ସୁବ୍ରତ କୁମାର ସେନାପତି
ସୁବ୍ରତ କୁମାର ସେନାପତି | |
|---|---|
 ଉତ୍ସାହିତ୍ୟ ୨୦୨୩ କାର୍ଯ୍ୟକ୍ରମରେ ସୁବ୍ରତ କୁମାର ସେନାପତି | |
| ଜନ୍ମ ଓ ଜନ୍ମସ୍ଥାନ | ୨୦ ଅକ୍ଟୋବର ୧୯୯୩ |
| ଭାଷା | ଓଡ଼ିଆ |
| ଜାତୀୟତା | ଭାରତୀୟ |
| ସାହିତ୍ୟ କୃତି | କଦମ୍ବବନ |
| ପୁରସ୍କାର | କେନ୍ଦ୍ର ସାହିତ୍ୟ ଏକାଡେମୀ ଯୁବ ପୁରସ୍କାର (୨୦୨୫) |
| ପିତାମାତା | ଗୋବର୍ଦ୍ଧନ ସେନାପତି (ବାପା) ଗୀତାଞ୍ଜଳି ସେନାପତି (ମାଆ) |
ସୁବ୍ରତ କୁମାର ସେନାପତି (ଜନ୍ମ: ୨୦ ଅକ୍ଟୋବର ୧୯୯୩) ଜଣେ ଓଡ଼ିଆ ଗାଳ୍ପିକ । ତାଙ୍କ ଗଳ୍ପ ସଂକଳନ କଦମ୍ବବନ ନିମନ୍ତେ ତାଙ୍କୁ ୨୦୨୫ ମସିହାର କେନ୍ଦ୍ର ସାହିତ୍ୟ ଏକାଡେମୀ ଯୁବ ପୁରସ୍କାର ପ୍ରଦାନ କରାଯାଇଥିଲା ।[୧]
ଜୀବନୀ
[ସମ୍ପାଦନା]ସୁବ୍ରତ ୧୯୯୩ ମସିହାର ଅକ୍ଟୋବର ୨୦ ତାରିଖରେ ବାଲେଶ୍ୱର ଜିଲ୍ଲାର ଖଇରା ବ୍ଲକରେ ଜନ୍ମଗ୍ରହଣ କରିଥିଲେ । ତାଙ୍କ ବାପାଙ୍କ ନାମ ଗୋବର୍ଦ୍ଧନ ସେନାପତି ଓ ମାଆଙ୍କ ନାମ ଗୀତାଞ୍ଜଳି ସେନାପତି । ସେ ଖଇରା ଉଚ୍ଚ ବିଦ୍ୟାଳୟରୁ ତାଙ୍କ ମାଟ୍ରିକ୍ ଶିକ୍ଷା ଶେଷ କରିଥିଲେ । ସେ ପୁଷ୍ପ ଓ ଭୂପୃଷ୍ଠ ଦୃଶ୍ୟ ଉଦ୍ୟାନ ବିଭାଗରେ ଓୟୁଏଟିରୁ ପିଏଚ୍. ଡି କରିଛନ୍ତି ଏବଂ ଶିକ୍ଷା ଓ ଅନୁସନ୍ଧାନ ବିଶ୍ୱବିଦ୍ୟାଳୟ ଅଧିନରେ ଥିବା ଏକ ଶିକ୍ଷା ପ୍ରତିଷ୍ଠାନରେ ସହକାରୀ ପ୍ରାଧ୍ୟାପକ ଭାବରେ କାର୍ଯ୍ୟରତ ଅଛନ୍ତି ।
ସାହିତ୍ୟ ସର୍ଜନା
[ସମ୍ପାଦନା]ସୁବ୍ରତ ୨୦୧୨ ମସିହାରେ କଥା ନବ ପ୍ରତିଭା ପୁରସ୍କାର ପାଇଥିଲେ ଏବଂ ତାଙ୍କ ଗପ କଥା ପତ୍ରିକାରେ ପ୍ରକାଶିତ ହୋଇଥିଲା ।[୨] ୨୦୨୧ ମସିହାରେ ତାଙ୍କର ପ୍ରଥମ ଗଳ୍ପ ସଂକଳନ ନିଷିଦ୍ଧବନ ପଶ୍ଚିମା ପବ୍ଲିକେଶନ୍ ଦ୍ୱାରା ପ୍ରକାଶିତ ହୋଇଥିଲା । ଏହାପରେ, ୨୦୨୩ ମସିହାରେ, ତାଙ୍କର ଦ୍ୱିତୀୟ ଗଳ୍ପ ସଂକଳନ କଦମ୍ବବନ ପେନ୍ ଇନ୍ ବୁକ୍ସ ଦ୍ୱାରା ପ୍ରକାଶିତ ହୋଇଥିଲା । ଏହି ଗଳ୍ପ ସଂକଳନଟିରେ ତାଙ୍କ ରଚିତ ୧୫ଟି