ସର୍ଦ୍ଦାର ପାପାରାୟୁଡୁ (୧୯୮୦ର ତେଲୁଗୁ ଚଳଚ୍ଚିତ୍ର)
| ସର୍ଦ୍ଦାର ପାପାରାୟୁଡୁ | |
|---|---|
| ନିର୍ଦ୍ଦେଶକ | Dasari Narayana Rao |
| ପ୍ରଯୋଜକ | Kranthi Kumar |
| ସଂଳାପ | Dasari Narayana Rao |
| କଳାକାର | N. T. Rama Rao Sridevi Sharada |
| ସଙ୍ଗୀତ | Chakravarthy |
| ଚିତ୍ରଗ୍ରହଣ | S. Venkataratnam |
| ସମ୍ପାଦକ | G. G. Krishna Rao |
Production company | Sri Annapoorna International |
| ବିତରକ | Shayikrishna |
ମୁକ୍ତିଲାଭ ତାରିଖ | ୩୦ ଅକ୍ଟୋବର ୧୯୮୦ |
କଥାଚିତ୍ରର ସମୟ | 151 minutes |
| ଦେଶ | India |
| ଭାଷା | Telugu |
ସର୍ଦ୍ଦାର ପାପାରାୟୁଡୁ ୧୯୮୦ ମସିହାରେ ମୁକ୍ତିଲାଭ କରିଥିବା ଏକ ଭାରତୀୟ ତେଲୁଗୁ ଭାଷାର ଐତିହାସିକ କାଳ୍ପନିକ ଚଳଚ୍ଚିତ୍ର । ଦାସରୀ ନାରାୟଣ ରାଓ ଏହି କଥାଚିତ୍ରଟିର କାହାଣୀ ଓ ଚିତ୍ରନାଟ୍ୟ ରଚନା କରିଥିଲେ ଏବଂ ନିର୍ଦ୍ଦେଶନା ଦେଇଥିଲେ । ସଙ୍ଗୀତ ଚକ୍ରବର୍ତୀଙ୍କ ଏହି କଥାଚିତ୍ରଟିର ସ୍ୱର ସଂଯୋଜନା କରିଥିଲେ ।[୧] ଚଳଚ୍ଚିତ୍ର ପ୍ରଯୋଜନା କରିଥିଲେ କ୍ରାନ୍ତିକୁମାର ।[୨] ଏହି ଫିଲ୍ମର ବାଣିଜ୍ୟିକ ସଫଳତା ଯୋଗୁଁ ୧୯୮୫ରେ ଏହାକୁ ହିନ୍ଦୀରେ "ସରଫରୋଶ" ନାମରେ ପୁନର୍ନିର୍ମାଣ କରାଯାଇଥିଲା ।[୩]
ଏହି କଥାଚିତ୍ରଟିର ମୁଖ୍ୟ ଭୂମିକାରେ ଅଭିନୟ କରିଥିଲେ ଏନ୍.ଟି.ରାମା ରାଓ ଓ ଶ୍ରୀଦେବୀ । ଏତଦ୍ ବ୍ୟତୀତ ଚଳଚ୍ଚିତ୍ରରେ ଶାରଦା, ରାଓ ଗୋପଲ ରାଓ, ମୋହନ ବାବୁ, ଆଲ୍ଲୁରି ରାମଲିଙ୍ଗାୟା ତଥା ଅନ୍ୟମାନେ ବିଭିନ୍ନ ଭୂମିକାରେ ଅଭିନୟ କରିଥିଲେ ।
କାହାଣୀ
[ସମ୍ପାଦନା]ରାମୁ ଜଣେ ସତ୍ୟନିଷ୍ଠ ପୁଲିସ ଅଫିସର, ଯିଏ ଭ୍ରଷ୍ଟ ରାଜନେତା ଧର୍ମରାଜୁଙ୍କ ଝିଅ ବିଜୟାଙ୍କୁ ଭଲପାଉଛି । ଧର୍ମରାଜୁ ଯଦିଓ ସାଧାରଣ ଲୋକଙ୍କ ମଧ୍ୟରେ ଭଲ ଲୋକଭଳି ଭାବମୂର୍ତ୍ତି ରଖୁଥିଲେ, ସେ ଗୁପ୍ତରେ ଅନୈତିକ କାର୍ଯ୍ୟରେ ଲିପ୍ତ ରହନ୍ତି । ତାଙ୍କ ସହଯୋଗୀ ସତ୍ୟ ମୂର୍ତ୍ତି ଏବଂ ନ୍ୟାୟପତିଙ୍କ ସହ ମିଳି ସେ ବ୍ରିଟିଶମାନଙ୍କ ସହ ସଡ଼ଯନ୍ତ୍ର କରି ଗରିବମାନଙ୍କୁ ଶୋଷଣ କରୁଥିଲେ । କିଛି ବର୍ଷ ପୂର୍ବେ, ଏହି ତିନି ଜଣ ମିଳି ରାଜା ବିଜୟରାଘବରାଜୁଙ୍କ ହତ୍ୟା ମାମଲାରେ ଜଣେ ସ୍ୱାଧୀନତା ସଂଗ୍ରାମୀ ସର୍ଦ୍ଦାର ପାପାରାୟୁଡୁଙ୍କୁ ଅନ୍ୟାୟଭାବେ ଫସାଇ ଦେଇଥିଲେ । ଏହାର ପରିଣାମରେ ପାପାରାୟୁଡୁଙ୍କୁ ଆଜୀବନ କାରାଦଣ୍ଡ ଦିଆଯାଇଥିଲା । ରାମୁଙ୍କ ସହ ଦେଖାହେବା ସମୟରେ, ଧର୍ମରାଜୁ ପାପାରାୟୁଡୁଙ୍କ ସହ ରାମୁଙ୍କ ଅଦ୍ଭୁତ ସାଦୃଶ୍ୟ ଦେଖି ଆଶ୍ଚର୍ଯ୍ୟଚକିତ ହୋଇଯାଏ। ସମୟକ୍ରମେ ଏକଥା ଷ୍ପଷ୍ଟ ହୁଏ ଯେ ରାମୁ ବାସ୍ତବରେ ପାପାରାୟୁଡୁଙ୍କ ପୁଅ । ତାଙ୍କ ମା ସୀତା ହେଉଛନ୍ତି ପାପାରାୟୁଡୁଙ୍କ ସ୍ତ୍ରୀ । ପରିସ୍ଥିତି ଆଉ ଗମ୍ଭୀର ହୋଇଯାଏ ଯେତେବେଳେ ପାପାରାୟୁଡୁ କାରାଗାରରୁ ମୁକ୍ତିଲାଭ କରି ତାଙ୍କ ଉପରେ ହୋଇଥିବା ଅନ୍ୟାୟର ପ୍ରତିଶୋଧ ନେବାକୁ ଫେରନ୍ତି । ପାପାରାୟୁଡୁ ଏବଂ ରାମୁଙ୍କ ମଧ୍ୟରେ ଏକ ଦ୍ୱନ୍ଦ ଉପସ୍ଥିତ ହୁଏ, କାରଣ ପାପାରାୟୁଡୁ ଧର୍ମରାଜୁଙ୍କ ବିରୁଦ୍ଧରେ ନ୍ୟାୟ ଚାହୁଁଛନ୍ତି । ଶେଷର ନାଟକୀୟ ଯୁଦ୍ଧରେ, ପାପାରାୟୁଡୁ ନିଜ ପୁଅ ଏବଂ ଅନ୍ୟମାନଙ୍କୁ ରକ୍ଷା କରିବା ପାଇଁ ନିଜକୁ ବଳିଦାନ କରିଦେଇଥାନ୍ତି । ମୃତ୍ୟୁର ପୂର୍ବମୂହୂର୍ତ୍ତରେ ସେ ରାମୁଙ୍କୁ ଆଲିଙ୍ଗନ କରି ସେଥିରେ ସମ୍ମିଳିତ ହୋଇ ଶାନ୍ତିରେ ପ୍ରାଣ ତ୍ୟାଗ କରନ୍ତି ।
ଅଭିନୟରେ
[ସମ୍ପାଦନା]- ଏନ୍.ଟି. ରାମା ରାଓ – ସର୍ଦାର ପାପାରାୟୁଡୁ ଏବଂ ରାମ “ରାମୁ” ମୋହନ
- ଶ୍ରୀଦେବୀ – ଭିଜୟା ଭୂମିକାରେ
- ଶାରଦା – ସୀତା ଭୂମିକାରେ
- ରାଓ ଗୋପାଳ ରାଓ – ଧର୍ମ ରାଓ ଭୂମିକାରେ
- ସତ୍ୟନାରାୟଣ – ସତ୍ୟ ମୂର୍ତ୍ତି ଭୂମିକାରେ
- ଅଲ୍ଲୁରି ରାମଲିଙ୍ଗୈୟା – ନ୍ୟାୟପତି ଭୂମିକାରେ
- ମୋହନ ବାବୁ – ବ୍ରିଟିଶ ଅଧିକାରୀ ଭୂମିକାରେ
- ଗୁମ୍ମାଡି – ବାବା ଭୂମିକାରେ
- ପ୍ରଭାକର ରେଡ୍ଡି – ବିଜୟ ରାଘବ ରାଜୁ ଭୂମିକାରେ
- ତ୍ୟାଗରାଜୁ – ବ୍ରିଟିଶ ଇନ୍ସପେକ୍ଟର ଭୂମିକାରେ
