ହର୍ଷିତା ସ୍ୱାମୀ ବଘେଲ

ହର୍ଷିତା ସ୍ୱାମୀ ବଘେଲ
ବିଧାୟିକା: ଛତିଶଗଡ଼ ବିଧାନ ସଭା
କାର୍ଯ୍ୟକାଳ ୨୦୨୩–ଏବେଯାଏଁ
ନିର୍ବାଚନ ମଣ୍ଡଳୀ	ଡୋଙ୍ଗରଗଡ଼
ବ୍ୟକ୍ତିଗତ ସବିଶେଷ
ଜନ୍ମ	୧୯୮୭
ରାଜନୀତିକ ଦଳ	ଭାରତୀୟ ଜାତୀୟ କଂଗ୍ରେସ

ହର୍ଷିତା ସ୍ୱାମୀ ବଘେଲ (ଜନ୍ମ: ୧୯୮୭) ଜଣେ ଭାରତୀୟ ରାଜନୀତିଜ୍ଞ । ସେ ଛତିଶଗଡ଼ ବିଧାନ ସଭାକୁ ଜଣେ ବିଧାୟିକା ଭାବରେ ନିର୍ବାଚିତ ହୋଇଥିଲେ ।

ପ୍ରାରମ୍ଭିକ ଜୀବନ ଓ ଶିକ୍ଷା

ସେ ୧୯୮୭ ମସିହାରେ ଛତିଶଗଡ଼ର ରାଜନନ୍ଦଗାଓଁ ଜିଲ୍ଲାର ଡୋଙ୍ଗରଗଡ଼ ଠାରେ ଜନ୍ମଗ୍ରହଣ କରିଥିଲେ । ସେ ଜଣେ ସରକାରୀ ମେଡିକାଲ ଅଫିସର ମନୀସ ବଘେଲଙ୍କୁ ବିବାହ କରିଛନ୍ତି । ୨୦୧୯ ମସିହାରେ ସେ ରାୟପୁର ସ୍ଥିତ ପଣ୍ଡିତ ରବିଶଙ୍କର ଶୁକ୍ଳା ବିଶ୍ୱବିଦ୍ୟାଳୟରୁ ଏମ୍.ଏ. ଓ ଏଲ୍.ଏଲ୍.ବି. କରିଥିଲେ ।

ରାଜନୈତିକ ଜୀବନ

୨୦୨୩ ଛତିଶଗଡ଼ ବିଧାନ ସଭା ନିର୍ବାଚନରେ, ସେ ଭାରତୀୟ ଜାତୀୟ କଂଗ୍ରେସର ପ୍ରାର୍ଥୀ ଭାବରେ ଛତିଶଗଡ଼ର ଡୋଙ୍ଗରଗଡ଼ ବିଧାନ ସଭା ନିର୍ବାଚନ ମଣ୍ଡଳୀରୁ ନିର୍ବାଚନ ଲଢ଼ିଥିଲେ । ଏହି ନିର୍ବାଚନରେ, ସେ ୮୯,୧୪୫ ଖଣ୍ଡ ଭୋଟ ପାଇଥିଲେ ଏବଂ ତାଙ୍କ ନିକଟତମ ପ୍ରତିଦ୍ୱନ୍ଦୀ ଭାରତୀୟ ଜନତା ପାର୍ଟିର ପ୍ରାର୍ଥୀ ବିନୋଦ ଖଣ୍ଡେକରଙ୍କୁ ୧୪,୩୬୭ ଖଣ୍ଡ ଭୋଟରେ ପରାସ୍ତ କରି ଛତିଶଗଡ଼ ବିଧାନ ସଭାକୁ ନିର୍ବାଚିତ ହୋଇଥିଲେ ।