ଶ୍ରଦ୍ଧା ଜାଧବ

ଶ୍ରଦ୍ଧା ଜାଧବ
श्रद्धा जाधव
Mayor of Mumbai
କାର୍ଯ୍ୟକାଳ 1 December 2009 – 8 March 2012
ପୂର୍ବ ଅଧିକାରୀ	Shubha Raul
ପର ଅଧିକାରୀ	Sunil Prabhu
ନିର୍ବାଚନ ମଣ୍ଡଳୀ	Ward 202, Mumbai
ବ୍ୟକ୍ତିଗତ ସବିଶେଷ
ଜାତୀୟତା	Indian
ରାଜନୀତିକ ଦଳ	Shiv Sena
ଜୀବନ ସାଥୀ	Sridhar
ସନ୍ତାନ	Pawan and Govind Sagar
ଘର	Parel, Mumbai

ଶ୍ରଦ୍ଧା ଜାଧବ (ଜନ୍ମ ପ୍ରାୟ ୧୯୬୪) ମହାରାଷ୍ଟ୍ରର ବମ୍ବେ ନଗରରୁ ଜଣେ ଶିବ ସେନା ନେତ୍ରୀ ଅଟନ୍ତି । ସେ ୧ ଡିସେମ୍ବର ୨୦୦୯ ରୁ ୮ ମାର୍ଚ୍ଚ ୨୦୧୨ ପର୍ଯ୍ୟନ୍ତ ମହାରାଷ୍ଟ୍ରର ରାଜଧାନୀ ମୁମ୍ବାଇର ମହାପୌର ଭାବେ କାର୍ଯ୍ୟରତ ଥିଲେ ଏବଂ ବୃହନ୍ମୁମ୍ବାଇ ମୁନିସିପାଲ କର୍ପୋରେସନ (ବିଏମସି)ର ମୁଖ୍ୟ ଭାବେ ଦାୟିତ୍ୱ ନିଭାଇଥିଲେ। ବିଏମସି ଦେଶର ସବୁଠାରୁ ସମ୍ପନ୍ନ ନଗର ନିଗମ ଭାବେ ପରିଚିତ। ସେ ୧୯୯୨ ରୁ ୨୦୧୭ ପର୍ଯ୍ୟନ୍ତ ଲଗାତାର ଛଅ ମିୟାଦ ପର୍ଯ୍ୟନ୍ତ ବୃହନ୍ମୁମ୍ବାଇ ମୁନିସିପାଲ କର୍ପୋରେସନର କର୍ପୋରେଟର ଭାବେ ନିର୍ବାଚିତ ହୋଇଥିଲେ।

ବ୍ୟକ୍ତିଗତ ଜୀବନ

ଜାଧବଙ୍କ ଜନ୍ମସ୍ଥାନ ମହାରାଷ୍ଟ୍ରର କୋଙ୍କଣ ଅଞ୍ଚଳର ସାଙ୍ଗମେଶ୍ୱର। ସେ ବାଣିଜ୍ୟ ବିଷୟରେ ସ୍ନାତକ ଡିଗ୍ରୀ ଅଧିଗତ କରିଛନ୍ତି । ସେ ଶ୍ରୀଧର ଜାଧବଙ୍କୁ ବିବାହ କରିଛନ୍ତି ଏବଂ ତାଙ୍କର ଦୁଇ ପୁଅ— ପବନ ଏବଂ ଗୋବିନ୍ଦ ସାଗର ଅଛନ୍ତି। ସେ ପରେଲ ଅଞ୍ଚଳରେ ବସବାସ କରନ୍ତି । ତାଙ୍କ ଶ୍ୱଶୁର ମୁକୁନ୍ଦ ଜାଧବ, ଜଣେ ପୂର୍ବତନ ସ୍ୱତନ୍ତ୍ର କର୍ପୋରେଟର ଥିଲେ ଏବଂ ସେହି ସମୟରେ ତାଙ୍କର ରାଜନୈତିକ ଗୁରୁ ମଧ୍ୟ ଥିଲେ। ତାଙ୍କ ପରିବାର “ମନୋହର ଡେକୋରେଟର୍ସ” ଏବଂ ଏକ ଟ୍ରାଭେଲ ଏଜେନ୍ସି ଚଳାଏ, ଯାହା ତାଙ୍କ ସ୍ୱାମୀ ପରିଚାଳନା କରନ୍ତି। ୨୦୦୭ ମସିହାରେ ବିଏମସିରେ ନିର୍ବାଚିତ ସବୁଠାରୁ ସମ୍ପନ୍ନ କର୍ପୋରେଟରମାନଙ୍କ ମଧ୍ୟରୁ ସେ ଜଣେ ଥିଲେ।

ରାଜନୈତିକ ମଣ୍ଡଳୀରେ ଜାଧବ ତାଙ୍କ “ସୁନ୍ଦର ପୋଷାକ ପରିଧାନ” ଏବଂ “ଫ୍ୟାଶନ ଜ୍ଞାନ” ପାଇଁ ପରିଚିତ, ବିଶେଷକରି ତାଙ୍କର ସୁଚିତ୍ର କପାସ ଶାଡ଼ୀ ପାଇଁ।

