ସୁଷମା ସେଠ

ସୁଷମା ସେଠ
Sushma Seth in 2013
ଜନ୍ମ	(1936-06-20) ୨୦ ଜୁନ ୧୯୩୬ Delhi, British India
ବୃତ୍ତି	Actress
ସକ୍ରିୟ ବର୍ଷ	1956–2018
ବୈବାହିକ-ସାଥୀ	Dhruv Seth
ସନ୍ତାନ	3
ସମ୍ପର୍କୀୟ	ଦିବ୍ୟା ସେଠ (daughter)

ସୁଷମା ସେଠ (ଜନ୍ମ: ୨୦ ଜୁନ ୧୯୩୬) ଜଣେ ଭାରତୀୟ ରଙ୍ଗମଞ୍ଚ, ସିନେମା ଏବଂ ଟେଲିଭିଜନ ଅଭିନେତ୍ରୀ। ସେ ୧୯୫୦ ଦଶକରୁ ତାଙ୍କର ଅଭିନୟ ଜୀବନ ଆରମ୍ଭ କରିଥିଲେ ଏବଂ ଦିଲ୍ଲୀ-ଆଧାରିତ ନାଟ୍ୟ ଦଳ ୟାତ୍ରିକର ସଂସ୍ଥାପକ ସଦସ୍ୟ ଥିଲେ। ତାଙ୍କର ପ୍ରଥମ ଚଳଚ୍ଚିତ୍ର ଜୁନୂନ(୧୯୭୮) ଥିଲା। ସେ ସିନେମା ଓ ଟେଲିଭିଜନରେ ମା’ ଓ ଆଜି (ଜେଜେମା) ଭୂମିକା ପାଇଁ ପରିଚିତ, ବିଶେଷ କରି ପ୍ରଥମ ଟିଭି ଧାରାବାହିକ ହମ ଲୋଗ (Hum Log) (୧୯୮୪–୧୯୮୫) ରେ ତାଙ୍କର “ଦାଦୀ” ଭୂମିକା ପାଇଁ ଖ୍ୟାତିଲାଭ କରିଥିଲେ। ସେ ତୱାଇ‌ଫ(୧୯୮୫) ଚଳଚ୍ଚିତ୍ରରେ “ଆମିନା ବାଇ” ଭୂମିକା ପାଇଁ ଫିଲ୍ମଫେୟାର ସର୍ବଶ୍ରେଷ୍ଠ ସହାୟକ ଅଭିନେତ୍ରୀ ପୁରସ୍କାର ପାଇଁ ନାମାଙ୍କନ ପାଇଥିଲେ। ସେ ଦେବ ରାଜ ଅଙ୍କୁର, ରାମ ଗୋପାଳ ବଜାଜ, ମନୀଷ ଜୋଶୀ ବିସ୍ମିଲ ଏବଂ ଚନ୍ଦର ଶେଖର ଶର୍ମା ପରି ପ୍ରସିଦ୍ଧ ନିର୍ଦ୍ଦେଶକଙ୍କ ସହ କାମ କରିଛନ୍ତି।

ପ୍ରାରମ୍ଭିକ ଓ ବ୍ୟକ୍ତିଗତ ଜୀବନ

ସୁଷମା ସେଠ ଦିଲ୍ଲୀରେ ଲାଳିତ-ପାଳିତ ହୋଇଥିଲେ। ସେ ନୂଆଦିଲ୍ଲୀର Convent of Jesus and Mary ରେ ତାଙ୍କର ପ୍ରାଥମିକ ଶିକ୍ଷା ସମାପ୍ତ କରିଥିଲେ। ପରେ ସେ Lady Irwin College, ନୂଆଦିଲ୍ଲୀରୁ ହୋମ ସାଇନ୍ସରେ ଟିଚର୍ସ ଟ୍ରେନିଂ ଡିପ୍ଲୋମା, ନ୍ୟୁୟର୍କର Briarcliff College ରୁ ଏସୋସିଏଟ ଇନ ସାଇନ୍ସ ଡିପ୍ଲୋମା ଏବଂ ପରେ ଯୁକ୍ତରାଷ୍ଟ୍ରର ପିଟସବର୍ଗ ଅବସ୍ଥିତ Carnegie Mellon University ରୁ ବ୍ୟାଚେଲର ଅଫ ଫାଇନ ଆର୍ଟସ୍ ଡିଗ୍ରୀ ଅର୍ଜନ କରିଥିଲେ।

ସୁଷମା ସେଠଙ୍କ ସ୍ୱାମୀ ବ୍ୟବସାୟୀ ଧ୍ରୁବ ସେଠ। ଏହି ଦମ୍ପତିଙ୍କର ତିନୋଟି ସନ୍ତାନ ଅଛନ୍ତି। ସେମାନଙ୍କ ମଧ୍ୟରୁ ଜଣେ ହେଲେ ଅଭିନେତ୍ରୀ ଦିବ୍ୟା ସେଠ, ଯିଏ ହମ୍‌ ଲୋଗ୍‌ ଏବଂ ଦେଖ୍‌ ଭାଇ ଦେଖ୍‌ ରେ ତାଙ୍କ ମା’ ସହ ଅଭିନୟ କରିଥିଲେ।

