ସୁନୀଲ ଶାସ୍ତ୍ରୀ

ସୁନୀଲ ଶାସ୍ତ୍ରୀ सुनील शास्त्री
Member of Parliament, Rajya Sabha
କାର୍ଯ୍ୟକାଳ 22 May 2002 – 25 November 2002
Member of Legislative Assembly, Uttar Pradesh
କାର୍ଯ୍ୟକାଳ 1980–1989
ପୂର୍ବ ଅଧିକାରୀ	Awadhesh Kumar Srivastava
ପର ଅଧିକାରୀ	Shiv Pratap Shukla
ନିର୍ବାଚନ ମଣ୍ଡଳୀ	Gorakhpur Urban
Minister of Energy, Government of Uttar Pradesh
କାର୍ଯ୍ୟକାଳ 1985–1987
Minister of Heavy Industries, Institutional Finance and Public Enterprises, Government of Uttar Pradesh
କାର୍ଯ୍ୟକାଳ 1989–1991
ବ୍ୟକ୍ତିଗତ ସବିଶେଷ
ଜନ୍ମ	(1950-02-13) ୧୩ ଫେବୃଆରୀ ୧୯୫୦ Lucknow, Uttar Pradesh, India
ରାଜନୀତିକ ଦଳ	Indian National Congress (Before 2009,2021—Present) Bharatiya Janata Party (2009—2021)
ଜୀବନ ସାଥୀ	Meera Shastri ​ (m. ୧୯୭୩)​
ସନ୍ତାନ	3 sons
ବାପା/ବୋଉ	ଲାଲ ବାହାଦୁର ଶାସ୍ତ୍ରୀ ଲଳିତା ଶାସ୍ତ୍ରୀ

ସୁନୀଲ ଶାସ୍ତ୍ରୀ ଭାରତର ଦ୍ୱିତୀୟ ପ୍ରଧାନମନ୍ତ୍ରୀ ଲାଲ ବହାଦୁର ଶାସ୍ତ୍ରୀଙ୍କ ପୁତ୍ର । ଯେତେବେଳେ ସେ ଭାରତୀୟ ଜାତୀୟ କଂଗ୍ରେସରେ ଥିଲେ, ସେତେବେଳେ ସେ ଦୀର୍ଘ ସମୟ ପର୍ଯ୍ୟନ୍ତ ଉତ୍ତର ପ୍ରଦେଶ ସରକାରରେ ମନ୍ତ୍ରୀ ଭାବରେ ଦାୟିତ୍ୱ ନିର୍ବାହ କରିଛନ୍ତି । ପରେ ସେ କଂଗ୍ରେସ ପାର୍ଟି ସହିତ ଅସନ୍ତୁଷ୍ଟ ହୋଇ ବିଜେପିରେ ଯୋଗଦେଇଥିଲେ । ଅଟଳ ବିହାରୀ ବାଜପେୟୀଙ୍କ ପ୍ରଧାନମନ୍ତ୍ରୀ କାଳରେ ସେ ବିଜେପିର ଜାତୀୟ ସଚିବ ଥିଲେ । ସେ ଜଣେ ରାଜନେତା ହେବା ସହ କବି ଓ ଲେଖକ ମଧ୍ୟ ଅଟନ୍ତି । ସେ ତାଙ୍କ ପିତାଙ୍କ ଜୀବନ ଉପରେ ଆଧାରିତ ଏକ ପୁସ୍ତକ ହିନ୍ଦୀରେ ଲେଖିଛନ୍ତି ଯାହାର ଇଂରାଜୀ ଅନୁବାଦ ମଧ୍ୟ ପ୍ରକାଶିତ ହୋଇଛି ।

