ଶ୍ୟାମ ସୁନ୍ଦର ବେସ୍ରା

ଶ୍ୟାମ ସୁନ୍ଦର ବେସ୍ରା
ଜନ୍ମ	(1961-02-12) ୧୨ ଫେବୃଆରୀ ୧୯୬୧ ପୁରୁଲିଆ, ପଶ୍ଚିମ ବଙ୍ଗ, ଭାରତ
ଜାତୀୟତା	ଭାରତୀୟ
ଅନ୍ୟ ନାମ	Jiwirarec
ଶିକ୍ଷା	MA in Hindi Literature
ଶିକ୍ଷାନୁଷ୍ଠାନ	Burdwan University
ବୃତ୍ତି(ସମୂହ)	ଲେଖକ, ସରକାରୀ କର୍ମଚାରୀ
ପୁରସ୍କାର	ସାହିତ୍ୟ ଏକାଡେମୀ ପୁରସ୍କାର (ସାନ୍ତାଳୀ) (2018)

ଶ୍ୟାମ ସୁନ୍ଦର ବେସ୍ରା (ଜନ୍ମ ୧୨ ଫେବୃଆରୀ ୧୯୬୧) ଜଣେ ହିନ୍ଦୀ ଓ ସାନ୍ତାଳୀ ଭାଷାର ଔପନ୍ୟାସିକ । ସେ ସାନ୍ତାଳୀ ଭାଷାରେ ଲେଖିଥିବା ଉପନ୍ୟାସ ‘ମାରୋମ’ ପାଇଁ ସେ ୨୦୧୮ରେ ପ୍ରତିଷ୍ଠିତ ସାହିତ୍ୟ ଅକାଦେମି ପୁରସ୍କାର ଜିତିଥିଲେ। ସାନ୍ତାଳ ପ୍ରଗଣାର ସାମାଜିକ, ଆର୍ଥିକ, ପ୍ରାକୃତିକ ଏବଂ ରାଜନୈତିକ ସ୍ଥିତି ଉପରେ ଏହି ଉପନ୍ୟାସ ଆଧାରିତ ।

ବ୍ୟକ୍ତିଗତ ଜୀବନ

ବେସ୍ରାଙ୍କ ଜନ୍ମ ୧୨ ଫେବୃଆରୀ ୧୯୬୧ରେ ପଶ୍ଚିମ ବଙ୍ଗର ପୁରୁଲିଆ ଜିଲ୍ଲାର ରାମକନାଲିରେ ହୋଇଥିଲା । ତେବେ ତାଙ୍କର ମୂଳ ଗାଁ ଗୋଡ୍ଡାରେ ଅବସ୍ଥିତ । ସେ ୧୯୮୭ରେ ହିନ୍ଦୀ ସାହିତ୍ୟ ଓ ସାନ୍ତାଳୀରେ ଏମ୍‌.ଏ. ଶିକ୍ଷା ସମ୍ପୂର୍ଣ୍ଣ କରିଥିଲେ । ସେ ପୂର୍ବ ରେଳ ବିଭାଗର ଆସନସୋଲ ଡିଭିଜନର ମୁଖ୍ୟ ଟିକେଟ୍ ପରୀକ୍ଷକ ଭାବେ କାର୍ଯ୍ୟରତ ।

ସାହିତ୍ୟିକ କୃତି

ବେସ୍ରାଙ୍କୁ ୨୦୧୮ରେ ତାଙ୍କ ଉପନ୍ୟାସ ମାରୋମ୍ ପାଇଁ ସାହିତ୍ୟ ଅକାଦେମି ପୁରସ୍କାର ଦିଆଯାଇଥିଲା । ତାଙ୍କର ଅନ୍ୟ ମୁଖ୍ୟ ସାହିତ୍ୟ କୃତିଗୁଡ଼ିକ ହେଲା — ଦୁଲ୍ଲାର ଖାତିର୍, ଡାମିନ୍ ରେୟାକ୍ ଯୁଦାସି କାହାନି କୋ, ଓ ଡାମିନ୍ କୁଲି, ଯାହା ମଧ୍ୟରୁ ଦୁଇଟି ସିଦୋ କାନ୍ହୁ ମୁର୍ମୁ ବିଶ୍ୱବିଦ୍ୟାଳୟର ପୋଷ୍ଟଗ୍ରାଜୁଏଟ୍ କୋର୍ସର ସିଲାବସ୍‌ରେ ଅନ୍ତର୍ଭୁକ୍ତ । ବେସ୍ରା ଆକାଶବାଣୀ ଭାଗଲପୁର, ରାଞ୍ଚୀ ଓ କୋଲକାତା ସହିତ ଜଡିତ ଥିଲେ । ସେ ନୂତନ ଦିଲ୍ଲୀର ସାନ୍ତାଳୀ ସାହିତ୍ୟ ଅକାଦେମିରେ ପାଞ୍ଚ ବର୍ଷ ଉପଦେଷ୍ଟା ମଣ୍ଡଳୀର ସଦସ୍ୟ ଭାବରେ କାମ କରିଥିଲେ । ଶ୍ରୀ ବେସ୍ରା ଜି.ବି. ରାରେକ ନାମରେ ସାନ୍ତାଳୀ ଭାଷାରେ ଲେଖୁଥିବା ବେଳେ ସାନ୍ତାଳୀ ପ୍ରଗାଞ୍ଜି ନାମରେ ହିନ୍ଦୀ ଭାଷାରେ ଲେଖୁଛନ୍ତି ।

ପୁରସ୍କାର ଓ ସମ୍ମାନ

ସେ ରାଜ୍ୟ ସ୍ତରରେ ଅନେକ ସମ୍ମାନରେ ସମ୍ମାନିତ ହୋଇଥିବା ବେଳେ ୧୯୯୨ରେ ଭାରତୀୟ ଦଳିତ ସାହିତ୍ୟ ଏକାଡେମୀ ଦ୍ୱାରା ଡକ୍ଟର ଆମ୍ବେଦକର ଫେଲୋସିପ୍ ପାଇଛନ୍ତି ।

• ଡା. ଆମ୍ବେଡକର ଫେଲୋଶିପ୍ ପୁରସ୍କାର – ୧୯୯୨
• ସମ୍ମାନ୍ଵୟେ ଶ୍ରୀ – ୨୦୦୪
• ରାଷ୍ଟ୍ରୀୟ ଶିଖର ସମ୍ମାନ – ୨୦୧୪
• ସାହିତ୍ୟ ଅକାଦେମି – ୨୦୧୮