କାର୍ଯ୍ୟଜୀବନ

ସେଠ ୧୯୫୦ ଦଶକରେ ରଙ୍ଗମଞ୍ଚରେ ତାଙ୍କର କେରିୟର ଆରମ୍ଭ କରିଥିଲେ। Joy Michael, Rati Bartholomew, Roshan Seth ଓ ଅନ୍ୟମାନଙ୍କ ସହିତ ସେ 1964 ମସିହାରେ ଦିଲ୍ଲୀ-ଆଧାରିତ ନାଟ୍ୟ ଦଳ Yatrik ର ସଂସ୍ଥାପକ ମଧ୍ୟରୁ ଜଣେ ଥିଲେ। ଅଭିନୟ ସହିତ ସେ ଅନେକ ନାଟକର ନିର୍ଦ୍ଦେଶନା ମଧ୍ୟ କରିଛନ୍ତି। 1970 ଦଶକରେ ସେ Children's Creative Theatre ନାମକ ଏକ ସଂସ୍ଥା ସ୍ଥାପନା କରିଥିଲେ, ଯାହା ଶିଶୁମାନଙ୍କ ପାଇଁ ନାଟକ ଓ କାର୍ଯ୍ୟଶାଳା ଆୟୋଜନ କରୁଥିଲା।

ସେ ଶ୍ୟାମ ବେନେଗାଲଙ୍କ ୧୯୭୮ ମସିହାର ପିରିଅଡ୍ ଫିଲ୍ମ ଜୁନୂନ୍‌ ଦ୍ୱାରା ଚଳଚ୍ଚିତ୍ରରେ ଆରମ୍ଭ କରିଥିଲେ, ଯେଉଁଥିରେ ସେ ଶଶୀ କପୁରଙ୍କ ପିସି ଭୂମିକାରେ ଅଭିନୟ କରିଥିଲେ। ସେ ଭାରତୀୟ ସିନେମାର ଅନେକ ସଫଳ ଚଳଚ୍ଚିତ୍ରରେ ଅଭିନୟ କରିଛନ୍ତି, ଯଥା Silsila, Prem Rog, Ram Teri Ganga Maili, Chandni, Deewana, Kabhi Khushi Kabhie Gham ଓ କଲ୍‌ ହୋ ନା ହୋ। ସେ ପଞ୍ଜାବୀ ଚଳଚ୍ଚିତ୍ର Chann Pardesi (୧୯୮୦) ରେ ମଧ୍ୟ ଅଭିନୟ କରିଥିଲେ।

ସେ Tawaif (୧୯୮୫) ଚଳଚ୍ଚିତ୍ରରେ “ଆମିନା ବାଇ” ଭୂମିକା ପାଇଁ ଫିଲ୍ମଫେୟାର ସର୍ବଶ୍ରେଷ୍ଠ ସହାୟକ ଅଭିନେତ୍ରୀ ପୁରସ୍କାର ପାଇଁ ନାମାଙ୍କନ ପାଇଥିଲେ। ସେ ରିଷି କପୁର, ଅକ୍ଷୟ କୁମାର, ଶାହରୁଖ ଖାନ, ହୃତିକ ରୋଶନ, ଅନିଲ କପୁର ଏବଂ ପ୍ରୀତି ଜିନ୍ଟା ପରି ଅନେକ ବଲିଉଡ୍ ଅଭିନେତାଙ୍କ ମା’ ଓ ଆଜି ଭୂମିକା ଅଭିନୟ କରିଛନ୍ତି।

ସେ ୧୯୯୩ ମସିହାର ଟିଭି ଧାରାବାହିକ ଦେଖ୍‌ ଭାଇ ଦେଖ ରେ ଅଭିନୟ କରିଥିଲେ, ଯାହାକୁ ଆନନ୍ଦ ମହେନ୍ଦ୍ରୁ ନିର୍ଦ୍ଦେଶନା କରିଥିଲେ। ଏଠାରେ ସେ ଦିୱାନ ପରିବାରର କୁଳମାତା ଭୂମିକାରେ ଦେଖାଯାଇଥିଲେ। ସେ ରାମ ଗୋପାଳ ବଜାଜ ଓ ମନୀଷ ଜୋଶୀ ବିସ୍ମିଲ ପରି ନାଟ୍ୟ ନିର୍ଦ୍ଦେଶକଙ୍କ ସହ ମଧ୍ୟ କାମ କରିଛନ୍ତି।

ଟେଲିଭିଜନ ସୋପ Hum Log ରେ ତାଙ୍କର “ଦାଦୀ” ଭୂମିକା ବହୁତ ଲୋକପ୍ରିୟ ହୋଇଥିଲା। ଦର୍ଶକଙ୍କ ଚାହିଦାରେ, ତାଙ୍କର ଚରିତ୍ର, ଯାହାକି କଣ୍ଠ କ୍ୟାନ୍ସରରେ ପୀଡିତ ଦେଖାଯାଇଥିଲା, ତାହାକୁ ଆଉ ଦୀର୍ଘ କରାଯାଇଥିଲା।

୨୦୦୦ ଦଶକର ଆରମ୍ଭରୁ, ସେ Arpana ନାମକ ଏକ ସ୍ୱେଚ୍ଛାସେବୀ ସଂସ୍ଥା (NGO) ସହ କାମ କରୁଛନ୍ତି ଏବଂ ନାଟକ ଓ ନୃତ୍ୟ-ନାଟିକା ନିର୍ଦ୍ଦେଶନା କରୁଛନ୍ତି। ସେ Sitaron Ke Paas ନାମକ ଏକ ନାଟକ ଲେଖିଛନ୍ତି, ଯାହା ନାସା ଅଭିଯାନୀ କଳ୍ପନା ଚାଉଲାଙ୍କ ଜୀବନରୁ ପ୍ରେରିତ।