ସଂକ୍ଷିପ୍ତ ପରିଚୟ

୧୩ ଫେବୃଆରୀ ୧୯୫୦ରେ ଜନ୍ମ ନେଇଥିବା ସୁନୀଲ ଶାସ୍ତ୍ରୀ, ଶ୍ରୀମତୀ ଲଳିତା ଶାସ୍ତ୍ରୀ ଓ ଶ୍ରୀ ଲାଲ ବହାଦୁର ଶାସ୍ତ୍ରୀଙ୍କ ତୃତୀୟ ପୁତ୍ର । ସେ ଦିଲ୍ଲୀର ସେଣ୍ଟ କଲମ୍ବାସ୍ ଶିକ୍ଷାଳୟରେ ପ୍ରାରମ୍ଭିକ ଶିକ୍ଷା ନେଇଥିଲେ ଏବଂ ପରେ ଦିଲ୍ଲୀ ବିଶ୍ୱବିଦ୍ୟାଳୟରୁ ସ୍ନାତକ ଡିଗ୍ରୀ ହାସଲ କରିଥିଲେ । ୧୯୮୦ରେ ସକ୍ରିୟ ରାଜନୀତିକୁ ପ୍ରବେଶ କରିବା ପୂର୍ବରୁ ସେ ବ୍ୟାଙ୍କ ଅଫ୍ ଇଣ୍ଡିଆରେ ପ୍ରବନ୍ଧକ ଥିଲେ । ସେ ଉତ୍ତର ପ୍ରଦେଶ ସରକାରରେ ମନ୍ତ୍ରୀ ଭାବେ ମଧ୍ୟ କାମ କରିଛନ୍ତି । ସେ ଜୟପୁର ନିବାସୀ ମୀରା ଶାସ୍ତ୍ରୀଙ୍କ ସହ ବିବାହ କରିଛନ୍ତି । ତାଙ୍କର ତିନିଜଣ ପୁତ୍ର ଅଛନ୍ତି – ବିନମ୍ର, ବୈଭବ ଓ ବିଭୋର ।

ଯେତେବେଳେ କେନ୍ଦ୍ରରେ ଅଟଳ ବିହାରୀ ବାଜପେୟୀଙ୍କ ନେତୃତ୍ୱରେ ସରକାର ଗଠିତ ହେଲା, ସୁନୀଲ ଶାସ୍ତ୍ରୀ କଂଗ୍ରେସରୁ ଇସ୍ତଫା ଦେଇ ବିଜେପିରେ ଯୋଗ ଦେଲେ । ବାଜପେୟୀ ତାଙ୍କୁ କେନ୍ଦ୍ରୀୟ କାର୍ଯ୍ୟକାରିଣୀରେ ସଂଗଠନ ଦାୟିତ୍ୱ ଦେଲେ । ଯେତେବେଳେ ନରେନ୍ଦ୍ର ମୋଦି ବିଜେପିର ଜାତୀୟ ସଂଘଠନ ସଚିବ ଥିଲେ, ସୁନୀଲ ଶାସ୍ତ୍ରୀ ମଧ୍ୟ ସେଥିରେ ଥିଲେ । ପରେ ଅଟଳଜୀଙ୍କ ସରକାର ହାରିଯିବା ପରେ, ସୁନୀଲ ଶାସ୍ତ୍ରୀ ବିଜେପିରେ ଉପେକ୍ଷିତ ବୋଧ କରି ଲାଲକୃଷ୍ଣ ଅଡବାଣୀଙ୍କୁ ଇସ୍ତଫା ଦେଲେ ଓ ପୁନଃ କଂଗ୍ରେସକୁ ଚାଲିଗଲେ । କିନ୍ତୁ ସେଠାରେ ମଧ୍ୟ ତାଙ୍କୁ ଗୁରୁତ୍ୱପୂର୍ଣ୍ଣ କୌଣସି ଦାୟିତ୍ୱ ମିଳିଲା ନାହିଁ । ଯେତେବେଳେ ଭାରତୀୟ ଜନତା ପାର୍ଟି ନରେନ୍ଦ୍ର ମୋଦିଙ୍କୁ ପ୍ରଧାନମନ୍ତ୍ରୀ ପଦ ପାଇଁ ପ୍ରାର୍ଥୀ ଘୋଷଣା କଲା, ସେ ପୁଣି ବିଜେପିକୁ ଫେରିଲେ ।

ସେ କବିତା, ସଙ୍ଗୀତ ଓ ସାମାଜିକ କାର୍ଯ୍ୟସହିତ ଭିନ୍ନ ଭିନ୍ନ ଭାବରେ କାର୍ଯ୍ୟ କରିଛନ୍ତି । ସାମାଜିକ-ଆର୍ଥିକ ପରିବର୍ତ୍ତନ ସମ୍ପର୍କରେ ତାଙ୍କର ଭାବନା ବିଭିନ୍ନ ପତ୍ରପତ୍ରିକାରେ ପ୍ରକାଶିତ ହୁଏ ।

ପ୍ରକାଶିତ ପୁସ୍ତକସମୂହ

• ଲାଲ ବହାଦୁର ଶାସ୍ତ୍ରୀ: ମେରେ ବାବୁଜୀ
• Lal Bahadur Shastri: Past Forward (ଉପରେ ଉଲ୍ଲେଖିତ ପୁସ୍ତକର ଇଂରାଜୀ ଅନୁବାଦ)