ଶୈଳରାଣୀ ମିଶ୍ର

ଉଇକିପିଡ଼ିଆ ରୁ
Jump to navigation Jump to search
ଶୈଳରାଣୀ ମିଶ୍ର
ଜନ୍ମ ଓ ଜନ୍ମସ୍ଥାନ ୧୯୩୨
ନରଣପୁର, ପୁରୀ ଜିଲ୍ଲା
ପ୍ରସିଦ୍ଧି ସମ୍ପାଦିକା
ଜୀବନସାଥି ଦୁର୍ଗା ମାଧବ ମିଶ୍ର

ଶୈଳରାଣୀ ମିଶ୍ର(ଜନ୍ମ : ୧୯୩୨) ଜଣେ [ଓଡ଼ିଆ ଭାଷା|ଓଡ଼ିଆ]] ସାହିତ୍ୟିକା ଓ ସମ୍ପାଦିକା ।[୧] ସେ "ସମାରୋହ" ପତ୍ରିକାର ସମ୍ପାଦନା କରିଥାନ୍ତି ।[୨]

ପାରିବାରିକ ଜୀବନ[ସମ୍ପାଦନା]

ଶୈଳରାଣୀ ୧୯୩୨ ମସିହାରେ ପୁରୀ ଜିଲ୍ଲା ନରଣପୁର ଗ୍ରାମର ଏକ ନୈଷ୍ଠିକ ବ୍ରାହ୍ମଣ ପରିବାରରେ ଜନ୍ମଗ୍ରହଣ କରିଥିଲେ । ତାଙ୍କର ବାପା ସରକାରୀ ଚାକିରିଅା ଥିଲେ । ସେମାନେ ଗୋଟିଏ ଭାଇ ଓ ତିନି ଭଉଣୀ ।ତାଙ୍କର ବିବାହ ୧୯୫୦ ମସିହାରେ ନୟାଗଡ଼ ଅଞ୍ଚଳର ଦୁର୍ଗା ମାଧବ ମିଶ୍ରଙ୍କ ସହିତ ହୋଇଥିଲା । ସେତେବେଳେ ସେ ୧୭ ବର୍ଷ ବୟସର ହୋଇଥିଲେ ଏବଂ ସପ୍ତମ ପଢ଼ା ସଂପୂର୍ଣ୍ଣ କରି ନ ଥିଲେ । ବଡ଼ ପୁଅ ଜନ୍ମ ହେବା ପରେ ସେ ୧୯୬୯ ମସିହାରେ ମାଟ୍ରିକ୍ ପାସ୍ କରିଥିଲେ । ତାପରେ ସେ ଶୈଳବାଳା ମହିଳା କଲେଜରୁ ବିଏ ପାସ୍ କରିଥିଲେ । ଶୈଳରାଣୀଙ୍କୁ ତାଙ୍କ ସ୍ୱାମୀଙ୍କ ଲେଖା ତଥା ବହି ପଢ଼ିବାକୁ ବହୁତ ଭଲ ଲାଗେ । ସ୍ୱାମୀଙ୍କଠାରୁ ପ୍ରେରଣା ପାଇ ସାହିତ୍ୟ ଓ ସଂପାଦନା କ୍ଷେତ୍ରରେ ସେ ନିଜକୁ ସେ ଆଗେଇ ନେଇଛନ୍ତି । ସେ ଗଳ୍ପ, ଅନୁବାଦ ଗଳ୍ପ, ଭ୍ରମଣ କାହାଣୀ, ଶିଶୁ ସାହିତ୍ୟ, କବିତା ଓ ନାଟକ କ୍ଷେତ୍ରରେ ମଧ୍ୟ ନିଜର ସୃଜନ ସ୍ୱାକ୍ଷର ସୃଷ୍ଟି କରିଛନ୍ତି । ତାଙ୍କର ଦୁଇ ପୁଅ ଓ ଗୋଟିଏ ଝିଅ ।

ଶିକ୍ଷା[ସମ୍ପାଦନା]

ବି.ଏ.