- କେ.ଭି. ଚଳମ୍ – ରାଜୁ ଭୂମିକାରେ
- ପି.ଜେ. ଶର୍ମା – ଆଇ.ଜି. ଭୂମିକାରେ
- ଚଲପତି ରାଓ – ସର୍ଦାର ପାପାରାୟୁଡୁଙ୍କ ସହଚର ଭୂମିକାରେ
- ପାଣ୍ଡରୀ ବାଇ – ସର୍ଦାର ପାପାରାୟୁଡୁଙ୍କ ମା’ ଭୂମିକାରେ
- ଏସ୍. ୱାରଲକ୍ଷ୍ମୀ – ଉର୍ମିଲା ଦେବୀ ଭୂମିକାରେ
- ଅଥିଲି ଲକ୍ଷ୍ମୀ – ଭିଜୟାଙ୍କ ମା’ ଭୂମିକାରେ
- ଜ୍ୟୋତି ଲକ୍ଷ୍ମୀ – ଏକ ଆଇଟମ୍ ନୃତ୍ୟରେ
ବାଣିଜ୍ୟିକ ସଫଳତା
[ସମ୍ପାଦନା]ସର୍ଦ୍ଦାର ପାପାରାୟୁଡୁ ଚଳଚ୍ଚିତ୍ରଟି ବ୍ୟାପାରିକ ଭାବରେ ଅତ୍ୟନ୍ତ ସଫଳ ହୋଇଥିଲା । ଦାସରୀ ନାରାୟଣରାଓଙ୍କ ଦ୍ୱାରା ଲିଖିତ ଶକ୍ତିଶାଳୀ ସମ୍ବାଦଗୁଡ଼ିକ ଦର୍ଶକମାନଙ୍କ ଦ୍ଵାରା ଆଦୃତ ହୋଇଥିଲା, ଯାହାର ଫଳରେ ଫିଲ୍ମର ଧ୍ୱନିମାଳିକା (LP ରେକର୍ଡ ଏବଂ କ୍ୟାସେଟ) ଭଲଭାବେ ବିକ୍ରି ହୋଇଥିଲା । ଚଳଚ୍ଚିତ୍ରର ପୁନଃ-ରେକର୍ଡିଂ, ବିଶେଷକରି ସ୍ୱାଧୀନତା ପୂର୍ବକାଳୀନ ଦୃଶ୍ୟଗୁଡ଼ିକରେ, ବହୁତ ପ୍ରଶଂସା ଲାଭ କରିଥିଲା । ରାମାରାଓଙ୍କ ଦ୍ୱିତୀୟ ଭୂମିକାର ଅଭିନୟ ଉଚ୍ଚ ପ୍ରଶଂସିତ ହୋଇଥିଲା ଯେହେତୁ ଉଭୟ ଭୂମିକାର ଆଚରଣ ଓ ଅଭିନୟରେ ଢେର ଫରକ ଦେଖିବାକୁ ମିଳିଥିଲା ।[୪]
ଆଧାର
[ସମ୍ପାଦନା]- ↑ "Hot-shot director Dasari dead". The Hindu (in Indian English). 2017-05-30. ISSN 0971-751X. Retrieved 2025-11-14.
- ↑ "Stalwart's death". The Hindu (in Indian English). 2003-05-19. ISSN 0971-751X. Retrieved 2025-11-14.
- ↑ "Filmfare Recommends: Top Films Of Jeetendra Where He Played A Double Role | Filmfare.com". www.filmfare.com (in ଇଂରାଜୀ). Retrieved 2025-11-14.
- ↑ "Sardar Paparayudu (1980) Review". Indiancine.ma. Retrieved 2025-11-14.
 | ଏହି ପ୍ରସଙ୍ଗଟି ଅସମ୍ପୂର୍ଣ୍ଣ । ଆପଣ ଏହାକୁ ସଂପୂର୍ଣ୍ଣ କରି ଉଇକିପିଡ଼ିଆକୁ ସମୃଦ୍ଧ କରିପାରିବେ । |