ଶ୍ରୀନିବାସ ପାଠୀ
ଶ୍ରୀନିବାସ ପାଠୀ | |
|---|---|
| ଜନ୍ମ ଓ ଜନ୍ମସ୍ଥାନ | ୨୫ ଜୁନ ୧୯୬୦ ଦୋଳମଣ୍ଡପ ସାହି, ପୁରୀ |
| ବୃତ୍ତି | ଲେଖକ, ଅଧ୍ୟାପକ |
| ଭାଷା | ଓଡ଼ିଆ |
| ଜାତୀୟତା | ଭାରତୀୟ |
| ସାହିତ୍ୟ କୃତି | ପୁରୁଷୋତ୍ତମ ଶ୍ରୀଜଗନ୍ନାଥ |
| ଜୀବନସାଥୀ | ମଧୁସ୍ମିତା ମିଶ୍ର |
| ପିତାମାତା | ବାସୁଦେବ ପାଠୀ |
ଶ୍ରୀନିବାସ ପାଠୀ (ଜନ୍ମ:୨୫ ଜୁନ ୧୯୬୦) ଜଣେ ଓଡ଼ିଆ କବି, ପ୍ରାବନ୍ଧିକ, ଲେଖକ ଓ ସମାଲୋଚକ । ସେ ପୁରୁଷୋତ୍ତମ ଶ୍ରୀଜଗନ୍ନାଥ ଗ୍ରନ୍ଥ ପାଇଁ ବିଶେଷ ଜଣାଶୁଣା ।
ସଂକ୍ଷିପ୍ତ ଜୀବନୀ
[ସମ୍ପାଦନା]ଶ୍ରୀନିବାସ ପୁରୀ ଜିଲ୍ଲାର ଦୋଳମଣ୍ଡପ ସାହିରେ ଜନ୍ମଗ୍ରହଣ କରିଥିଲେ । ସେ ୧୯୭୫ରେ ମାଟ୍ରିକ୍, ୧୯୭୭ରେ ଇଣ୍ଟରମିଡ଼ିଏଟ୍ ଓ ୧୯୭୯ରେ ଉତ୍କଳ ବିଶ୍ବବିଦ୍ୟାଳୟରୁ ସ୍ନାତକ ଉପାଧି ଲାଭ କରିଥିଲେ । ତତ୍ପରେ ସେ ୧୯୮୧ରେ ରାଜନୀତି ବିଜ୍ଞାନ, ୧୯୯୬ରେ ଦୂର ଶିକ୍ଷା ଓ ୧୯୯୭ରେ ସାଧାରଣ ପ୍ରଶାସନ ଆଦି ୩ଟି ବିଷୟରେ ସ୍ନାତକୋତ୍ତର ଡିଗ୍ରୀ ଲାଭ କରିଥିଲେ । ୧୯୯୧ରେ ସେ Leadership and Authority Pattern in Developing Societies: A Study of Trade Unionism ଶୀର୍ଷକ ନିବନ୍ଧ ଉପସ୍ଥାପନ କରି ଉତ୍କଳ ବିଶ୍ବବିଦ୍ୟାଳୟରୁ ପିଏଚ୍ ଡି ଓ ଗାନ୍ଧିଆନ ଷ୍ଟଡ଼ିଜରେ ପିଜି ଡିପ୍ଲୋମା ଉପାଧି ପ୍ରାପ୍ତ ହୋଇଥିଲେ । ଦୀର୍ଘ ୩୩ ବର୍ଷରୁ ଅଧିକ ସମୟ ଧରି ସେ ଉତ୍କଳ ବିଶ୍ବବିଦ୍ୟାଳୟ ଅନୁବନ୍ଧିତ ବିଭିନ୍ନ ଶିକ୍ଷାନୁଷ୍ଠାନମାନଙ୍କରେ ଅଧ୍ୟାପନା କରିବା ପରେ ମିଜୋରାମ କେନ୍ଦ୍ରୀୟ ବିଶ୍ବବିଦ୍ୟାଳୟର ଲୋକ ପ୍ରଶାସନ ବିଭାଗରେ ବରିଷ୍ଠ ପ୍ରଫେସର ଓ ବିଭଗୀୟ ମୁଖ୍ୟ, ସାମାଜିକ ବିଜ୍ଞାନ ବିଭାଗରେ ଡିନ୍ ଭାବରେ ଦାୟିତ୍ବ ନିର୍ବାହ କରିଥିଲେ । ଦେଶ ବିଦେଶର ବହୁ ଛାତ୍ରଛାତ୍ରୀ ତାଙ୍କ ଅଧିନରେ Ph. D ଓ M. Phil ଡିଗ୍ରୀ ଲାଭ କରିଛନ୍ତି । ସେ ଜାତୀୟ ଓ ଆନ୍ତର୍ଜାତୀୟ ସ୍ତରର ଅନେକ ସଂପାନମାନଙ୍କରେ ନିଜର ଗବେଷଣାତ୍ମକ ନିବନ୍ଧମାନ ଉପସ୍ଥାପନ କରିବା ସହିତ ଉଭୟ ଓଡ଼ିଆ ଓ ଇଂରାଜୀ ଭାଷାରେ ବହୁ ପୁସ୍ତକ ପ୍ରଣୟନ କରିଛନ୍ତି ।[୧][୨]
ରଚନାବଳୀ
[ସମ୍ପାଦନା]ଇଂରାଜୀ
[ସମ୍ପାଦନା]- Public Administration Today : Macro and Micro Issues
- Distance Education in India : Problems & Prospects
- Political Sociology : Ideas & Issues
- Trade Union Leadership in India : A Developmental Model
- Public Policy in Orissa – Problems and Prospects
ଓଡ଼ିଆ
[ସମ୍ପାଦନା]- ସମ୍ପର୍କ (କବିତା)
- ସମୁଦ୍ର କୂଳର ରାଜା (ଗଳ୍ପ)
- ପୁରୁଷୋତ୍ତମ ଶ୍ରୀଜଗନ୍ନାଥ (ନିବନ୍ଧ)
- ପୁରୀରୁ ପ୍ରିଟୋରିଆ (ଭ୍ରମଣ କାହାଣୀ)