ରାଜନୈତିକ ଜୀବନ

୧୯୯୨ ମସିହାରେ ଜାଧବ ପ୍ରଥମେ ପରେଲ ୱାର୍ଡ ୩୬ ରୁ ସ୍ୱତନ୍ତ୍ର ପ୍ରାର୍ଥୀ ଭାବେ କର୍ପୋରେଟର ଭାବେ ନିର୍ବାଚିତ ହୋଇଥିଲେ। ପରବର୍ତ୍ତୀ ଦୁଇଟି ବିଏମସି ନିର୍ବାଚନରେ ମଧ୍ୟ ସେ ସେହି ଏକେଇ ୱାର୍ଡରୁ ବିଜୟୀ ହୋଇଥିଲେ। ୧୯୯୭ ମସିହାରେ ସେ ଶିବ ସେନାରେ ଯୋଗଦେଇଥିଲେ ଏବଂ ୧୯୯୮ ମସିହାରେ ସେତେବେଳେର ମୁମ୍ବାଇ ମହାପୌର ନନ୍ଦୁ ସତାମଙ୍କ ୧୧ ସଦସ୍ୟ ମଣ୍ଡଳୀରେ ଚୟନିତ ହୋଇଥିଲେ।

୨୦୦୬ ମସିହାରେ ସେ ମହାରାଷ୍ଟ୍ର ବିଧାନସଭା ଉପନିର୍ବାଚନରେ ନାରାୟଣ ରାଣେଙ୍କ ନିକଟ ସହଯୋଗୀ କାଳିଦାସ କୋଲମ୍ବକରଙ୍କ ବିରୋଧରେ ପ୍ରତିସ୍ପର୍ଧା କରିଥିଲେ। ୨୦୦୭ ମସିହାରେ ସେ ପରେଲ ଏବଂ ଆଣ୍ଟୋପ ହିଲ୍‌କୁ ଅନ୍ତର୍ଭୁକ୍ତ କରୁଥିବା ୱାର୍ଡ ୧୬୯ ରୁ କର୍ପୋରେଟର ଭାବେ ନିର୍ବାଚିତ ହୋଇଥିଲେ।

୧ ଡିସେମ୍ବର ୨୦୦୯ ରେ ସେ ଭାରତୀୟ ଜାତୀୟ କଂଗ୍ରେସ ପକ୍ଷର ପ୍ରିସିଲା କଦମଙ୍କୁ ୨୨୮ ସଦସ୍ୟ ବିଏମସିରେ ୧୧୪ ବିପକ୍ଷରେ ୯୬ ମତରେ ପରାଜିତ କରି ମୁମ୍ବାଇର ମହାପୌର ଭାବେ ନିର୍ବାଚିତ ହୋଇଥିଲେ। ସେ ଭାରତୀୟ ଜନତା ପାର୍ଟି (ବିଜେପି)–ଶିବ ସେନା ମେଣ୍ଟର ସଂଯୁକ୍ତ ପ୍ରାର୍ଥୀ ଥିଲେ। ସେ ଶିବ ସେନାର ଅନ୍ୟ ଜଣେ ମହିଳା ମହାପୌର ଶୁଭା ରାଉଳଙ୍କ ପରେ ମୁମ୍ବାଇର ପଞ୍ଚମ ମହିଳା ମହାପୌର ହେଲେ।

ଜାଧବ ବିଏମସିର ଉଦ୍ୟାନ ଓ ବଜାର କମିଟି, ମହିଳା ଓ ଶିଶୁ କଲ୍ୟାଣ କମିଟିର ଅଧ୍ୟକ୍ଷ ଭାବେ କାମ କରିଛନ୍ତି। ସେ ସ୍ଥାୟୀ କମିଟି ଏବଂ ସୁଧାର କମିଟିର ସଦସ୍ୟ ମଧ୍ୟ ଥିଲେ। ୨୦୧୦ ମସିହାରେ ସେ ୱାର୍ଲ୍ଡ ମେୟର ପୁରସ୍କାର ପାଇଁ ୨୫ ଜଣ ଅନ୍ତିମ ପ୍ରାର୍ଥୀମାନଙ୍କ ମଧ୍ୟରେ ଥିଲେ।

ଧାରଣ କରିଥିବା ପଦବୀ

• ୧୯୯୨: ବୃହନ୍ମୁମ୍ବାଇ ମୁନିସିପାଲ କର୍ପୋରେସନରେ କର୍ପୋରେଟର (ପ୍ରଥମ ମୟାଦ)
• ୧୯୯୭: ବୃହନ୍ମୁମ୍ବାଇ ମୁନିସିପାଲ କର୍ପୋରେସନରେ ପୁନର୍ନିର୍ବାଚିତ କର୍ପୋରେଟର (ଦ୍ୱିତୀୟ ମିୟାଦ)
• ୨୦୦୨: ବୃହନ୍ମୁମ୍ବାଇ ମୁନିସିପାଲ କର୍ପୋରେସନରେ ପୁନର୍ନିର୍ବାଚିତ କର୍ପୋରେଟର (ତୃତୀୟ ମିୟାଦ)
• ୨୦୦୭: ବୃହନ୍ମୁମ୍ବାଇ ମୁନିସିପାଲ କର୍ପୋରେସନରେ ପୁନର୍ନିର୍ବାଚିତ କର୍ପୋରେଟର (ଚତୁର୍ଥ ମିୟାଦ)
• ୨୦୦୯–୨୦୧୨: ବୃହନ୍ମୁମ୍ବାଇ ମୁନିସିପାଲ କର୍ପୋରେସନର ମହାପୌର
• ୨୦୧୨: ବୃହନ୍ମୁମ୍ବାଇ ମୁନିସିପାଲ କର୍ପୋରେସନରେ ପୁନର୍ନିର୍ବାଚିତ କର୍ପୋରେଟର (ପଞ୍ଚମ ମିୟାଦ)
• ୨୦୧୭: ବୃହନ୍ମୁମ୍ବାଇ ମୁନିସିପାଲ କର୍ପୋରେସନରେ ପୁନର୍ନିର୍ବାଚିତ କର୍ପୋରେଟର (ଷଷ୍ଠ ମିୟାଦ)