ସୁନାମଣି ରାଉତ

ସୁନାମଣି ରାଉତ
ଜନ୍ମ ଓ ଜନ୍ମସ୍ଥାନ	(1958-02-02) ୨ ଫେବୃଆରୀ ୧୯୫୮ କୁରୁଜଙ୍ଗା, ପୋ: ଫକୀରାବାଦ, କଟକ
ଭାଷା	ଓଡ଼ିଆ
ଜାତୀୟତା	ଭାରତୀୟ
ସାହିତ୍ୟ କୃତି	କିଚିରି ମିଚିରି ଚିଁ
ପୁରସ୍କାର	ଓଡ଼ିଶା ସାହିତ୍ୟ ଏକାଡେମୀ ପୁରସ୍କାର (୨୦୦୫)
ପିତାମାତା	ବାସୁଦେବ ରାଉତ, ବେଙ୍ଗଲତା ରାଉତ

ସୁନାମଣି ରାଉତ (ଜନ୍ମ: ୨ ଫେବୃଆରୀ ୧୯୫୮) ଜଣେ ଓଡ଼ିଆ ଶିଶୁ ସାହିତ୍ୟିକ । ସେ ନିଜ ଶିଶୁ କବିତା ପୁସ୍ତକ କିଚିରି ମିଚିରି ଚିଁ ନିମନ୍ତେ ୨୦୦୫ରେ ଓଡ଼ିଶା ସାହିତ୍ୟ ଏକାଡେମୀ ପୁରସ୍କାର ପାଇଥିଲେ ।

ସଂକ୍ଷିପ୍ତ ଜୀବନୀ

ସୁନାମଣି ୧୯୫୮୧ ମସିହା ଫେବୃଆରୀ ମାସ ୨ ତାରିଖରେ କଟକ ଜିଲ୍ଲାର କୁରୁଜଙ୍ଗାଠାରେ ଜନ୍ମଗ୍ରହଣ କରିଥିଲେ । ସେ ଉତ୍କଳ ବିଶ୍ୱବିଦ୍ୟାଳୟରୁ ସ୍ନାତକୋତ୍ତର ଶିକ୍ଷା ପ୍ରାପ୍ତ ସୁନାମଣି ଅଧ୍ୟାପନା ବୃତ୍ତିରୁ ଅବସରପ୍ରାପ୍ତ । ଓଡ଼ିଶାର ବିଭିନ୍ନ ଶିଶୁ ସାହିତ୍ୟ ପତ୍ରିକାରେ ତାଙ୍କ ଲେଖାମାନ ପ୍ରକାଶିତ । ଜାତୀୟ ପୁସ୍ତକ ନ୍ୟାସ ଆୟୋଜିତ ଶିଶୁ ସାହିତ୍ୟ କର୍ମଶାଳାରେ ଯୋଗଦାନ କରିବା ସହିତ ଉକ୍ତ ସଂସ୍ଥା ସହ ଅନୁବନ୍ଧିତ ହୋଇ କେତେକ ପୁସ୍ତକର ଅନୁବାଦ ମଧ୍ୟ କରିଛନ୍ତି । ସେ ପ୍ରାୟ ୧୮ଖଣ୍ଡ ପତ୍ରପତ୍ରିକା ସଂପାଦନା କରିଛନ୍ତି ।

ରଚନାବଳୀ

ଶିଶୁ ସାହିତ୍ୟ

• କିଚିରି ମିଚିରି ଚିଁ
• କକମୀନା ୧୯୮୮
• କୁନିମୁନି
• ଫୁଲଚୁଇଁର ଗୀତ
• ସୁନାକଳସ
• ହେବୁ ଜଗତଜିତା
• ହସି ହସାଇବା ଆସ
• ଏମିତି ଦୁନିଆ ଗଢ଼ିଛି କିଏ
• ସରସ ଗୀତ
• ଆମେ ପିଲାଏ ମାଣିକ ମଣି
• କହିଲ ଦେଖି
• ଏକତା ହିଁ ବଳ
• ବୁଝି ବିଚାରି କାମ କର
• ଗଛ ଆମରି ସାଙ୍ଗ
• ଅଜା ଆଈଙ୍କମଜା କଥା
• ବବୁନି ପଢୁଛି ପାଠ
• ହସ ଖୁସିର ଗୀତ

ଅନୁବାଦ ଶିଶୁସାହିତ୍ୟ

• ରେଳବାଇ ପିଲାମାନେ ୨୦୨୨
• ବଂଶୀର ସ୍ୱର ୨୦୨୦ (ମୂଳ: ମୀନାକ୍ଷୀ ସ୍ବାମୀ)
• ଟମ୍ ଏବଂ ଦୁଷ୍ଟ କାଉ ୨୦୨୧ (ମୂଳ: ତନୁଜା ଭୌମିକ ଏଣ୍ଡୋ)
• ପ୍ରଜାପତିର ପିଲାଦିନ ୨୦୧୦ (ଯୁଧାଜିତ ସେନଗୁପ୍ତ)

ଆଲୋଚନା

• ସୃଷ୍ଟି ଓ ସ୍ରଷ୍ଟା

ସମ୍ମାନ ଓ ପୁରସ୍କାର

• ଶିଶୁ ସାହିତ୍ୟ ସମ୍ମେଳନ ତରଫରୁ ପୁରସ୍କୃତ
• ପ୍ରଜାତନ୍ତ୍ର ବିଷୁବ ମିଳନରେ ପୁରସ୍କୃତ
• ଓଡ଼ିଶା ସାହିତ୍ୟ ଏକାଡେମୀ ପୁରସ୍କାର - ୨୦୦୫ରେ କିଚିରି ମିଚିରି ଚିଁ ପାଇଁ