ଗଳ୍ପ ଯଥା- ୦ଖୁଚୁରା, ବାସ୍ନା, ଦାୟାଦ, ଶୀର୍ଷସୁଖ, ସର୍ପମନସ୍କ, ଅନ୍ଧାର, ଇନ୍ଧନ, ପଲ୍ଲି ପତନ, ଦେବୀ ଦର୍ଶନ, ଗୋଟାଏ ସମତଳ: ତିନୋଟି ସମାନ୍ତର ସରଳରେଖା, ଶୀତରାତିର ଫୁଲମାନେ, ଡିସେମ୍ବରୀ ରଙ୍ଗର ଶାଢ଼ି, ନିବୁଜ କଠୋରି, କଦମ୍ବବନ ଓ ମୃତ୍ୟୁର ପରିଧି ବାହାରେ ସ୍ଥାନିତ ହୋଇଥିଲା ।[୩]
ରଚନାବଳୀ
[ସମ୍ପାଦନା]- ବିମୋହୀ ପଦ୍ମବନ (୨୦୨୪)
- କଦମ୍ବବନ (୨୦୨୩)
- ନିଷିଦ୍ଧବନ (୨୦୨୧)
ସମ୍ମାନ ଓ ପୁରସ୍କାର
[ସମ୍ପାଦନା]- କେନ୍ଦ୍ର ସାହିତ୍ୟ ଏକାଡେମୀ ଯୁବ ପୁରସ୍କାର - ୨୦୨୫[୪]
- କଥା ନବ ପ୍ରତିଭା ପୁରସ୍କାର, ୨୦୧୨[୨]
- ସୃଜନଝର ଗଳ୍ପ ସମ୍ମାନ[୩]
- ବ୍ରହ୍ମପୁର ସାହିତ୍ୟ ପରିଷଦ ଯୁବ ପ୍ରତିଭା ସମ୍ମାନ[୩]
- ପ୍ରଥମ ଗଣେଶ ପରିଜା ଯୁବ ପ୍ରତିଭା ସମ୍ମାନ
- ହାଜି ଅସରଫ୍ ଅଲ୍ଲୀ ଉଦୟ ପ୍ରତିଭା ସମ୍ମାନ
- ଟାଇମ୍ ପାସ୍ ଉଦୟରାଗ ସମ୍ମାନ
ଆଧାର
[ସମ୍ପାଦନା]- ↑ "ବାଲ୍ ସାହିତ୍ୟ ଓ ଯୁବ ପୁରସ୍କାର ଘୋଷିତ, ସୁବ୍ରତ ଓ ରାଜକିଶୋରଙ୍କୁ ସାହିତ୍ୟ ଏକାଡେମୀ ସମ୍ମାନ". www.prameyanews7.com. Retrieved 2025-06-18.
- ↑ ୨.୦ ୨.୧ Ojha, Sibasankar (2025-06-18). "ସୁବ୍ରତ ସେନାପତିଙ୍କୁ ଯୁବ ପୁରସ୍କାର ଓ ରାଜକିଶୋର ପାଢୀଙ୍କୁ ମିଳିବ ବାଳ ସାହିତ୍ୟ ପୁରସ୍କାର". Sambad. Retrieved 2025-06-18.
- ↑ ୩.୦ ୩.୧ ୩.୨ OR, News Desk. "କେନ୍ଦ୍ର ସାହିତ୍ୟ ଏକାଡେମୀର ବାଲ୍ ସାହିତ୍ୟ ଓ ଯୁବ ପୁରସ୍କାର ଘୋଷିତ - Odisha Reporter". କେନ୍ଦ୍ର ସାହିତ୍ୟ ଏକାଡେମୀର ବାଲ୍ ସାହିତ୍ୟ ଓ ଯୁବ ପୁରସ୍କାର ଘୋଷିତ - Odisha Reporter. Retrieved 2025-06-18.
- ↑ Mansingh, Sangita (2025-06-18). "ସୁବ୍ରତ କୁମାର ସେନାପତି ପାଇବେ ସାହିତ୍ୟ ଏକାଡେମି ଯୁବ ପୁରସ୍କାର". OdishaLIVE (in ଆମେରିକୀୟ ଇଂରାଜୀ). Retrieved 2025-06-18.
ବାହାର ଆଧାର
[ସମ୍ପାଦନା]