରାରମ୍ଭରେ ନାଜିମାନେ ୟୂରୋପରେ ରହୁଥିବା ସମସ୍ତ ଇହୁଦିମାନଙ୍କୁ ହତ୍ୟା କରିବାର ନିଷ୍ପତି ନେଲେ। ସମସ୍ତ ବନ୍ଦୀ ଯିଉମାନଙ୍କୁ ସଂହାର-କେନ୍ଦ୍ରମାନଙ୍କୁ ସ୍ଥାନାନ୍ତରିତ କରିଦିଆଗଲା। ସ୍ଥାନାନ୍ତରଣ ଦ୍ବାରା ହିଁ ଅନେକେଙ୍କ ମୃତ୍ୟୁ ହୋଇଗଲା। ସେଥିମଧ୍ୟରୁ ଯିଏ ବଞ୍ଚି ଯାଇଥିଲେ ସେମାନଙ୍କ ମଧ୍ୟରୁ କେତେକଙ୍କୁ ବିଷାକ୍ତ ବାଷ୍ପ ଦ୍ବାରା ହତ୍ୟା କରାଗଲା। ଅନ୍ୟମାନେ ବାଧ୍ୟତାମୂଳକ କଠିନ ପରିଶ୍ରମ ଜନିତ ଦୁର୍ବଳତା ଯୋଗୁଁ ତଥା ବିଭିନ୍ନ ଅମାନବୀୟ ପରୀକ୍ଷଣର ଅତ୍ୟାଚାର ସହିନପାରି ମୃତ୍ୟୁବରଣ କଲେ। ହତ୍ୟା କରାଯାଇଥିବା ଇହୁଦିମାନଙ୍କର ଧନସମ୍ପଦକୁ ଜର୍ମାନ ଓ ଅଣ-ଇହୁଦିମାନଙ୍କ ମଧ୍ୟରେ ବାଣ୍ଟି ଦିଆଗଲା। ଅଧିକାଂଶ ହଲକଷ୍ଟ ପୀଡ଼ିତ ୧୯୪୨ ମସିହାରେ ମୃତ୍ୟୁ ବରଣ କରିଥିଲେ ହେଁ ତାଙ୍କର ସଂହାର ୧୯୪୫ରେ ଯୁଦ୍ଧର ଅନ୍ତ ପର୍ଯ୍ୟନ୍ତ ଚାଲିଥିଲା।
ଶବ୍ଦାର୍ଥ
[ସମ୍ପାଦନା]ହଲକଷ୍ଟ ଶବ୍ଦଟି ଏକ ଗ୍ରୀକ୍ ଶବ୍ଦ ଯାହାର ଅର୍ଥ ପୋଡ଼ାଯାଇଥିବା ନୈବେଦ୍ୟରୁ ଅଣାଯାଇଛି[୨]। ଦୀର୍ଘକାଳ ପର୍ଯ୍ୟନ୍ତ ଇଂରାଜୀ ଭାଷାରେ ଏହି ଶବ୍ଦଟିର ଅର୍ଥ 'ଅଗ୍ନି-ବଳି' ବା 'ଅଗ୍ନି ଦ୍ବାରା ଧ୍ଵଂସ' ଥିଲା । ୧୯୫୦ ମସିହା ବେଳକୁ ଇଂରାଜୀ ଭାଷା ସମେତ ଅନେକ ଭାଷାରେ ଏହି ଶବ୍ଦକୁ ନାଜିମାନଙ୍କ ଦ୍ବାରା ଇହୁଦିମାନଙ୍କର ଗଣସଂହାର ଅର୍ଥରେ ବ୍ୟବହାର କରାଗଲା।[a] ହଲକଷ୍ଟ ଶବ୍ଦଟି କେତେକ ସମୟରେ ନାଜିମାନେ ଟାର୍ଗେଟ କରିଥିବା ଅନ୍ୟ ଗୋଷ୍ଠୀମାନଙ୍କ ଉପରେ ହେଉଥିବା ନିର୍ଯାତନା ପାଇଁ ମଧ୍ୟ ବ୍ୟବହୃତ ହୁଏ,[b] [୩][୪] ବିଶେଷକରି ଯେଉଁମାନଙ୍କୁ ଜାତି ଆଧାରରେ ଟାର୍ଗେଟ କରାଯାଇଛି, ଯେପରିକି ରୋମା ଏବଂ ସିଣ୍ଟି, ଏବଂ ସୋଭିଏତ ଯୁଦ୍ଧବନ୍ଦୀ ଓ ପୋଲାଣ୍ଡ ଓ ସୋଭିଏତ୍ ନାଗରିକ।[୫] ଅବଶ୍ୟ ଏହି ସମସ୍ତ ଗୋଷ୍ଠୀକୁ ଭିନ୍ନ ଭିନ୍ନ କାରଣ ପାଇଁ ଟାର୍ଗେଟ କରାଯାଇଥିଲା। [୬] ୧୯୭୦ ଦଶକ ସୁଦ୍ଧା, "ଇହୁଦି" ବିଶେଷଣକୁ ଅନାବଶ୍ୟକ ଭାବରେ ପ୍ରତ୍ୟାହାର କରିଦିଆଗଲା ଏବଂ ହଲକଷ୍ଟ, ୟୁରୋପୀୟ ଇହୁଦିମାନଙ୍କ ବିନାଶ ପାଇଁ ଡିଫଲ୍ଟ ଶବ୍ଦ ହୋଇଗଲା।[୭] ହିବ୍ରୁ ଶବ୍ଦ ଛାଞ୍ଚ:Translit ('ବିପର୍ଯ୍ୟୟଜନକ ବିନାଶ') କେବଳ ଇହୁଦି ପୀଡିତମାନଙ୍କୁ ବୁଝାଏ।[୮][୯][୩] ଅପରାଧୀମାନେ ଇହୁଦିମାନଙ୍କ ନରସଂହାର ପାଇଁ "ଅନ୍ତିମ ଉପାୟ" ଶବ୍ଦଟି ଏକ ସାରସ୍ୱତ ଶବ୍ଦ ଭାବରେ ବ୍ୟବହାର କରିଥିଲେ।[୧୦]
ପୃଷ୍ଠଭୂମି
[ସମ୍ପାଦନା]ଆଧାର
[ସମ୍ପାଦନା]- ↑ ଛାଞ୍ଚ:Cite LPD
- ↑ Gerlach 2016, p. 14.
- ↑ ୩.୦ ୩.୧ Cesarani 2016, p. xxix.
- ↑ Niewyk & Nicosia 2000, pp. 45–52.
- ↑ Peck & Berenbaum 2002, p. 311.
- ↑ Stone 2023, Introduction: What is the Holocaust?.
- ↑ Calimani 2018, pp. 70–100, 78–79, 86–87, 94–95, xxix.
- ↑ Hayes & Roth 2010, p. 2.
- ↑ Beorn 2018, p. 4.
- ↑ Gerlach 2016, p. 15.
ଆଧାର ଭୁଲ: <ref> ଟ୍ୟାଗସବୁ କେବଳ "lower-alpha" ନାମକ ଦଳ ପାଇଁ ରହିଥିଲେ ହେଁ କୌଣସି ସମ୍ବନ୍ଧିତ <references group="lower-alpha"/> ଟ୍ୟାଗ ମିଳିଲା ନାହିଁ କିମ୍ବା </ref> ବନ୍ଦ କରିବା ଟ୍ୟାଗଟି ନାହିଁ ।