ସାହିତ୍ୟ ସର୍ଜନା[ସମ୍ପାଦନା]

ପ୍ରଜାତନ୍ତ୍ରରେ ଶୈଳରାନୀଙ୍କର ଗଳ୍ପ "ଶୈଳ ଭାଜି ପଡ଼େ" ପ୍ରକାଶ ପାଇଥିଲା । ସେହି ଗଳ୍ପରେ ଅାମ ସମାଜରେ ପ୍ରଚଳିତ କୁଶିକ୍ଷା, ଅନ୍ଧବିଶ୍ୱାସ, ନୂ୍ୟନ ମନୋଭାବ ଓ ପାତରଅନ୍ତର ବିରୁଦ୍ଧରେ ସ୍ବର ଉତ୍ତୋଳନ କରିଥିଲେ । ଯାହା ଅନେକ ଗୁରୁଜନ ଶ୍ରେଣୀର ବ୍ୟକ୍ତିଙ୍କଠାରେ ଭ୍ରୂକୁଞ୍ଚନର କାରଣ ହୋଇଥିଲା । ତାଙ୍କ ସାହସକୁ ଦେଖି ଅନେକ ଅାଶ୍ଚର୍ଯ୍ୟ ହୋଇଥିଲେ । ତାଙ୍କ ଲେଖା ମାଧ୍ୟମରେ ସୁସ୍ଥ ସାମାଜିକତା ଓ ସଂସ୍କାରକୁ ଅଗ୍ରାଧିକାର ଦେବା ପାଇଁ ଚାହିଁଥିଲେ। ତାଙ୍କ ରଚିତ ପୁସ୍ତକ ଗୁଡିକ ହେଲା :

ଗଳ୍ପ:[ସମ୍ପାଦନା]

ଯୁଥଭ୍ରଷ୍ଟ, ବିବର୍ତ୍ତିତ, ପୃଥିବୀ ଓ ଚକ୍ରବ୍ୟୂହ

ଅନୁବାଦ ଗଳ୍ପ[ସମ୍ପାଦନା]

ସୁବର୍ଣ୍ଣଲତା, ଗଳିକନ୍ଦିର ଖେଳ, ଉପଦେଶ ସାର ଓ ଯୋଗବଶିଷ୍ଠର କାହାଣୀ

ଭ୍ରମଣ କାହାଣୀ[ସମ୍ପାଦନା]

ଅମୃତ ଅନ୍ବେଷଣ 

ଶିଶୁ ସାହିତ୍ୟ[ସମ୍ପାଦନା]

ଅାଠ ସାତ ପନ୍ଦର

ସମ୍ପାଦନା[ସମ୍ପାଦନା]

ଦିବ୍ୟଜୀବନ ସଂଘର ପଲ୍ଲବ ଓ ଦିବ୍ୟସନ୍ଦେଶର ସଂପାଦନା କରିଛନ୍ତି । ସମାରୋହ ସାହିତ୍ୟ ପତ୍ରିକାର ମଧ୍ୟ ସଂପାଦନା  କରିଛନ୍ତି ।

ପୁରସ୍କାର[ସମ୍ପାଦନା]

  • ୧୯୯୭ ମସିହାରେ ଓଡ଼ିଶା ସାହିତ୍ୟ ଏକାଡେମିଦ୍ୱାରା ସମ୍ମାନିତ ହୋଇଛନ୍ତି
  • ୨୦୧୩ ମସିହାରେ ସେ ଓଡ଼ିଶା ଲେଖିକା ସଂସଦ ସମ୍ମାନ
  • ଫଲ୍ଗୁଧାରା ସମ୍ମାନ
  • ଚିରସମର୍ଧା ସମ୍ମାନ
  • କାଦମ୍ବିନୀ ସଂପାଦିକା ସମ୍ମାନ ପାଇଛନ୍ତି।[୩]

ଦିବ୍ୟଜୀବନ ସଂଘ ଆନୁକୁଲ୍ୟରେ ଛୋଟ ପିଲାମାନଙ୍କୁ ପାଠ ପଢ଼ାଇବା ଠାରୁ ଅାରମ୍ଭ କରି ଔଷଧ ବଣ୍ଟନ ଓ ବୃଦ୍ଧାଶ୍ରମ ଯାଏ ସ୍ବେଚ୍ଛାସେବୀ ଅନୁଷ୍ଠାନ ରହିଛି, ଏ ସବୁଥିରେ ଶୈଳରାଣୀ ଅଂଶଗ୍ରହଣ କରନ୍ତି । [୪]

ଆଧାର[ସମ୍ପାଦନା]